30th JANUARY 2020 CURRENT AFFAIRS TNPSC SHOUTERS TAMIL PDF

ஐபிஎம் கணினி நிறுவனத்தின் சிஇஓ-வாக அமெரிக்க வாழ் இந்தியரான அரவிந்த் கிருஷ்ணா நியமனம்

• ஐபிஎம் கணினி நிறுவனத்தின் சிஇஓ-வாக அமெரிக்க வாழ் இந்தியரான அரவிந்த் கிருஷ்ணா நியமிக்கப்பட்டுள்ளார். கம்யூட்டர்களுக்கான சாப்ட்வேர் மற்றும் ஹார்டுவேர் தயாரிப்பில் ஈடுபட்டு வருவது பன்னாட்டு நிறுவனம் ஐபிஎம் ஆகும்.

கொரோனா வைரஸ்: உலக சுகாதார அமைப்பு அவசர நிலை பிரகடனம்

• சீனாவை அச்சுறுத்தி வரும் கொரோனா வைரஸ் தாக்குதல் பல நாடுகளுக்கும் பரவியதையடுத்து உலக சுகாதார அமைப்பு,(WHO) சர்வதேச சுகாதார அவசர நிலையை பிரகடனப்படுத்தி உள்ளது.
• சீனாவில் வூஹாங் நகரில் பரவத் தொடங்கிய கொரோனா வைரஸ் அந்நாட்டின் இரு மாகாணங்கள் உட்பட உலகின் 15 நாடுகளுக்கும் பரவத் தொடங்கி உள்ளது. 
• இது உயிருக்கு ஆபத்தான கொடிய நோயாக இருப்பதால் உலகின் பலநாடுகளிலும் பீதி நிலவுகிறது. அமெரிக்கா, தென்கொரியா, இந்தோனேஷியா, பாக்., தாய்லாந்து, மற்றும் ஐரோப்பா நாடுகள் உள்ளிட்ட நாடுகளில் பரவத் தொடங்கியதையடுத்து உலக சுகாதார அமைப்பு, சர்வதேச சுகாதார அவசர நிலையை பிரகனப்படுத்தி உள்ளது.சீனா தவிர்த்து 18 உலக நாடுகளில் 98 பேருக்கு கொரோனா வைரஸ் பாதிப்பு உள்ளதாக உலக சுகாதார அமைப்பு தெரிவித்துள்ளது. 
• இதற்கு முன் 5 முறை சர்வதேச அளவில் 5 முறை, உலக சுகாதார அமைப்பு அவசர நிலையை பிரகடனப்படுத்தி உள்ளது. 2009 - எச்1என்1(H1N1)2014 - போலியோ2014 - எபோலா (வட ஆப்ரிக்கா)2016 - ஜிக்கா2019 - எபோலா (காங்கோ) வேகமாக பரவும் கொரோனா சீனாவில் கொரோனா வைரசால் 170 பேர் இது வரை உயிரிழந்துள்ளனர். 
• 7,700க்கும் அதிகாமானோருக்கு நோய் பாதிப்பு உள்ளதாக தகவல்கள் தெரிவிக்கின்றன. பாதுகாப்பு நடவடிக்கை வேகமாக பரவும் கொரோனாவால் உலகின் பல பகுதிகளிலும் பீதி நிலவுகிறது. 
• சீனாவின் முக்கிய பல நகரங்களிலும், ஹாங்காங்கிலும் கூகுளின் கிளை அலுவலகங்கள் செயல்பட்டு வந்தன.கொரோனா வைரஸ் பரவி வருவதை கருத்தில் கொண்டு, அந்த அலுவலகங்களை தற்காலிகமாக கூகுள் நிறுவனம் மூடிவிட்டது. 
• சீனாவில் இருந்து திரும்பிய கேரள மருத்துவ மாணவிக்கு, இந்த வைரஸ் பாதிப்பு இருப்பது உறுதி செய்யப்பட்டுள்ளது. இதையடுத்து, தயார் நிலையில் இருக்கும்படி, அனைத்து மாநிலங்களுக்கும், மத்திய அரசு எச்சரித்துள்ளது.

30 லட்சம் காா்களை ஏற்றுமதி செய்து ஹுண்டாய் நிறுவனம் சாதனை

• ஸ்ரீபெரும்புதூரை அடுத்த இருங்காட்டுக்கோட்டையில் ஹுண்டாய் காா் நிறுவனம் இயங்கி வருகிறது. இத்தொழிற்சாலையில், சான்ட்ரோ, ஐ10, கிராண்ட் ஐ 10, வொணா, எக்ஸ்சென்ட், ஐ 20, வெனு உள்ளிட்ட பல்வேறு மாடல்களில் காா்கள் தயாரிக்கப்படுகின்றன.
• கடந்த 1999-ஆம் ஆண்டு நேபாள நாட்டிற்கு 20 சான்ட்ரோ காா்களை அனுப்பி வைத்து தனது ஏற்றுமதியைத் தொடங்கிய ஹுண்டாய் நிறுவனம் தற்போது உலகின் 88 நாடுகளுக்கு தங்களது காா்களை ஏற்றுமதி செய்து வருகிறது.
• 2004-ஆம் ஆண்டு ஹுண்டாய் நிறுவனத்தின் காா்களின் ஏற்றுமதி எண்ணிக்கை 1லட்சமாகவும், 2010-இல் 10 லட்சமாகவும், 2014-இல் 20 லட்சமாகவும் உயா்ந்தது.
• இதைத் தொடா்ந்து, ஜன. 30-இல் ஹுண்டாய் நிறுவனத்தின் காா்களின் ஏற்றுமதி எண்ணிக்கை 30 லட்சமாக உயா்ந்து சாதனை படைத்துள்ளது.

புதிய ஆலை அமைத்தது சுந்தரம் ஃபாஸனா்ஸ்

• ஆந்திரப் பிரதேசத்தின் தடா அருகிலுள்ள ஸ்ரீ நகரிலுள்ள நிறுவனத்தின் தொழிற்சாலையில், புதிய உற்பத்திப் பிரிவொன்று தொடங்கப்பட்டுள்ளது. 
• ரூ.100 கோடி முதலீட்டில் அமைக்கப்பட்டுள்ள அந்த உற்பத்தி ஆலை, ஐரோப்பாவிலுள்ள ஒரு முன்னணி நிறுவனத்துக்குத் தேவையான உதிரிபாகங்களைத் தயாரித்து திங்கள்கிழமை ஏற்றுமதி செய்தது.
• நுணுக்கமான உதிரி பாகங்கள் தயாரிப்பதற்காகவும், புதிய பிரிவுகளில் வாடிக்கையாளா்களைக் கவரவும் புதிய உற்பத்தி ஆலை அமைக்கப்பட்டுள்ளது என்று அந்த அறிக்கையில் குறிப்பிடப்பட்டுள்ளது.

Read More

TNPSC GROUP 2 & 2A INDIAN ECONOMICS / இந்திய பொருளாதாரம் NOTES IN TAMIL & ENGLISH PDF 2019

இந்திய பொருளாதாரம் NEW BOOK STUDY MATERIALS

SYLLABUS IN ENGLISH 

• Nature of Indian economy – Five year plan models - an assessment – Planning Commission and Niti Ayog.
• Sources of revenue – Reserve Bank of India – Fiscal Policy and Monetary Policy - Finance Commission – Resource sharing between Union and State Governments - Goods and Services Tax.
• Structure of Indian Economy and Employment Generation, Land reforms and Agriculture - Application of Science and Technology in agriculture - Industrial growth - Rural welfare oriented programmes – Social problems – Population, education, health, employment, poverty.

SYLLABUS IN TAMIL

• இந்தியப் பொருளாதாரததின் இயல்புகள் - ஐந்தாண்டு திட்ட மாதிரிகள் - ஒரு மதிப்பீடு - திட்டக்குழு மற்றும் நிதி ஆயோக்.
• வருவாய் ஆதாரங்கள் - இந்திய ரிசர்வ் வங்கி - நிதி கொள்கை மற்றும் பணவியல் கொள்கை - நிதி ஆணையம் - மத்திய மாநில அரசுகளுக் கிடையேயான நிதி பகிர்வு - சரக்கு மற்றும் சேவை வரி
• இந்திய பொருளாதார அமைப்பு மற்றும் வேலைவாய்ப்பு உருவாக்கம், நிலச் சீர்திருத்தங்கள் மற்றும் வேளாண்மை - வேளாண்மையில் அறிவியல் தொழில்நுட்பத்தின் பயன்பாடு - தொழில் வளர்ச்சி, ஊரக நலன்சார் திட்டங்கள் - சமூகப் பிரச்சினைகள் - மக்கள் தொகை, கல்வி, நல்வாழ்வு, வேலைவாய்ப்பு, வறுமை.

INDIAN ECONOMICS / இந்திய பொருளாதாரம் BOOK PDF

CREATED BY TNPSC SHOUTERS

அனைவருக்கும் வணக்கம், எங்கள் தளத்தில் உள்ள  TNPSC பொது அறிவியல் மற்றும் பொது தமிழ்,HISTORY AND CULTURE OF INDIA புத்தக்களை  கீழ்க்கண்ட வங்கிக் கணக்கில் பணம் செலுத்தி உங்களது EMAIL மூலம் SOFT COPY ஆக  பெற்று கொள்ளலாம்.

ONLINE MODE

BASED ON 6th to 12th New School Books

INDIAN ECONOMICS / இந்திய பொருளாதாரம் PDF FOR TNPSC / TET / TRB
S.NO	DETAILS	PAGES	NO OF PDF’S	PRICE	BUY
1.	INDIAN ECONOMICS IN TAMIL PDF	82	1	Rs.100	BUY
2.	INDIAN ECONOMICS IN ENGLISH PDF	62	1	Rs.100	BUY

OFFLINE MODE

அனைவருக்கும் வணக்கம்,  எங்கள் தளத்தில் உள்ள   பொது தமிழ், பொது அறிவியல் மற்றும் HISTORY AND CULTURE OF INDIA, INDIAN NATIONAL MOVEMENT  GEOGRAPHY  POLITICAL  INDIAN ECONOMICS  புத்தக்களை   வங்கிக் கணக்கில் பணம் செலுத்தி உங்களது  EMAIL மூலம் SOFT COPY ஆக  பெற்று கொள்ளலாம்.

TNPSC STUDY MATERIALS முழுவதும் தமிழிலேயே உருவாக்கப்பட்டது.

OFF LINE MODE PAID THROUGH BANK 

NAME : MR. SATHAM HUSSAIN M

A/C NO. : 00000033476794994

STATE BANK OF INDIA, NAGAL NAGAR, DINDIGUL.

IFSC CODE : SBIN0015633

MICR CODE : 625002071

BRANCH : NAGAL NAGAR

SEND YOUR DETAILS NAME & EMAIL ID TO

  9698694597 / 9698271399 OR tnpscshouters@gmail.com

அவ்வாறு BANK மூலம் பணம் செலுத்திய நபர்கள் பணம் செலுத்திய விபரத்தை 9698694597  9698271399  என்ற எண்ணில் தெரிவித்தால் TNPSC பொது அறிவியல் மற்றும்  பொது தமிழ் புத்தக்களை உங்களது EMAIL மூலம் SOFT COPY ஆக பெற்று கொள்ளலாம். நன்றி!

