Wednesday, 31 July 2019

29th & 30th JULY CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
தமிழக அரசு மருத்துவமனைகளில் மருத்துவமனை தினம் கொண்டாட்டம்
  • இந்தியாவின் முதல் பெண் மருத்துவர் டாக்டர்.முத்துலெட்சுமிரெட்டி. இவர்1882ஆம் ஆண்டு ஜூலை 30ஆம் தேதி, புதுக்கோட்டையில் பிறந்தார்.
  • 1912ஆம் ஆண்டு மருத்துவராக தனது பட்ட படிப்பை முடித்து, இந்தியாவின் முதல் பெண் டாக்டர் என்ற பெற்றுமையை பெற்றார். மத்திய அரசு இவருக்கு 1956 ஆம் ஆண்டு பத்மபூஷன் விருது வழங்கி கவுரவித்துள்ளது.
  • இந்நிலையில், டாக்டர். முத்துலட்சுமி நினைவாக தமிழகத்தில் இந்த ஆண்டு முதல் ஜூலை 30 ஆம் தேதி மருத்துவமனை தினம் கொண்டாடப்படும் என தமிழக சுகாதாரத்துறை அமைச்சர் விஜயபாஸ்கர் அறிவித்திருந்தார். 
  • அதன்படி இன்று தமிழகத்தில் உள்ள அனைத்து அரசு மருத்துவமனைகளிலும் மருத்துவமனை தினம் கொண்டாடப்பட்டு வருகிறது.
கொடைக்கானல் மலைப்பூண்டுக்கு புவிசார் குறியீடு
  • கொடைக்கானலில் செயல்பட்டு வரும் அன்னை தெரசா மகளிர் பல்கலைகழகம் மற்றும் தமிழக அறிவியல் மற்றும் தொழில்நுட்பத்துறை சார்பில் கடந்த 2018 ஆம் ஆண்டு மருத்துவக்குணம் கொண்ட கொடைக்கானல் மலைப்பூண்டுக்கு புவிசார் குறியீடு கோரி மத்திய அரசுக்கு விண்ணப்பித்திருந்தன.
  • இந்த விண்ணப்பத்தை ஆராய்ச்சி செய்த மத்திய அரசு, தற்போது மலைப்பூண்டின் மகத்துவத்தை தெரிவிக்கும் வகையில் புவிசார் குறியீடு வழங்கி இருக்கிறது.
  • இதன்மூலம் மகராஷ்டிரா, கர்நாட காவுக்கு அடுத்தப்படியாக, அதிக புவிசார் குறியீடு பெற்ற மாநிலம் என்ற பெருமையை தமிழகம் பெற்றுள்ளது.
தமிழகத்தில் 12 ஆண்டுகளில் புலிகள் எண்ணிக்கை மூன்று மடங்காக உயர்வு
  • உலக அளவில் தென்சீனப் புலி, மலேசியன் புலி, இந்தோ-சீனப் புலி, சைபீரியன் புலி, வங்கப் புலி, சுமித்ரன் புலி, காஸ்பியன் புலி, ஜவான் புலி, பாலி புலி என 9 வகையான புலிகள் உள்ளன.
  • கடந்த 20-ஆம் நூற்றாண்டில் 1 லட்சத்துக்கும் மேற்பட்ட புலிகள் இருந்த நிலையில், வேட்டை, வனப் பகுதிகள் அழிப்பு உள்ளிட்ட பல்வேறு காரணங்களால், கடந்த 2000-ஆம் ஆண்டில் புலிகளின் எண்ணிக்கை 3 ஆயிரமாக சரிந்தது. 
  • இதில், குறிப்பாக ஜவான், காஸ்பியன் ஆகிய புலி வகைகள் முற்றிலும் அழிக்கப்பட்டுவிட்டன. தென் சீனப் புலி வகையை பல ஆண்டுகளாகப் பார்க்க முடியாத காரணத்தால், அழியும் நிலையில் உள்ள விலங்காக அறிவிக்கப்பட்டுள்ளது. மீதமுள்ள 6 வகை புலிகளைக் காக்கும் வகையில், கடந்த 2010-ஆம் ஆண்டு முதல் உலக புலிகள் தினம் கடைப்பிடிக்கப்படுகிறது.
