Thursday, 31 October 2019

30th OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
உயர் நீதிமன்ற தலைமை நீதிபதியாக ஏ.பி. ஷாஹி நியமனம்
  • சென்னை உயர்நீதிமன்ற தலைமை நீதிபதியாக அம்ரேஷ்வர் பிரதாப் சாஹியை நியமித்து குடியரசுத் தலைவர் ராம்நாத் கோவிந்த் உத்தரவு பிறப்பித்துள்ளார்.
  • சென்னை உயர்நீதிமன்ற தலைமை நீதிபதியாக இருந்த வி.கே.தஹிலராமாணீ மேகாலயா உயர்நீதிமன்றத்துக்கு இடமாற்றம் செய்யப்பட்டார். இந்த உத்தரவுக்கு அதிருப்தி தெரிவித்த தஹிலராமாணீ தனது பதவியை ராஜிநாமா செய்தார். 
  • அவருக்குப் பதிலாக, மேகாலயா உயர்நீதிமன்ற தலைமை நீதிபதி ஏ.கே.மிட்டலை சென்னை உயர்நீதிமன்ற தலைமை நீதிபதியாக நியமிக்க, உச்சநீதிமன்ற கொலீஜியம் முடிவு செய்தது.
  • சென்னை உயர்நீதிமன்ற தலைமை நீதிபதியாக ஏ.கே.மிட்டலை நியமிப்பதற்குப் பதிலாக, பாட்னா உயர்நீதிமன்ற தலைமை நீதிபதியான ஏ.பி. ஷாஹியை நியமிக்க முடிவு செய்யப்பட்டது. இதையடுத்து, கடந்த அக்டோபர் 17-ஆம் தேதி ஏ.பி. ஷாஹியை உயர்நீதிமன்ற தலைமை நீதிபதியாக நியமிக்க கொலீஜியம் பரிந்துரைத்தது.
இந்தியாவின் இளவயது மாணவன் கணக்கு புதிரில் சாதனை
  • சர்வதேச கணித ஒலிம்பியாட் போட்டியில் இந்தியாவை சேர்ந்த மாணவர் பிரஞ்சால் ஸ்ரீவத்சவா தங்கப்பதக்கம் வென்றார். மேலும் நாட்டிலேயே இளவயதில் தங்கப்பதக்கம் வென்றவர் என்ற பெருமையையும் பெற்றுள்ளார்.
  • சர்வதேச கணித ஒலிம்பியாட் போட்டி கடந்த 1959-ம் ஆண்டு முதல் நடைபெற்று வருகிறது. பள்ளி பயிலும் மாணவர்கள் இதில் பங்கேற்று வருகின்றனர். இந்தாண்டுக்கான போட்டியில் பெங்களூரூவை சேர்ந்த பள்ளி மாணவர் பிரிஞ்சால் ஸ்ரீவத்சவா கலந்து கொண்டு தங்கப்பதக்கம் வென்றுள்ளார். 



ஜம்மு காஷ்மீர் இரண்டு யூனியன் பிரதேசங்களானது
  • ஜம்மு காஷ்மீர் என்ற மாநிலம் நள்ளிரவு முதல் இரண்டு யூனியன் பிரதேசங்களாக பிரிக்கப்பட்டு விட்டது. ஜம்மு காஷ்மீர் மற்றும் லடாக் துணை நிலை ஆளுநர்கள் இன்று பதவியேற்றுக் கொள்கின்றனர்.
  • ஜம்மு காஷ்மீர் மாநிலம் பிரிக்கப்பட்டு ஜம்மு காஷ்மீர், லடாக் என்ற இரு யூனியன் பிரதேசங்களாக உருவெடுத்துள்ளது. கடந்த ஆகஸ்ட் 9ம் தேதியிட்ட காஷ்மீர் மறுசீரமைப்புக்கான மத்திய அரசின் 
  • உத்தரவுக்கு குடியரசுத் தலைவரிடமிருந்து ஒப்புதல் பெறப்பட்டுள்ளது.குஜராத்தை சேர்ந்த முன்னாள் அரசு அதிகாரியான ஜி.சி.முர்மு ஜம்மு காஷ்மீர் யூனியன் பிரதேசத்தின் துணை நிலை ஆளுநராக பதவியேற்க உள்ளார். இதே போன்று லடாக்கின் துணை நிலை ஆளுநராக ராதா கிருஷ்ணன் மாத்தூர் பதவியேற்க உள்ளார்.
  • லடாக் யூனியன் பிரதேசத்திற்கு சட்டமன்றம் கிடையாது. இது மத்திய உள்துறை அமைச்சகத்தின் நேரடி நிர்வாகத்தின் கீழ் வந்துவிடும். ஜம்மு காஷ்மீரில் அமையவிருக்கும் சட்டமன்றம் டெல்லியை முன்மாதிரியாக கொண்டு துணைநிலை ஆளுநரின் கட்டுப்பாட்டில் இருக்கும். 
  • புதிய யூனியன் பிரதேசங்களான ஜம்மு காஷ்மீர் மற்றும் லடாக்கில், தேசிய மனித உரிமை சட்டம், ஜிஎஸ்டி, மத்திய தகவல் சட்டம், எதிரி சொத்து பறிமுதல் சட்டம், பொதுசொத்துகளுக்கு சேதம் விளைவிப்பதை தடுக்கும் சட்டம் உள்ளிட்ட மத்திய அரசின் 108 சட்டங்கள் இவ்விரு யூனியன் பிரதேசங்களிலும் இன்று முதல் அமலுக்கு வந்துள்ளன.
  • நாட்டின் பல யூனியன் பிரதேசங்கள் மாநிலங்களாக உருவெடுத்த நிலையில், முதன்முறையாக ஜம்மு- காஷ்மீர் யூனியன் பிரதேசமாக மாற்றப்பட்டுள்ளது. மொத்த மாநிலங்களின் எண்ணிக்கை 28 ஆக குறைந்துள்ள நிலையில், யூனியன் பிரதேசங்களின் எண்ணிக்கை 9 ஆக அதிகரித்துள்ளது.
கண்டம் விட்டு கண்டம் சென்று தாக்கும் புதிய ஏவுகணை சோதனை
  • ரஷியாவால் உருவாக்கப்பட்ட க்நாஸ் விளாடிமிர் அணுசக்தி நீர்மூழ்கி கப்பல், அந்நாட்டு கடற்படையின் வடக்கு படைப்பிரிவில் வரும் டிசம்பர் மாதம் சேர்த்து கொள்ளப்படலாம் என எதிர்பார்க்கப்படுகிறது.
  • இந்நிலையில், வெள்ளை கடல் பகுதியில் அந்த நீர்மூழ்கியில் இருந்து புலுவா எனப்படும் புதிய ஏவுகணை வெற்றிகரமாக பரிசோதிக்கப்பட்டுள்ளது.
குருநானக் 550 ஆம் பிறந்த நாளை முன்னிட்டு பாகிஸ்தான் புதிய நாணயம் வெளியீடு
  • சீக்கியர்களின் முதல் குருவான குரு நானக் கடந்த 1469 ஆம் ஆண்டு பிறந்தார். அவருடைய 550 ஆம் பிறந்த நாள் வரும் நவம்பர் 9 ஆம் தேதி கொண்டாடப்பட உள்ளது. குருநானக் நினைவிடம் பாகிஸ்தானில் உள்ள கர்தார்பூரில் அமைந்திருக்கும் குருத்வாரா தர்பார் சாகிப்பில் உள்ளது.
  • இதையொட்டி இந்தியாவில் இருந்து கர்தார்பூர் செல்ல வழித்தடம் ஒன்று அமைக்கப்பட்டுள்ளது. வரும் 9 ஆம் தேதி அதாவது குருநானக் பிறந்த நாள் அன்று இந்த வழித்தடம் திறக்கப்பட உள்ளது. இந்த வழித்தடத்தைப் பாகிஸ்தான் பிரதமர் இம்ரான் கான் திறந்து வைக்கிறார்.
  • நேற்று பாகிஸ்தான் அரசு குருநானக் 550 ஆம் பிறந்த நாளை முன்னிட்டு புதிய நாணயம் ஒன்றை வெளியிட்டுள்ளது. இந்த நாணயத்தின் புகைப்படத்தைப் பிரதமர் இம்ரான்கான் தனது முகநூல் பக்கத்தில் வெளியிட்டுள்ளார்.
  • கர்தார்பூரில் வரும் 9 ஆம் தேதி வழித்தடம் திறக்கப்படும் முன்பு இந்த நாணயம் வெளியானது குறிப்பிடத்தக்கதாகும்.

Wednesday, 30 October 2019

ஒப்பந்த சாகுபடி செய்யும் விவசாயிகள் நலன் காக்க புதிய சட்டம்: இந்தியாவிலேயே முதல்முறையாக தமிழகத்தில் அமல்

TNPSCSHOUTERS
  • ஒப்பந்த அடிப்படையில் சாகுபடி மேற்கொள்ளும் விவசாயிகளின் நலன்களைக் காப்பதற்கு புதிய சட்டம் கொண்டு வரப்பட்டுள்ளதாக தமிழக அரசு அறிவித்துள்ளது.
  • தமிழகத்தில் கரும்பு, இறைச்சிக் கோழி, மூலிகைப் பயிா்கள் போன்ற வகைகளில் சாகுபடி முறை பல ஆண்டுகளாக நடைமுறையில் உள்ளன. 
  • ஆனாலும், ஒப்பந்த சாகுபடியில் பங்குபெறும் விவசாயிகளின் நலன்களைப் பாதுகாக்க சட்டம் ஏதும் நடைமுறையில் இல்லை. இதைக் கருத்தில் கொண்டு புதிய சட்டம் கொண்டு வரப்படும் என்று முதல்வா் பழனிசாமி அறிவித்திருந்தாா்.
  • இதன்படி, தமிழ்நாடு வேளாண் விளைபொருள், கால்நடை ஒப்பந்தப் பண்ணையம், சேவைகள் ஊக்குவிப்பு மற்றும் எளிதாக்குதல் சட்ட மசோதா பேரவையில் தாக்கல் செய்யப்பட்டு, அதற்கு ஒப்புதல் பெறப்பட்டது. இந்த சட்டமானது அரசிதழில் வெளியிடப்பட்டுள்ளது.
  • அகில இந்திய அளவில் ஒப்பந்த சாகுபடி முறைக்கென்று, பிரத்யேகமாக எந்தச் சட்டமும் எந்த மாநிலத்திலும் இதுவரை இயற்றப்படவில்லை. தமிழக அரசுதான் முதல்முதலாக தனிச் சட்டத்தை வடிவமைத்துள்ளது.
  • புதிய சட்டத்தின்படி, கொள்முதலாளா் அல்லது உணவு பதப்படுத்தும் நிறுவனத்துடன் விவசாயிகள் ஒப்பந்தம் செய்யும்போது, அன்றைய தினத்தின் விலையையே, பொருள்களைப் பரிமாற்றம் செய்யும்போதும் நிா்ணயிக்கும் வகையில் பாதுகாப்பு அளிக்கப்படுகிறது. 
  • ஒப்பந்தப் பண்ணையச் சட்டத்தின் கீழ் பதிவு செய்துள்ள கொள்முதலாளா், அந்தப் பகுதியைச் சோந்த வேளாண் விற்பனை மற்றும் வேளாண் வணிகத் துறையால் அனுமதிக்கப்பட்ட அலுவலரிடம் பதிவு செய்து கொள்ளவேண்டும். மேலும், ஒப்பந்தப் பண்ணைய உற்பத்தியாளருடன் ஒப்பந்தத்தை அலுவலா் முன்னிலையில் பதிவு செய்ய வேண்டும்.
  • ஒப்பந்த சாகுபடி முறையால் விவசாயிகளுக்கு பல நன்மைகள் உள்ளன. அதிக விளைச்சல் காரணமாக விலை வீழ்ச்சி ஏற்படும் நேரங்களில், விவசாயிகள் பெரும் இழப்புக்கு ஆளாகின்றனா். இந்தப் புதிய சட்டத்தால் விவசாயிகளுக்கு எந்தவித பொருள் அல்லது பண இழப்பும் ஏற்படாது. முன்னரே ஒப்பந்தம் செய்யப்பட்ட விலையில் பொருள்கள் விற்பனை செய்ய வழிவகை செய்யப்பட்டுள்ளது.
  • ஒப்பந்த பண்ணைய சாகுபடி முறையால் விவசாயிகளுக்கும், வேளாண் சாா்ந்த தொழிற்சாலைகளுக்கும் இடையே நல்ல புரிதல் ஏற்படும். விதைப்பு காலத்துக்கு முன்பே விளைபொருள்களின் விலை நிா்ணயம் செய்யப்படுவதால், அனைத்துத் தொழில்நுட்பங்களையும் பின்பற்றி, அதன் மூலம் விளைச்சல் அதிகரித்து, விவசாயிகளுக்கு அதிக வருமானம் ஈட்டிட வாய்ப்பு ஏற்படும்.
  • கொள்முதலாளருக்கும், விவசாயிகளுக்கும் ஒப்பந்தம் செய்யப்பட்ட பிறகு, அது மீறப்பட வாய்ப்புள்ளது. அப்படி மீறப்பட்டால் விவசாயிகளின் விளைபொருள்களுக்கு உரிய தொகையைப் பெற்றுத் தரும் வகையில் அனைத்து பாதுகாப்பு நடவடிக்கைகளும் சட்டத்தில் அறிமுகப்படுத்தப்பட்டுள்ளன. மேலும், இதில் ஏற்படும் சிக்கல்களை களைய வருவாய் கோட்ட அளவிலும், மாவட்ட, மாநில அளவிலும் அமைப்புகள் ஏற்படுத்தப்படும்.
  • தமிழக அரசு, மத்திய அரசு அல்லது இந்திய வேளாண் ஆராய்ச்சிக் கழகத்தால் தடை செய்யப்பட்ட எந்தவொரு விளைபொருள்களையும் புதிய சட்டத்தின் மூலமாக ஒப்பந்தங்களைச் செய்து விற்பனை செய்ய முடியாது என தமிழக அரசின் அறிவிப்பில் தெரிவிக்கப்பட்டுள்ளது.