SCREENSHOT

Read More

28th & 29th JANUARY 2020 CURRENT AFFAIRS TNPSC SHOUTERS TAMIL PDF

போடி அருகே கற்கால கல்திட்டைகள் கண்டுபிடிப்பு

• போடி, அணைக்கரைப்பட்டி அரு மரக்காமலை மலையடிவாரத்தில் பெரும் கற்கால கல்திட்டைகள் கண்டுபிடிக்கப்பட்டுள்ளன.
• இயற்கையாக கிடைக்கும் பலகை கற்களை கொண்டு சதுரம் அல்லது நீள் சதுர வடிவில் சிறு அறை போன்று வடிவத்தில் நிறுத்தி வைப்பர். உள்ளே இறந்தவர்களை வைத்து பின் மூடு பலகை கற்களால் மூடிவிடுவார்கள். 
• சில நேரங்களில் பெரிய கல்லறைகள் அமைக்க வேண்டுமானால் ஒன்றுக்கு மேற்பட்ட பலகைக் கற்களை பயன்படுத்துவார்கள்.
• இக்கல்லறைகள் பரந்த பாறைகள் மேல் அமைப்பதால் அவை சரிந்து விழாமல் இருக்க சிறு, சிறு கற்களை பயன்படுத்தி சுவர் போல் அமைப்பர். ஆறு கல்திட்டைகள் இங்கு சிதைந்த நிலையில் உள்ளன.
• இதில் 2 மூடு பலகை கற்கள் இல்லாமல் உள்ளன. மற்றவைகள் சிதைந்துள்ளன. இதன் மூலம் இப்பகுதி பெரும் கற்காலத்தில் இனக்குழுவாக வாழ்ந்த மனிதனின் வாழ்விடமாக இருந்துள்ளது. இப்பகுதியில் ஒரு குழுவிற்கும், மற்றொரு குழுவிற்கும் இடையே நடந்த சண்டையில் வீரமாக இறந்தவர்களுக்காக அல்லது குழுவின் தலைவனுக்காக உருவாக்கப்பட்டிருக்கலாம்.
• கல்திட்டை எல்லா மனிதர்களும் எடுப்பதில்லை. இப்பகுதி மக்கள் இதை குள்ள மனிதர்கள் வாழ்ந்த வீடு என்கின்றனர். பெருங்கற்காலத்தில் இங்கு மனிதர் வாழ்ந்தற்கு முக்கிய தடயமாக இருப்பதால் மீதமுள்ளவற்றை பாதுகாக்க வேண்டும்.

அரியலூர், கள்ளக்குறிச்சியில் புதிதாக மருத்துவக் கல்லூரிகள் - மத்திய அரசு ஒப்புதல்

• தமிழக அரசின் கோரிக்கையை ஏற்று 2 மருத்துவக் கல்லூரிகள் அமைக்க மத்திய சுகாதாரத்துறை ஒப்புதல் அளித்துள்ளது. அரியலூருக்கு ரூ.325 கோடி, கள்ளக்குறிச்சிக்கு ரூ.325 கோடி என மொத்தம் 650 கோடி ரூபாய் மதிப்பில் மத்திய, மாநில அரசுகளின் நிதி பங்களிப்பில் மருத்துவக் கல்லூரிகள் அமைக்கப்பட உள்ளன.
• இதில், மத்திய அரசின் நிதி பங்களிப்பு 60 சதவீதமாகவும், மாநில அரசின் பங்களிப்பு 40 சதவீதமாகவும் இருக்கும் என மத்திய சுகாதாரத்துறை தமிழக சுகாதாரத்துறைக்கு எழுதியுள்ள கடிதத்தில் தெரிவிக்கப்பட்டுள்ளது.

உலகத் திருக்குறள் 2ஆவது மாநாடு

• உலகத் திருக்குறள் இரண்டாவது மாநாடு சென்னை உலகத் தமிழாராய்ச்சி நிறுவனம், மதுரை காமராஜர் பல்கலைக்கழக தமிழியல் துறை, இதய நிறைவு தியான அமைப்பு ஆகியவை சார்பில் இலங்கை யாழ்ப்பாணம் பல்கலைக்கழகம் கைலாசபதி கலையரங்கில் அடுத்த மாதம் 21-ஆம் தேதி முதல் 23-ஆம் தேதி வரை 3 நாள்கள் நடைபெறுகிறது.
• இதைமுன்னிட்டு இலங்கையின் உரும்பிராய் மற்றும் காரைத்தீவு ஆகிய இரண்டு இடங்களில் திருவள்ளுவர் சிலை நிறுவப்படுகிறது. இதற்காக கன்னியாகுமரி மாவட்டம் மயிலாடியைச் சேர்ந்த சிற்பி பாலகிருஷ்ணன் இரண்டு சிலைகளை வடிவமைத்தார். 

ஹிந்தி வார்த்தை, 'சம்விதான்' 'ஆக்ஸ்போர்டு' அகராதி தேர்வு

• கடந்த ஆண்டின், 'ஆக்ஸ்போர்டு' ஹிந்தி வார்த்தையாக, 'சம்விதான்' தேர்வு செய்யப்பட்டுள்ளது' என, ஆக்ஸ்போர்டு பல்கலைக்கழக அச்சகம் அறிவித்துள்ளது. 
• ஆக்ஸ்போர்டு அகராதி குழு, '2019ம் ஆண்டின் ஹிந்தி வார்த்தை' குறித்த தேர்வுக்கான அறிவிப்பை, முகநுாலில் வெளியிட்டிருந்தது. இதையடுத்து நுாற்றுக்கணக்கானோர், பலதரப்பட்ட ஹிந்தி வார்த்தைகளை அனுப்பியிருந்தனர். அவற்றை, மொழி வல்லுனர்களின் துணையுடன், ஆக்ஸ்போர்டு அகராதி குழு ஆராய்ந்து, இறுதியில், 'சம்விதான்' என்ற வார்த்தையை தேர்வு செய்துள்ளது. 
• ஹிந்தியில், 'சம்விதான்' என்றால், அரசியல் சாசனம் என்று பொருள். இந்த வார்த்தை, 2019ல் அதிகமானோரை ஈர்த்துள்ளது.அரசியல் சாசனம் என்பது, ஜனநாயகம், மதச்சார்பின்மை, நீதி, சுதந்திரம், சமத்துவம், சகோதரத்துவம் ஆகியவற்றை உள்ளடக்கியது.'அடிப்படை கொள்கைகளின் முதுகெலும்பு' என, சம்விதான் வார்த்தைக்கு பொருள் கூறலாம். 
• அதன் அடிப்படையில் தான், ஓர் அரசு, நிர்வாகம் செய்ய முடியும்.கடந்தாண்டு ஆகஸ்டில், காஷ்மீருக்கான சிறப்பு அந்தஸ்து நீக்கப்பட்டது. அப்போது, சம்விதான் வார்த்தை, அதிக அளவில் பேசப்பட்டது.
• அடுத்து, சபரிமலையில் அனைத்து பெண்களுக்கும் அனுமதி, மஹாராஷ்டிராவில் புதிய அரசின் நம்பிக்கை கோரும் தீர்மானம், கர்நாடக முன்னாள் சபாநாயகரின், 17 எம்.எல்.ஏ.,க்கள் தகுதி நீக்க உத்தரவு போன்றவற்றின் போதும், சம்விதான் வார்த்தை, அதிகமானோர் கவனத்தை ஈர்த்தது. 

அமெரிக்காவிற்கான இந்தியா தூதராக தரஞ்சித் சிங் சந்து நியமனம்

• மூத்த தூதர் தரஞ்சித் சிங் சந்தூ அமெரிக்காவுக்கான இந்தியாவின் தூதராக நியமிக்கப்பட்டுள்ளதாக வெளியுறவு அமைச்சகம் தெரிவித்துள்ளது. 1988 தொகுதி இந்திய வெளியுறவு சேவை அதிகாரியான திரு. சந்து தற்போது இலங்கையில் இந்திய உயர் ஸ்தானிகராக நியமிக்கப்பட்டுள்ளார்.
• அவர் ஹர்ஷ் வர்தன் ஷ்ரிங்க்லாவை வாஷிங்டனில் இந்தியாவின் தூதராக மாற்றியுள்ளார். திரு. ஷ்ரிங்லா இந்தியாவின் அடுத்த வெளியுறவு செயலாளராக பெயரிடப்பட்டார். 
• அமெரிக்காவுக்கான இந்திய தூதராக உள்ள ஹர்ஷவர்தன் சிறிங்கலா (Harsh Vardhan Shringla) வெளியுறவு செயலராக நியமிக்கப்பட்டுள்ளார். இந்நிலையில், அமெரிக்காவுக்கான புதிய இந்திய தூதராக தரண்ஜித் சிங் சந்துவின் பெயர் அறிவிக்கப்பட்டுள்ளது.
• 1988 ஆம் ஆண்டு பேட்ச் IFS அதிகாரியான சந்து, 2017ஆம் ஆண்டு முதல் இலங்கைக்கான இந்திய தூதராக உள்ளார். அதற்கு முன்னர் பல ஆண்டுகள் வாஷிங்டனில் இந்திய தூதரகத்தில் பணியாற்றிய அனுபவம் உள்ளவர் தரண்ஜித் சிங் சந்து என்பது குறிப்பிடத்தக்கது.

இந்தியாவின் முதல் நீருக்கடியில் அமையும் மெட்ரோ ரயில் சுரங்க பாதை: மேற்கு வங்கத்தில் அமைகிறது

• கொல்கத்தா மெட்ரோ ரயில் கார்ப்பரேஷன், நகரின் கிழக்கு,மேற்கு பகுதிகளை இணைக்கும் திட்டத்திற்காக ஹுக்ளி ஆற்றின் கீழ் மெட்ரோ ரயில் சுரங்க பாதை அமைக்கிறது. பல ஆண்டுகளாக நடைபெற்று வந்த பணிகள், 2022ம் ஆண்டிற்குள் முடிக்க திட்டமிடப்பட்டுள்ளது.
• அதற்காக 2,000 கோடி ரூபாயை இந்திய ரயில்வ வாரியத்திடம் இருந்து கொல்கத்தா மெட்ரோ ரயில் கார்ப்பரேஷன் பெறுவதற்காக காத்திருக்கிறது. கொல்கத்தா மெட்ரோ ரயில் கார்ப்பரேஷனுக்கு ஏற்கனவே 4160 கோடி வழங்கப்பட்டு இருக்கிறது.
• காலதாமதம் காரணமாக மொத்த திட்ட செலவு 14 கிலோ மீட்டருக்கு 4,900 கோடி ரூபாயில் இருந்து 17 கிலோ மீட்டருக்கு 8,600 கோடி ரூபாயாக உயர்ந்துள்ளது. ஜப்பான் நிறுவனம் இந்த மெட்ரோ சேவையை அமைக்க 48.5 சதவீதம் கடன் கொடுத்துள்ளது.
• ஹுக்ளி ஆற்றில் அமைய உள்ள புதிய பாதை மூலம் நாள்தோறும் 9 லட்சம் பேர் பயணிப்பார்கள் என்று எதிர்பார்க்கப்படுகிறது. கொல்கத்தா நகரின் மக்கள் தொகையில் 20 % பேர் தினமும் இந்த நீருக்கடியிலான மெட்ரோவில் பயணம் செய்யும் போது அவர்களின் பயண நேரம் 20 நிமிடங்கள் தான் என்பது கூடுதல் தகவல்.
• மொத்த போக்குவரத்து தேவையில் 40% இந்த இரண்டு மெட்ரோ சேவைகளால் கையாளப்படும். சுற்றுச்சூழல் மாசுபாட்டில் இருந்த கொல்கத்தா நகரை பாதுகாக்கலாம் என்று கொல்கத்தா மெட்ரோ ரயில் கார்ப்பரேஷன் நிர்வாக இயக்குனர் மனாஸ் சர்க்கார் கூறி இருக்கிறார்.