  • இந்தியா முன்னிலை: இந்தியாவில் புலிகளைக் காக்கும் வகையில், கடந்த 1972-இல் புலிகள் திட்டம் தொடங்கப்பட்டது. புலிகள் வசிக்கும் பகுதி புலிகள் காப்பகங்களாக மாற்றப்பட்டு, இந்தியாவில் தற்போது 50 புலிகள் காப்பகங்கள் உள்ளன. கடந்த சில ஆண்டுகளுக்கு முன்பு எடுக்கப்பட்ட சர்வதேச புலிகள் கணக்கெடுப்பில் 3,890 புலிகள் இருந்தது தெரியவந்தது. அதில், 2,226 புலிகள் அதாவது 60 சதவீதத்துக்கும் மேலான புலிகள் இந்தியாவில் இருப்பது தெரியவந்தது.
  • புலிகளின் நிலையை அறிந்து கொள்ளும் வகையில், புலிகளின் எண்ணிக்கை குறித்து 4 ஆண்டுகளுக்கு ஒருமுறை நாடு தழுவிய கணக்கெடுப்பு நடத்தப்படுகிறது. அதன்படி, கடந்த 2006-இல் நடத்தப்பட்ட கணக்கெடுப்பில் 1,411 புலிகளும், 2010-இல் 1,706 புலிகளும், 2014-இல் 2,226 புலிகளும் இருப்பது தெரியவந்தது. இதையடுத்து, 2018-இல் 20 மாநிலங்களில் 38,1400 ச.கி.மீ.பரப்பளவில் புலிகள் கணக்கெடுப்பு நடத்தப்பட்டது. 
  • 40 ஆயிரத்துக்கும் மேற்பட்ட வனத் துறை ஊழியர்கள், வன ஆர்வலர்கள், வன ஆராய்ச்சியாளர்கள் ஆகியோர் கணக்கெடுப்பில் ஈடுபட்டனர். 26,838 தானியங்கி கேமராக்கள் பொருத்தப்பட்டு, 3 கோடிக்கும் மேற்பட்ட வன விலங்குகளின் புகைப்படங்கள் எடுக்கப்பட்டன. அதில், 76,651 புலிகளின் புகைப்படங்களாகும். 
  • இந்தப் புகைப்படங்கள், புலிகளின் எச்சம், கால் தடம் உள்ளிட்ட பல தரவுகளின் அடிப்படையில் கணக்கெடுப்பு நடத்தப்பட்டது. இதில், இந்திய அளவில் கடந்த 2014-ஆம் ஆண்டைக் காட்டிலும் புலிகளின் எண்ணிக்கை 33 சதவீதம் அதிகரித்து, 2,967 புலிகள் இருப்பது தெரியவந்துள்ளது.
  • தமிழகத்தில் ஆனைமலை, களக்காடு முண்டந்துறை, முதுமலை, சத்தியமங்கலம் ஆகிய 4 புலிகள் காப்பகங்கள் மற்றும் பல்வேறு வனக் கோட்டங்களில் கடந்த 2006-இல் எடுக்கப்பட்ட கணக்கெடுப்பில் புலிகளின் எண்ணிக்கை 76-ஆக இருந்தது. 
  • வனத் துறையின் பல்வேறு நடவடிக்கைகள் காரணமாக, 2010-இல் 163-ஆகவும், 2014-இல் 229-ஆகவும் உயர்ந்தது. அதுவே, 2018-ஆம் ஆண்டு கணக்கெடுப்பில் 35 புலிகள் அதிகரித்து 264 புலிகள் இருப்பது தெரியவந்துள்ளது.
  • மேலும், புலிகள் பாதுகாப்பில் சிறந்த மேலாண்மைக்கான விருதை சத்தியமங்கலம் புலிகள் காப்பகமும், சிறந்த பராமரிப்புக்கான தரவரிசையில் ஆனைமலை புலிகள் காப்பகம் 89 புள்ளிகளுடன் 5-ஆவது இடத்தையும்பிடித்துள்ளது.
கீழடி அகழாய்வில் உறை கிணறு கண்டெடுப்பு
  • மத்திய தொல்லியியல்துறை சார்பில் கீழடியில் தொடர்ந்து மூன்று கட்ட அகழாய்வுகள் நடத்தப்பட்டன. அதன்பின், தமிழக அரசு நான்காம் கட்ட அகழாய்வை மேற்கொண்டது. தற்போது 5ஆம் கட்ட அகழாய்வு தமிழக அரசு சார்பில் கடந்த ஜூன் 13-ஆம் தேதி தொடங்கி நடைபெற்று வருகிறது.