29th OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
ஒப்பந்த சாகுபடி செய்யும் விவசாயிகள் நலன் காக்க புதிய சட்டம்: இந்தியாவிலேயே முதல்முறையாக தமிழகத்தில் அமல்
  • ஒப்பந்த அடிப்படையில் சாகுபடி மேற்கொள்ளும் விவசாயிகளின் நலன்களைக் காப்பதற்கு புதிய சட்டம் கொண்டு வரப்பட்டுள்ளதாக தமிழக அரசு அறிவித்துள்ளது.
  • தமிழகத்தில் கரும்பு, இறைச்சிக் கோழி, மூலிகைப் பயிா்கள் போன்ற வகைகளில் சாகுபடி முறை பல ஆண்டுகளாக நடைமுறையில் உள்ளன. 
  • ஆனாலும், ஒப்பந்த சாகுபடியில் பங்குபெறும் விவசாயிகளின் நலன்களைப் பாதுகாக்க சட்டம் ஏதும் நடைமுறையில் இல்லை. இதைக் கருத்தில் கொண்டு புதிய சட்டம் கொண்டு வரப்படும் என்று முதல்வா் பழனிசாமி அறிவித்திருந்தாா்.
  • இதன்படி, தமிழ்நாடு வேளாண் விளைபொருள், கால்நடை ஒப்பந்தப் பண்ணையம், சேவைகள் ஊக்குவிப்பு மற்றும் எளிதாக்குதல் சட்ட மசோதா பேரவையில் தாக்கல் செய்யப்பட்டு, அதற்கு ஒப்புதல் பெறப்பட்டது. இந்த சட்டமானது அரசிதழில் வெளியிடப்பட்டுள்ளது.
  • அகில இந்திய அளவில் ஒப்பந்த சாகுபடி முறைக்கென்று, பிரத்யேகமாக எந்தச் சட்டமும் எந்த மாநிலத்திலும் இதுவரை இயற்றப்படவில்லை. தமிழக அரசுதான் முதல்முதலாக தனிச் சட்டத்தை வடிவமைத்துள்ளது.
  • புதிய சட்டத்தின்படி, கொள்முதலாளா் அல்லது உணவு பதப்படுத்தும் நிறுவனத்துடன் விவசாயிகள் ஒப்பந்தம் செய்யும்போது, அன்றைய தினத்தின் விலையையே, பொருள்களைப் பரிமாற்றம் செய்யும்போதும் நிா்ணயிக்கும் வகையில் பாதுகாப்பு அளிக்கப்படுகிறது. 
  • ஒப்பந்தப் பண்ணையச் சட்டத்தின் கீழ் பதிவு செய்துள்ள கொள்முதலாளா், அந்தப் பகுதியைச் சோந்த வேளாண் விற்பனை மற்றும் வேளாண் வணிகத் துறையால் அனுமதிக்கப்பட்ட அலுவலரிடம் பதிவு செய்து கொள்ளவேண்டும். மேலும், ஒப்பந்தப் பண்ணைய உற்பத்தியாளருடன் ஒப்பந்தத்தை அலுவலா் முன்னிலையில் பதிவு செய்ய வேண்டும்.
  • ஒப்பந்த சாகுபடி முறையால் விவசாயிகளுக்கு பல நன்மைகள் உள்ளன. அதிக விளைச்சல் காரணமாக விலை வீழ்ச்சி ஏற்படும் நேரங்களில், விவசாயிகள் பெரும் இழப்புக்கு ஆளாகின்றனா். இந்தப் புதிய சட்டத்தால் விவசாயிகளுக்கு எந்தவித பொருள் அல்லது பண இழப்பும் ஏற்படாது. முன்னரே ஒப்பந்தம் செய்யப்பட்ட விலையில் பொருள்கள் விற்பனை செய்ய வழிவகை செய்யப்பட்டுள்ளது.
  • ஒப்பந்த பண்ணைய சாகுபடி முறையால் விவசாயிகளுக்கும், வேளாண் சாா்ந்த தொழிற்சாலைகளுக்கும் இடையே நல்ல புரிதல் ஏற்படும். விதைப்பு காலத்துக்கு முன்பே விளைபொருள்களின் விலை நிா்ணயம் செய்யப்படுவதால், அனைத்துத் தொழில்நுட்பங்களையும் பின்பற்றி, அதன் மூலம் விளைச்சல் அதிகரித்து, விவசாயிகளுக்கு அதிக வருமானம் ஈட்டிட வாய்ப்பு ஏற்படும்.
  • கொள்முதலாளருக்கும், விவசாயிகளுக்கும் ஒப்பந்தம் செய்யப்பட்ட பிறகு, அது மீறப்பட வாய்ப்புள்ளது. அப்படி மீறப்பட்டால் விவசாயிகளின் விளைபொருள்களுக்கு உரிய தொகையைப் பெற்றுத் தரும் வகையில் அனைத்து பாதுகாப்பு நடவடிக்கைகளும் சட்டத்தில் அறிமுகப்படுத்தப்பட்டுள்ளன. மேலும், இதில் ஏற்படும் சிக்கல்களை களைய வருவாய் கோட்ட அளவிலும், மாவட்ட, மாநில அளவிலும் அமைப்புகள் ஏற்படுத்தப்படும்.
  • தமிழக அரசு, மத்திய அரசு அல்லது இந்திய வேளாண் ஆராய்ச்சிக் கழகத்தால் தடை செய்யப்பட்ட எந்தவொரு விளைபொருள்களையும் புதிய சட்டத்தின் மூலமாக ஒப்பந்தங்களைச் செய்து விற்பனை செய்ய முடியாது என தமிழக அரசின் அறிவிப்பில் தெரிவிக்கப்பட்டுள்ளது.
இந்தியாவில் முதலீடு செய்ய வாருங்கள் பிரதமர் மோடி அழைப்பு
  • ரியாத்தில் நடைபெற்ற 'எதிர்கால முதலீடு' குறித்த நிகழ்ச்சியில் பங்கேற்றுப் பேசிய அவர், அடுத்த 5 ஆண்டுகளுக்குள் 100 பில்லியன் டாலரை, எண்ணெய் சுத்திகரிப்பு போன்றவற்றில் இந்தியா முதலீடு செய்யும் என்று கூறினார். சவுதி அரேபியாவின் அராம்கோ நிறுவனம் இந்தியாவில் முதலீடு செய்யவுள்ளது மகிழ்ச்சி அளிப்பதாகவும் பிரதமர் தெரிவித்தார். 
  • தொழில் தொடங்குவதற்கு ஏதுவான நாடுகளில், உலகளவில் இந்தியா 3ஆவது இடத்தில் இருப்பதாகக் கூறிய பிரதமர் மோடி, சர்வதேச முதலீட்டாளர்கள் இதனை பயன்படுத்திக்கொள்ள வேண்டும் என்று கேட்டுக்கொண்டார்.
ஆழ்துளை கிணறு: மழைநீர் சேகரிப்பாக மாற்ற அதிரடி உத்தரவு
  • திருச்சி மாவட்டம், மணப்பாறையை அடுத்த, நடுக்காட்டுப்பட்டி கிராமத்தில், மூடப்படாத ஆழ்துளை கிணற்றில், 2 வயது ஆண் குழந்தை சுஜீத் வில்சன், தவறி விழுந்தார். சுமார் 80 மணி நேர போரோட்டம் தோல்வியில் முடிந்தது. இறுதியாக சுஜித்தின் சடலம் மீட்கப்பட்டு, அடக்கம் செய்யப்பட்டது. இந்த சோக சம்பவம் நாடு முழுவதும் பெரும் அதிர்வலைகளை ஏற்படுத்தியது. 
  • இதனையடுத்து, தமிழகம் முழுவதும் உள்ள பயனற்ற ஆழ்துளை கிணறுகளை மூட குடிநீர் வாரியம் உத்தரவிட்டுள்ளது.குடிநீர் வாரிய பொறியாளர்கள், 24 மணி நேரத்தில் தமிழகம் முழுவதும் உள்ள பயனற்ற ஆழ்துளை கிணறுகள், திறந்தவெளி கிணறுகளை மழைநீர் சேகரிப்பு கட்டமைக்க மாற்ற வேண்டும். 
  • கட்டமைப்பாக மாற்ற தவறும் அதிகாரிகள் மீது கடும் நடவடிக்கை எடுக்கப்படும். பொதுமக்களும் இந்த நடவடிக்கைக்கு உதவலாம். மழைநீர் சேகரிப்பு முறைகள் பற்றிய சந்தேகம் இருந்தால் 9445802145 என்ற எண்ணில் தொடர்பு கொள்ளலாம். 
  • மேலும், https://www.twadboard.tn.gov.in/ என்ற இணையதளத்திலோ, சமூக வலைதளங்களிலோ விளக்கங்கள் பெறலாம். இவ்வாறு இந்த உத்தரவில் கூறப்பட்டுள்ளது.



47 ஆவது உச்சநீதிமன்ற தலைமை நீதிபதி - எஸ்.ஏ. பாஸ்பேட் நியமனம் 
  • உச்ச நீதிமன்ற தலைமை நீதிபதியாக இருக்கும் ரஞ்சன் கோகாய் வரும் நவம்பர் 17ஆம் தேதியுடன் ஓய்வு பெறுகிறார். இதையடுத்து அடுத்த நீதிபதியாக ரஞ்சன் கோகாய் எஸ். ஏ. பாப்டே என்பவரை மத்திய சட்டம் மற்றும் நீதித்துறை அமைச்சகத்திற்கு பரிந்துரை செய்துள்ளார்.
  • இதை ஏற்றுக்கொண்ட குடியரசுத் தலைவர் ராம்நாத் கோவிந்த்இன்று அவரின் பதவி நியமன ஆணையில் கையெழுத்திட்டுள்ளார். பாப்டே வரும் நவம்பர் 18ஆம் தேதி தலைமை நீதிபதியாக பொறுப்பேற்றுக்கொள்ள உள்ளார். இவரின் பதவிக் காலம் 2021ஆம் ஆண்டு ஏப்ரல் 23ஆம் தேதி வரை உள்ளது.
சவுதி அரேபியா தலைநகர் ரியாத்தில் ஜோர்தான் மன்னர் அப்துல்லாவுடன் பிரதமர் மோடி சந்திப்பு
  • சவுதி அரேபியா சென்றுள்ள பிரதமர் மோடி தலைநகர் ரியாத்தில் ஜோர்தான் மன்னர் அப்துல்லாவுடன் சந்திப்பு மேற்கொண்டுள்ளார். இருதரப்பு வர்த்தகம், முதலீடு உள்ளிட்டவை குறித்து மோடியும் அப்துல்லாவும் பேச்சுவார்த்தை நடத்துகின்றனர்.
பிரபல கிரிக்கெட் வீரருக்கு இரண்டு ஆண்டுகள் விளையாட தடை: ஐசிசி அதிரடி
  • இந்தியா - வங்கதேசம் இடையேயான டெஸ்ட் தொடர் நவம்பர் மாதம் தொடங்க உள்ளது. இந்நிலையில் வங்கதேச கிரிக்கெட் வீரரான சகிப் அல் ஹசன் சூதாட்டம் தொடர்பான புகாரில் சிக்கியுள்ளார். நடந்து முடிந்த உலக கோப்பை தொடரில் அபாரமாக விளையாடி கவனம் ஈர்த்தவர் அல் ஹசன்.
  • இந்நிலையில் அவரை சூதாட்டத்தில் ஈடுபடும்படி சிலர் அவரது போனுக்கு கால் செய்ததாக கூறப்படுகிறது. ஆனால் அந்த விஷயத்தை வெளியே சொல்லாமல் அல் ஹசன் மறைத்துள்ளார். 
  • இதை கண்டுபிடித்த ஐசிசி அவரை சர்வதேச போட்டிகளில் விளையாட முடியாதபடி இரண்டு ஆண்டுகளுக்கு தடை விதித்துள்ளது. இந்த சம்பவம் வங்கதேச அணி இந்தியாவுடன் விளையாட இருக்கும் நிலையில் பெரும் பின்னடைவை ஏற்படுத்தியுள்ளது.

Tuesday, 29 October 2019

26th, 27th & 28th OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
டிஜிட்டலுக்கு தனி நிறுவனம் 'ரிலையன்ஸ் இண்டஸ்ட்ரீஸ்' அமைக்கிறது
  • 'ரிலையன்ஸ் இண்டஸ்ட்ரீஸ்' நிறுவனம், டிஜிட்டல் பிரிவில் எடுக்கப்படும் முன்முயற்சிகள் அனைத்தையும் ஒருங்கிணைக்கும் வகையில், அதற்கென தனியாக ஒரு துணை நிறுவனத்தை அமைக்க இருக்கிறது.செயலிகள் உட்பட அனைத்து விதமான டிஜிட்டல் முன்முயற்சிகளுக்கான, தனியான ஒரு துணை நிறுவனமாக இது செயல்படும்.
  • இந்நிறுவனம், 1.08 லட்சம் கோடி ரூபாய் மதிப்பிலான பங்குகளை கொண்ட நிறுவனமாக இருக்கும் வகையில், இதில் ரிலையன்ஸ் முதலீட்டை மேற்கொள்கிறது.
தொழில் செய்ய ஏற்ற நாடுகள் உலக நாடுகள் பட்டியலில் இந்தியாவுக்கு 63வது இடம்
  • உலக அளவில் 190 நாடுகளில் முதலீடு செய்வதற்கும் தொழில் தொடங்குவதற்கும் ஏற்ற நாடுகள் பட்டியலை ஒவ்வொரு ஆண்டும் உலக வங்கி தனது ஆய்வு அறிக்கையில் வெளியிடும். அந்த பட்டியல் வெளியிடப்பட்டது. 
  • இதில், தொழில் தொடங்குவதற்கு ஏற்ற நாடுகளில் கடந்த ஓர் ஆண்டில் 14 இடங்குகளுக்கு முன்னேறிய இந்தியா, பட்டியலில் 77வது இடத்தில் இருந்து 63வது இடத்திற்கு முன்னேறியுள்ளது. 
  • தொழில் தொடங்குவதற்கு ஏற்ற சூழ்நிலை நிலவுவதில் கடந்த ஆண்டு 67.3 சதவீதம் புள்ளிகள் பெற்றிருந்த இந்தியா, தற்போது 71.0 சதவீதம் பெற்றுள்ளது. இதன் மூலம் 2020ல் தொழில் தொடங்குவதற்கு நாடுகள் பட்டியலில் இந்தியா முன்னேறியுள்ளது குறிப்பிடத்தக்கது. 
ஹரியானாவின் முதல்வராக கட்டர், துணை முதல்வராக துஷ்யந்த
  • பாஜக தலைவர் மனோகர் லால் கட்டர் மற்றும் ஜன்னாயக் ஜந்தா கட்சி (JJP) தலைவர் துஷ்யந்த் சௌதலா ஆகியோர் முறையே ஹரியானாவில் முதலமைச்சராகவும், துணை முதல்வராகவும் பதவியேற்க உள்ளனர். 
  • 90 உறுப்பினர்களை கொண்ட ஹரியானா சட்ட சபையில்., 40 உறுப்பினர்களை வென்ற பாஜக, பெரும்பான்மைக்கு ஆறு இடங்களை குறைவாக கொண்டுள்ளது. இதனையடுத்து முன்னாள் துணை பிரதமர் தேவி லாலின் பேரன் துஷ்யந்த் சௌதாலா தலைமையிலான JJP-யுடன் ஒரு கூட்டணியை அறிவித்தது.
மாற்றுத்திறனாளிகள் தபால் மூலம் வாக்களிக்கலாம் மத்திய அரசு அனுமதி
  • தேர்தல் ஆணையத்தின் பரிந்துரை குறித்து ஆலோசித்து தேர்தல் நடத்தை விதிகளில் மத்திய சட்ட அமைச்சகம் திருத்தம் கொண்டு வந்துள்ளது.
  • இதன் மூலம் இனி வரும் காலங்களில் சிரமமின்றி முதியோர்களும், மாற்றுத்திறனாளிகளும் தங்களின் ஜனநாயக கடமையை நிறைவேற்ற முடியும்.
  • தேர்தலில் வாக்களிக்க வரும் முதியோர்களும், மாற்றுத்திறனாளிகளும் வாக்குப்பதிவு மையங்களுக்கு வருவதற்காக ஆள் துணை தேட வேண்டிய நிலை இப்போது பரவலாக உள்ளது. 
  • மேலும், வாக்குப்பதிவு மையங்களில் சாய்தள பாதை(ரேம்ப் வசதி) இல்லை என்றால் மாற்றுத்திறனாளிகள் மிகுந்த சிரமத்திற்கு ஆளாக வேண்டிய அவலம் உள்ளது.
  • தேர்தல் அன்று வாக்குப்பதிவு மையங்களில் மாற்றுத்திறனாளிகள், மற்றும் முதியோர்கள் படும் சிரமங்கள் குறித்து தேர்தல் ஆணையத்துக்கு கிடைத்த தகவலின் அடிப்படையில் அவர்களுக்கு தபாலில் வாக்களிக்க அனுமதி வழங்கலாம் என மத்திய அரசுக்கு பரிந்துரை செய்யப்பட்டது.
  • தேர்தல் ஆணையத்தின் பரிந்துரை குறித்து பரிசீலனை செய்த மத்திய சட்ட அமைச்சகம், தேர்தல் நடத்தை விதிகளில் திருத்தம் மேற்கொண்டு மாற்றுத்திறனாளிகளும், 80 வயதை எட்டிய முதியோர்களும் தபால் மூலம் வாக்களிக்க அனுமதி அளித்துள்ளது.
  • தேர்தல் பணியில் ஈடுபடும் அரசு ஊழியர்களுக்கும், பாதுகாப்பு படையினருக்கும் தபால் ஓட்டு உரிமை ஏற்கனவே உள்ள நிலையில், அந்த பட்டியலில் மாற்றுத்திறனாளிகளும், முதியோர்கள் இப்போது புதிதாக இணைந்துள்ளனர்.
  • தேர்தலின் போது வாக்களிப்பவர்களின் எண்ணிக்கையை அதிகரிக்க வேண்டும் என்ற நோக்கில் தேர்தல் ஆணையம் இந்த புதிய முயற்சியை முன்னெடுத்துள்ளது குறிப்பிடத்தக்கது.