'ஒவ்வொரு துளி நீருக்கும் அதிக அறுவடை'' என்ற குறிக்கோளுடன் சாகுபடி மேற்கொள்ள வேண்டும்..: மோடி பேச்சு

• ஒவ்வொரு துளி நீருக்கும் அதிக அறுவடை என்ற குறிக்கோளுடன் சாகுபடி மேற்கொள்ள வேண்டும் என்று குஜராத் காந்திநகரில் உலக உருளைக்கிழங்கு மாநாட்டை தொடங்கி வைத்து பிரதமர் மோடி கூறியுள்ளார். நீர்ப்பாசனத்தில் அறிவியல், தொழில்நுட்ப அணுகு முறைகளை மேற்கொள்ளை பிரதமர் வலியுறுத்தியுள்ளார்.

ஏற்றதாழ்வை குறைத்த டிஜிட்டல் இந்தியா

• ஐ.நா.,வின் பொருளாதாரம் மற்றும் சமூக விவகாரத்துறை சார்பில், சர்வதேச சமூக அறிக்கை - 2020 என்ற ஆய்வு, சமீபத்தில் மேற்கொள்ளப்பட்டது.
• இந்தியாவில், அனைவரும் வங்கி கணக்கு துவங்க, 2014ல், மத்திய அரசு அறிவுறுத்தியது. மொபைல் போன் பயன்பாடு அதிகரிக்க துவங்கியது. பல்வேறு துறைகளும், 'டிஜிட்டல்' மயமாக துவங்கின. இதற்கிடையே ஆதார் அட்டை அறிமுகமாகி, அந்த எண், வங்கி கணக்குகளுடன் இணைக்கப்பட்டது.
• எனவே, 2015ல், இந்தியாவில் வங்கி கணக்கு இல்லாதவர்களின் எண்ணிக்கை, பாதிக்கு பாதியாக குறைந்தது. நாட்டின், 80 சதவீதத்தினர், வங்கி கணக்கு வைத்துள்ள நிலையை, 2017ல் இந்தியா எட்டியது. இங்கு, டிஜிட்டல் தொழில்நுட்பம் ஊக்குவிக்கப்பட்டதன் வாயிலாக, ஏற்றத்தாழ்வுகள் பெருமளவில் குறைந்துள்ளன.

ஜி.எஸ்.டி., கண்காணிப்பாளர் ஜனாதிபதி பதக்கத்திற்கு தேர்வு

• மத்திய நேரடி வரிகள் வாரியம் மற்றும் சுங்கத்துறையில் சிறப்பாக செயல்பட்டதற்காக தமிழகம் மற்றும் புதுச்சேரி மண்டல ஜி.எஸ்.டி. முதன்மை அலுவலக கண்காணிப்பாளர் வி.ஸ்ரீதேவி ஜனாதிபதி பதக்கத்திற்கு தேர்வு செய்யப்பட்டுள்ளார்.
• இவர் ஜி.எஸ்.டி மத்திய கலால் வரி கணினி போன்றவற்றில் முறையான பயிற்சியாளராக உள்ளார். வரி ஏய்ப்பு எதிர்ப்புப் பணி பில் வர்த்தக வழக்குகள் பதிவு போன்றவற்றில் சாதனை படைத்துள்ளார்.
• ஜி.எஸ்.டி. மத்திய கலால் வரி ஆகியவற்றின் வாயிலாக 100 கோடி ரூபாய்க்கு மேல் வசூலித்துள்ளார். ஜி.எஸ்.டி. அறிமுகம் செய்யப்பட்ட போது அது தொடர்பாக பல்வேறு சேனல்களில் தமிழில் விளக்கமளித்தவர்.

உலகிலேயே அதிக போக்குவரத்து நெருக்கடி: பெங்களூரு முதலிடம்

• உலகத்திலேயே போக்குவரத்து நெருக்கடி மிகுந்த நகரங்களில் பெங்களூரூ முதலிடத்தில் உள்ளதாக ஆய்வில் தெரியவந்துள்ளது. லொகேஷன் டெக்னாலஜி கம்பெனியான டாம் டாம் (டாம்2), உலகம் முழுவதும் போக்குவரத்து நெருக்கடியான நகரங்கள் குறித்து ஆய்வை நடத்தியது. 
• இந்தியா நகரங்களான பெங்களூரூ முதலிடத்திலும், மும்பை நகரம் 4வது இடத்திலும், புனே 5வது இடத்திலும் , தலைநகர் டில்லி 8வது இடத்திலும் உள்ளன. மேலும் பிலிப்பைன்சின் மணிலா, கொலம்பியாவின் பகோடா, ரஷ்யாவின் மாஸ்கோ, பெருவின் லிமா,துருக்கியின் இஸ்தான்புல், இந்தோனேஷியாவின் ஜகர்த்தா ஆகிய நகரங்களும் முதல் 10 இடங்களுக்குள் இடம் பிடித்துள்ளது. 
• மேலும், பெங்களூரு மக்கள் ஒரு ஆண்டிற்கு 243 மணிநேரங்களை போக்குவரத்து நெருக்கடியில் கழிக்கின்றனர். அதாவது, 10 நாட்கள் 3 மணிநேரம் போக்குவரத்து நெருக்கடியில் சிக்குகின்றனர்.
• அதேபோல், மும்பை மக்கள், 209 மணி நேரங்களும், புனே நகரத்தினர் 193 மணிநேரங்களும், டில்லி மக்கள் 190 மணிநேரங்களும் இழக்கின்றனர்.

கருக்கலைப்புக்கு 24 வாரம் அனுமதி: மத்திய அரசு ஒப்புதல்

• 1971ம் ஆண்டு கொண்டு வரப்பட்ட மருத்துவ கருக்கலைப்பு சட்டத்தின் படி, 20 வாரங்களுக்கு மட்டுமே கருக்கலைப்பு செய்ய அனுமதிக்கப்பட்டிருந்தது. இதற்கான காலஅளவை 26 வாரங்களாக அதிகரிக்க வேண்டும் என சுப்ரீம் கோர்ட்டில் வழக்கு தொடரப்பட்டது. 
• இதற்கு பதிலளித்த மத்திய அரசு, இந்தியக் குடிமக்கள் ஒவ்வொருவருக்கும் பாதுகாவலனாக அரசு செயல்படுகிறது. 
• கர்ப்பிணியின் வயிற்றில் வளரும் குழந்தை, வளர்ச்சியை நிலையை எட்டிய பின்னர், தாய்க்கும் சிசுவுக்கும் பாதுகாப்பு அளிப்பது என்பது மத்திய அரசின் கடமை என குறிப்பிடப்பட்டிருந்தது.
• இந்நிலையில் கருக்கலைப்புக்கான காலஅளவில் மாற்றம் கொண்டு வரப்படும் என மத்திய அமைச்சர் பிரகாஷ் ஜவடேகர் தெரிவித்துள்ளார். 
• அவர் கூறுகையில், இந்தியாவில் கருக்கலைப்புக்கு அனுமதி அளிக்கப்படும் கால அளவை 24 வாரங்களாக உயர்த்த அரசு ஒப்புதல் அளித்துள்ளது. இதுபற்றி அமைச்சரவை கூட்டத்திலும் விவாதிக்கப்பட்டது, என்றார். 
• இதன்மூலம் அடுத்த வரவிருக்கும் பார்லி., கூட்டத்தொடரில் மருத்துவ கருக்கலைப்பு சட்டத்திருத்த மசோதா தாக்கல் செய்யப்படும் என கூறப்படுகிறது.

ரஞ்சி ரவி யாதவ் உலக சாதனை

• இந்தியாவில் ரஞ்சி கோப்பை கிரிக்கெட் தொடர் நடக்கிறது. இதன் 'பி' பிரிவு லீக் போட்டியில் மத்திய பிரதேசம் (ம.பி.,), உ.பி., அணிகள் இந்துாரில் மோதுகின்றன. முதல் இன்னிங்சில் ம.பி., அணி 230 ரன்கள் எடுத்தது.
• இதையடுத்து முதல் தர அறிமுக போட்டியில் முதல் ஓவரில் 'ஹாட்ரிக்' விக்கெட் வீழ்த்திய முதல் பவுலர் என உலக சாதனை படைத்தார் ரவி யாதவ். இதற்கு முன் இந்தியாவின் ஸ்ரீநாத், சலில் அங்கோலா, அபிமன்யு மிதுன் உள்ளிட்ட 7 இந்திய வீரர்கள் அறிமுக போட்டியில் 'ஹாட்ரிக்' விக்கெட் வீழ்த்தினர்.
• சர்வதேச அளவில் தென் ஆப்ரிக்காவின் ரிக்கி பிளிப், 1939-40ல் முதல் 3 போட்டியில் பவுலிங் செய்யவில்லை. 4வது போட்டியில் முதன் முறையாக பந்து வீசிய ஓவரில் இதுபோல சாதித்தார். மற்றபடி, அறிமுக போட்டியில், முதல் ஓவரில் அசத்தியது ரவி யாதவ் மட்டும் தான்.

Read More

27th JANUARY 2020 CURRENT AFFAIRS TNPSC SHOUTERS TAMIL PDF

நுண்ணீர் பாசனத்தை கண்காணிக்க அண்ணா பல்கலையுடன் ஒப்பந்தம்

• நாடு முழுவதும், பிரதமரின் நுண்ணீர் பாசன திட்டத்தை மத்திய அரசு செயல்படுத்தி வருகிறது. தமிழகத்தில், பாசன பற்றாக்குறை உள்ளதால், இத்திட்டத்திற்கு முக்கியத்துவம் அளிக்கப்படுகிறது.
• இலக்குசிறு, குறு விவசாயிகளுக்கு இலவசமாகவும், மற்ற விவசாயிகளுக்கு, 75 சதவீத மானியத்திலும், நுண்ணீர் பாசன கட்டமைப்புகள் அமைத்து தரப்படுகின்றன. தமிழகத்தில் இதுவரை, 11.1௦ லட்சம் ஏக்கர் நிலங்களுக்கு நுண்ணீர் பாசன வசதி செய்யப்பட்டுள்ளது.
• நடப்பாண்டில், 6.17 லட்சம் ஏக்கரில் நுண்ணீர் பாசனம் அமைக்க, மத்திய, மாநில அரசுகள் இலக்கு நிர்ணயம் செய்தன. இதற்காக, 800 கோடி ரூபாய் ஒதுக்கப்பட்டு உள்ளது. இதுவரை, 3.70 லட்சம் ஏக்கரில், நுண்ணீர் பாசன கட்டமைப்புகள் அமைத்து தரப்பட்டுள்ளன.
• மீதமுள்ள இலக்கை அடைவதற்கான பணிகள் நடந்து வருகின்றன. நுண்ணீர் பாசன கட்டமைப்பை அமைத்து தரும் நிறுவனங்கள், மூன்று ஆண்டுகள், அவற்றை பராமரிக்க வேண்டும். 
• தகவல்சில இடங்களில் முறையாக பராமரிக்கப்படுவது இல்லை என்ற புகார், விவசாயிகள் மத்தியில் எழுந்தது. திட்டத்தை செயலாக்கம் செய்வதிலும், சில இடங்களில் பிரச்னை உள்ளது.
• எனவே, இப்பிரச்னைக்கு தீர்வு காண, அண்ணா பல்கலையுடன், தோட்டக்கலை துறை ஒப்பந்தம் செய்துள்ளது. வேளாண்துறை செயலர் ககன்தீப் சிங், தோட்டக்கலைத்துறை இயக்குனர் சுப்பையன் இதற்கான முயற்சிகளை மேற்கொண்டனர்.
• இதன்படி, அண்ணா பல்கலையின், பாசன பொறியியல் பிரிவு வல்லுனர் குழுவினர்,மாநிலம் முழுவதும் சென்று, திட்ட பணிகளை கண்காணிக்க உள்ளனர். 