  • 5-ஆம் கட்ட அகழாய்வில், முருகேசன், கருப்பையா, மாரியம்மாள் ஆகியோருக்கு சொந்தமான நிலங்களில் குழிகள் தோண்டியபோது அழகுசாதனப் பொருள்கள், பானைகள், ஓடுகள், இரட்டைச் சுவர், 3 அடி அகலச் சுவர் ஆகியவை கண்டறியப்பட்டன. 
  • மேலும் முருகேசன் என்பவருக்கு சொந்தமான நிலத்தில் திங்கள்கிழமை குழி தோண்டியபோது, 5 உறைகள் கொண்ட 4 அடி உயர உறைகிணறு கண்டுபிடிக்கப்பட்டது.இது சுமார் 2,500 ஆண்டுகளுக்கு முந்தையது என அகழாய்வாளர்கள் தெரிவித்தனர்.



புகையிலை பொருள் விற்பனை கட்டுப்பாடு - நாட்டிலேயே 2ம் இடம் பிடித்த தமிழகம்
  • சிகரெட் உள்ளிட்ட புகையிலைப் பொருட்கள் பயன்பாட்டிலிருந்து சிறார்களை தடுக்கும் வகையில் நடவடிக்கைகள் மேற்கொண்டதில், நாட்டிலேயே தமிழகம் இரண்டாமிடம் வகிக்கிறது என்று மத்திய சுகாதாரம் மற்றும் குடும்ப நல அமைச்சர் அஷ்வினி குமார் செளபே மக்களவையில் அளித்த தகவல்களிலிருந்து தெரியவந்துள்ளது.
  • சிகரெட்டுகள் மற்றும் இதர புகையிலைப் பொருட்கள் தயாரிப்புகள் சட்டம், 2003 (COTPA), சிகரெட் மற்றும் இதரப் புகையிலைப் பொருட்களை சிறார்களுக்கு விற்பனை செய்வதையும், கல்வி நிறுவனங்களுக்கு அருகே விற்பனை செய்வதையும் தடை செய்கிறது.
  • இந்த விஷயத்தில் தமிழகம் நாட்டிலேயே சிறப்பாக செயல்பட்ட மாநிலங்களில் இரண்டாமிடம் வகிக்கிறது. முதலிடத்தில் குஜராத் வருகிறது. தமிழகத்தில் கடந்தாண்டில் மட்டும் 6425 பேருக்கு புகையிலைப் பொருட்கள் தொடர்பான விதிமுறைகளை மீறியதற்காக அபராதம் விதிக்கப்பட்டு ரூ.13.4 லட்சம் வசூலிக்கப்பட்டது.
  • குஜராத் மாநிலத்தில் 8000 பேருக்கு அபராதம் விதிக்கப்பட்டு ரூ.14.34 லட்சம் வசூலிக்கப்பட்டது. மூன்றாமிடம் பிடித்த பஞ்சாப் மாநிலத்தில் அபராதமாக ரூ.13.14 லட்சம் வசூலிக்கப்பட்டுள்ளது.
  • 18 வயதுக்குட்பட்ட சிறார்களுக்கு புகையிலைப் பொருட்களை விற்பனை செய்தல் கூடாது மற்றும் கல்வி நிறுவனங்களிலிருந்து 100 மீட்டர் சுற்றளவிற்கு அத்தகையவற்றை விற்பனை செய்யக்கூடாது என்று COTPA சட்டத்தின்படி தடைவிதிக்கப்பட்டுள்ளது குறிப்பிடத்தக்கது.
2,500 ஆண்டுகளுக்கு முந்தைய 3 சுவர்கள் கீழடி அகழாய்வில் கண்டெடுப்பு
  • சிவகங்கை மாவட்டம் கீழடியில் நடைபெற்று வரும் அகழாய்வில் செவ்வாய்க்கிழமை ஒரே நாளில் 2,500 ஆண்டுகளுக்கு முன்பு கட்டப்பட்ட 3 சுவர்கள் இருப்பது கண்டறியப்பட்டது. 
  • கீழடி கிராமத்தில் தமிழக அரசு சார்பில் 5-ஆம் கட்ட அகழாய்வு, கடந்த ஜூன் மாதம் 13-ஆம் தேதி முதல் நடைபெற்று வருகிறது. 
  • ஏற்கெனவே மூன்று கட்ட அகழாய்வுகள் மத்திய அரசின் தொல்லியல் துறை மூலமும், நான்காம் கட்ட அகழாய்வு தமிழக அரசு சார்பிலும் மேற்கொள்ளப்பட்டன. 
  • இந்த ஆய்வின் போது, கீழடியில் 2,500 ஆண்டுகளுக்கு முந்தைய நகர நாகரிகம் இருந்தது தெரியவந்தது. 