டில்லி பஸ்களில் பெண்களுக்கு இலவச பயணம்
  • டில்லி மாநகர பஸ்களில், பெண்கள் அக்.,29 முதல் இலவசமாக பயணிக்கலாம். பெண்களின் பாதுகாப்புக்காக, பஸ்களில் சிறப்பு பாதுகாவலர்கள் பணியமர்த்தப்பட்டுள்ளனர்.
  • முதல் கட்டமாக, மாநகர பஸ்களில் இந்த இலவச பயண திட்டம், இன்று முதல் அமலுக்கு வருகிறது. வட மாநிலங்களில், 'பைதுாஜ்' என்ற பண்டிகை இன்று கொண்டாடப்படுகிறது. 
  • தங்கள் சகோதரர்கள் நீண்ட நாட்கள் ஆரோக்கியத்துடன் வாழ்வதற்காக, பெண்கள் வழிபாடு நடத்தும் பண்டிகை இது. இதையொட்டி, இந்த இலவச பயண திட்டத்தை, இன்று முதல் துவக்க, மாநில அரசு முடிவு செய்துள்ளது.
பிரதமர் நரேந்திர மோடி, தேசிய பாதுகாப்பு ஆலோசகர் அஜித் தோவலுடன் ஐரோப்பிய கூட்டமைப்பு பிரதிநிகள் பேச்சுவார்த்தை
  • பிரதமர் நரேந்திர மோடி, தேசிய பாதுகாப்பு ஆலோசகர் அஜித் தோவலுடன் ஐரோப்பிய கூட்டமைப்பு பிரதிநிகள் சந்தித்து பேச்சுவார்த்தை நடத்தி வருகின்றனர். 
  • டெல்லி வந்துள்ள ஐ.கூ. எம்.பி.க்கள் காஷ்மீர் பிரச்சனை, 370 வது சிறப்பு சட்ட அந்தஸ்து நீக்கம் பற்றி ஆலோசனை நடத்தி வருகின்றனர்.
ஐ.எஸ். அமைப்பு தலைவர் கொல்லப்பட்டதை உறுதி செய்தார் அதிபர் டிரம்ப்
  • ஐ.எஸ்.ஐ.எஸ்., பயங்கரவாத இயக்கத் தலைவர் அபுபக்கர் அல்-பக்தாதி, அமெரிக்க பாதுகாப்பு படைகளால் கொல்லப்பட்டதாக தகவல் வெளியானதை அமெரிக்க அதிபர் டிரம்ப் உறுதிபடுத்தி உள்ளார்.
  • சிஐஏ., எனப்படும் அமெரிக்க மத்திய புலனாய்வு மூலம் இருப்பிடத்தை கண்டுபிடித்த அமெரிக்க படைகள் அவரை கொன்றுவிட்டதாக கூறப்பட்டது. 
நெருப்பு கோவிலில் வெங்கையா நாயுடு
  • ஐரோப்பிய நாடான அஸர்பைஜானுக்கு சென்ற துணை ஜனாதிபதி வெங்கையா நாயுடு அங்குள்ள நெருப்பு கோவிலை பார்வையிட்டார்.
  • 'நாம்' எனப்படும் அணிசாரா நாடுகளின் 18வது கூட்டத்தில் பங்கேற்பதற்காக துணை ஜனாதிபதி வெங்கையா நாயுடு முன்னாள் சோவியத் யூனியன் நாடான அஸர்பைஜான் சென்றார். 
  • இந்த பயணத்தின்போது தென் அமெரிக்க நாடான வெனிசுலா அதிபர் நிகோலஸ் மடுரோவைச் சந்தித்து இரு தரப்பு உறவுகள் குறித்து வெங்கையா பேசினார்.
  • அதேபோல் வெங்கையா நாயுடுவுடன் சென்ற நமது வெளியுறவுத் துறை அமைச்சர் எஸ்.ஜெய்சங்கர் மத்தியக் கிழக்கு நாடுகளான குவைத் மற்றும் பெஹ்ரைன் வெளியுறவு அமைச்சர்களை சந்தித்து பேசினார்.
  • அஸர்பைஜானில் உள்ள நெருப்பு கோவில் எனப்படும் அதேஷ்கா கோவிலுக்கு வெங்கையா நாயுடு சென்றார்.'கடந்த 18வது நூற்றாண் டில் கட்டப்பட்ட இந்த கோவில் இந்தியா - அஸர்பைஜான் இடையேயான கலாசார உறவை பறைச்சாற்றும் வகையில் அமைந்துள்ளது' என வெங்கையா நாயுடு தெரிவித்தார். 
  • சோவியத் யூனியனில் அஸர்பைஜான் இருந்தபோது இந்தியாவின் முதல் நோபல் பரிசை வென்ற கவிஞர் ரவீந்திரநாத் தாகூர் அங்கு பயணம் மேற்கொண்டதையும் அவர் நினைவு கூர்ந்தார்.அஸர்பைஜான் பயணம் முடிந்து வெங்கையா நாயுடு நாடு திரும்பினார்.



பெல்ஜியம் நாட்டில் முதல் முதலாக பெண் பிரதமர் நியமனம்
  • பெல்ஜியம் நாட்டில் அரசியல் நிலைமை மோசமாக உள்ளது. ஏற்கனவே கடந்த 2010-11 ஆம் வருடங்களில் இந்த நாடு அரசு அமையாமல் 541 நாட்கள் இருந்து வந்தது. அதன் பிறகு அமைக்கப்பட்ட அரசும் பல முறை பல சோதனைகளைச் சந்தித்து வந்துள்ளது.
  • இந்நிலையில் பெல்ஜியம் நாட்டு நிதிநிலை அறிக்கை அமைச்சர் சோபி வில்லியம்ஸ் தற்காலிக பிரதமராகப் பொறுப்பு ஏற்பார் என சார்லஸ் மிச்சல் அறிவித்துள்ளார். சுமார் 44 வயதாகும் சோபி வில்லியம்ஸ் பெல்ஜியம் நாட்டின் முதல் பெண் பிரதமர் ஆவார். இவருக்கு விரைவில் அந்நாட்டு அரசர் பிலிப் பதவிப் பிரமாணம் செய்து வைக்க உள்ளார்.
அபுதாபி ஓபன் படகுப் போட்டியில் தங்கம் வென்று தமிழக வீரர் சாதனை
  • அபுதாபியில், சர்வதேச அளவிலான அபுதாபி ஓபன் படகுப் போட்டி நடந்தது. இதில் 29 நாடுகளை சேர்ந்த 200 வீரர், வீராங்கனைகள் பங்கேற்றனர். லேசர் ரேடியல், ஆப்டிமிஸ்ட் என 4 பிரிவுகளில் ஆண்கள், பெண்களுக்கு தனித்தனியே போட்டிகள் நடைபெற்றன. இந்த போட்டியை அபுதாபி படகுஓட்டுதல் மற்றும் பாய்மரப் படகு சங்கம் நடத்தியது.
  • லேசர் ரேடியல் பிரிவில் பல்கேரியா, டென்மார்க், நெதர்லாந்து, நார்வே, உக்ரைன், அமெரிக்கா என 11 நாடுகளை சேர்ந்த 23 பேர் பங்கேற்றனர். இவர்களில் இந்தியா சார்பில் தமிழகத்தை சேர்ந்த நேத்ரா குமணன் பங்கேற்றார். தொடர்ந்து 3 நாட்கள் நடைபெற்ற போட்டியில் தொடக்கம் முதல் நேத்ரா குமணன் முன்னிலை வகித்து வந்தார். ஆனால், ஓமனின் ஜக்காரியா, உக்ரைனின் ஆஸ்கர் ஆகியோர் கடும் சவாலை தந்தனர்.
  • எனினும், முடிவில் முதலிடம் பிடித்த நேத்ரா குமணன், தங்கப் பதக்கத்தை வென்றார். கூடவே 1.20 லட்ச ரூபாய் ரொக்கப் பரிசும் அளிக்கப்பட்டது. 
  • இந்தப் பிரிவில் ஓமன், நார்வே வீரர்கள் முறையே 2வது, 3வது இடங்கள் பிடித்தனர். இந்த வெற்றியின் மூலம் நேத்ரா குமணன், ஒலிம்பிக் தகுதிப் போட்டியில் விளையாட தகுதி பெற்றார். தங்கம் வென்ற அவரை, தமிழ்நாடு படகு ஓட்டும் சங்க நிர்வாகிகள் பாராட்டினர்.
உலக முப்படைகள் விளையாட்டு:வெள்ளி வென்றாா் தீபக்
  • சீனாவின் வூஹான் நகரில் நடைபெற்று வரும் இப்போட்டியின் ஒரு பகுதியாக 46-59 கிலோ பிளை வெயிட் பிரிவு குத்துச்சண்டை இறுதிச் சுற்று ஆட்டம் நடந்தது. 
  • இதில் இந்தியாவின் நட்சத்திர வீரா் தீபக்-கஜகஸ்தானின் ஜுஸ்போவ் டெம்ரிடாஸுடன் மோதினாா். இதில் 5-0 என்ற புள்ளிக்கணக்கில் வென்று டெம்ரிடாஸ் தங்கம் வென்றாா்.
  • இரண்டாம் இடம் பெற்ற தீபக் வெள்ளிப் பதக்கம் வென்றாா். எனினும் இறுதிச் சுற்று முடிந்தவுடன் நடுவரின் தீா்ப்பு குறித்து தீபக், பயிற்சியாளா் ஜெய் சிங் பாட்டீல் ஆகியோா் முறையிட்டனா்.
  • ஆடவா் டென்னிஸ் போட்டியில் உஸ்பெகிஸ்தான் வீரா் சொஜி போமினை 6-2, 6-3 என்ற நோ செட்களில் வீழ்த்தி வெண்கலப் பதக்கம் வென்றாா் இந்திய வீரா் ஸ்ரீராம் பாலாஜி.



சர்வதேச டி20 போட்டியில் முதல் முறையாக சதம் அடித்த டேவிட் வார்னர்
  • இலங்கை கிரிக்கெட் அணி ஆஸ்திரேலியாவில் சுற்றுப்பயணம் நேற்று முதல் டி20 போட்டி அடிலெய்ட் ஓவல் மைதானத்தில் நடைபெற்றது.
  • இப்போட்டியில் ஆஸ்திரேலிய அணியின் தொடக்க வீரர் டேவிட் வார்னர் 56 பந்தில் 10 பவுண்டரி 4 சிக்சர்கள் சதம் விளாசினார். இதன்மூலம் சர்வதேச டி20 போட்டியில் முதல்முறையாக டேவிட் வார்னர் சதம் அடித்துள்ளார். இதுவரை டேவிட் வார்னர் 71 சர்வதேச டி20 போட்டியில் விளையாடி உள்ளார்.
  • அதில் அதிகபட்ச ரன் நேற்றைய போட்டியில் அடித்த சதம் தான். சர்வதேச டி20 போட்டியில் இதுவரை 1892 ரன்கள் எடுத்துள்ளார். அதில் 13 அரைசதம் ஒரு சதம் அடங்கும்.
82வது பட்டம் வென்று டைகர் வுட்ஸ் அசத்தல்
  • ஜப்பானில் நடைபெற்ற ஸோஸோ கோல்ப் தொடரில் அமெரிக்க நட்சத்திரம் டைகர் வுட்ஸ் சாம்பியன் பட்டம் வென்றார்.
  • முழங்கால் மூட்டு அறுவை சிகிச்சை காரணமாக ஓய்வெடுத்து வந்த டைகர் வுட்ஸ் (43 வயது), நீண்ட இடைவெளிக்குப் பிறகு களமிறங்கிய ஸோஸோ பிஜிஏ தொடரில் முதலிடம் பிடித்தார். 
  • இது அவர் வென்ற 82வது பிஜிஏ சாம்பியன் பட்டமாகும். இதன் மூலமாக 1965ல் அமெரிக்காவின் சாம் ஸ்னீட் படைத்த சாதனையை (82 பட்டங்கள்) வுட்ஸ் சமன் செய்துள்ளார்.
10வது முறையாக பட்டம் வென்றார் ரோஜர் பெடரர்
  • சுவிஸ் உள்ளரங்கு டென்னிஸ் தொடரில், நட்சத்திர வீரர் ரோஜர் பெடரர் 10வது முறையாக சாம்பியன் பட்டம் வென்று சாதனை படைத்தார்.இறுதிப் போட்டியில் ஆஸ்திரேலியாவின் அலெக்ஸ் டி மினாருடன் (20 வயது, 18வது ரேங்க்) மோதிய பெடரர் (38 வயது, 3வது ரேங்க்) 6-2, 6-2 என்ற நேர் செட்களில் மிக எளிதாக வென்று கோப்பையை முத்தமிட்டார். 
  • சொந்த மண்ணில் உள்ளூர் ரசிகர்கள் முன்பாக பெற்ற இந்த சாதனை வெற்றியால் மிகவும் உணர்ச்சிவசப்பட்ட பெடரர் ஆனந்தக் கண்ணீர் வடித்தார். ஒரே தொடரில் 10 முறை சாம்பியன் பட்டம் வெல்லும் சாதனையை அவர் 2வது முறையாக நிகழ்த்தியுள்ளார். 
  • முன்னதாக, ஜெர்மனியில் நடைபெறும் ஹாலே தொடரில் அவர் 10 முறை கோப்பையை கைப்பற்றியுள்ளது குறிப்பிடத்தக்கது. பிரான்சில் நடைபெறும் பாரிஸ் மாஸ்டர்ஸ் டென்னிஸ் தொடரில் இருந்து விலகுவதாக பெடரர் நேற்று அறிவித்தார்.

Saturday, 26 October 2019

24th & 25th OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
நவம்பர் முதல் தேதி தமிழ்நாடு நாளாக கொண்டாடப்படும்: தமிழக அரசு அரசாணை வெளியீடு
  • 1956 ஆம் ஆண்டு ஒருங்கிணைந்த சென்னை மாகாணத்திலிருந்து கர்நாடகம், ஆந்திரா மற்றும் கேரளம் ஆகிய மொழிவாரி மாநிலங்கள் நவம்பர் 1 ஆம் தேதி பிரிந்து சென்றன. இந்த நாளை அந்த மாநிலங்களில் மாநிலம் பிறந்த நாளாக சிறப்பாக கொண்டாடி வருகின்றனர். 
  • இதன் அடிப்படையிலும் நவம்பர் 1 ஆம் தேதியை தமிழ்நாடு பிறந்த நாளாக கொண்டாட வேண்டும் என்ற கோரிக்கை வைக்கப்பட்டு வந்தது.
  • ஒவ்வொரு நாட்களுக்கும் ஒவ்வொரு சிறப்பு உள்ளது. அந்த வகையில், ஆண்டுதோறும் நவம்பர் 1 ஆம் தேதி தமிழ்நாடு நாள் சிறப்பாக கொண்டாடப்படும் என்ற மாபெரும் சிறப்பு அறிவிப்பினை முதல்வர் அறிவித்தார்.
  • மேலும், தமிழ் பல்கலைக்கழகத்தில் கால்டுவெல் இருக்கை அமைக்கப்படும். திருச்சியில் தியாகராஜ பாகவதருக்கு மணி மண்டபம் கட்டப்படும் என்றும் முதல்வர் பழனிசாமி அறிவித்தார்.
  • இந்நிலையில், மொழிவாரி மாநிலங்கள் பிரிக்கப்பட்ட தினமான நவம்பர் 1 ஆம் தேதியை பெருமைப்படுத்தும் வகையில் தமிழ்நாடு தினமாக கொண்டாடுவதற்கான அரசாணையை தமிழக அரசு வெளியிட்டுள்ளது.
  • இந்நாளினை கொண்டாடுவதற்காக, ரூ 10 லட்சம் நிதியையும் ஒதுக்கீடு செய்து தமிழக அரசு உத்தரவு பிறப்பித்துள்ளது.
கீழடி உள்பட முக்கிய இடங்களில் அகழாய்வு: மத்திய அரசு அனுமதி: ஜனவரியில் பணி தொடக்கம்
  • தமிழகத்தில் இதுவரை 40 வரலாற்று முக்கியத்துவமிக்க இடங்களில் அகழாய்வுப் பணிகள் மேற்கொள்ளப்பட்டுள்ளன. அழகன்குளம், பட்டறைப்பெரும்புதூர், கீழடி ஆகிய தொல்லியல் மற்றும் வரலாற்று முக்கியத்துவம் வாய்ந்த இடங்களில் விரிவான தொல்லியல் அகழாய்வுகள் மேற்கொள்ளப்பட்டன.
  • ராமநாதபுரம் மாவட்டம் அழகன்குளத்தில் கடந்த 2014-15-ஆம் ஆண்டில் அகழாய்வு மேற்கொள்ளப்பட்டது. இதற்காக ரூ.55 லட்சம் ஒதுக்கப்பட்டது. இதன்மூலம் தமிழகத்துக்கும் ரோம் நாட்டுக்குமான வணிகத் தொடர்புக்கான சான்றுகள் வெளிப்படுத்தப்பட்டன.
  • இதைத் தொடர்ந்து, சிவகங்கை மாவட்டம் கீழடியில் அகழாய்வுப் பணிகள் தொடங்கப்பட்டன. தமிழக அரசால் 2017-18-ஆம் ஆண்டுக்கு ரூ.55 லட்சமும், அதற்கடுத்த ஆண்டு ரூ.47 லட்சமும் ஒதுக்கப்பட்டது. 
  • இந்த அகழாய்வுகளின் முடிவுகளின் மூலம் கீழடி 2,600 ஆண்டுகள் பழைமை வாய்ந்தது எனவும், வைகை ஆற்றங்கரையில் நகர நாகரிகம் இருந்ததற்கான சான்றுகள் அறிவியல் முறைப்படி நிரூபிக்கப்பட்டுள்ளது.
மஹாராஷ்டிராவில் மீண்டும் பா.ஜ., - சிவசேனா கூட்டணி ஆட்சி: சரத் பவார் கட்சி முன்னேற்றம்
  • மஹாராஷ்டிராவில், முதல்வர் தேவேந்திர பட்னவிஸ் தலைமையிலான, பா.ஜ., - சிவசேனா கூட்டணி அரசு அமைந்துள்ளது.மாநிலத்தில் உள்ள, 288 சட்டசபை தொகுதிகளுக்கான தேர்தல், 21ல் நடந்தது. இதற்கான தேர்தல் முடிவுகள் நேற்று அறிவிக்கப்பட்டன.
  • பெரும்பான்மைக்கு, 145 இடங்கள் தேவை என்ற நிலையில், தற்போதைய தேர்தலில், பா.ஜ., கூட்டணி, 159 இடங்களில் வென்றுள்ளது. இதில், பா.ஜ., 101 இடங்களிலும், சிவசேனா, 58 இடங்களிலும் வென்றுள்ளன.
  • கடந்த தேர்தலைப் போலவே, காங்., மற்றும் சரத் பவாரின் தேசியவாத காங்., தற்போதும் கூட்டணி அமைத்து தேர்தலை சந்தித்தன.கடந்த தேர்தலில், 42 இடங்களில் வென்ற காங்., தற்போது, 45 இடங்களில் வென்றுள்ளது.
ஹரியானாவில் தொங்கு சட்டசபை ஆட்சி அமைக்க உரிமை கோர பா.ஜ., முடிவு
  • ஹரியானாவில் முதல்வர் மனோகர்லால் கட்டார் தலைமையிலான பா.ஜ. ஆட்சி நடக்கிறது. இங்கு மொத்தம் உள்ள 90 தொகுதிகளுக்கு 21ல் தேர்தல் நடந்தது. இதில் ஆளும் பா.ஜ. எதிர்க்கட்சியான காங்கிரஸ் இந்திய தேசிய லோக்தளம் ஜனநாயக ஜனதா கட்சி ஆகிய கட்சிகள் போட்டியிட்டன.
  • ஹரியானாவில் ஆட்சியமைக்க 46 தொகுதிகளில் வெற்றி பெற்றிருக்க வேண்டும். இந்த எண்ணிக்கை எந்த கட்சிக்கும் கிடைக்கவில்லை. பா.ஜ. 40 தொகுதிகளிலும் காங்கிரஸ் 31 தொகுதிகளிலும் ஜனநாயக ஜனதா கட்சி 10 தொகுதிகளிலும் வெற்றி பெற்றதாக அறிவிக்கப்பட்டது.
  • சுயேச்சைகள் மற்றும் இதர கட்சிகள் ஒன்பது தொகுதிகளில் வெற்றி பெற்றன.மனோகர்லால் கட்டார் அரசில் அமைச்சர்களாக இருந்த பலர் தோல்வியை தழுவினர். இதனால் ஹரியானாவில் தொங்கு சட்டசபை ஏற்பட்டுள்ளது. 
  • ஆனாலும் அதிக தொகுதிகளில் வென்றுள்ள கட்சி என்ற அடிப்படையில் ஆளும் கட்சியான பா.ஜ. ஆட்சி அமைப்பதற்கு கவர்னரிடம் உரிமை கோர முடிவு செய்துள்ளது.பா.ஜ.