சூரிய சக்தி மின்சாரம் கொள்முதல் 2,800 மெகா வாட் தாண்டி சாதனை

• காற்றாலை, சூரியசக்தி மின் நிலையங்களில் இருந்து கிடைக்கும் மின்சாரம், சுற்றுச்சூழலை பாதிப்பதில்லை. தமிழகத்தில், ஆண்டுக்கு, 300 நாட்களுக்கு மேல், சூரியசக்தி மின்சாரம் கிடைக்கும் சூழல் நிலவுகிறது. இதனால், பல நிறுவனங்களும், நம் மாநிலத்தில், சூரியசக்தி மின் நிலையம் அமைக்க, ஆர்வம் காட்டுகின்றன. 
• தற்போதைய நிலவரப்படி, தென் மாவட்டங்களில், தனியார் நிறுவனங்கள், 3,674 மெகா வாட் திறனில், சூரியசக்தி மின் நிலையங்கள் அமைத்துள்ளன. அவற்றில், தினமும், 1,800 - 2,000 மெகா வாட் மின்சாரம் கிடைக்கிறது. அந்த மின்சாரத்தை, மின்சார ஒழுங்குமுறை ஆணையம் நிர்ணயித்துள்ள விலைக்கு, மின் வாரியம் கொள்முதல் செய்கிறது. 
• கடந்த, 2019 அக்டோபர், 4ம் தேதி, சூரியசக்தி மின் நிலையங்களில் இருந்து, 2,475 மெகா வாட் மின்சாரம் கொள்முதல் செய்யப் பட்டது. 
• இதுவே, இதுவரை உச்ச அளவாக இருந்தது.தற்போது, இரவில் கடும் குளிர் நிலவினாலும், பகலில், வெயில் சுட்டெரிக்கிறது. அதனால், இம்மாதம், 25ம் தேதி, சூரியசக்தி மின் நிலையங்களில் இருந்து, 2,735 மெகா வாட் கொள்முதல் செய்து, பழைய சாதனை முறியடிக்கப் பட்டது. 
• அதற்கு அடுத்த நாள், அதாவது, குடியரசு தினத்தன்று, மின் வாரியம் முதல் முறையாக, 2,803 மெகா வாட் சூரியசக்தி மின்சாரத்தை கொள்முதல் செய்து, புதிய சாதனை படைத்துள்ளது. 

போடோ அமைதி ஒப்பந்தம் கையெழுத்து

• வடகிழக்கு மாநிலமான அசாமை பிரித்து, தனியாக போடோலாந்து மாநிலம் உருவாக்கக் கோரி போராட்டம் நடத்தி வந்த குழுக்களுடன், அமைதி ஒப்பந்தம் செய்யப்பட்டுள்ளது. இதன் மூலம், 40 ஆண்டுகளாக நீடித்து வந்த பிரச்னைக்கு தீர்வு ஏற்பட்டுள்ளது.
• வடகிழக்கு மாநிலமான அசாமில், முதல்வர் சர்பானந்தா சோனேவால் தலைமையிலான, பா.ஜ., அரசு நடக்கிறது. இங்கு, நான்கு மாவட்டங்களில், போடோ உள்ளிட்ட மலைவாழ் சமூகத்தினர் அதிகம் வசிக்கின்றனர்.
• இவர்கள், தங்களை அசாமில் இருந்து பிரித்து, போடோலாந்து என, தங்களுக்கென தனி மாநிலம் அமைக்க வேண்டும் என, 40 ஆண்டுகளாக போராடி வருகின்றனர்.இந்தப் பிரச்னை தொடர்பாக, போராட்டத்தில் ஈடுபட்டுள்ள குழுக்களுடன், ஏற்கனவே, இரண்டு ஒப்பந்தங்கள் கையெழுத்தாயின. 
• கடந்த, 1993ல், ஏ.பி.எஸ்.யு., எனப்படும் அனைத்து போடோ மாணவர் சங்கத்துடன் செய்யப்பட்ட ஒப்பந்தத்தின்படி, பி.ஏ.சி., எனப்படும், போடோலாந்து தன்னாட்சி கவுன்சில் அமைக்கப்பட்டது. அதற்கு, 10 ஆண்டுகளுக்குப் பின், 2003ல், போடோ விடுதலைப் புலிகள் அமைப்புடன் ஒப்பந்தம் செய்யப்பட்டது. 
• அதன்படி, பி.டி.சி., எனப்படும் போடோலாந்து பிராந்திய கவுன்சில் அமைக்கப்பட்டது. அத்துடன் கோக்ரஜார், பக்சா, சிராங்க், உதல்குரி மாவட்டங்களையும் சேர்த்து, பி.டி.ஏ.டி., எனப்படும் போடோலாந்து பிராந்திய மாவட்டங்கள் என்று அழைக்கப்பட்டன.
• நீண்டகாலம் நீடித்து வந்த இந்தப் பிரச்னைக்கு தீர்வு காணும் வகையில், ஆயுதம் ஏந்தி போராட்டத்தில் ஈடுபட்டு வந்த, என்.டி.எப்.பி., எனப்படும் போடோலாந்துக்கான தேசிய ஜனநாயக முன்னணியுடன், முத்தரப்பு ஒப்பந்தம் நேற்று கையழுத்தானது.முக்கிய அமைப்புஇந்த அமைப்பின் நான்கு பிரிவுகளும் இணைந்து, இந்த ஒப்பந்தத்தில் கையெழுத்திட்டுள்ளன.
• இந்த ஒப்பந்தத்தின் அடிப்படையில், பி.டி.ஏ.டி., எனப்படும் பகுதி, இனி, போடோலாந்து மண்டலம் என்றழைக்கப்படும்.
• அசாமின் மலைப் பகுதியில் வசிக்கும் போடோ மக்களுக்கு, மலைவாழ் பழங்குடியினர் அந்தஸ்து கிடைக்கும். போடோ மொழி, அசாம் அரசின் துணை அரசு அலுவலக மொழியாகும்.இந்த ஒப்பந்தத்தின் மூலம், ஆண்டுக்கு, 250 கோடி ரூபாய் என, மூன்று ஆண்டுகளுக்கு, வளர்ச்சிப் பணிகளுக்கு மாநில அரசு செலவிடும். 
• அதற்கு இணையான தொகையை, மத்திய அரசும் செலவிடும். அடுத்த, மூன்று ஆண்டுகளில், ஒட்டுமொத்தமாக, 1,500 கோடி ரூபாய் மதிப்பிலான வளர்ச்சிப் பணிகள் செயல்படுத்தப்பட உள்ளன.இந்த நிதியில் இருந்து, தொழிற்சாலைகள் அமைப் பது, சுற்றுலாவை மேம்படுத்துவது போன்ற திட்டங்கள் செயல்படுத்தப்படும்.
• மேலும், உபேந்திரநாத் பெயரில் மத்திய பல்கலை, தேசிய விளையாட்டு பல்கலை அமைக்கப்பட உள்ளன. பிராந்திய மருத்துவ மையம், ஓட்டல் நிர்வாக மையம், பால் பண்ணை, தேசிய தொழில்நுட்ப மையம் உள்ளிட்டவையும் அமைக்கப்பட உள்ளன.
• போடோ இயக்கத்துக்காக நடந்த போராட்டங்களில் உயிரிழந்தோர் குடும்பத்துக்கு, தலா, 5 லட்சம் ரூபாய் வழங்கப்பட உள்ளது.

குடியுரிமை திருத்த சட்டத்துக்கு எதிராக மேற்கு வங்க சட்டசபையில் தீர்மானம்

• குடியுரிமை திருத்த சட்டத்தை வாபஸ் பெறக் கோரி, மேற்கு வங்க சட்டசபையில் தீர்மானம் நிறைவேற்றப்பட்டுள்ளது.பாகிஸ்தான், வங்கதேசம், ஆப்கானிஸ்தான் ஆகிய நாடுகளில, மத ரீதியாக பாதிக்கப்பட்டு, இந்தியா வந்துள்ளவர்களுக்கு குடியுரிமை வழங்கும் வகையில், குடியுரிமை சட்டத்தில், மத்திய அரசு திருத்தம் செய்துள்ளது. 
• இதற்கான மசோதா, பார்லி.,யின் இரு சபைகளிலும் நிறைவேற்றப்பட்டு, ஜனாதிபதியும் ஒப்புதல் அளித்துள்ளார். இதையடுத்து, குடியுரிமை திருத்த சட்டம் நடைமுறைக்கு வந்துள்ளது. 
• இந்த சட்ட திருத்தத்துக்கு, காங்கிரஸ் உள்ளிட்ட எதிர்க்கட்சிகள் கடும் எதிர்ப்பு தெரிவித்து வருகின்றன.இடது ஜனநாயக முன்னணி ஆட்சி நடக்கும் கேரளா, காங்கிரஸ் ஆட்சி நடக்கும் ராஜஸ்தான், பஞ்சாப் ஆகிய மாநிலங்களில், குடியுரிமை திருத்த சட்டத்தை வாபஸ் பெறக் கோரி, சட்ட சபைகளில் தீர்மானம் நிறைவேற்றப்பட்டுள்ளது.
• இந்நிலையில், முதல்வர் மம்தா பானர்ஜி தலைமையிலான, திரிணமுல் காங்கிரஸ் ஆட்சி நடக்கும் மேற்கு வங்கத்திலும், குடியுரிமை திருத்த சட்டத்தை வாபஸ் பெறக் கோரி, சட்டசபையில் நேற்று தீர்மானம் நிறைவேற்றப்பட்டுள்ளது.