  • அகழாய்வுக்காக தோண்டப்பட்ட குழிகளில் பழங்கால மக்கள் பயன்படுத்திய பானைகள், ஓடுகள், அழகு சாதனப் பொருள்கள் உள்ளிட்டவை கண்டுபிடிக்கப்பட்டு காட்சிப்படுத்தப்பட்டன. இதைத் தொடர்ந்து, முருகேசன் என்பவருக்கு சொந்தமான நிலத்தில் குழி தோண்டியபோது இரட்டைச் சுவர் இருந்தது கண்டுபிடிக்கப்பட்டது. 
  • இந்நிலையில், கடந்த திங்கள்கிழமை இந்த சுவருக்கு அருகிலேயே 5 அடுக்குகள் கொண்ட 4 அடி உயர உறைகிணறு கண்டறியப்பட்டது. 
  • இந்நிலையில், இந்தக் கிணறுக்கு அருகிலேயே தோண்டப்பட்ட குழியில் 5 அடி நீளத்திலும் 3 அடி அகலத்திலும் ஒரு சுவர் கண்டுபிடிக்கப்பட்டது.
  • மற்றொரு குழியில் அகலமான நிலையில் ஒரு சுவர் இருப்பது தெரிந்தது. 
  • போதகுரு என்பவருக்கு சொந்தமான நிலத்தில் குழி தோண்டியபோது 2 அடி அகலத்திலும் ஒரு அடி உயரத்திலும், 12 அடி நீளத்திலும் மற்றொரு சுவர் இருந்தது கண்டுபிடிக்கப்பட்டது. 
  • 5 அடி நீளத்தில் கண்டுபிடிக்கப்பட்டுள்ள சுவரில் 3 அடுக்குகளில் செங்கல்கள் அடுக்கி கட்டப்பட்டுள்ளன. 
ரசகுல்லாவுக்கு புவிசார் குறியீடு பெற்றது ஒடிசா
  • குறிப்பிட்ட பகுதியில் தயாராகும் உணவுப் பொருள்கள், உடைகள் உள்ளிட்டவற்றுக்கு காப்புரிமை பெற்றுக் கொள்வது புவிசார் குறியீடு ஆகும்.
  • இந்த உரிமையை, அவற்றை தயாரிக்கும் நிறுவனங்களும், மாநிலங்களும் பெருமையாகக் கருதுகின்றன. இந்த வரிசையில், ரசகுல்லாவுக்கு, ஒடிசா, மேற்கு வங்கம் மாநிலங்களிடையே உரிமைப் போட்டி நடந்து வந்தது.
  • பூரி ஜெகன்நாத் சுவாமிக்கு பிரசாதமாக ரசகுல்லா படைக்கப்பட்டதாக ஒடிசாவும், திரிந்து போன பால் என்பது கெட்டுப் போன பால் என்பதால் அதிலிருந்து தயாரிக்கப்படும் ரசகுல்லா இறைவனுக்கு படையல் ஆகாது என்று மேற்கு வங்கமும் வாதிட்டு வந்தன.
  • கடந்த 2017 ஆம் ஆண்டு வங்காள ரசகுல்லா என்று மேற்கு வங்க மாநிலம் புவிசார் குறியீடு பெற்றது. இந்நிலையில், ஒடிசா ரசகுல்லா என்ற பெயரில் இந்த இனிப்பு வகைக்கு, ஒடிசா மாநிலம் புவிசார் குறியீடு பெற்றுள்ளது. 
  • இதற்கான சான்றிதழை ஒடிசா மாநில முதலமைச்சர் நவீன் பட்நாயக் தனது ட்விட்டர் பக்கத்தில் பெருமிதத்துடன் வெளியிட்டுள்ளார். இந்த‌ச் சான்றிதழை சென்னையில் உள்ள புவிசார் குறியீட்டு பதிவாளர் அலுவலகம் அளித்திருப்பது குறிப்பிடத்தக்கது.
ஒடிசா தலைமை செயலகம் பெயர் மாற்றம்
  • ஒடிசாவில் பிஜூ ஜனதா தள ஆட்சி நடக்கிறது. முதல்வர் நவீன் பட்நாயக் உள்ளார். மாநில சட்டசபை பட்ஜெட் கூட்டத்தொடரின் போது முதல்வர் நவீன்பட்நாயக் கூறியது, ஜனநாயகத்தில் மக்கள் தான் எஜமானர்கள் நாம் அவர்களின் சேவகர்கள். 