உலக வங்கி பட்டியலில் முன்னேறும் இந்தியா
  • எளிதாக தொழில் புரிவதற்கான நாடுகள் குறித்த உலக வங்கியின் பட்டியலில், இந்தியா, 14 இடங்கள் முன்னேறி, 63வது இடத்தை பிடித்துள்ளது. இதற்கு முந்தைய தர வரிசை பட்டியலில் இந்தியா, 77வது இடத்தில் இருந்தது. தற்போது, 14 இடங்கள் முன்னேறி, 63 இடத்தை பிடித்து சாதனை படைத்துள்ளது.
  • பிரதமர் மோடியின், 'மேக் இன் இந்தியா' பிரசாரம், அன்னிய முதலீட்டை ஈர்ப்பது, தனியார் துறையை மேம்படுத்துதல் நாட்டின் ஒட்டுமொத்த போட்டித் தன்மையை மேம்படுத்துதல் ஆகியவற்றில், இந்தியா அதிகம் கவனம் செலுத்தி வருவது இந்த முன்னேற்றத்துக்கு காரணம் என, உலக வங்கி தெரிவித்துள்ளது. 
  • குறிப்பாக, திவால் சட்டத்தை சிறப்பாக செயல்படுத்தி வருவது, இந்த முன்னேற்றத்துக்கு மிக முக்கிய காரணமாக அமைந்திருப்பதாக, உலக வங்கி தெரிவித்துள்ளது.'எளிதாக தொழில் புரிதல்' குறித்த ஆய்வறிக்கையை உலக வங்கி தொடர்ந்து வெளியிட்டு வருகிறது. இந்த ஆய்வறிக்கை, 190 நாடுகள் குறித்து ஆய்வு செய்து, வெளியிடப்படுகிறது. 
  • உலக வங்கியின் இந்த தரவரிசை பட்டியலில், நியூசிலாந்து தொடர்ந்து முதலிடத்தை தக்கவைத்துக் கொண்டு உள்ளது. இதையடுத்து சிங்கப்பூர், ஹாங்காங் ஆகிய நாடுகள் உள்ளன.கொரியா, ஐந்தாவது இடத்திலும், அமெரிக்கா ஆறாவது இடத்திலும் உள்ளது. 
நாட்டின் பொருளாதாரம் 5.5 சதவீதமாக சரியும்
  • நாட்டின் பொருளாதார வளர்ச்சி நடப்பு நிதியாண்டில் 5.5 சதவீதமாக குறையும் என பிட்ச் ரேட்டிங்ஸ் தெரிவித்துள்ளது. இந்தியாவின் பெருளாதார வளர்ச்சி குறித்து பிட்ச் நிறுவனம் கடந்த ஜூன் மாதம் கணிப்பு வெளியிட்டிருந்தது. இதில் நடப்பு நிதியாண்டில் நாட்டின் பொருளாதார வளர்ச்சி 6.6 சதவீதமாக இருக்கும் எனவும், பெரிய நிறுவனங்களுக்கான வரி குறைப்பு உள்ளிட்ட மத்திய அரசின் சில நடவடிக்கைகள் இதை சாதகம் ஆக்கும் எனவும் தெரிவித்திருந்தது. 
  • இந்நிலையில், நேற்று இந்த அமைப்பு வெளியிட்ட கணிப்பில், நடப்பு நிதியாண்டில் இந்தியாவின் பொருளாதார வளர்ச்சிக்கான குறியீடான மொத்த உள்நாட்டு உற்பத்தி 5.5 சதவீதமாக இருக்கும் என தெரிவித்துள்ளது. 
  • ஆனால், அடுத்த நிதியாண்டில் மொத்த உள்நாட்டு உற்பத்தி 6.2 சதவீதமாகவும், அதற்கு அடுத்த ஆண்டில் 6.7 சதவீதமாகவும் இருக்கும் என கூறியுள்ளது. 
  • ரிசர்வ் வங்கி இந்த மாத துவக்கத்தில் வெளியிட்ட கணிப்பில் பொருளாதார வளர்ச்சி 6.1 சதவீதமாக இருக்கும் என தெரிவித்திருந்தது. அதை விட குறைவாக பிட்ச் மதிப்பீடு செய்துள்ளது.
நாங்குநேரி, விக்கிரவாண்டியில் அதிமுக வெற்றி
  • விக்கிரவாண்டி மற்றும் நாங்குநேரி தொகுதி இடைத்தேர்தல்களில், அதிமுக அமோக வெற்றி பெற்றுள்ளது. இரு தொகுதிகளையுமே திமுக கூட்டணி இழந்துள்ளது.
  • விக்கிரவாண்டியில் அதிமுக வேட்பாளர் முத்தமிழ்செல்வன் 44,782 வாக்குகள் வித்தியாசத்தில், அமோக வெற்றி பெற்றார். திமுக வேட்பாளர் புகழேந்தி இரண்டாவது இடத்தை பிடித்தார். 
  • நாங்குநேரி தொகுதி இடைத்தேர்தலில் அதிமுக வேட்பாளர் நாராயணன் 33,447 வாக்குகள் வித்தியாசத்தில் வெற்றி பெற்றுள்ளார். காங்கிரஸ் வேட்பாளர் ரூபி மனோகரன் 2வது இடத்திற்கு தள்ளப்பட்டார்.



இந்தியா-பாகிஸ்தான் இடையே கர்தார்பூர் சாலை ஒப்பந்தம் கையெழுத்து
  • இந்தியா பாகிஸ்தான் இடையே கர்தார்பூர் சாலை ஒப்பந்தம் கையெழுத்தானது. பஞ்சாபில் இருந்து பாகிஸ்தானின் கர்தார்பூருக்கு சாலை அமைக்க ஒப்பந்தம் கையெழுத்தானது. 
  • குருதாஸ்பூரில் நடந்த நிகழ்ச்சியில் இந்தியா பாகிஸ்தான் அதிகாரிகள் உடன்பாட்டில் கையெழுத்தானது.
நாடாளுமன்ற கட்டிடத்தை புதுப்பிக்கும் திட்டத்துக்கு கட்டிடக்கலை ஆலோசகராக குஜராத் நிறுவனம் தேர்வு
  • டெல்லியில் செய்தியாளர்களை சந்தித்த மத்திய நகர்ப்புற மேம்பாட்டு துறை அமைச்சர் ஹர்தீப் சிங் புரி அகமதாபாதை சேர்ந்த ஹெச்.சி.பி. டிசைன் பிளானிங் நிறுவனம், நாடாளுமன்ற கட்டிடத்தைப் புதுப்பிக்கும் திட்டத்துக்கு கட்டிடக்கலை ஆலோசகராக தேர்வு செய்யப்பட்டிருப்பதாகக் குறிப்பிட்டார்.
  • கட்டுமான தொகையில் 3 முதல் 5 சதவீதம், கட்டிடக்கலை ஆலோசகருக்கு அளிக்கப்படும் என்றும், இதன்படி 229.7 கோடி ரூபாய்க்கு ஒப்பந்தம் அளிக்கப்பட்டிருக்கிறது என்றும் கூறினார். 
  • பழைய பாரம்பரிய கட்டிடங்கள் இடிக்கப்படாமல், 250 ஆண்டுகால தேவையை பூர்த்தி செய்யும் வகையில் நாடாளுமன்ற கட்டிடம் புதுப்பிக்கப்படும் என்றும், 2022ம் ஆண்டு ஆகஸ்ட் மாதத்துக்குள் இப்பணி முடிவடையும் என்றும் ஹர்தீப் சிங் புரி தெரிவித்தார்.
ஜம்மு காஷ்மீர் துணை நிலை ஆளுநராக கிரிஷ் சந்திரா முர்மு நியமனம்! லடாக் துணை நிலை ஆளுநர் ராதா கிருஷ்ணா
  • ஜம்மு-காஷ்மீர் யூனியன் பிரதேசத்தின், முதல் லெப்டினன்ட்-கவர்னராக ஐ.ஏ.எஸ் அதிகாரி கிரிஷ் சந்திரா முர்மு நியமிக்கப்பட்டுள்ளதாக குடியரசு தலைவர் ராம்நாத் கோவிந்த் அறிவித்துள்ளார்.
  • இதேபோல புதிதாக உருவாக்கப்பட்ட லடாக் யூனியன் பிரதேசத்தின் துணை நிலை ஆளுநராக ராதா கிருஷ்ணா மாத்தூர் நியமிக்கப்பட்டுள்ளார்.
  • ஜம்மு-காஷ்மீர் ஆளுநராக இருந்த சத்ய பால் மாலிக் கோவாவின் ஆளுநராக நியமிக்கப்பட்டுள்ளார்.
  • குடியரசு தலைவர் வெளியிட்ட மற்றொரு அறிவிப்பில், பி.எஸ்.ஸ்ரீதரன் பிள்ளை மிசோரம் மாநில ஆளுநராக நியமிக்கப்பட்டுள்ளதாக தெரிவிக்கப்பட்டுள்ளது.
கலாசார உறவை வலுப்படுத்துங்கள் அஸர்பைஜானில் துணை ஜனாதிபதி பேச்சு
  • துணை ஜனாதிபதி வெங்கையா நாயுடு அணிசேரா நாடுகளின் 18வது மாநாட்டில் கலந்து கொள்வதற்காக அரசு முறைப் பயணமாக முன்னாள் சோவியத் யூனியன் நாடான அஸர்பைஜான் வந்துள்ளார்.
  • தலைநகர் பாகுவில் நடைபெற்ற அணிசேரா நாடுகள் மாநாட்டில் துவக்க நிகழ்ச்சியில் பங்கேற்ற துணை ஜனாதிபதி வெங்கையா நாயுடுவை அஸர்பைஜான் அதிபர் இல்ஹாம் அலியேவ் வரவேற்றார். 
  • இரு தலைவர்களும் பல்வேறு விஷயங்கள் குறித்து பேச்சு நடத்தினர்.அதைத் தொடர்ந்து ஈரான் அதிபர் ஹஸன் ரவுஹானி நேபாள பிரதமர் கே.பி.ஷர்மா ஓலி மற்றும் வங்கதேச பிரதமர் ஷேக் ஹசினா ஆகியோரையும் துணை ஜனாதிபதி வெங்கையா நாயுடு சந்தித்து பேசினார்.



பொலிவியா அதிபர் தேர்தலில் மீண்டும் வெற்றி பெற்றார் இவோ மோரெல்ஸ்
  • அதிபர் பதவிக்கான தேர்தலில், அதிபர் இவோ மோரல்ஸ், முன்னாள் அதிபரும் புரட்சிகர இடது முன்னணி தலைவருமான கார்லஸ் மெசா ஆகியோருக்கிடையே கடும் போட்டி நிலவியது.
  • 88.31 சதவிகித வாக்குகள் பதிவான இந்த தேர்தலில் தற்போதைய அதிபர் இவோ மோரல்ஸ் 47.07 சதவீத வாக்குகள் பெற்று வெற்றி பெற்றதாக அறிவிக்கப்பட்டது. கார்லஸ் 36.51 சதவீத வாக்குகளே பெற்றார்.
  • இதன்மூலம், 4வது முறையாக இவோ மோரல்ஸ் அதிபராக பதவியேற்க உள்ளார். தேர்தல் முடிவை கார்லஸ் மெசா ஏற்கவில்லை. 
  • வாக்கு எண்ணிக்கையில் முறைகேடு நடந்திருப்பதாக அவர் குற்றம் சாட்டியுள்ளார். வாக்கு எண்ணும் நடைமுறைகளை விமர்சித்து நாடு முழுவதும் போராட்டங்கள் நடைபெற்றதால் பொலிவியாவில் அமைதியற்ற சூழல் நிலவியது.
இந்தியர்கள் பிரேசில் செல்ல இனி விசா வாங்க தேவையில்லை: பிரேசில் அதிபர் அறிவிப்பு
  • இந்தியர்கள் மற்றும் சீனர்கள் இனி பிரேசில் வர விசா வாங்க தேவையில்லை என பிரேசில் அதிபர் ஜயர் போல்சொனாரோ அறிவித்துள்ளார்.
  • இந்த ஆண்டு தொடக்கத்தில் பிரேசில் அதிபராக பதவி ஏற்றவர் ஜயர் போல்சொனாரோ. இவர் இந்த ஆண்டு தொடக்கத்தில் விசா விதிமுறைகளை வளர்ந்த நாடுகளை சேர்ந்தவர்களுக்கு எளிதாக்கினார். பிரேசில் நாட்டின் சுற்றுலா, வர்த்தகம் வளரும் என்ற நோக்கத்தில் இந்த அறிவிப்பினை வெளியிட்டார்
  • இதன்படி இந்த ஆண்டில் இருந்து அமெரிக்கா, கனடா, ஜப்பான், ஆஸ்திரேலியாவை சேர்ந்தவர்கள், பிரேசில் நாட்டுக்கு சுற்றுலா சென்றாலும், தொழில்-வர்த்தக நோக்கங்களுக்காக சென்றாலும் விசா தேவையில்லை.
விஜய் ஹசாரே: கர்நாடகா சாம்பியன்
  • தமிழக அணிக்கு எதிரானவிஜய் ஹசாரே டிராபி பைனலில் மழை குறுக்கிட கர்நாடகா அணி 60 ரன் வித்தியாசத்தில் வி.ஜே.டி., முறைப்படி வெற்றி பெற்று சாம்பியன் பட்டத்தை கைப்பற்றியது.
  • கர்நாடகா அணி வெற்றி பெற்றதாக அறிவிக்கப்பட்டு 4வது முறையாக (2013-14, 2014-15, 2017-18, 2019-20) கோப்பை வென்றது. தொடர் நாயகன் விருதை அபிமன்யு மிதுன் (கர்நாடகா) வென்றார்.
  • அபிமன்யு மிதுன், ஷாருக்கான், முகமது, முருகன் அஷ்வின் ஆகியோரை தொடர்ச்சியாக அவுட்டாக்கினார். இதன்மூலம் விஜய் ஹசாரே டிராபியில் 'ஹாட்ரிக்' விக்கெட் கைப்பற்றிய முதல் கர்நாடகா பவுலரானார். 
  • தவிர, விஜய் ஹசாரே டிராபி பைனலில் 'ஹாட்ரிக்' சாதனை படைத்த முதல் பவுலரானார். ரஞ்சி மற்றும் விஜய் ஹசாரே டிராபியில் 'ஹாட்ரிக்' விக்கெட் கைப்பற்றிய 2வது பவுலரானார். ஏற்கனவே முரளி கார்த்திக் இச்சாதனை படைத்திருந்தார்.