ஆந்திராவில் மேல்சபை கலைக்கப்படும்: அமைச்சரவையில் தீர்மானம் நிறைவேற்றம்

• ஆந்திராவில், மூன்று தலைநகரங்கள் மசோதாவை நிறைவேற்ற முடியாததால், செயல்பாட்டில் உள்ள மேல்சபை கலைக்கப்படும் என, அமைச்சரவை தீர்மானம் நிறைவேற்றியது.
• ஆந்திராவில், முதல்வர் ஜெகன்மோகன் ரெட்டி தலைமையில், ஒய்.எஸ்.ஆர்., காங்கிரஸ் ஆட்சி நடக்கிறது. இம்மாநிலத்தில், சட்டசபை மட்டு மின்றி மேல்சபையும் செயல்பாட்டில் உள்ளது. ஆந்திர சட்டசபையில் நிறைவேற்றப்படும் தீர்மானங்களை, மேல்சபையின் ஒப்புதலுக்கு அனுப்பி வைக்க வேண்டும் என, விதிகள் உள்ளன. 
• ஆந்திர மேல்சபையில், ஒய்.எஸ்.ஆர்.காங்., கட்சிக்கு ஒன்பது உறுப்பினர்கள் மட்டும் உள்ளனர். எதிர்க்கட்சியான தெலுங்கு தேசத்திற்கு, 33 உறுப்பினர்கள் உள்ளனர். 
• இந்நிலையில், ஆந்திர மாநிலத்திற்கு மூன்று தலைநகரங்கள் அமைப்பது உள்ளிட்ட, இரண்டு மசோதாக்கள் சட்டசபையில் நிறைவேற்றப்பட்டு, மேல்சபையின் ஒப்புதலுக்கு அனுப்பப்பட்டன. 
• யோசிக்க வேண்டும்மேல்சபையில், ஒய்.எஸ்.ஆர்.காங்., கட்சிக்கு பெரும்பான்மை இல்லாததால், இந்த மசோதாக்களை நிறைவேற்ற முடியவில்லை. 
• தெலுங்கு தேசம் கட்சி உறுப்பினர்களின் கோரிக்கையை ஏற்று, மசோதாக்கள், சிறப்பு குழுவின் பரிசீலனைக்கு அனுப்பி வைக்கப்பட்டன. 
• இதைத் தொடர்ந்து, சட்டசபையில் முதல்வர் ஜெகன்மோகன்ரெட்டி கூறும்போது, ''அரசியல் நோக்கங்களுடன் மட்டுமே செயல்படும் மேல்சபை, நமக்கு தேவையா என, யோசிக்க வேண்டும்,'' என்றார். இதை தொடர்ந்து, மேல்சபையை அகற்றுவது என, ஆந்திர அமைச்சரவையில் தீர்மானம் நிறைவேற்றப்பட்டது.

2024ம் ஆண்டுக்குள் இந்திய ரயில்வே முழுவதும் மின்மயம்: ரயில்வே அமைச்சர்

• பிரேசில் அதிபர் இந்தியா வந்துள்ளதையடுத்து, இந்தியா - பிரேசில் தொழில்துறை கூட்டம் நடைபெற்றது. இதில் வர்த்தகப் பொறுப்பையும் சேர்த்து வகிக்கும் பியூஷ் கோயல் பேசினார்.
• 'வரும் 2024ம் ஆண்டிற்குள் அனைத்து ரயில்களையும் மின்மயமாக்க திட்டமிட்டுள்ளோம். அப்படியான நடவடிக்கை பூர்த்தியடைந்தால், உலகிலேயே 100% மின்சாரத்தில் இயங்கும் ரயில்வே துறை இந்தியாவினுடையதாக இருக்கும்.
• அதேசமயம், வரும் 2030ம் ஆண்டில், முழு ரயில்வே நெட்வொர்க்கையும் முற்றிலும் உமிழ்வற்ற வலையமைப்பாக மாற்றுவதற்கும் திட்டமிட்டுள்ளோம். அது தூய்மை சக்தியாக இயங்கும்' என்று பேசினார்.

ஏர் இந்தியாவின் 100 சதவீத பங்குகள் விற்பனை; மத்திய அரசு முடிவு

• தினசரி 20 முதல் 25 கோடி ரூபாய் வரை இழப்புடன் இயங்கி வரும் ஏர் இந்தியாவை தனியாருக்கு விற்று விட மத்திய அரசு முடிவு செய்திருக்கிறது. அதை வாங்க நினைக்கும் நிறுவனங்கள் வரும் மார்ச் 17 ஆம் தேதிக்குள் விருப்ப விண்ணப்பத்தை தாக்கல் செய்ய வேண்டும் என அறிவிக்கப்பட்டுள்ளது.
• கடந்த 2018 ஆம் ஆண்டு தன் வசம் உள்ள ஏர் இந்தியாவின் பங்குகளில் 76 சதவிகிதத்தை தனியாருக்கு விற்கும் அறிவிப்பை மத்திய அரசு வெளியிட்டது. ஆனால் அதற்கு யாரும் ஆர்வம் காட்டாததை தொடர்ந்து 100 சதவிகித பங்குகளையும் விற்று விட முடிவு செய்யப்பட்டுள்ளது.
• ஏர் இந்தியாவுக்கு இருக்கும் சுமார் 60 ஆயிரம் கோடி ரூபாய் கடன் உள்ளிட்ட இதர சுமைகளையும் மத்திய அரசே ஏற்றுக் கொள்ளும் எந்த அறிவிப்பும் சேர்ந்து வெளியாகி இருப்பதால், ஏர் இந்தியாவை வாங்க தனியார் நிறுவனங்கள் ஆர்வம் காட்டும் என எதிர்பார்க்கப்படுகிறது.
• இதனிடையே, ஏர் இந்தியாவை வாங்க டாடா, இண்டிகோ, ஸ்பைஸ்ஜெட் உள்ளிட்ட நிறுவனங்கள் ஆர்வம் காட்டி இருப்பதாகவும் கூறப்படுகிறது. அதே சமயம் இந்திய நிறுவனங்களுக்கு மட்டுமே விற்கப்படும் என்ற நிபந்தனை விதிக்கப்பட்டுள்ளதால், சில வெளிநாட்டு விமான நிறுவனங்களும் இந்திய நிறுவனங்களுடன் இணைந்து ஏர் இந்தியாவை வாங்க திட்டமிட்டுள்ளதாகவும் கூறப்படுகிறது.
• கடந்த நிதியாண்டில் மட்டும் ஏர் இந்தியாவுக்கு 25 ஆயிரத்து 509 கோடி ரூபாய் இழப்பு ஏற்பட்டது. வாழ்வா சாவா என்ற நிலையில் இருக்கும் ஏர் இந்தியாவுக்கு தொடர்ந்து நிதிஉதவி அளிக்க வேண்டாம் என்று முடிவு செய்துள்ள மத்திய அரசு, இந்த இரண்டாவது விற்பனை அறிவிப்பும் பலனளிக்கவில்லை என்றால், அதை நிரந்தரமாக இழுத்து மூட முடிவு செய்துள்ளதாகக் கூறப்படுகிறது.

நாக்பூர் மெட்ரோ வழித்தடத்தை ஜன.28 பிரதமர் மோடி தொடங்கி வைக்கிறார்

• நாடு முழுவதும் உள்ள முக்கிய நகரங்களில் மெட்ரோ வழித்தடங்கள் பல்வேறு கட்டங்களாக விரிவாக்கம் செய்யப்பட்டு வருகின்றன. அந்த வகையில் மகாராஷ்டிர மாநிலம் நாக்பூரில் கடந்த 2014 ஆம் ஆண்டு மெட்ரோ வழித்தடத்திற்கு பிரதமர் நரேந்திர மோடி அடிக்கல் நாட்டினார்.
• முதற்கட்ட மெட்ரோ கட்டுமானப்பணிகள் முடிவடைந்த நிலையில் பிரதமர் மோடி திறந்து வைத்தார். தற்போது இரண்டாம் கட்ட பணிகள் முடிவடைந்த நிலையில் நாக்பூர் அக்வா-லைன் புதிய மெட்ரோ வழித்தடத்தையும் பிரதமர் நரேந்திர மோடி திறந்து வைக்க இருக்கிறார்.
• இந்த புதிய மெட்ரோ வழித்தடத்தை ஜனவரி 28 ஆம் தேதி வீடியோ கான்பரன்சிங் மூலமாக பிரதமர் நரேந்திர மோடி திறந்து வைக்க இருப்பதாக தகவல் தெரிவிக்கப்பட்டுள்ளது. இந்த மெட்ரோ பாதை 11 கிலோமீட்டர் நீளம் கொண்டது.

Read More

26th JANUARY 2020 CURRENT AFFAIRS TNPSC SHOUTERS TAMIL PDF

நாட்டின் 71வது குடியரசு தினவிழா கோலாகலம்.. தேசிய கொடி ஏற்றினார் ஜனாதிபதி

• நாட்டின் 71வது குடியரசு தின விழா ,இன்று கோலாகலமாக கொண்டாட. இதையொட்டி டெல்லியில் நடைபெற்ற விழாவில் குடியரசுத் தலைவர் ராம்நாத் கோவிந்த் தேசிய கொடியை ஏற்றி வைத்து முப்படைகளின் பிரமாண்ட அணிவகுப்பை ஏற்றுக்கொண்டார்.
• இதையொட்டி, டெல்லியில் நடந்த விழாவில் உயிரிழந்த இராணுவ வீரர்களுக்கு, இந்தியா கேட் பகுதியில் உள்ள தேசிய போர் நினைவிடத்தில், பிரதமர் மோடி மலர் வளையம் வைத்து அஞ்சலி செலுத்தினார். 
• இந்த விழாவில் தலைமை விருந்தினராக பிரேசில் அதிபர் ஜெயிர் பொல்சொனாரோ பங்கேற்றார்.முப்படை அணிவகுப்பு
• ராஜபாதை முதல் செங்கோட்டை வரை 8 கிலோ மீட்டர் தூரத்திற்கு நாட்டின் வலிமையை பறைசாற்றும் விதமாக முப்படைகளின் பிரமாண்ட அணிவகுப்பு நடந்தது. இந்த அணிவகுப்பை குடியரசுத் தலைவர் ராம்நாத் கோவிந்த் ஏற்றுக்கொண்டு பார்வையிட்டார்.
• அமெரிக்காவில் இருந்து வாங்கப்பட்ட எம்-77 ஏ2 அல்ட்ரா லைட் ஹோவிட்ஸர் என்ற நவீன ஆயுதம், மேக் இன் இந்தியா திட்டத்தின் கீழ் தயாரிக்கப்பட்ட இன்ஜின் இல்லாத ரயிலான டிரெயின் 18 மற்றும் புல்லட் ரயில்களின் மாதிரிகள், உயிரி எரிபொருள் பயன்படுத்தப்படும் ஏ.என். 32 விமானம், மத்திய அரசின் சாதனைகளை விளக்கும் கண்கவர் அலங்கார ஊர்திகள் இந்த அணிவகுப்பில் இடம்பெற்றன..
• இதேபோல் பல்வேறு மாநிலங்களின் கலாச்சார ஊர்திகள் இடம் பெற்றன. பல்லாயிரம் மக்கள் விழாவில் பங்கேற்றனர் கண்கவர் கலை நிகழ்ச்சிகளும், மெய்சிலிர்க்கவைக்கும் முப்படை வீரர்களின் அணி வகுப்பும் நடந்தது.. விழாவை ஒட்டி டெல்லி மற்றும் சுற்றியுள்ள பகுதிகளில் 25 ஆயிரம் போலீசார் பாதுகாப்பு பணியில் ஈடுபடுத்தப்பட்டனர்
• விழாவில் எல்லை பாதுகாப்பு படையின் ஒட்டகப்படையின் அணிவகுப்பு நடந்தது. சாரண படைப்பிரிவின் சிறந்த மாணவர்கள் அணிவகுப்பு நடந்தது
• அணிவகுப்பில் செயற்கைகோள் எதிர்பபு ஏவுகணை சக்தி இடம் பெற்றது. ஆகாஷ் விமான எதிர்ப்பு ஏவுகணைகள் அணிவகுப்பில் இடம் பெற்றது.
• தமிழக காவல் தெய்வம் அய்யனார் சிலை கிராமிய கலை நடனத்துடன் கம்பீரமாக வந்தது. ராஜஸ்தான், தெலுங்கானா மாநில வாகனங்கள் அணிவகுப்பில் தங்கள் கலாச்சாரததை பறைசாற்றும் வகையில் வந்தது அஸ்ஸாம், இமாச்சல் பிரதேசம், ஆந்திரா, உத்தரப்பிரதேசம், மத்திய பிரதேசம், உள்பட பல 22 மாநிலங்களின் வாகனங்கள் அணிவகுப்பில் வந்தன. மாநிலங்களின் கலாச்சாரததை பறைசாற்றும் வகையில் இந்த ஊர்திகள் அணிவகுப்பு நடந்தது.