  • அந்த வகையில் இந்த இடம் (தலைமை செயலகம் ) சாச்சிவாலயா என்றிருப்பதை ''லோக் சேவா பவன்'' என பெயர் மாற்றப்படும் அதற்கான நடவடிக்கை மேற்கொள்ளப்பட்டுள்ளது என்றார்.



லோக்சபாவில் மருத்துவ கமிஷன் மசோதா நிறைவேற்றம்
  • இந்திய மருத்துவ கல்வி மற்றும் மருத்துவ துறையை, 63 ஆண்டுகளாக தன் கட்டுப்பாட்டில் வைத்திருந்த, இந்திய மருத்துவ கவுன்சிலை செல்லாததாக ஆக்கும், 'தேசிய மருத்துவ கமிஷன் மசோதா - 2019' லோக்சபாவில் நேற்று தாக்கல் செய்யப்பட்டது.
  • இந்த மசோதா படி, எம்.பி.பி.எஸ்., படிக்கும் மாணவர்கள், இறுதியாண்டில் நடத்தப்படும், 'நெக்ஸ்ட்' எனப்படும், தேர்வில் பெறும் மதிப்பெண்களின் அடிப்படையில், முதுகலை படிப்பில் சேர்க்கப்படுவர். 
  • ஜனநாயக ரீதியில் இயங் கிய அந்த அமைப்பை மூடிவிட்டு, தற்போது, மூன்றடுக்கு கொண்ட நியமன அமைப்பை, அரசு கொண்டு வருகிறது. இதில், 25 பேர் இடம் பெறும், மருத்துவ ஆணையம்; 89 பேர் இடம் பெறும், மருத்துவ ஆலோசனைக்குழு ஆகிய இரண்டு அடுக்குகள் அமைக்கப்பட உள்ளன. 
  • ஏற்கனவே ஆணையத்தில் உள்ள, 25 பேரும், அதன் கீழ் இயங்கும் ஆலோசனை குழுவிலும் இடம் பெற உள்ளனர். அப்படியெனில், இவர்கள், தங்களுக்கு தாங்களே ஆலோசனை அளித்துக் கொள்வரா?
  • மூன்றாவதாக, 'தர நிர்ணயக்குழு' என்ற, ஐந்து பேர் குழு, புதிய கல்லுாரிகளின், உள்கட்டமைப்பு வசதிகளை ஆய்வு செய்து, அனுமதி வழங்கும். 
  • இந்தக் குழுவின் தலைவர், பிரதான அமைப்பான, ஆணையத்திலும் உறுப்பினராக இருப்பார். அப்படியெனில், தலைவராக இவர் தந்த அனுமதியில், ஏதாவது தவறு என்றால், அப்பீலுக்காக, இவரை உறுப்பினராக கொண்ட ஆணையத்திடமே வர வேண்டுமா. முடிவெடுத்தவரே, மேல்முறையீட்டை திரும்ப விசாரிப்பாரா.
  • எனவே, அரசால் நியமனம் செய்யப்படும், அந்த, 25 பேர் வைத்ததுதான், சட்டமாக இருக்கப்போகிறது. மேலும், 50 சதவீத இடங்களுக்கான கட்டணம் மட்டுமே குழுவால் நிர்ணயிக்கப்படுவதும், மீதமுள்ள, 50 சதவீத இடங்களுக்கு, சம்பந்தப்பட கல்லுாரியே, கட்டணம் நிர்ணயிக்க அனுமதிப்பதும், முறைகேடுகளுக்கு வழிவகுக்காதா? சுழற்சி முறை ஆணையத்தில், ஆறு துணைவேந்தர்களுக்கு இடம் வழங்கப்படுகிறது. அதுவும், 29 மாநிலங்களுக்கும், சுழற்சி முறையில் தான் இந்த இடம் வழங்கப்படும் என, தெரிவிக்கப்பட்டு உள்ளது.
  • லஞ்சம், ஊழலில் ஊறித் திளைத்த இந்திய மருத்துவ கவுன்சிலின் அதிகாரம் ரத்து செய்யப்பட்டுள்ளது. இனிமேல், நாட்டின் மருத்துவ கல்வி மற்றும் மருத்துவ துறை சீரடையும்.இவ்வாறு, அவர் கூறினார். இதைத் தொடர்ந்து, லோக்சபாவில் இம்மசோதா நிறைவேற்றப்பட்டது. 