Thursday, 24 October 2019

குரூப் - 2 முதன்மைத் தேர்வு முடிவுகள் வெளியீடு / GROUP 2 MAIN EXAM RESULT RELEASED

TNPSCSHOUTERS

  • குரூப்-2 முதன்மைத் தேர்வுக்கான முடிவுகள் புதன்கிழமை வெளியிடப்பட்டன. இந்தத் தேர்வில் தேர்ச்சி பெற்றோருக்கு சான்றிதழ் சரிபார்ப்பு மற்றும் நேர்முகத் தேர்வு ஆகியன நவம்பர் 6-இல் நடத்தப்பட உள்ளன.
  • குரூப் - 2 பிரிவில் காலியாக இருந்த 1,338 பணியிடங்களுக்கான முதல்நிலை எழுத்துத் தேர்வு கடந்த ஆண்டு நவம்பர் 11-இல் நடந்தது. இதன்பின், கடந்த பிப்ரவரியில் 14 ஆயிரத்து 797 விண்ணப்பதாரர்களுக்கு முதன்மை எழுத்துத் தேர்வும் நடத்தப்பட்டது.



  • முதனிலை மற்றும் முதன்மை எழுத்துத் தேர்வுகளின் முடிவுகளை வெளியிட வழக்கமாக ஓர் ஆண்டுக்கு மேலாகும். ஆனால், முதன்மைத் தேர்வு நடத்தப்பட்டு எட்டு மாதங்களில் தேர்வு முடிவுகள் வெளியாகியுள்ளன. முதன்மை எழுத்துத் தேர்வில் 2 ஆயிரத்து 667 பேர் தேர்ச்சி பெற்றுள்ளனர்.
  • விண்ணப்பதாரர்கள் பெற்ற மதிப்பெண்கள் உள்ளிட்ட விவரங்கள் தேர்வாணைய இணையதளத்தில் (www.tnpsc.gov.in) வெளியிடப்பட்டுள்ளது. அவர்களுக்கான சான்றிதழ் சரிபார்ப்பு மற்றும் நேர்முகத் தேர்வு ஆகியன நவம்பர் 6-ஆம் தேதி முதல் 30-ஆம் தேதி வரை நடைபெறவுள்ளது என்று டி.என்.பி.எஸ்.சி., அறிவித்துள்ளது.

23rd OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
தமிழ் நாட்டில் 6 இடங்களில் மருத்துவக்கல்லூரிகள் தொடங்க மத்திய அரசு திட்டம்
  • தமிழ்நாட்டில் திருப்பூர், நீலகிரி, ராமநாதபுரம், நாமக்கல், திண்டுக்கல், விருதுநகர் ஆகிய 6 இடங்களில், புதிதாக மருத்துவக்கல்லூரிகள் தொடங்க மத்திய அரசு திட்டமிட்டுள்ளதாக தெரிவித்துள்ளது.
  • திருப்பூர், நீலகிரி, ராமநாதபுரம், நாமக்கல், திண்டுக்கல், விருதுநகர் ஆகிய 6 இடங்களில், மத்திய அரசு புதிய மருத்துவ கல்லூரிகள் தலா ரூபாய் 3 கோடியே 25 லட்சம் செலவில் தொடங்க முடிவு செய்து இருப்பதாக தெரிவித்துள்ளது.
  • இதற்கான நிதியில் 60 சதவீதம் மத்திய அரசும், 40 சதவீதம் மாநில அரசின் பங்களிப்பும் இருக்கும் என்றும் கூறப்பட்டுள்ளது.
  • மேலும் அந்தந்த மாவட்ட மருத்துவமனைகள் இந்த மருத்துவ கல்லூரிகளுடன் இணைக்கப்பட்டு செயல்படுத்த இருப்பதாகவும் தெரிவித்துள்ளது.
தமிழகத்துக்கு கூடுதல் யூரியா உரம் வழங்க மத்திய அரசு ஒப்புதல்: சதானந்த கவுடர் அறிவிப்பு
  • தமிழகத்துக்கு கூடுதல் யூரியா உரம் வழங்க மத்திய அரசு ஒப்புதல் அளித்துள்ளது. தமிழக அரசின் கோரிக்கைப்படி விவசாயிகளுக்கு உதவ நடவடிக்கை எடுத்துள்ளதாக மத்திய அமைச்சர் சதானந்த கவுடர் தெரிவித்துள்ளார்.
ஊராட்சி அமைப்புகளில் சிறந்த செயல்பாடு: தமிழகத்துக்கு 12 தேசிய விருதுகள்
  • ஊராட்சிகளில் தகவல் மற்றும் தகவல் தொழில்நுட்ப முறைகளை திறம்பட செயல்படுத்தியதற்காக, தேசிய அளவில் தமிழகம் முதன்மை மாநிலமாகத் தேர்வு செய்யப்பட்டு மத்திய அரசின் மின்னணு பஞ்சாயத்து புரஸ்கார் விருதைப் பெற்றது. 
  • அதேபோல, ஊராட்சிகளுக்கு கூடுதல் அதிகாரங்கள், கூடுதல் நிதி மற்றும் பணியாளர்களை அளித்து திறனை மேம்படுத்திய வகையில், மாவட்ட அளவில் சேலம் மாவட்டத்திற்கும், ஒன்றிய அளவில் ஈரோடு மாவட்டம் - பெருந்துறை, நாமக்கல் மாவட்டம் - பள்ளிப்பாளையம் ஆகிய ஊராட்சி ஒன்றியங்களுக்கும், ஊராட்சிகள் அளவில் சேலம் மாவட்டம் - கோனூர், கோவை மாவட்டம் - மத்வராயபுரம், நாமக்கல் மாவட்டம் - அரசபாளையம், ஈரோடு மாவட்டம் - வெள்ளாளபாளையம், மதுரை மாவட்டம் - கோவில்பாப்பாக்குடி, திருவண்ணாமலை மாவட்டம் - எஸ்.யு. வனம் ஆகிய கிராம ஊராட்சிகளுக்கு தீன் தயாள் உபாத்யாய ஊராட்சிகளை வலிமைப்படுத்தும் விருது வழங்கப்பட்டது.
  • திருப்பூர் மாவட்டம், ராவணப்புரம் ஊராட்சிக்கு வலுவான கிராம சபையின் மூலம் சிறப்பான சாதனைகள் புரிந்ததற்காக நானாஜி தேஷ்முக் ராஷ்டிரிய கெளரவ கிராம சபை தேசிய விருதும், தஞ்சாவூர் மாவட்டம், பட்டீஸ்வரம் ஊராட்சிக்கு குழந்தைகள் நேய கிராம ஊராட்சிக்கான தேசிய விருதும் என மொத்தம் 12 தேசிய விருதுகள் வழங்கப்பட்டன. 
  • தேசிய அளவில் ஊரக வளர்ச்சித் திட்டங்களை தமிழகம் சிறப்பாகச் செயல்படுத்தியதற்காக, 2012 முதல் இதுவரையில் மாநில அளவில் 12 தேசிய விருதுகள், மாவட்ட அளவில் 19 தேசிய விருதுகள், ஊராட்சி ஒன்றிய அளவில் 12 தேசிய விருதுகள், கிராம ஊராட்சிகள் அளவில் 43 தேசிய விருதுகள் என மொத்தம் 86 விருதுகளை தமிழகத்திற்கு மத்திய அரசு வழங்கி பெருமை சேர்த்துள்ளது. 
  • தமிழக முதல்வரின் ஊக்கத்தின் மூலம் ஒரே நாளில் 12 விருதுகளை உள்ளாட்சி, ஊரக வளர்ச்சித் துறை பெற்றுள்ளது. இது தமிழகத்திற்கு பெருமை சேர்க்கும் விஷயமாகும்.



பிஎஸ்என்எல் நிறுவனத்திற்கு 4ஜி உரிமம் - மத்திய அமைச்சரவை ஒப்புதல்
  • பிரதமர் நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில் பல்வேறு முடிவுகள் எடுக்கப்பட்டன. அதன்படி, 4ஜி சேவை வழங்க பி.எஸ்.என்.எல். நிறுவனத்திற்கு அனுமதி வழங்கப்பட்டுள்ளது. 
  • நிதி நெருக்கடிக்கு ஆளான, பி.எஸ்.என்.எல். மற்றும் எம்.டி.என்.எல். தொலைபேசி சேவை நிறுவனங்க‌ளை இணைத்து புதுப்பிப்பதற்கான திட்டங்களுக்கு அமைச்சரவை ஒப்புதல் வழங்கியுள்ளது. இந்த 2 நிறுவனங்களுக்கும் ஏறக்குறைய 14ஆயிரம் கோடி ரூபாய் வழங்கவும் மத்திய அரசு திட்டமிட்டுள்ளதாக தெரிவிக்கப்பட்டுள்ளது.
  • ஊழியர்களுக்கான விருப்ப ஓய்வு எனப்படும் வி.ஆர்.எஸ்., 4ஜி ஸ்பெக்ட்ரம்களை ஒதுக்குவதற்கு மத்திய அரசின் நிதி பயன்படுத்தப்படும்‌. இதுமட்டுமின்றி, கோதுமை, பார்லிக்கான விலையை குவிண்டாலுக்கு 85 ரூபாய் உயர்த்தி ஆயிரத்து 925 ரூபாய் விலை நிர்ணயம் செய்ய மத்திய அமைச்சரவை ஒப்புதல் அளித்துள்ளது.
  • பெட்ரோல் டீசல் விற்பனையில் எண்ணெய் நிறுவனங்கள் அல்லாத தனியார் மற்றும் வெளிநாட்டு நிறுவனங்களுக்கு அனுமதி அ‌ளிக்கவும் மத்திய அமைச்சரவை ஒப்புதல் அளித்துள்ளது.
கோதுமை, பருப்பு கொள்முதல் விலை உயர்வு: மத்திய அமைச்சரவை ஒப்புதல்
  • அக்., - மார்ச் வரையிலான, ரபி பயிர் காலத்துக்கான, பல்வேறு பயிர்களுக்கான அடிப்படை ஆதார விலையை உயர்த்த அமைச்சரவை கூட்டத்தில் ஒப்புதல் அளிக்கப்பட்டுள்ளது.
  • விவசாயிகளின் வருவாயை உயர்த்தும் வகையில், கொள்முதல் விலையை உயர்த்த முடிவு எடுக்கப்பட்டு உள்ளது. அதன்படி, கோதுமைக்கான அடிப்படை ஆதார விலை, 1 குவிண்டாலுக்கு, 85 ரூபாய் உயர்த்தப் பட்டு, 1,925 ரூபாய் வழங்கப்படும். 
  • பார்லிக்கான விலை, குவிண்டாலுக்கு, 85 ரூபாய் உயர்த்தப் பட்டு, 1,525 ரூபாய் வழங்கப்படும்.பருப்பு வகைகள் பயிரிடுவதை ஊக்குவிக்கும் வகையில், அவற்றுக்கான ஆதார விலையும் உயர்த்தப்படுகிறது.துவரம் பருப்பின் விலை, குவிண்டாலுக்கு, 325 ரூபாய் உயர்த்தப்பட்டு, 4,800 ரூபாய் வழங்கப்படும். 
  • கடலைப் பருப்பின் விலை, குவிண்டாலுக்கு, 255 ரூபாய் உயர்த்தப்பட்டு, 4,875 ரூபாய் வழங்கப்படும்.எண்ணெய் வித்துகளில், கடுகு விதைகளுக்கான ஆதார விலை, குவிண்டாலுக்கு, 225 ரூபாய் உயர்த்தப்பட்டு, 4,425 ரூபாயும்; சூரியகாந்தி விதைகளுக்கு, குவிண்டாலுக்கு, 270 ரூபாய் உயர்த்தி, 5,215 ரூபாயும் வழங்கப்படும். இணைப்பு நஷ்டத்தில் இயங்கும், தொலைத் தொடர்பு நிறுவனங்களான, பி.எஸ்.என்.எல்., மற்றும் எம்.டி.என்.எல்., இணைக்கப்படும்.
இந்திய கிரிக்கெட் கட்டுப்பாட்டு வாரியத்தின் தலைவராக சவுரவ் கங்குலி பொறுப்பு
  • இந்திய கிரிக்கெட் கட்டுப்பாட்டு வாரியத்தின் தலைவராக சவுரவ் கங்குலி பொறுப்பேற்றார். மும்பையில் பி.சி.சி.ஐ. தலைமையகத்தில் சவுரவ் கங்குலியிடம் பொறுப்பை நிர்வாகக்குழு தலைவர் வினோத் ராய் ஒப்படைத்தார்.

Wednesday, 23 October 2019

22nd OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
குடிநீருக்கான சுடுமண் குழாய் கண்டுபிடிப்பு : கீழடி அகழாய்வில் கிடைத்த புது ஆச்சரியம்
  • கீழடி அகழாய்வுக் குழிகளை மூடும்போது, மேம்பட்ட சுடுமண் குழாய் அமைப்புகள் கண்டுபிடிக்கப்பட்டுள்ளன.சிவகங்கை மாவட்டம், கீழடியில், இதுவரை, ஐந்து கட்டங்களாக அகழாய்வுகள் செய்யப்பட்டு உள்ளன.
  • அப்போது, அகழாய்வுக் குழி ஒன்றின், 52 செ.மீ., ஆழத்தில், 20 செ.மீ., விட்டமுள்ள வாய்ப் பகுதியுடன் கூடிய, 60 செ.மீ., நீளமுள்ள, சுடுமண் குழாய் கண்டுபிடிக்கப்பட்டது. அது, இரண்டு குழாய்களால் இணைக்கப்பட்டிருந்தது. அதன் ஒவ்வொன்றிலும், தலா, 5 விளிம்புகள் இருந்தன. 
  • குழாயை உறுதியாக்கி, பாதுகாப்பான தண்ணீரை வழங்கும் வகையில் அமைக்கப்பட்டிருக்கும் இந்த விளிம்புகள், பார்வைக்கு, சுருள் வடிவத்தில் உள்ளன. இக்குழாய் ஒன்றின் வாய்ப் பகுதியில், வடிகட்டும் வகையில், மூன்று துளைகள் இடப்பட்டுள்ளன.இந்த குழாய்களின் கீழ்ப்பகுதியிலும், அகழாய்வு செய்யப்பட்டது.
  • அப்போது, பீப்பாய் வடிவிலான, மூன்று, சுடுமண் குழாய்கள் ஒன்றுடன் ஒன்று இணைக்கப்பட்டு, ஒரே குழாயாக இருந்தது. அதன் வாய்ப் பகுதியிலும், வடிகட்டி பொருத்தப்பட்டிருந்தது. வடிகட்டப்பட்ட நீர் செல்லும் குழாயின் இறுதிப் பகுதி, இரண்டடுக்கு பானைக்குள் செல்கிறது.
  • இவ்வாறு, ஒரே இடத்தில் அமைக்கப்பட்டிருக்கும், வெவ்வேறு விதமான இரண்டு சுடுமண் குழாய்களுக்கும், வெவ்வேறு பயன்பாடு இருந்திருக்க வேண்டும்.இந்த வடிகால் குழாய்களின் கீழ்ப்பகுதியை அகழாய்வு செய்தபோது, சுடுமண் கூரை ஓடுகள் பதிக்கப்பட்ட தரைப்பகுதி காணப்பட்டது. 
சென்னையில் நவ.14-இல் உலகத் தமிழ் தொழில் முனைவோர் மாநாடு தொடக்கம்
  • எழுமின் அமைப்பு சார்பில் முதலாவது உலகத் தமிழ் தொழில்முனைவோர் மாநாடு, 2018 டிசம்பரில் மதுரையில் நடத்தப்பட்டது. இதைத் தொடர்ந்து 2-ஆவது மாநாடு கடந்த மே மாதம் மலேசியா தலைநகர் கோலாலம்பூரில் நடைபெற்றது. 
  • இதில் வணிகப் பரிமாற்றம், ஏற்றுமதி-இறக்குமதி, தொழில்நுட்பங்கள் பரிமாற்றம் என 102 புரிந்துணர்வு ஒப்பந்தங்கள் கையெழுத்தாகியுள்ளன.
தமிழ் திரைப்படங்களில் நகைச்சுவை' - ஆய்வு செய்து டாக்டர் பட்டம் பெற்றார் சார்லி
  • இயக்குநர் கே. பாலசந்தரின் பொய்க்கால் குதிரை திரைப்படம் மூலம் 1983 ஆம் ஆண்டில் அறிமுகமானவர் நகைச்சுவை நடிகர் சார்லி. இவர் குணசித்திரம் உள்ளிட்ட பல கதாப்பாத்திரங்களில் நடித்துக் கொண்டிருக்கிறார். 
  • 59 வயதாகும் சார்லி 'தமிழ் திரைப்படத்தில் நகைச்சுவை' என்ற தலைப்பில் முனைவர் பட்டம் பெற்றுள்ளார்.
  • தஞ்சை தமிழ் பல்கலைக்கழக பட்டமளிப்பு விழாவில் தமிழக ஆளுநர் பன்வாரிலால் புரோகித் மாணவர்களுக்கு முனைவர் மற்றும் கௌர டாக்டர் பட்டங்களை வழங்கினார்.
  • கடந்த 2013 ஆம் ஆண்டு 'தமிழ் திரைப்பட வளர்ச்சிக்கு நகைச்சுவை நடிகர்களின் பங்களிப்பு' என்ற தலைப்பில் அழகப்பா பல்கலை கழகத்தில் சார்லிஎம்.பில் பட்டம் பெற்றார் என்பது குறிப்பிடத்தக்கது.
`மிஸ் சூப்பர் குளோப் வேர்ல்டு 2019' வென்றார் சென்னைப் பெண் அக்‌ஷரா ரெட்டி
  • கேரளாவில் நடந்த `மிஸ்சூப்பர் க்ளோப் இந்தியா 2019' டைட்டிலைவென்ற சென்னைப் பெண்ணானஅக்‌ஷரா ரெட்டி, அதன் இறுதிக்கட்டமாக கடந்த வாரம் துபாயில் நடைபெற்ற `மிஸ் சூப்பர் குளோப் வேர்ல்டு 2019' போட்டியிலும் டைட்டிலை வென்று சென்னை திரும்பியுள்ளார். 