லடாக்கில் தேசியக் கொடி ஏந்திய இந்தோ திபெத் வீரர்கள்

• நாடு முழுவதும் இன்று 71-ஆவது குடியரசு தினவிழா கொண்டாடப்படுகிறது. டெல்லியில் குடியரசு தலைவர் ராம்நாத் கோவிந்த் மூவர்ணக் கொடியை ஏற்றினார். அந்தந்த மாநிலங்களில் ஆளுநர்கள் கொடியை ஏற்றினர்.
• இந்த நிலையில் ஜம்மு- காஷ்மீரின் லடாக் பகுதியில் 17 ஆயிரம் அடி உயரத்தில் மைனஸ் 20 டிகிரி செல்சியல் வெப்பநிலை நிலவி வருகிறது. அதிக குளிரையும் பொருட்படுத்தாத தேசியக் கொடியுடன் இந்தோ- திபெத் எல்லை போலீஸார் குடியரசு தினத்தை கொண்டாடினர்.

சென்னை ரயில்வே கோட்டம் ரூ.2,465 கோடி வருவாய் ஈட்டி சாதனை

• சென்னை ரயில்வே கோட்டம் 2019-20 -ஆம் ஆண்டு ஏப்ரல் முதல் டிசம்பா் வரை 9 மாதத்தில் 6,873 மெட்ரிக் டன் பொருள்களை ஏற்றி சாதனை படைத்துள்ளது. ஆட்டோ மொபைல் பிரிவுக்காக 293 ரேக்குகள் பயன்படுத்தப்பட்டன. 
• இதன்மூலம், ரூ.73.36 கோடி வருவாய் கிடைத்துள்ளது. இது 2018-19-ஆம் ஆண்டு இதே காலகட்டத்துடன் ஒப்பிடும்போது, 17.83 சதவீதம் அதிகம். சென்னை கோட்டம் 2019-20-ஆம் ஆண்டில் முதல் 9 மாதத்தில் ரூ.2,465.55 கோடி வருவாய் ஈட்டி சாதனை படைத்துள்ளது. 
• டிக்கெட் சோதனை மூலம், ரூ.15 கோடி வருவாய் கிடைத்துள்ளது. ரயில்கள் சரியான நேரத்தில் குறிப்பிட்ட இடத்தை அடைதல் என்பதை பொருத்தவரை, மெயில்,விரைவு ரயில்கள் 80.7 சதவீதமும், புகா் ரயில்கள் 89.86 சதவீதமும் அடைந்துள்ளன.
• அரக்கோணம், காட்பாடி, தாம்பரம், ராயபுரம், மூா் மாா்க்கெட் வளாகம், ஜோலாா்பேட்டை, செங்கல்பட்டு ஆகிய இடங்களில் சூரியஒளி மின் உற்பத்தி நிலையங்கள் ஏற்படுத்தப்பட்டதால், ரூ.38.98 லட்சம் சேமிக்கப்பட்டது. 
• 2019-ஆம் ஆண்டில் பயணிகள் வசதிக்காக ரூ.40.82 கோடி செலவிடப்பட்டது. சென்னை எழும்பூா், காட்பாடியில் நகரும் படிக்கட்டு வசதி, அரக்கோணத்தில் ஒரு மின்தூக்கி வசதி ஏற்படுத்தப்பட்டது. இதுதவிர, சென்னை ரயில்வே கோட்டத்தில் 135 ரயில் நிலையங்களில் பயணிகளுக்கு வை-பை இணைப்பு கொடுக்கப்பட்டுள்ளது.

10 ரூபாய்க்கு சாதம், பருப்பு, காய்கறி மற்றும் 2 சப்பாத்திகள்: மதிய உணவுத் திட்டம்

• 'சிவ போஜனம்' எனப்பெயரிடப்பட்டுள்ள அத்திட்டத்தில் 10 ரூபாய்க்கு சாதம், பருப்பு, காய்கறி மற்றும் 2 சப்பாத்திகள் வழங்கப்படுகின்றன. முதற்கட்டமாக மாவட்ட தலைநகரங்களில்‌ இத்திட்டம் தொடங்கப்பட்டுள்ளது. 
• மக்கள் அதிகம் கூடும் மருத்துவமனைகள், பேருந்து மற்றும் ரயில் நிலையங்கள், சந்தைகள் ஆகியவற்றில் உணவகங்கள் தொடங்கப்பட்டுள்ளன.
• ஒரு உணவகத்தில் 500 பேருக்கு உணவு வழங்கப்படும் என்று அறிவிக்கப்பட்டுள்ளது. நண்பகல் 12 மணி முதல் பிற்பகல் 2 மணி வரை உணவு வழங்கப்படவுள்ளது. இத்திட்டத்தை செயல்படுத்த 3 மாதங்களுக்கு 6 கோடியே 40 லட்சம் ரூபாய் செலவாகும் என கணக்கிடப்பட்டுள்ளது. 
• இதன்மூலம் ஏழை மக்களுக்கு குறைந்த விலையில் மதிய உணவு வழங்கப்படும் என்று தேர்தலின் போது அளித்த வாக்குறுதியை உத்தவ் தாக்கரே நிறைவேற்றியுள்ளார்.

Read More

பத்ம விருதுகள் / PADMA AWARDS 2020

• 2020-ஆம் ஆண்டுக்கான பத்ம விருதுகளை மத்திய அரசு சனிக்கிழமை அறிவித்தது. இது தொடர்பாக மத்திய உள்துறை அமைச்சகம் வெளியிட்டுள்ள அறிவிக்கையின்படி, இந்த ஆண்டு மொத்தமாக 141 பத்ம விருதுகள் வழங்க குடியரசுத்தலைவர் ஒப்புதல் வழங்கியுள்ளார். இதில் 7 பத்மவிபூஷண் விருதுகளும், 16 பத்மபூஷண் விருதுகளும், 118 பத்மஸ்ரீ விருதுகளும் அடங்கும்.
• இந்த ஆண்டு பத்ம விருது பெறுவோரில் 34 பேர் பெண்களாவர். வெளிநாட்டவர்கள், வெளிநாடுவாழ் இந்தியர்கள் 18 பேருக்கும் பத்ம விருதுகள் வழங்கப்படுகின்றன. இறப்புக்குப் பிறகான விருது 12 பேருக்கு அறிவிக்கப்பட்டுள்ளது.
• மறைந்த முன்னாள் மத்திய அமைச்சர்கள் ஜார்ஜ் ஃபெர்னாண்டஸ், அருண் ஜேட்லி, சுஷ்மா ஸ்வராஜ் உள்ளிட்ட 7 பேருக்கு பத்மவிபூஷண் விருது அறிவிக்கப்பட்டுள்ளது.
• மறைந்த முன்னாள் முதல்வர் மனோகர் பாரிக்கர், பாட்மிண்டன் வீராங்கனை பி.வி. சிந்து உள்ளிட்ட 16 பேருக்கு பத்மபூஷண் விருதும், முன்னாள் கிரிக்கெட் வீரர் ஜாகீர் கான், நடிகை கங்கனா ரனாவத் உள்ளிட்ட 118 பேருக்கு பத்மஸ்ரீ விருதும் அறிவிக்கப்பட்டுள்ளது.
• தமிழகத்தைச் சேர்ந்த சமூக சேவகர் கிருஷ்ணம்மாள் ஜெகந்நாதன், டிவிஎஸ் குழுமத் தலைவர் வேணு சீனிவாசன் ஆகியோர் பத்மபூஷண் விருது பெறவுள்ளனர்.
• கர்நாடக இசைக் கலைஞர்களான லலிதா சிதம்பரம் மற்றும் சரோஜா சிதம்பரம், ஓவியர் மனோகர் தேவதாஸ், சமூக சேவகர் எஸ்.ராமகிருஷ்ணன், நாகஸ்வர இசைக் கலைஞர்கள் காலீஷாபி மெஹபூப் மற்றும் ஷேக் மெஹபூப் சுபானி, சென்னை ஐஐடியின் விரிவுரையாளர் பிரதீப் தலப்பில் ஆகியோர் பத்ம ஸ்ரீ விருது பெறுகின்றனர்.
• அத்துடன், புதுச்சேரியைச் சேர்ந்த இலக்கியவாதி மனோஜ் தாஸுக்கு பத்மபூஷண் விருதும், டெரகோட்டா சிலை வடிக்கும் கலைஞர் முனுசாமி கிருஷ்ணபக்தருக்கு பத்மஸ்ரீ விருதும் வழங்கப்படவுள்ளது.
• மோரீஷஸ் முன்னாள் பிரதமர் அனிருத் ஜெகந்நாத், பாடகர் சன்னுலால் மிஸ்ரா உள்ளிட்ட 7 பேருக்கு பத்மவிபூஷண் அறிவிக்கப்பட்டுள்ளது.
• மத போதகர் மும்தாஸ் அலி, மறைந்த வங்கதேச தூதர் சையது முவாஸெம் அலி, பாடகர் அஜய் சக்ரவர்த்தி, சமூக சேவகர் அனில் பிரகாஷ் ஜோஷி உள்ளிட்ட 16 பேருக்கு பத்மபூஷண் விருது வழங்கப்படவுள்ளது.
• பாலிவுட் இயக்குநர் கரண் ஜோஹர், மருத்துவர் பத்மாவதி பந்தோபாத்யாய, பாடகர் அட்னான் சமி, தொழிலதிபர் பரத் கோயங்கா உள்ளிட்ட 118 பேருக்கு பத்மஸ்ரீ விருது வழங்கப்படுகிறது.