புதிய நிதி செயலாளராக ராஜீவ் குமார் நியமனம்
  • ராஜீவ் குமார் நிதி அமைச்சின் புதிய செயலாளராக செவ்வாய்க்கிழமை நியமிக்க அமைச்சரவையின் நியமனக் குழு ஒப்புதல் அளித்துள்ளது. 
  • ஜார்கண்ட் கேடரைச் சேர்ந்த 1984 தொகுதி IAS அதிகாரியான ராஜீவ் குமார், நிதி அமைச்சகத்தின் நிதி சேவைகள் திணைக்களத்தின் (DFS) செயலாளராக பணியாற்றி வந்தார்.
  • இப்பொறுப்பில் இருந்த சுபாஷ் சந்திர கார்க் அண்மையில் எரிசக்தித்துறை செயலாளராக மாற்றப்பட்டார். அவர் விருப்ப ஓய்வில் செல்ல விண்ணப்பித்துள்ளார். இந்நிலையில், காலியாக உள்ள நிதித்துறை செயலாளர் பதவிக்கு ராஜீவ் குமார் நியமிக்கப்பட்டுள்ளார். அவரது நியமனத்துக்கு பிரதமர் மோடி தலைமையிலான மத்திய அமைச்சரவையின் நியமனங்கள் குழு ஒப்புதல் அளித்துள்ளது.
  • இதற்குமுன் மத்திய நிதித்துறை செயலாளராக இருந்த சுபாஷ் சந்திர கார்க், மின்துறை செயலாளராக மாற்றப்பட்டார். அவர் விருப்ப ஓய்வுக்கு விண்ணப்பித்துள்ளார். பொதுத்துறை வங்கிகள் இணைப்பு உள்ளிட்ட வங்கி சீர்திருத்தப் பணிகளில் இவர் முக்கிய பங்கு வகித்துள்ளார்.
சம்பள பிரச்னைகளுக்கு தீர்வு; மசோதா லோக்சபாவில் நிறைவேறியது
  • ஊழியர்களின் சம்பள பிரச்னைகளுக்கு தீர்வு காணும், சம்பள விதிமுறை மசோதா, லோக்சபாவில் நிறைவேறியது.சம்பளம் அல்லது கூலி நிர்ணயம் தொடர்பாக, தற்போதுள்ள மசோதாவில், அரசு அங்கீகரித்த பட்டியலில் உள்ள சில தொழில்களில் பணியாற்றுபவர்களுக்கு மட்டுமே, பலன் கிடைக்கிறது. 
  • இந்த பிரச்னைக்கு தீர்வு காணும் வகையில், நாடு முழுவதும், அனைத்து வகையான தொழில்களில் ஈடுபட்டுள்ள, 50 கோடி தொழிலாளர்கள் பயனடையும் வகையிலான, சம்பள விதிமுறை மசோதா, லோக்சபாவில் நேற்று(ஜூலை 30), குரல்ஓட்டெடுப்பின் மூலம் நிறைவேற்றப்பட்டது.
  • இந்த மசோதாவின் படி, தொழிலாளர்கள் அல்லது ஊழியர்களுக்கு குறைந்தபட்ச கூலி அல்லது சம்பளம் நிர்ணயம் செய்யப்படும். தாமதமாக சம்பளம் கொடுக்கப்படும் பிரச்னைகளுக்கும் தீர்வு கிடைக்கும்.
முத்தலாக் தடை மசோதா ராஜ்யசபாவில் நிறைவேறியது
  • நீண்ட விவாதத்திற்கு பின், முத்தலாக் தடை மசோதா ராஜ்யசபாவில் நிறைவேறியது. தொடர்ந்து இந்த மசோதா ஜனாதிபதியின் ஒப்புதலுக்கு அனுப்பி வைக்கப்படும். 
  • தாக்கல் முஸ்லிம் சமூகத்தில், மூன்று முறை, 'தலாக்' கூறி விவாகரத்து பெறும் முறையை குற்றமாக்கும், முத்தலாக் சட்ட மசோதா, லோக்சபாவில் கடந்த 25ம் தேதி நிறைவேறியது. தொடர்ந்து, இந்த மசோதா ராஜ்யசபாவில் இன்று(ஜூலை 30) தாக்கல் செய்யப்பட்டது. 
  • முத்தலாக் தடை மசோதாவை தாக்கல் செய்து, ரவிசங்கர் பிரசாத் பேசுகையில்; மனிதநேய எண்ணம் கொண்டது முத்தலாக் தடை மசோதா. இந்த மசோதா நீதிக்கானது, மத ரீதியிலானது அல்ல. இதனை யாரும் அரசியலாக்க வேண்டாம். மேலும் பெண்களின் மாண்பையும், அவர்களது அதிகாரத்தையும் நிலைநிறுத்தக்கூடியது என்றார். 