தெற்கு ரயில்வே அறிமுகப்படுத்தியுள்ள புதிய செயலி "ரயில் தண்டோரா"
  • ரயில்வே ஊழியர்கள், பயணியர் மற்றும் ஒப்பந்ததாரர்களின் விரைவான பரிவர்த்தனைகளுக்கு, ரயில் தண்டோரா என்ற புதிய செயலி உதவியாக இருக்கும். 
  • பயணிருக்கான வசதிகள், பயண கட்டணங்கள், உணவு மற்றும் சரக்கு பிரிவு சேவைகள், கட்டணங்கள், பொது விண்ணப்பங்கள் உள்ளிட்ட, பல்வேறு வசதிகள் குறித்தும், இச்செயலியில் தெரிந்து கொள்ளலாம்.
  • ரயில்வே ஊழியர்களுக்கான சுற்றறிக்கைகள், சலுகை விண்ணப்ப படிவங்கள், வருங்கால வைப்பு நிதி விண்ணப்ப படிவங்கள் குறித்தம் தெரிந்து கொள்ளலாம். வாடிக்கையாளர்கள், வணிக கையேடு மற்றும் வணிக குறியீடுகள் பற்றியும் தெரிந்து கொள்ள முடியும்.
சிறந்த பல்கலை., தர வரிசை பட்டியலில் முதலிடம் பிடித்த மும்பை ஐஐடி
  • ஐரோப்பிய நாடான பிரிட்டனை சேர்ந்த 'குவாக்குரெலி சைமன்ஸ்' என்ற ஆய்வு நிறுவனம் சர்வதேச அளவிலான கல்வி நிலையங்களின் தரப்பட்டியலை வெளியிட்டு வருகிறது. அதுபோல் நம் நாட்டில் உள்ள பல்கலைகளின் தர வரிசை பட்டியலையும் வெளியிடுகிறது.
  • இந்நிலையில் அந்த நிறுவனம் தற்போது 'இந்திய பல்கலை தர வரிசை - 2020' என்ற ஆய்வை நடத்தி அதுகுறித்த பட்டியலை வெளியிட்டுள்ளது. இதன்படி மஹாராஷ்டிரா மாநிலம் மும்பையில் உள்ள ஐ.ஐ.டி. எனப்படும் தொழில்நுட்ப உயர் கல்வி நிறுவனம் முதலிடத்தை பிடித்துள்ளது. 
  • கர்நாடக மாநிலம் பெங்களூரில் உள்ள இந்திய அறிவியல் பயிற்சி மையம் இரண்டாவது இடத்தையும் டில்லி - ஐ.ஐ.டி. மூன்றாவது இடத்தையும் சென்னை - ஐ.ஐ.டி. நான்காவது இடத்தையும் பிடித்துள்ளன.
  • காரக்பூர் - ஐ.ஐ.டி.க்கு ஐந்தாவது இடமும் கான்பூர் - ஐ.ஐ.டி.க்கு ஆறாவது இடமும் கிடைத்துள்ளது. இந்த தர வரிசை பட்டியலில் டில்லி பல்கலை ஏழாவது இடத்தையும் ஐதராபாத் பல்கலை எட்டாவது இடத்தையும் பிடித்துள்ளன. 
  • ரூர்கேலா - ஐ.ஐ.டி. ஒன்பதாவது இடத்தையும் கவுகாத்தி - ஐ.ஐ.டி. 10வது இடத்தையும் பிடித்துள்ளன. இந்த பட்டியலில் சென்னை - அண்ணா பல்கலை 16வது இடத்தில் உள்ளது.
ஜஸ்டின் ட்ரூடோ: இரண்டாவது முறையாக கனடா பிரதமராகிறார்
  • ஜஸ்டின் ட்ரூடோவின் தந்தை பியர் ட்ரூடோ 1972ம் ஆண்டு குறைவான வித்தியாசத்தில் இரண்டாவது முறையாக பிரதமராக தேர்ந்தெடுக்கப்பட்டதால், இப்போதைய தேர்தல், அப்போதைய வெற்றியை ஒப்பிட்டு பார்க்கும் நிலையை ஏற்படுத்தியுள்ளது.
  • முன்னதாக, கனடாவின் புதிய அரசை அமைக்கும் கட்சியை தேர்தெடுப்பதற்காக மக்கள் வாக்களித்த நிலையில், அந்நாட்டின் பிரதமர் ஜஸ்டின் ட்ரூடோவின் லிபரல் கட்சி முன்னிலை பெற்றுள்ளதாக ஆரம்ப முன்னணி நிலவரங்கள் காட்டின.
  • ஜஸ்டின் ட்ரூடோவின் லிப்ரல் கட்சியும், ஷீரின் கன்சர்வேட்டிவ் கட்சியும் சுமார் 34% வாக்குகளை பெற்றுள்ளதாக உள்ளூர் ஊடகங்கள் வெளியிட்டுள்ளன.
  • கன்சர்வேட்டிவ் கட்சியை சேர்ந்த ஆண்ட்ரூ ஷீரிடம் இருந்து கடும் போட்டியை ட்ரூடோ எதிர்கொண்டார்.



2 குழந்தைகளுக்கு மேல் இருந்தால் 2021 முதல் அஸ்ஸாமில் அரசு பணி இல்லை
  • அஸ்ஸாம் அரசு 2017-ம் ஆண்டு அம்மாநில சட்டசபையில் ஒரு தீர்மானம் நிறைவேற்றியது. 2 குழந்தைகளுக்கு மேல் இருப்பவர்களுக்கு அரசு பணி இல்லை என்பது அத்தீர்மானம்.
  • இந்த கூட்டத்தில் புதிய நில சீர்திருத்தக் கொள்கை மற்றும் 2 குழந்தைகளுக்கு மேல் இருப்பவர்களுக்கு அரசு பணி இல்லை என்பது குறித்து விவாதிக்கப்பட்டது. இதனடிப்படையில் நிலமற்ற பழங்குடி மக்களுக்கு வேளாண்மை செய்யவும் வீடு கட்டவும் நிலம் ஒதுக்கீடு செய்ய அமைச்சரவை ஒப்புதல் தந்தது.
  • மேலும் அரசு வழங்கும் இலவச நிலத்தை 15 ஆண்டுகாலத்துக்கு மற்றவர்களுக்கு விற்பனை செய்ய முடியாது எனவும் அரசு அறிவித்துள்ளது. இச்சட்டத்தை மீறினால் கடும் நடவடிக்கைகள் எடுக்கப்படும் என்றும் அரசு எச்சரித்துள்ளது.
உலக முப்படைகள் விளையாட்டு போட்டி: 100 மீட்டர் ஓட்டத்தில் தமிழக வீரர் ஆனந்தன் குணசேகரன் தங்கம் வென்றார்
  • உலக முப்படைகள் விளையாட்டு போட்டியில் 100 மீட்டர் ஓட்டத்தில் தமிழக வீரர் ஆனந்தன் குணசேகரன் தங்கம் வென்றார். சீனாவில் நடைபெற்று வரும் போட்டியில் 12 நொடிகளில் இலக்கை அடைந்து வெற்றி பெற்றுள்ளார்.
இந்தியா இமாலய வெற்றி: தொடரை வென்று அசத்தல்
  • இந்தியா வந்த தென் ஆப்ரிக்க அணி மூன்று போட்டிகள் கொண்ட டெஸ்ட் தொடரில் பங்கேற்றது. முதல் இரு டெஸ்ட் முடிவில் இந்திய அணி 2-0 என்ற முன்னிலையுடன் தொடரை கைப்பற்றியது. மூன்றாவது மற்றும் கடைசி டெஸ்ட் ராஞ்சியில் நடந்தது.
  • தென் ஆப்ரிக்க அணிக்கு எதிரான ராஞ்சி டெஸ்டில் இந்திய அணி இன்னிங்ஸ், 202 ரன்கள் வித்தியாசத்தில் வெற்றி பெற்றது. டெஸ்ட் தொடரை 3-0 என முழுமையாக வென்றது.
  • சொந்தமண்ணில் இந்திய அணியை அசைப்பது அவ்வளவு எளிதல்ல. கடைசியாக பங்கேற்ற 32 டெஸ்டில் 26ல் வென்றது. 5 டெஸ்ட் 'டிரா' ஆனது. ஒன்றில் மட்டும் தோற்றது. இதில் 6 விக்., அல்லது 75 ரன்னில் வென்றது தான் குறைந்தபட்ச வெற்றி. அந்தளவுக்கு இந்திய அணி ஆதிக்கம் தொடர்கிறது.
  • இந்தியா, தென் ஆப்ரிக்கா மோதிய டெஸ்ட் தொடரில் மொத்தம் 65 சிக்சர்கள் அடிக்கப்பட்டன. இந்தியா 47 சிக்சர் அடித்தது. டெஸ்ட் தொடரில் ஒரு அணி சார்பில் அடிக்கப்பட்ட அதிக சிக்சர்கள் இது தான்.
  • டெஸ்ட் சாம்பியன்ஷிப் தொடரில் இந்திய அணி முதலில் விண்டீசை (2-0) வீழ்த்தி 120 புள்ளிகள் பெற்றது. தற்போது தென் ஆப்ரிக்காவை முழுமையாக வெல்ல (3-0) கூடுதலாக 120 புள்ளிகள் கிடைத்தன. மொத்தமாக 240 புள்ளிகளுடன், பட்டியலில் 'நம்பர்-1' அணியாக நீடிக்கிறது. நியூசிலாந்து (60), இலங்கை (60) அடுத்த இரு இடத்தில் உள்ளன.
  • மூன்று போட்டிகள் கொண்ட தொடரில் இந்திய துவக்க வீரர்கள் அதிக ரன்கள் எடுத்தது இம்முறை தான். ரோகித் (529), மயங்க் (340)அகர்வால் மொத்தம் 869 ரன்கள் எடுத்தனர். 2009, இலங்கை தொடரில் இதற்கு முன் 860 ரன்கள் எடுத்தது தான் அதிகம்.

Tuesday, 22 October 2019

COMBINED EXAM OF TNPSC GROUP 2 & 2A NEW SYLLABUS & PATTERN CHANGE 2019 / டிஎன்பிஎஸ்சி குரூப் 2 & குரூப் 2ஏ தேர்வு முறையில் மாற்றங்கள்

TNPSCSHOUTERS
  • தமிழ்நாடு அரசுப் பணியாளர் தேர்வாணையம், தொகுதி II  மற்றும் IIA அதாவது, நேர்முகத்தேர்வு மற்றும் நேர்முகத்தேர்வு அல்லாத பணிகளுக்கும் ஒரே மாதிரியான தேர்வாக, அதாவது, முதனிலை (Prelims) மற்றும் முதன்மை (Mains) எழுத்துத்தேர்வு கொண்டவையாக மாற்றியுள்ளது. 
  • இரண்டு பதவிகளுக்கும்    தனித்தனியே தேர்வுகள் நடத்துவதால் தேவையற்ற கால விரையமும் பொதுமக்களின் வரிப்பணமும் வீணாவதுடன் விண்ணப்பதாரர்களும் இரண்டுமுறை தேர்வுக்கு தயாராக வேண்டியுள்ளது. எனவே இரண்டு தெரிவுகளுக்கும் ஒரே தேர்வாக நடத்த முடிவு செய்யப்பட்டுள்ளது.
  • குரூப்-2 பிரதான தேர்வில் ஒரே தாளாக இருந்தது இரு தாள்களாக பிரிக்கப்பட்டுள்ளது. முதல் தாளில் 100-க்கு 25 மதிப்பெண் பெற்றால்தான் 2ஆவது தாள் திருத்தப்படும். பணி நியமனத்திற்கு 2ஆவது தாள் மதிப்பெண் கணக்கில் எடுத்துக்கொள்ளப்படும். 
  • தமிழுக்கு முக்கியத்துவம் கொடுக்கவில்லை என குற்றச்சாட்டு எழுந்ததையடுத்து டிஎன்பிஎஸ்சி இந்த நடவடிக்கை எடுத்துள்ளது குறிப்பிடத்தக்கது.
  • சிலர் எதிர்ப்பு தெரிவித்ததால் குரூப்-2 தேர்வில் தற்போது சிறு மாற்றங்கள் செய்யப்பட்டுள்ளன. அதன்படி, முதனிலைத் தேர்வில் தமிழக வரலாறு, மரபு போன்றவற்றுக்கு முக்கியத்துவம் தரப்படும். வல்லுநர்களிடம் கலந்து ஆலோசித்த பின்பே முதனிலைத் தேர்வில் மாற்றம் செய்யப்பட்டது' என்று அதில் குறிப்பிடப்பட்டுள்ளது.
  • முதல் தாள் மதிப்பெண்கள் தகுதி மதிப்பெண்ணாக மட்டுமே எடுத்துக் கொள்ளப்படும். குரூப்-2 பிரதான தேர்வில் முதல் தாள் காலையிலும், 2ஆம் தாள் மதியத்திலும் நடத்தப்படும்.