Read More

25th JANUARY 2020 CURRENT AFFAIRS TNPSC SHOUTERS TAMIL PDF

பத்ம விருதுகள் 2020

• 2020-ஆம் ஆண்டுக்கான பத்ம விருதுகளை மத்திய அரசு சனிக்கிழமை அறிவித்தது. இது தொடர்பாக மத்திய உள்துறை அமைச்சகம் வெளியிட்டுள்ள அறிவிக்கையின்படி, இந்த ஆண்டு மொத்தமாக 141 பத்ம விருதுகள் வழங்க குடியரசுத்தலைவர் ஒப்புதல் வழங்கியுள்ளார். இதில் 7 பத்மவிபூஷண் விருதுகளும், 16 பத்மபூஷண் விருதுகளும், 118 பத்மஸ்ரீ விருதுகளும் அடங்கும்.
• இந்த ஆண்டு பத்ம விருது பெறுவோரில் 34 பேர் பெண்களாவர். வெளிநாட்டவர்கள், வெளிநாடுவாழ் இந்தியர்கள் 18 பேருக்கும் பத்ம விருதுகள் வழங்கப்படுகின்றன. இறப்புக்குப் பிறகான விருது 12 பேருக்கு அறிவிக்கப்பட்டுள்ளது.
• மறைந்த முன்னாள் மத்திய அமைச்சர்கள் ஜார்ஜ் ஃபெர்னாண்டஸ், அருண் ஜேட்லி, சுஷ்மா ஸ்வராஜ் உள்ளிட்ட 7 பேருக்கு பத்மவிபூஷண் விருது அறிவிக்கப்பட்டுள்ளது.
• மறைந்த முன்னாள் முதல்வர் மனோகர் பாரிக்கர், பாட்மிண்டன் வீராங்கனை பி.வி. சிந்து உள்ளிட்ட 16 பேருக்கு பத்மபூஷண் விருதும், முன்னாள் கிரிக்கெட் வீரர் ஜாகீர் கான், நடிகை கங்கனா ரனாவத் உள்ளிட்ட 118 பேருக்கு பத்மஸ்ரீ விருதும் அறிவிக்கப்பட்டுள்ளது.
• தமிழகத்தைச் சேர்ந்த சமூக சேவகர் கிருஷ்ணம்மாள் ஜெகந்நாதன், டிவிஎஸ் குழுமத் தலைவர் வேணு சீனிவாசன் ஆகியோர் பத்மபூஷண் விருது பெறவுள்ளனர்.
• கர்நாடக இசைக் கலைஞர்களான லலிதா சிதம்பரம் மற்றும் சரோஜா சிதம்பரம், ஓவியர் மனோகர் தேவதாஸ், சமூக சேவகர் எஸ்.ராமகிருஷ்ணன், நாகஸ்வர இசைக் கலைஞர்கள் காலீஷாபி மெஹபூப் மற்றும் ஷேக் மெஹபூப் சுபானி, சென்னை ஐஐடியின் விரிவுரையாளர் பிரதீப் தலப்பில் ஆகியோர் பத்ம ஸ்ரீ விருது பெறுகின்றனர்.
• அத்துடன், புதுச்சேரியைச் சேர்ந்த இலக்கியவாதி மனோஜ் தாஸுக்கு பத்மபூஷண் விருதும், டெரகோட்டா சிலை வடிக்கும் கலைஞர் முனுசாமி கிருஷ்ணபக்தருக்கு பத்மஸ்ரீ விருதும் வழங்கப்படவுள்ளது.
• மோரீஷஸ் முன்னாள் பிரதமர் அனிருத் ஜெகந்நாத், பாடகர் சன்னுலால் மிஸ்ரா உள்ளிட்ட 7 பேருக்கு பத்மவிபூஷண் அறிவிக்கப்பட்டுள்ளது.
• மத போதகர் மும்தாஸ் அலி, மறைந்த வங்கதேச தூதர் சையது முவாஸெம் அலி, பாடகர் அஜய் சக்ரவர்த்தி, சமூக சேவகர் அனில் பிரகாஷ் ஜோஷி உள்ளிட்ட 16 பேருக்கு பத்மபூஷண் விருது வழங்கப்படவுள்ளது.
• பாலிவுட் இயக்குநர் கரண் ஜோஹர், மருத்துவர் பத்மாவதி பந்தோபாத்யாய, பாடகர் அட்னான் சமி, தொழிலதிபர் பரத் கோயங்கா உள்ளிட்ட 118 பேருக்கு பத்மஸ்ரீ விருது வழங்கப்படுகிறது.

குடியுரிமை திருத்த சட்டத்துக்கு எதிர்ப்பு: ராஜஸ்தான் சட்டசபையில் தீர்மானம்

• பாகிஸ்தான், வங்கதேசம், ஆப்கானிஸ்தான் ஆகிய நாடுகளிலிருந்து, இந்தியாவுக்கு அகதிகளாக வந்தவர்களில், முஸ்லிம் அல்லாதவர்களுக்கு குடியுரிமை அளிக்கும் வகையில், குடியுரிமை சட்டத்தில் திருத்தம் செய்து, பார்லிமென்டில் மசோதா நிறைவேற்றப்பட்டது. 
• முதல்வர் அசோக் கெலாட் தலைமையிலான, காங்கிரஸ் ஆட்சி நடக்கும், ராஜஸ்தானிலும், குடியுரிமை திருத்த சட்டத்துக்கு எதிராக, சட்டசபையில் தீர்மானம் நிறைவேற்றப்பட்டது. 
• தீர்மானத்தில், 'நாட்டில் முதன்முறையாக, மதத்தின் பெயரால் பாகுபாடு காட்டப்பட்ட சட்டம் நிறைவேற்றப்பட்டுள்ளது. இதனை எதிர்த்து, நாடு முழுவதும் போராட்டங்கள் நடந்து வருகின்றன. எனவே, இந்த சட்டத்தை, மத்திய அரசு திரும்பப் பெற வேண்டும்' என, கூறப்பட்டுள்ளது.

இந்தியா - பிரேசில் இடையே 15 ஒப்பந்தங்கள் கையெழுத்தாகின

• டில்லியில் பிரதமர் மோடி - பிரேசில் அதிபர் போல்சோனரோ இடையே நடந்த பேச்சு வார்த்தையில், 15 ஒப்பந்தங்கள் கையெழுத்தாயின. நாட்டின், 70வது குடியரசு தினம் இன்று கொண்டாடப்படுகிறது. 
• இதையொட்டி, டில்லியில் நடக்கும் விழாவில், சிறப்பு விருந்தினராக, தென் அமெரிக்க நாடான, பிரேசில் அதிபர் ஜாயிர் மெசியாஸ் போல்சோனரோ பங்கேற்கிறார்.
• வரவேற்பு இதையொட்டி நான்கு நாள் பயணமாக, பிரேசில் அதிபர் போல்சோனரோ தன் மகள் லவுரா, மருமகள் லெடிகா பிர்மோ, எட்டு அமைச்சர்கள், நான்கு எம்.பி.,க்கள், வர்த்தக பிரதிநிதிகள் குழுவினருடன் முன்தினம் டில்லி வந்தார்.
• பிரேசில் அதிபருக்கு, ஜனாதிபதி மாளிகையில் நேற்று காலை முறைப்படி வரவேற்பு அளிக்கப்பட்டது. இதில், ஜனாதிபதி ராம்நாத் கோவிந்த், பிரதமர் நரேந்திர மோடி உட்பட பலர் பங்கேற்றனர்,முன்னதாக வெளியுறவு அமைச்சர் ஜெய்சங்கர், பிரேசில் அதிபரை சந்தித்துப் பேசினார். 
• இந்தியாவும் பிரேசிலும் கூட்டாளிகள். இரு நாடுகளுக்கு இடையே, முக்கியமான ஒப்பந்தங்களில் கையெழுத்தாகியுள்ளது.
• இந்தியா - பிரேசில் இடையே, சுகாதாரம், சைபர் பாதுகாப்பு உள்ளிட்ட, 15 துறைகளில், முக்கிய ஒப்பந்தங்கள் கையெழுத்தாகின.

'ஆக்ஸ்போர்டு' அகராதியில் இடம்பிடித்த, 'ஆதார்'

• புகழ்பெற்ற ஆக்ஸ்போர்டு அகராதியின், 10வது பதிப்பு நேற்று முன்தினம் வெளியானது. புதிய பதிப்பில், இந்திய மக்களின் தனித்துவ அடையாளமான, ஆதார் உள்ளிட்ட, 26புதிய ஆங்கில வார்த்தைகள் இடம்பெற்றுள்ளன. 
• கவனம் அதேபோல், 'சால், டப்பா, ஹர்தால், ஷாதி' உள்ளிட்ட இந்திய வார்த்தைகளும், ஆக்ஸ்போர்டு அகராதியின் புதிய பதிப்பில் இணைக்கப்பட்டுள்ளன.இந்த அகராதியில் மொத்தம், 384 இந்திய ஆங்கில வார்த்தைகள் உள்ளன. 
• இந்த பதிப்பில் சாத்பாட், பேக் நியூஸ், மைக்ரோ பிளாஸ்டிக் உள்ளிட்ட, 1,000 புதிய வார்த்தைகள் சேர்க்கப்பட்டுள்ளன.
• புதிய, இந்திய ஆங்கில சொற்களாக, பஸ் ஸ்டாண்ட், எப்.ஐ.ஆர்., நான் வெஜ், டீம்டு யுனிவர்சிட்டி, டெம்போ, டியூப் லைட், வெஜ் மற்றும் வீடியோகிராஃப் உள்ளிட்டவை இடம்பெற்றுள்ளன. 

டெஸ்ட் போட்டிகளில் இங்கிலாந்து அணி புதிய சாதனை

• கிரிக்கெட்டின் பிறப்பிடமான இங்கிலாந்து அணி புதிய மைல்கல் சாதனை ஒன்றை நிகழ்த்தியுள்ளது. இங்கிலாந்தில் 1739 முதல் கிரிக்கெட் போட்டிகள் நடத்தப்பட்டு வருகின்றன. 
• சர்வதேசப் போட்டிகள் 1877 ஆம் ஆண்டு முதல் நடந்து வருகின்றன. இதுவரை 13 அணிகள் டெஸ்ட் போட்டிகள் விளையாடும் தகுதியைப் பெற்றுள்ளன.
• ஆனால் எல்லா அணிகளுக்கும் சீனியர் அணியாக இங்கிலாந்து உள்ளது. இதுவரை 1022 போட்டிகளில் விளையாடியுள்ள இங்கிலாந்து அணி 5 லட்சம் ரன்கள் என்ற மைல்கல்லை கடந்துள்ளது. 
• அதற்கடுத்த இடத்தில் ஆஸ்திரேலியா 830 போட்டிகளிலும் மூன்றாவது இடத்தில் இந்தியா 520 போட்டிகளிலும் விளையாடியுள்ளது குறிப்பிடத்தக்கது.