  • வெளிநடப்பு இந்த மசோதாவிற்கு எதிர்ப்பு தெரிவித்து ஐக்கிய ஜனதா தளம், பகுஜன் சமாஜ், அதிமுக கட்சிகள் வெளிநடப்பு செய்தன. ஓட்டெடுப்பில் டிஆர்எஸ் , தெலுங்கு தேசம், ஓய்எஸ்ஆர் காங்கிரஸ் ஆகிய கட்சிகள் ஓட்டெடுப்பில் பங்கேற்கவில்லை. 
  • இந்த மசோதாவிற்கு காங்கிரஸ், திமுக உள்ளிட்ட எதிர்க்கட்சிகள் கடும் எதிர்ப்பு தெரிவித்து வெளிநடப்பு செய்தன.. பார்லிமென்ட் நிலை குழுவிற்கு அனுப்ப வேண்டும் என வலியுறுத்தின.
  • நிறைவேறியது அனைத்து கட்சிகள் பேசிய பின்னர், அனைவருக்கும் சட்டத்துறை அமைச்சர் ரவி சங்கர் பிரசாத் பதிலளித்து பேசினார். இதன் பின்னர், ராஜ்யசபாவில் ஓட்டெடுப்பு நடந்தது. இதில் மசோதாவிற்கு ஆதரவாக 99 ஓட்டுகளும், எதிராக 84 ஓட்டுகளும் கிடைத்தன.
  • இதன் மூலம் இந்த மசோதா நிறைவேறியதாக அவை தலைவர் வெங்கையா நாயுடு அறிவித்தார். விரைவில் இந்த மசோதா, ஜனாதிபதியின் ஒப்புதலுக்கு அனுப்பி வைக்கப்படும்.



ஊழல் மிகுந்த நாடுகள் பட்டியல் இந்தியாவுக்கு 78வது இடம்
  • உலகில் ஊழல் மிகுந்த நாடுகள் பட்டியலை ஆண்டுதோறும் அரசு சாரா அமைப்பான 'டிரான்ஸ்பரன்சி இன்டர்நேஷனல்' என்ற அமைப்பு வெளியிட்டு வருகிறது. இந்த பட்டியலுக்காக உலகில் உள்ள 180 நாடுகளில் இந்த அமைப்பு ஆய்வு மேற்கொள்கிறது.
  • இப்படியாக ஆய்வு நடத்தியதன் அடிப்படையில் 88 மதிப்பெண்ணைப் பெற்று டென்மார்க் ஊழல் இல்லாத நாடு அல்லது ஊழல் மிகவும் குறைந்த நாடு என்ற பெருமையை பெற்றுள்ளது. 
  • நியூசிலாந்து 87 மதிப்பெண்ணைப் பெற்று இரண்டாவது இடத்தையும், பின்லாந்து, சிங்கப்பூர், ஸ்வீடன் ஆகிய நாடுகள் தலா 85 மதிப்பெண்களுடன் மூன்றாம் இடத்தையும் பிடித்துள்ளன.
  • இந்த வரிசையில் 41 மதிப்பெண்களைப் பெற்று ஊழல்கள் நிறைந்த நாடுகளின் பட்டியலில், இந்தியா 78-வது இடத்தைப் பெற்றுள்ளது. 2017-ல் 40 மதிப்பெண்களைப் பெற்றிருந்த இந்தியா 81-வது இடத்தைப் பிடித்திருந்தது. 
  • அந்த வகையில் கடந்த 2017 பட்டியலைவிட 2018 பட்டியலில் இந்தியா முன்னேறியுள்ளது. ஆனால் 2016-ம் ஆண்டில் 40 மதிப்பெண்ணைப் பெற்ற இந்தியா 79-வது இடத்தில் இருந்தது என்பது குறிப்பிடத்தக்கது.
  • பாகிஸ்தான், இந்தப் பட்டியலில் 117-வது இடத்தையும், சீனா 87-வது இடத்தையும் பெற்றுள்ளது. சோமாலியா, வெறும் 10 மதிப்பெண்ணை மட்டுமே பெற்று கடைசி இடத்திலும் உள்ளது.