புதிய பாடத்திட்டம்- தமிழுக்கும் தமிழகத்திற்கும் முக்கியத்துவம்

  • இதுநாள் வரை தொகுதி II  மற்றும் IIA முதனிலை (Prelims) தேர்வுகளில் பொது அறிவு 100 வினாக்களும், பொதுத்தமிழ் அல்லது பொது ஆங்கிலம் 100 வினாக்களும் கேட்கப்பட்டு வந்தன. 
  • விண்ணப்பதாரர்கள் பொதுத்தமிழ் அல்லது பொது ஆங்கிலம் இரண்டில் ஏதேனும் ஒன்றில் தேர்வு எழுதி தெரிவாக முடியும். 
  • அதாவது தமிழ் தெரியாதவர்கள் கூட இவ்வகையான தேர்வுகளை எழுத முடியும் என்ற நிலை இருந்தது. அதனால் தற்போது பொதுத்தமிழ் அல்லது பொது ஆங்கிலம் ஆகிய பகுதிகள் நீக்கப்பட்டு, தமிழ் மொழிக்கு முக்கியத்துவம் தரும் வகையில் முதனிலை (Prelims) தேர்வின் பாடத்திட்டத்தில் இரண்டு அலகுகள் (Units) சேர்க்கப்பட்டுள்ளன.
  • முதனிலைத் (Prelims) தேர்வில் நீக்கப்பட்ட பொதுத்தமிழ் மற்றும் பொது ஆங்கில பகுதிகள் முதன்மைத் (Mains) எழுத்துத் தேர்வுக்கான பாடத்திட்டத்தில் கூடுதல் முக்கியத்துவத்துடன் சேர்க்கப்பட்டுள்ளன.
  • முதனிலைத் (Prelims) தேர்வுக்கான பாடத்திட்டத்தில் தமிழ் சமூகத்தின் வரலாறு, அகழ்வாராய்ச்சிகளின் கண்டுபிடிப்புகள், சங்ககாலம் தொட்டு தற்காலம் வரையிலான தமிழ் இலக்கியம், சுதந்திரப்போராட்டத்தில் தமிழகத்தின் பங்கு, 19 ஆம் நூற்றாண்டு முதல் 20 ஆம் நூற்றாண்டு வரையிலான தமிழகத்தின் சமூக மற்றும் அரசியல் இயக்கங்களின் தோற்றம் மற்றும் வளர்ச்சி குறித்த பகுதிகள் சேர்க்கப்பட்டுள்ளன.
திருக்குறளுக்கு முக்கியத்துவம்
  • மிக முக்கியமாக திருக்குறளுக்கு தனியே முக்கியத்துவம் தரப்பட்டு பல்வேறு தலைப்புகளில் பாடத்திட்டம் உருவாக்கப்பட்டுள்ளது குறிப்பிடத்தக்கதாகும்.
  • மேலும் இத்தேர்வுக்கான பாடத்திட்டத்தில்சமூக நீதி, சுயமரியாதை இயக்கம், திராவிட இயக்கம் ஆகியவற்றின் அடிப்படைக் கொள்கைகள், சமூக நல்லிணக்கம், தமிழகத்தின் கல்வி மற்றும் சுகாதார அமைப்புகள் போன்ற தமிழகம் தொடர்பான பல்வேறு தலைப்புகளும் சேர்க்கப்பட்டுள்ளன.
முதன்மை (Mains) எழுத்துத் தேர்வில் மொழிப்புலமை
  • மேற்படி தெரிவுகளில் தெரிவு செய்யப்படும் விண்ணப்பதாரர்கள், கண்டிப்பாக தமிழக வரலாற்றையும் தமிழ் மொழியையும் அறிந்தவர்களாகவும், தமிழக அரசு அலுவலகங்களில் கோப்புகள் எழுதும் திறன் உடையவர்களாகவும் இருக்க வேண்டும் என்று தேர்வாணையம் கருதுவதால், மேற்படி தெரிவின் முதன்மைத் (Mains) தேர்வில், தமிழ் – ஆங்கிலம் மொழிபெயர்ப்பு; ஆங்கிலம் - தமிழ்  மொழிபெயர்ப்பு; சுருக்கி வரைதல்; கட்டுரை எழுதுதல் ; குறிப்புகளைக் கொண்டு விளக்கி எழுதுதல்; திருக்குறள் பற்றி கட்டுரை, அலுவலகக் கடிதம் எழுதுதல் ஆகியன சேர்க்கப்பட்டுள்ளன.
தமிழக வரலாற்றுக்கும் முக்கியத்துவம்
  • முதன்மை எழுத்துத் தேர்விலும், தமிழுக்கும், தமிழகத்தின் வரலாறு, பண்பாடு மற்றும் பாரம்பரியம் ஆகியவற்றிற்கும் முக்கியத்துவம் தரும் வகையில் தமிழர் நாகரீகத்தின் தோற்றம் மற்றும் வளர்ச்சி, சங்க கால இலக்கியம், தமிழகத்தின் இசைப் பாரம்பரியம், நாடகக் கலை,  பகுத்தறிவு இயக்கம், சமூக சீர்திருத்த இயக்கங்கள், பெண்ணியம் மற்றும் தற்கால தமிழ் மொழி குறித்த பாடத்திட்டமாக மாற்றப்பட்டுள்ளது.


DETAILED SYLLABUS
TNPSC Group 2 & 2A Revised Syllabus – ஆங்கிலம் 
UNIT - I : GENERAL SCIENCE
  • Scientific Knowledge and Scientific temper – Power of Reasoning – Rote Learning Vs Conceptual Learning – Science as a tool to understand the past, present and future.
  • Nature of Universe – General Scientific Laws – Mechanics – Properties of Matter, Force, Motion and Energy – Everyday application of the basic principles of Mechanics, Electricity and Magnetism, Light, Sound, Heat, Nuclear Physics, Laser, Electronics and Communications.
  • Elements and Compounds, Acids, Bases, Salts, Petroleum Products, Fertilizers, Pesticides.
  • Main concepts of Life Science, Classification of Living Organisms, Evolution, Genetics, Physiology, Nutrition, Health and Hygiene, Human diseases.
  • Environment and Ecology.
UNIT - II: CURRENT EVENTS
  • History – Latest diary of events – National symbols – Profile of States – Eminent personalities and places in news – Sports – Books and authors.
  • Polity – Political parties and political system in India – Public awareness and General administration – Welfare oriented Government schemes and their utility, Problems in Public Delivery Systems.
  • Geography – Geographical landmarks.
  • Economics – Current socio – economic issues.
  • Science – Latest inventions in Science and Technology.
UNIT - III: GEOGRAPHY OF INDIA
  • Location – Physical features – Monsoon, rainfall, weather and climate – Water resources – Rivers in India – Soil, minerals and natural resources – Forest and wildlife – Agricultural pattern.
  • Transport – Communication.
  • Social geography – Population density and distribution – Racial, linguistic groups and major tribes.
  • Natural calamity – Disaster Management – Environmental pollution: Reasons and preventive measures – Climate change – Green energy.
UNIT – IV: HISTORY AND CULTURE OF INDIA
  • Indus valley civilization – Guptas, Delhi Sultans, Mughals and Marathas – Age of Vijayanagaram and Bahmani Kingdoms – South Indian history.
  • Change and Continuity in the Socio – Cultural History of India.
  • Characteristics of Indian culture, Unity in diversity – Race, language, custom.
  • India as a Secular State, Social Harmony.
UNIT - V: INDIAN POLITY
  • Constitution of India – Preamble to the Constitution – Salient features of the Constitution – Union, State and Union Territory.
  • Citizenship, Fundamental rights, Fundamental duties, Directive Principles of State Policy.
  • Union Executive, Union legislature – State Executive, State Legislature – Local governments, Panchayat Raj.
  • Spirit of Federalism: Centre – State Relationships.
  • Election – Judiciary in India – Rule of law.
  • Corruption in public life – Anti-corruption measures – Lokpal and LokAyukta – Right to Information – Empowerment of women – Consumer protection forums, Human rights charter.
UNIT - VI: INDIAN ECONOMY
  • Nature of Indian economy – Five year plan models – an assessment – Planning Commission and Niti Ayog.
  • Sources of revenue – Reserve Bank of India – Fiscal Policy and Monetary Policy – Finance Commission – Resource sharing between Union and State Governments – Goods and Services Tax.
  • Structure of Indian Economy and Employment Generation, Land reforms and Agriculture – Application of Science and Technology in agriculture – Industrial growth – Rural welfare oriented programmes – Social problems – Population, education, health, employment, poverty.
UNIT - VII: INDIAN NATIONAL MOVEMENT
  • National renaissance – Early uprising against British rule – Indian National Congress – Emergence of leaders – B.R.Ambedkar, Bhagat Singh, Bharathiar, V.O.Chidambaranar, Jawaharlal Nehru, Kamarajar, Mahatma Gandhi, Maulana Abul Kalam Azad, Thanthai Periyar, Rajaji, Subash Chandra Bose and others.
  • Different modes of Agitation: Growth of Satyagraha and Militant movements.
  • Communalism and partition.
UNIT - VIII : History, Culture, Heritage and Socio – Political Movements in Tamil Nadu
  • History of Tamil Society, related Archaeological discoveries, Tamil Literature from Sangam age till contemporary times.
  • Thirukkural - Significance as a Secular literature, Relevance to Everyday Life, Impact of Thirukkural on Humanity, Thirukkural and Universal Values – Equality, Humanism, etc, Relevance to Socio – Politico-Economic affairs, Philosophical content in Thirukkural
  • Role of Tamil Nadu in freedom struggle – Early agitations against British Rule – Role of women in freedom struggle.
  • Evolution of 19th and 20th Century Socio-Political movements in Tamil Nadu – Justice Party, Growth of Rationalism – Self Respect Movement, Dravidian movement and Principles underlying both these movements, Contributions of Thanthai Periyar and Perarignar Anna.
UNIT – IX : Development Administration in Tamil Nadu
  • Human Development Indicators in Tamil Nadu and a comparative assessment across the Country – Impact of Social Reform movements in the Socio – Economic Development of Tamil Nadu.
  • Political parties and Welfare schemes for various sections of people – Rationale behind Reservation Policy and access to Social Resources – Economic trends in Tamil Nadu – Role and impact of social welfare schemes in the Socio – economic development of Tamil Nadu.
  • Social Justice and Social Harmony as the Cornerstones of Socio – Economic development.
  • Education and Health systems in Tamil Nadu.
  • Geography of Tamil Nadu and its impact on Economic growth.
  • Achievements of Tamil Nadu in various fields.
  • e-governance in Tamil Nadu.
UNIT - X: APTITUDE AND MENTAL ABILITY
  • Simplification – Percentage – Highest Common Factor (HCF) – Lowest Common Multiple (LCM).
  • Ratio and Proportion.
  • Simple interest – Compound interest – Area – Volume – Time and Work.

21st OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
இந்தியாவிற்கு தபால் அஞ்சல் சேவையை நிறுத்தியது பாகிஸ்தான்
  • பாகிஸ்தான் ஆக்கிரமிப்பு காஷ்மீரில் பயங்கரவாத முகாம்களில் இந்தியா பீரங்கித் தாக்குதலை நடத்திய ஒரு நாள் கழித்து, பாகிஸ்தான் இரு நாடுகளுக்கும் இடையிலான தபால் அஞ்சல் சேவையை ஒருதலைப்பட்சமாக நிறுத்தியது.
  • பாகிஸ்தானின் இந்த நடவடிக்கையை குறைத்து, இந்தியா சர்வதேச விதிமுறைகளுக்கு இச்செயல் முரணானது என்று குறிப்பிட்டுள்ளது.
நீண்ட தூரம் பயணிக்கும் விமானம்: குவாண்டாஸ் நிறுவனத்தின் உலக சாதனைப் பயணம்
  • ஆஸ்திரேலியாவின் கேரியர் குவாண்டாஸ் விமான போக்குவரத்து சேவை இடைவிடாது மிக நீண்ட தூரம் பயணிக்கும் பயணிகள் விமானத்தின் சோதனையை முடித்துள்ளது. இந்த சோதனையில் பயணிகள், விமான ஓட்டுனர்கள்,மற்றும் பணியாளர்களின் பயணம் எந்த விதத்தில் பாதிக்கிறது என்பது குறித்து கண்டறியப்பட்டுள்ளது.
  • போயிங் 787-9 ரக விமானம் 49 பயணிகளுடன் 19 மணிநேரம் 16 நிமிடங்கள் நியூயார்கில் இருந்து சிட்னி வரை 16,200 கிலோ மீட்டர் தூரம் பயணித்துள்ளது.



அமீரகத்தின் லூவ்ரு அருங்காட்சியகத்தை அலங்கரிக்கவுள்ள உலகின் பழமையான முத்து
  • உலகின் பழமையானது என்று தொல்பொருள் ஆராய்ச்சியாளர்கள் கூறும் 8,000 ஆண்டுகள் பழமையான முத்து, அபுதாபியில் உள்ள லூவ்ரு அருங்காட்சியகத்தில் காட்சிக்கு வைக்கப்படும் என்று அறிவிக்கப்பட்டுள்ளது.
  • ஐக்கிய அரபு எமிரேட்ஸின் தலைநகரான மராவா தீவில் அகழ்வாராய்ச்சியின்போது கண்டுபிடிக்கப்பட்ட ஒரு அறையின் தரையில் இந்த இயற்கை முத்து கண்டெடுக்கப்பட்டது. அந்த அறை அந்நாட்டில் காணப்பட்ட ஆரம்பகால கட்டிடக்கலைகளை வெளிப்படுத்தியது.
  • முத்து வந்த அடுக்குகள் கிமு 5800-5600 வரை, புதிய கற்காலத்தில் கார்பன் தேதியிட்டவை என்று அமீரகத்தின் கலாச்சார மற்றும் சுற்றுலாத் துறை தெரிவித்துள்ளது.
தேசிய பாதுகாப்பு சட்டத்துக்கு எதிராக அணித்திரளும் ஆஸ்திரேலிய பத்திரிகைகள்
  • ஆஸ்திரேலியாவில் ஊடகங்களுக்கு விதிக்கப்பட்ட கட்டுப்பாடுகளை எதிர்த்து அந்நாட்டின் பெரும் செய்தித்தாள்கள் தங்களுக்குள் உள்ள போட்டிகளை மறந்து ஒரேகுரலில் தங்களின் எதிர்ப்பை பதிவு செய்துள்ளன.
  • நியூஸ் கார்ப் ஆஸ்திரேலியா மற்றும் நைன் மாஸ்ட்ஹெட்ஸ் ஆகிய இரண்டு பெரும் செய்திதாள்களும் தங்களின் முதல் பக்கத்தில் செய்தியை கருப்பு மையால் மறைத்து அதற்கு மேலே 'ரகசியம்' என்ற வாசகத்துடன்கூடிய சிவப்பு நிற முத்திரையுடன் வெளிவந்தன.
  • இந்த நூதன போராட்டமுறை அந்நாட்டில் உள்ள தேசிய பாதுகாப்பு சட்டத்துக்கு எதிராக நடத்தப்படுகிறது.

Monday, 21 October 2019

20th OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
இந்தியாவின் பொருளாதார வளர்ச்சி 6.1% ஆக குறையும் - ஐ.எம்.எஃப் கணிப்பு
  • இந்தியாவில் நடப்பாண்டின் பொருளாதார வளர்ச்சியானது, 6.1 சதவீதமாக இருக்குமென ஐ.எம்.எஃப் கணித்துள்ளது.
  • முன்னதாக நாட்டின் பொருளாதாரம் 7.3 சதவீதமாக இருக்குமென கணித்திருந்த போதிலும், உலக பொருளாதார மந்த நிலையில் 1.2 சதவீதம் குறைத்தே கணிப்பிடப்பட்டுள்ளது.
  • உலகப் பொருளாதாரமானது, வணிகத்தில் நிலவும் நிலையற்ற தன்மையினால், அடுத்துவரும் ஆண்டுகளில் மந்தமான நிலையை காணுமென்று ஐ.எம்.எஃப் நிறுவனம் தனது ஆய்வில் கூறியுள்ளது. இதனை 3.2 சதவீதத்திலிருந்து 3 சதவீதமாகக் குறைத்து மதிப்பிட்டுள்ளது.
  • சீனாவின் வளர்ச்சி விகிதமும் மெதுவானதாகவே இருக்கும். அது 4.4 சதவீதம் குறைந்து காணப்படும். உலக வளர்ச்சிக்கு அமெரிக்காவின் பங்கு அதிகமாக எதிர்பார்க்கப்பட்டாலும் அது 2024ல் இந்தியாவை விட குறைந்த அளவே பங்களிப்பு செய்யுமென ஐ.எம்.எஃப் கணித்துள்ளது.
  • மேலும், இப்போது எடுக்கப்பட்டு வரும் பொருளாதார சீர்திருத்த நடவடிக்கைகள் மூலம் வரும் ஆண்டு இந்தியாவின் பொருளாதார வளர்ச்சி 7 சதவீதமாக இருக்குமெனவும் சர்வதேச நிதியமான ஐ.எம்.எஃப் தெரிவித்துள்ளது.
ரயில்வே வரலாற்றில் முதல்முறையாக பயணிகளுக்கு கிடைத்த நஷ்ட ஈடு
  • இந்திய ரயில்வே ஆரம்பித்து 150 வருடங்கள் ஆகியுள்ள நிலையில் முதல் முறையாக ஒரு ரயில் தாமதமாக சென்றதற்காக அந்த ரயிலில் பயணம் செய்யும் பயணிகளுக்கு நஷ்ட ஈடு கொடுக்கப்பட்டுள்ளது
  • லக்னோவில் இருந்து புதுடெல்லிக்கு செல்லும் தேஜஸ் ரயிலில் 450 பயணிகள் பயணம் செய்தனர். இந்த நிலையில் இரண்டு பக்கமும் அந்த ரயில் இரண்டு மணி நேரம் தாமதமாக வருவது வருவது தெரியவந்தது
  • அதில் தேஜஸ் ரயில் இரண்டு மணி நேரம் தாமதமாக வந்ததை அடுத்து ஒவ்வொருவருக்கும் ரூபாய் 250 நஷ்ட ஈடு கொடுக்கப்படுவதாகவும் இந்த நஷ்ட ஈட்டை மொபைலில் அனுப்பப்பட்டுள்ள லிங்கில் கிளிக் செய்து அவர்கள் பெற்றுக் கொள்ளலாம் என்றும் தெரிவிக்கப்பட்டுள்ளது
  • 150 ஆண்டு கால ரயில்வே வரலாற்றில் முதல்முறையாக ஒரு ரயில் தாமதமாக செல்வதற்கு நஷ்டயீடு கொடுக்கப்பட்டுள்ளது என்பது குறிப்பிடத்தக்கது
இந்தோனேஷியா அதிபராக 2வது முறையாக பதவியேற்ற ஜோகோ
  • இந்தோனேஷியா: இரண்டாவது முறையாக பதவியேற்றார்... இந்தோனேஷியா அதிபராக தொடர்ந்து 2ஆவது முறையாக ஜோகோ விடுடு பதவியேற்றுக் கொண்டார்.
  • ஜகார்த்தாவிலுள்ள நாடாளுமன்றத்தில் அதிபர் பதவியேற்கும் விழா நடைபெற்றது. இதில் கடவுளின் பெயரால் தொடர்ந்து 2ஆவது முறையாக அதிபராக விடுடு பதவியேற்றுக் கொண்டார்.