Read More

24th JANUARY 2020 CURRENT AFFAIRS TNPSC SHOUTERS TAMIL PDF

திடக்கழிவு மேலாண்மைத் திட்டத்தில் நாட்டிலேயே வேலூா் மாநகராட்சி முதலிடம்: மத்திய அரசு விருது

• திடக்கழிவு மேலாண்மைத் திட்டத்தை சிறப்பாக செயல்படுத்திய வகையில் நாட்டிலேயே வேலூா் மாநகராட்சி முதலிடம் பிடித்துள்ளது. இதற்கான விருதை தில்லியில் வெள்ளிக்கிழமை நடைபெற்ற விழாவில் மத்திய வீட்டுவசதி, நகா்ப்புற விவகாரங்கள் துறை செயலா் துா்காபிரசாத் மிஸ்ரா வழங்கினாா்.
• வேலூா் மாநகராட்சிக்கு உட்பட்ட 60 வாா்டுகளிலிருந்து நாள்தோறும் 230 டன் குப்பைகள் சேகரிக்கப்பட்டுகின்றன. இதில் 167 டன் மக்கும் குப்பைகள் தனியாகப் பிரிக்கப்பட்டு உரமாக மாற்றப்படுகின்றன. 
• மக்காத குப்பைகள் கிடங்குகள் சேமித்து வைக்கப்பட்டு சிமெண்ட் தயாரிப்பு, சாலை அமைத்தல் உள்ளிட்ட பணிகளுக்கு அனுப்பப்படுகின்றன. இதற்காக மாநகரில் 57 இடங்களில் திடக்கழிவு மேலாண்மை கிடங்குகள் அமைக்கப்பட்டுள்ளன.

சிறைத்துறை காவலர்களுக்கான குடியரசு தலைவர் விருது: தமிழகத்தில் 5 பேர் தேர்வு

• குடியரசு தினத்தை முன்னிட்டு சிறப்பாக பணியாற்றிய சிறைத்துறை காவலர்களுக்கான குடியரசு தலைவர் விருதுக்கு தமிழகத்தைச் சேர்ந்த 5 பேர் தேர்வு செய்யப்பட்டுள்ளனர். 
• வேலூர் சிறை டிஐஜி ஜெயபாரதி, திருப்பூர் மாவட்ட சிறை ஜெயிலர் தமிழ்மாறன், துணை ஜெயிலர் பேபி, கொக்கிரகுளம் துணை சிறையின் துணை ஜெயிலர் கீதா, அருப்புக்கோட்டை துணை சிறையின் காவலர் கண்ணன் உள்ளிட்டோருக்கு விருது அறிவிக்கப்பட்டுள்ளது.

பொலிவுறு நகரத் திட்டத்தில் சூரிய சக்தி மின் உற்பத்தி: கோவை மாநகராட்சிக்கு மத்திய அரசின் விருது

• கோவை மாநகராட்சியில் பொலிவுறு நகரத் திட்டத்தின் கீழ் குளங்கள் மேம்பாடு, சாலை வசதி, உரம் தயாரிப்பு மையங்கள் உள்ளிட்ட பல்வேறு பணிகள் நடைபெற்று வருகின்றன. இத்திட்டத்தின் கீழ் உக்கடம் கழிவுநீா்ப் பண்ணை மற்றும் கவுண்டம்பாளையத்தில் தலா ஒரு மெகாவாட் திறன் கொண்ட சூரிய சக்தி மின் உற்பத்தி நிலையம் அமைக்கப்பட்டுள்ளது.
• உக்கடம் சூரிய சக்தி மின் உற்பத்தி நிலையத்தில் தினமும் 4,500 யூனிட் மின்சாரம் உற்பத்தி செய்யப்படுகிறது. 2019 பிப்ரவரி முதல் தற்போது வரை 15 லட்சம் யூனிட் மின்சாரம் உற்பத்தி செய்யப்பட்டுள்ளது.
• பொலிவுறு நகரத் திட்டம் செயல்படுத்தப்படும் நகரங்களில், நகா்ப்புறச் சூழல், சமூக அம்சங்கள், கலாசாரம், பொருளாதாரம், போக்குவரத்து, நீா் மேலாண்மை, சுகாதாரம் ஆகிய பிரிவுகளில் சிறப்பு அம்சங்கள் தரவரிசைப்படுத்தப்பட்டு ஆண்டுதோறும் மத்திய அரசு விருது வழங்கி வருகிறது.
• அதன்படி 2019ஆம் ஆண்டுக்கான பொலிவுறு நகர விருது போட்டியானது, இந்திய அரசின் வீட்டு வசதி மற்றும் நகா்ப்புற விவகாரத் துறை அமைச்சகத்தின் கீழ் நடத்தப்பட்டது. இதில் பல்வேறு பிரிவுகளில் தோவுபெற்ற நகரங்களுக்கான சான்றிதழ்கள், பரிசுகள் ஆந்திர மாநிலம், விசாகப்பட்டினத்தில் வெள்ளிக்கிழமை நடைபெற்ற விழாவில் வழங்கப்பட்டன.
• 2019ஆம் ஆண்டுக்கான மாநகராட்சி நகா்ப்புற சூழல் என்ற பிரிவில் ரூ.5.5 கோடி மதிப்பில் கோவை, உக்கடத்தில் அமைக்கப்பட்டுள்ள ஒரு மெகாவாட் சூரிய சக்தி மின் உற்பத்தி நிலையத்துக்கு விருது வழங்கப்பட்டது. அதற்கான சான்றிதழ் மற்றும் ரூ.5 லட்சத்துக்கான ரொக்கப் பரிசை மாநகராட்சி ஆணையா் ஷ்ரவண் குமாா் ஜடாவத் பெற்றுக் கொண்டாா்.

எம்.எஸ்.சுப்புலட்சுமி பெயரில் பல்கலையில் இருக்கை

• தேசிய பெண் குழந்தைகள் தினத்தை முன்னிட்டு, மத்திய பெண்கள் மற்றும் குழந்தைகள் மேம்பாட்டு அமைச்சகம் வெளியிட்டுள்ள அறிக்கையில் கூறப்பட்டுள்ளதாவது
• அறிவியல், இசை, சமூக சீர்திருத்தம் உள்ளிட்ட துறைகளில் புகழ் பெற்று விளங்கிய பெண்களை கவுரவிக்கும் வகையில், அவர்களது பெயர்களில் பல்கலைகளில் இருக்கைகள் உருவாக்கி, ஆய்வு நடத்த முடிவு செய்யப்பட்டுள்ளது.
• தமிழகத்தை சேர்ந்தவரும், புகழ்பெற்ற கர்நாடக இசை கலைஞருமான, எம்.எஸ்.சுப்புலட்சுமி, மராட்டிய ராணி அகில்யா பாய் ஹோல்கர், மருத்துவ துறையை சேர்ந்த அனந்திபாய் கோபால்ராவ் ஜோஷி, விஞ்ஞானி கமலா ஷோனி, கல்வியாளர் ஹன்ஷா மேத்தா உள்ளிட்ட, 10 பேரின் பெயர்களில், இருக்கைகள் அமைக்கப்படும். 

காய்கனிகள் உற்பத்தியில் மேற்கு வங்கம் முதலிடம்

• நாட்டிலேயே கடந்த 2018-19ம் ஆண்டில் காய்கனிகள் உற்பத்தியில் நாட்டிலேயே மேற்கு வங்க மாநிலம் முதலிடம் பிடித்துள்ளது. மத்திய அரசு சமீபத்தில் தோட்டகலைத்துறை விளைச்சல் பற்றிய புள்ளிவிவரத்தை வெளியிட்டது. அதில் மேற்கண்ட தகவல் தெரிவிக்கப்பட்டு உள்ளது.
• கடந்த 2018-19ம் ஆண்டில் மேற்கு வங்க மாநிலம் மொத்தம் 29.55 மில்லியன் மெட்ரிக் டன் அளவிற்கு காய்கனிகள் உற்பத்தி செய்துள்ளது. இதற்கு அடுத்தபடியாக உத்தரப் பிரதேச மாநிலம் இதே ஆண்டில் மொத்தம் 27.71 மில்லியன் மெட்ரிக் கடன் காய்கனிகள் உற்பத்தி செய்துள்ளது. 
• கடந்த 2017-18ம் ஆண்டில் மேற்கு வங்கம் இரண்டாவது இடத்தில் இருந்தது. அதற்கு அடுத்த ஆண்டில் முதலிடம் பெற்றுள்ளது குறிப்பிடத்தக்கது. நாட்டின் மொத்த காய்கனிகள் உற்பத்தியில் மேற்கு வங்கம் 15.9 சதவீதம் அளவுக்கு உற்பத்தி செய்துள்ளது.
• உ.பி.க்கு அடுத்த இடத்தைப் பெற்றுள்ள மத்தியப்பிரதேசம் நாட்டின் காய்கனி உற்பத்தியில் 9.6 சதவீதம் அளவிற்கு உற்பத்தி செய்துள்ளது. இதற்கு அடுத்த இடத்தில் பீகார் 9 சதவீதமும் குஜராத் 6.8 சதவீதம் என்ற அளவிலும் உற்பத்தி செய்துள்ளன. 

காலநிலை மாற்றத்தினால் பாதிக்கப்படும் நாடுகள் பட்டியலில் இலங்கைக்கு 2ம் இடம்

• இயற்கை பேரழிவில் இருந்து எதிர்பாராத சுமை 'Contingent Liabilities from Natural Disasters Sri Lanka' என்ற தலைப்பிலான அறிக்கையிலேயே உலக வங்கி இந்த விடயங்களைக் குறிப்பிட்டுள்ளது. 
• இயற்கை அனர்த்தத்தினால் வருடாந்தம் வீடுகள், உட்கட்டமைப்பு, விவசாயம் ஆகியவற்றுக்கு ஏற்படும் பாதிப்பு மற்றும் நிவாரணத்திற்காக 313 மில்லியன் அமெரிக்க டொலர்கள் இழப்பு ஏற்படுவதாகவும் அதில் குறிப்பிடப்பட்டுள்ளது.
• சுமார் 32 பில்லியன் ரூபாய் இழப்பு வெள்ளத்தினால் ஏற்படுகின்றது. கடும் காற்றின் காரணமாக 11 பில்லியன் ரூபாய் இழப்பும் வரட்சி மற்றும் மண் சரிவினால் 5.2 பில்லியன் ரூபாயும் சேதங்களுக்காக 1.8 பில்லியன் ரூபாயும் இழப்பு ஏற்படுகின்றது.
• 2017ஆம் ஆண்டு ஏற்பட்ட வெள்ளத்தினால் 213 பேர் உயிரிழந்துள்ளனர். 2018 ஆம் ஆண்டு ஏற்பட்ட வெள்ளத்தினால் 13 பேர் உயிரிழந்துள்ளனர். 1.2 மில்லியன் ரூபாயை வீடுகளுக்கு ஏற்பட்ட சேதத்திற்கு அரசாங்கம் செலவிட்டுள்ளது. உலகிலேயே காலநிலை மாற்றத்தினால் மிக மோசமாகப் பாதிப்புக்குள்ளாகும் நாடுகளில் இலங்கையும் ஒன்றாகும்.
• இந்த காலநிலை மாற்றத்தினால் பாதிக்கப்படும் நாடுகள் பட்டியலில் இலங்கை இரண்டாம் இடத்தில் இடம்பெற்றுள்ளது. இந்த காலநிலை மாற்றம் பாதுகாக்கப்பட்ட அரிசி தயாரிப்பையும் சீர் குலைக்கின்றது. 
• வரட்சியின் காரணமாக நாட்டின் மின்சார தேவையைச் சமாளிப்பதற்காக அனல்மின் உற்பத்தியை மேற்கொள்ள வேண்டியுள்ளது. இதற்காக 560 மில்லியன் டொலர்களை 2017ஆம் ஆண்டு அரசாங்கம் செலவிட்டுள்ளது. இது மொத்த உற்பத்தியின் 0.7 சதவீதமாகும்.

Read More