மிகச் சிறந்த விமான இருக்கையாக சிங்கப்பூர் ஏர்லைன்ஸ் விமானத்தின் இருக்கை தேர்வு
  • சிறந்த விமான இருக்கையாக சிங்கப்பூர் ஏர்லைன்ஸ் விமானத்தின் இருக்கை தேர்வு செய்யப்பட்டுள்ளது.
  • லண்டனில் உள்ள ஹீத்ரு விமானநிலையத்தில் இருந்து சிங்கப்பூர் செல்லும் ஏர்பஸ் ஏ380 விமானத்தின் இருக்கைகள் பயணிகளிடம் பெரும் வரவேற்பைப் பெற்றுள்ளன. ஒவ்வொரு பயணிக்கும் 50 சதுர அடி உள்ள தனி அறையாக இந்த இருக்கைகள் அமைக்கப்பட்டு உள்ளன.
  • இரட்டை படுக்கைகள் கொண்ட பெட் வசதி, தனியான குளியலறையுடன் கூடிய கழிவறை, முழுச்சுற்று சுழலும் இருக்கைகள். விருப்பப்படி திருப்பிக் கொள்ளக் கூடிய டிவிக்கள் என அனைத்து சிறப்பம்சங்களும் இந்த விமானத்தில் அமைக்கப்பட்டுள்ளன.
  • தற்போது 6 அறைகள் மட்டுமே கொண்ட இந்த விமானத்தில் லண்டனில் இருந்து சிங்கப்பூருக்கு பயணிக்க நபர் ஒருவருக்கு இந்திய மதிப்பில் 4 லட்சத்து 60 ஆயிரம் ரூபாய் வசூலிக்கப்படுகிறது.
பிலிப்பைன்சில் மஹாத்மா காந்தி சிலை திறப்பு
  • பிலிப்பைன்சில், மஹாத்மா காந்தி சிலையை ஜனாதிபதி ராம்நாத் கோவிந்த் திறந்து வைத்தார்.ஜனாதிபதி ராம்நாத் கோவிந்த் அரசு முறை பயணமாக பிலிப்பைன்ஸ் மற்றும் ஜப்பான் நாடுகளுக்கு சென்றுள்ளார். 
  • முதல்கட்டமாக பிலிப்பைன்ஸ் சென்ற அவர், அந்நாட்டு அதிபரை சந்தித்து பேசினார். அப்போது, இரு தரப்பிற்கு இடையே பல ஒப்பந்தங்கள் கையெழுத்தாகின. பின்னர், இந்தியாவில் கல்லீரல் மாற்று அறுவை சிகிச்சை செய்து கொண்ட 35 குழந்தைகள் மற்றும் அவர்களது பெற்றோருடன் ஜனாதிபதி கலந்துரையாடினார்.
  • மஹாத்மா காந்தியின் 150வது பிறந்த நாளை முன்னிட்டு, பிலிப்பைன்ஸ் தலைநகர் மணிலாவில் மஹாத்மா காந்தியின் மார்பளவு சிலை அமைக்கப்பட்டுள்ளது. இந்த சிலையை ஜனாதிபதி ராம்நாத் கோவிந்த் திறந்துவைத்து மலர் தூவி அஞ்சலி செலுத்தினார்.
ஆசிய டிராக் சைக்கிளிங் பந்தயம்: தங்கம் வென்றாா் ரொனால்டோ
  • வரும் 2020-இல் இன்சியானில் ஆசிய டிராக் சைக்கிளிங் பந்தயம் நடைபெறுவதாக இருந்தது. ஆனால் டோக்கியோ ஒலிம்பிக் போட்டி நடைபெறுவதால், இப்பந்தயம், 2019 அக்டோபா் மாதம் நடைபெறும் என அறிவிக்கப்பட்டது.
  • அதன்படி ஞாயிற்றுக்கிழமை தனிநபா் கியா்ன் பிரிவில் 10.384 விநாடிகளில் கடந்து தங்கம் வென்றாா் ரொனால்டோ. ஜேம்ஸ் சிங் 11.146 விநாடிகளில் கடந்து வெண்கலம் வென்றாா்.
  • ஆடவா் ஜூனியா் அணிகள் ஸ்பிரிண்ட் பிரிவில் ரோஜித் சிங், பால் காலிங்வுட்டுடன் இணைந்து வெண்கலம் வென்றாா் ரொனால்டோ.
  • மகளிா் ஜூனியா் 500 மீ பிரிவில் திரியஷா பால் 2 வெண்கலம் வென்றாா்.

Sunday, 20 October 2019

19th OCTOBER 2019 CURRENT AFFAIRS TNPSC SHOUTERS TAMIL PDF

TNPSCSHOUTERS
இந்தியாவிலேயே முதல்முறையாக கிண்டி பூங்காவில் Augmented Reality தியேட்டர்
  • Augmented reality என்கிற புனை மெய்யாக்கத் தொழில்நுட்பம். இந்தத் தொழில்நுட்பத்தில் திரையரங்கம் அமையப்போகிறது. 
  • ``இது இந்தியாவிலேயே முதன்முறையாக கிண்டி சிறுவர் பூங்காவில் அமையப்போகும் திரையரங்கம். கொல்கத்தா மற்றும் மும்பையில் இந்தத் தொழில்நுட்பத்துக்கான சோதனை முயற்சி வெற்றிகரமாக நடத்தி முடிக்கப்பட்டுள்ளது. 
  • Zoo Authority of TamilNadu (ZAT) நிதியிலிருந்து 40 லட்சம் ரூபாய் இதற்காக ஒதுக்கப்பட்டு பணிகள் நடைபெற்று வருகின்றன. 
  • இதில், ஒவ்வொரு காட்சியும் 13 நிமிடங்கள் நடைபெறும். ஒருநாளைக்கு 6 காட்சிகள் நடத்தலாம் எனத் திட்டமிட்டுள்ளோம்.டைனோசர்
மாணவா்களுக்கான காய்கறித் தோட்டம்: அனைத்துப் பள்ளிகளிலும் அமைக்க மத்திய அரசு உத்தரவு
  • அனைத்து மாநிலங்கள் மற்றும் யூனியன் பிரதேசங்களில் உள்ள அனைத்துப் பள்ளிகளிலும் ஊட்டச்சத்து மிகுந்த, மாணவா்களுக்கான காய்கறித் தோட்டம் அமைக்க வேண்டும் என மத்திய அரசு உத்தரவிட்டுள்ளது.
  • கிராமங்கள் மற்றும் நகரங்களில் உள்ள அனைத்துப் பள்ளிகளிலும், ஊட்டச்சத்து மிகுந்த மாணவா்களுக்கான காய்கறித் தோட்டங்களை உருவாக்க வேண்டும். தோட்டத்தை உருவாக்கத் தேவையான விதைகள், மரக்கன்றுகள், இயற்கை உரங்கள், தொழில்நுட்ப உதவிகள் மற்றும் முறையான பயிற்சி ஆகியவை வழங்கப்படும். 
  • இதற்கு, 'கிரிஷி விக்யான் கேந்திரா' (அறிவியல் தோட்ட மையம்), தோட்டக்கலைத் துறை, விவசாயத் துறை, உணவு மற்றும் ஊட்டச்சத்து மையம், மாநில வேளாண்மை பல்கலைக்கழகங்கள் மற்றும் வனத்துறையின் உதவியையும் வழிகாட்டுதலையும் பெற்றுக்கொள்ளலாம்.
  • தோட்டத்துக்கான எல்லைச் சுவரை அமைப்பது, நிலத்தைச் சமப்படுத்துவது ஆகியவற்றுக்கு மகாத்மா காந்தி தேசிய ஊரக வேலைவாய்ப்பு (100 நாள்கள் வேலை) தொழிலாளா்களைப் பயன்படுத்திக் கொள்ளலாம். 
  • பள்ளிகளில் ஊட்டச்சத்தை அதிகப்படுத்தவும், நகரமயமாகி வரும் சூழலில் நமக்குத் தேவையான காய்கறி, பழங்களை நாமே உருவாக்கிக் கொள்ளும் திறனை வளா்த்துக் கொள்ளவும் இந்தத் திட்டம் அறிமுகப்படுத்தப்பட்டுள்ளது. 
  • பெருகிவரும் சுற்றுச்சூழல் பிரச்சினைகளைக் கருத்தில் கொண்டும் காய்கறித் தோட்டத்துக்கான யோசனை முன்னெடுக்கப்பட்டுள்ளது என அதில் தெரிவிக்கப்பட்டுள்ளது.



DNA ஒழுங்குமுறை மசோதா, பாராளுமன்ற நிலைக்குழுவுக்கு பரிந்துரை
  • குற்றவாளிகள், பாதிக்கப்பட்டவர்கள், சந்தேக நபர்கள் மற்றும் குற்றவாளிகள் உள்ளிட்ட சில வகை நபர்களின் அடையாளத்தை நிறுவுவதற்கான deoxyribonucleic acid (டி.என்.ஏ) தொழில்நுட்பத்தின் பயன்பாடு மற்றும் பயன்பாட்டைக் கட்டுப்படுத்த முற்படும் மசோதா ஜூலை மாதம் மக்களவையில் நிறைவேற்றப்பட்டது.
  • இந்நிலையில் இந்த மசோதாவை அறிவியல் மற்றும் தொழில்நுட்பம், சுற்றுச்சூழல் மற்றும் காடுகள் தொடர்பான நாடாளுமன்ற நிலைக்குழுவுக்கு மாநிலங்களவை தலைவர் எம்.வெங்கையா நாயுடு பரிந்துரைத்துள்ளார்.
  • மாநிலங்களவை தலைவர், சபாநாயகருடன் கலந்தாலோசித்து, மக்களவையில் அறிமுகப்படுத்தப்பட்ட DNA தொழில்நுட்ப (பயன்பாடு மற்றும் விண்ணப்பம்) ஒழுங்குமுறை மசோதா, 2019-ஐ அறிவியல் மற்றும் தொழில்நுட்பம், சுற்றுச்சூழல் மற்றும் நிலைக்குழுக்கு பரிந்துரை செய்துள்ளதாக உறுப்பினர்களுக்கு தெரிவிக்கப்படுகிறது என்று மக்களவை செயலகம் வெள்ளிக்கிழமை ஒரு செய்திக்குறிப்பில் தெரிவித்துள்ளது.
ராணுவ வீரர்களுக்கு குண்டு துறைக்காத ஜாக்கெட்: ஒப்பந்தப்படி ராணுவத்திடம் வழங்கிய SMPP நிறுவனம்
  • ராணுவ வீரர்களுக்கு குண்டு துளைக்காத ஜாக்கெட்களை, போடப்பட்ட ஒப்பந்தத்தின் படி SMPP நிறுவனம் இந்திய ராணுவத்திடம் வழங்கியுள்ளது.
  • காஷ்மீர் பள்ளத்தாக்கில் பயங்கரவாத எதிர்ப்பு நடவடிக்கைகளை மேற்கொண்டுள்ள பாதுகாப்புப் படையினருக்காக, உள்நாட்டிலேயே தயாரிக்கப்பட்ட 40,000 குண்டு துளைக்காத ஜாக்கெட்டுகள் ராணுவத்தால் வழங்கப்பட்டுள்ளது.
  • 2021ம் ஆண்டுக்குள் 1.8 லட்சம் குண்டு துளைக்காத ஜாக்கெட்டுகளை வழங்க வேண்டும் என்பதே ஒப்பந்தம். 
  • தலைக்கவசம், ஜாக்கெட் மற்றும் முக பாதுகாப்பு என இதன் அனைத்து பாகங்களும் ஏ.கே 47 ரக துப்பாக்கியிலிருந்து சுடப்பட்ட ஹார்ட்கோர் எஃகு வெடிமருத்துகளை தாங்கும் சக்தி கொண்டதாகும். 



என்எஸ்ஜி தலைமை இயக்குனராக ஐபிஎஸ் அதிகாரி அனுப்குமார் நியமனம்
  • கடந்த 1985-ஆம் ஆண்டு குஜராத் பிரிவு ஐபிஎஸ் அதிகாரியான அனுப் குமாரின் நியமனத்துக்கு, பிரதமா் மோடி தலைமையிலான நியமனங்களுக்கான மத்திய அமைச்சரவை குழு ஒப்புதல் வழங்கியுள்ளது.
  • இவா், அடுத்த ஆண்டு செப்டம்பா் வரை அல்லது அடுத்த உத்தரவு வரும் வரை, என்எஸ்ஜி தலைமை இயக்குநராக பதவி வகிப்பாா் என்று மத்திய பணியாளா், பயிற்சித் துறை வெளியிட்ட ஆணையில் தெரிவிக்கப்பட்டுள்ளது.
  • பயங்கரவாதிகளுக்கு எதிரான பதிலடி நடவடிக்கையில் ஈடுபடவும், விமான கடத்தல் சம்பவங்களைத் தடுக்கவும் கடந்த 1984-இல் என்எஸ்ஜி உருவாக்கப்பட்டது. மிக முக்கியப் பிரமுகா்களுக்கு பாதுகாப்பு அளிக்கும் பணியிலும் இப்படையினா் ஈடுபடுத்தப்படுகின்றனா்.
சைனிக் பள்ளிகளில் பெண் மாணவர்களை அனுமதிக்க ராஜ்நாத் சிங் ஒப்புதல்
  • 2021-22 கல்வி அமர்வில் இந்தியா முழுவதும் செயல்பட்டு வரும் ராணுவ கல்விக்கான சைனிக் பள்ளிகளில் இனி மாணவிகளையும் சேர்த்துக் கொள்ள பாதுகாப்புத் துறை அமைச்சர் ராஜ்நாத் சிங் ஒப்புதல் அளித்துள்ளார். 
  • மேலும், அந்த கல்வி நிறுவனங்களில் தேவையான உள்கட்டமைப்பு மற்றும் போதுமான பெண் ஊழியர்கள் கிடைப்பதை உறுதி செய்யுமாறு சம்பந்தப்பட்ட அதிகாரிகளுக்கு சிங் அறிவுறுத்தினார்.
  • இரண்டு ஆண்டுகளுக்கு முன்பு மிசோரத்தில் உள்ள சைனிக் பள்ளி சிங்சிப்பில் சிறுமிகளை அனுமதிக்க பாதுகாப்பு அமைச்சகம் தொடங்கிய பைலட் திட்டத்தின் வெற்றியைத் தொடர்ந்து இந்த முடிவு எடுக்கப்பட்டுள்ளது.
டெல்லியை வீழ்த்தி ப்ரோ கபடி சாம்பியனான பெங்கால் 
  • ஜூலை மாதம் 20 -ம் தேதி தொடங்கிய `ப்ரோ கபடி லீக் சீசன் 7' தொடர் தற்போது முடிவுக்கு வந்துள்ளது. மொத்தம் 12 அணிகளுடன் தொடங்கிய இந்த தொடரில், தபாங் டெல்லி, பெங்கால் வாரியர்ஸ், உ.பி யோத்தா, யு மும்பா, ஹரியானா ஸ்டீலெர்ஸ், பெங்களூரு புல்ஸ் ஆகிய 6 அணிகள் ப்ளே ஆஃப் சுற்றுக்கு முன்னேறியது.
  • இதனை தொடர்ந்து நடைபெற்ற அரையிறுதி ஆட்டத்தில் டெல்லி அணி பெங்களுரு அணியையும், பெங்கால் அணி மும்பை அணியையும் வீழ்த்தி இறுதிப் போட்டிக்கு முன்னேறியது. நேற்று அகமதாபாத்தில் நடைபெற்ற இறுதி ஆட்டத்தில் டெல்லி அணியும் பெங்கால் அணியும் மோதியது.
  • இறுதியாக பெங்கால் அணி 39-34 என்ற புள்ளி கணக்கில் டெல்லி அணியை வீழ்த்தி முதல் முறையாக சாம்பியன் பட்டத்தை வென்றது.