இந்திய ரெயில்வே சரக்கு போக்குவரத்து : அமேசான் நிறுவனத்துடன் ஒப்பந்தம்
  • இந்தியாவில் புகழ்பெற்று விளங்கும் ஆன்லைன் வர்த்தக நிறுவனங்களில் அமேசான் நிறுவனமும் ஒன்றாகும். இந்த நிறுவனம் ஆன்லைன் மூலம் வர்த்தகம் செய்வோருக்கு இந்தியா முழுவதும் பொருட்களை அனுப்ப வேண்டியுள்ளது. இதனால் இந்த அமேசான் நிறுவனம் இந்திய ரெயில்வே உடன் ஒரு ஒப்பந்தம் செய்துக் கொண்டுள்ளது.
  • இந்த ஒப்பந்தப்படி மும்பை ராஜதானி மற்றும் ஷீல்தா ராஜதானி ஆகிய இரு ரெயில்களில் அமேசான் நிறுவனத்துக்கு 2.5 டன் எடை எடுத்துச் செல்லக்கூடிய சரக்கு பெட்டிகள் ஒதுக்கப்பட உள்ளன. 
  • இதில் அமேசான் நிறுவனப் பொருட்களை மட்டும் அந்த நிறுவனம் எடுத்துச் செல்ல வேண்டும். இந்த ஒப்பந்தம் 1 மாதத்துக்குப் போடப்பட்டுள்ளது. இது விரைவில் விரிவாக்கம் செய்யப்பட உள்ளது.
  • இந்த ஒப்பந்தத்தில் சரக்குகளை ஏற்றுவது மற்றும் அமேசான் நிறுவனத்தின் பொறுப்பு என அறிவிக்கப்பட்டுள்ளது. இதனால் ரெயில்வே சுமை ஏற்றுவோர் சங்கம் அதிருப்தி அடைந்துள்ளது. மேலும் இந்த ஒப்பந்தத்தின் இப்பிரிவை எதிர்த்து சங்கத்தின்சர்பில் வரும் ஜூலை 31 மற்றும் ஆகஸ்ட் 1 ஆம் தேதிகளில் வேலை நிறுத்தம் நடைபெற உள்ளது.
விமானங்களை தாக்கி அழிக்கும் ஏவுகணை ரஷ்யாவிடம் இருந்து வாங்குகிறது இந்தியா
  • விமானங்களைத் தாக்கி அழிக்கும் ஆர் 27 வகை ஏவுகணைகளை, ஆயிரத்து 500 கோடி ரூபாய் மதிப்பில் ரஷ்யாவிடமிருந்து வாங்க இந்தியா கையெழுத்திட்டுள்ளது.
  • இந்த வகை ஏவுகணைகளை எஸ்யு-30 மற்றும் சுகோய் ரக விமானங்களில் இருந்து ஏவ முடியும். நீண்ட தூரத்தில் செல்லும் எதிரி விமானங்களையும் இந்த ஏவுகணை மூலம் தாக்கி அழிக்க முடியும். இந்திய விமானப்படையின் தரத்தை மேலும் உயர்த்த ஏவுகணைகள் வாங்கப்பட இருப்பதாக ஏ.என்.ஐ., செய்தி நிறுவனம் தெரிவித்துள்ளது.
  • கடந்த 50 நாட்களில் இந்திய விமானப்படைக்காக 7 ஆயிரத்து 600 கோடி ரூபாய்க்கும் மேல் போர் உபகரணங்கள் வாங்குவதற்கு பாதுகாப்புத்துறை அமைச்சகம் ஒப்புதல் அளித்துள்ளது குறிப்பிடத்தக்கது.
1000 ஆண்டு பழமையான இந்துக் கோயில் பாகிஸ்தானில் மீண்டும் திறப்பு
  • பாகிஸ்தானின் பஞ்சாப் மாநில சியால்கோட் நகரத்தில் கடந்த 72 ஆண்டுகளாக பூட்டப்பட்டு இருந்தது 1000 ஆண்டுகள் பழமையான இந்துக் கோயில் ஒன்று.
  • கடந்த 1992ம் ஆண்டு பாபர் மசூதி இடிப்புக்கு எதிராக பாகிஸ்தானில் நடந்த கலவரத்தில் அந்தக் கோயில் சேதப்படுத்தப்பட்டது. அதிலிருந்து பக்தர்கள் யாரும் அந்தக் கோயிலுக்கு செல்வதில்லை.
  • ஷவாலா தேஜா சிங் கோயில் என்றழைக்கப்படும் இந்தக் கோயிலை கட்டியவர் சர்தார் தேஜா சிங். நாட்டுப் பிரிவினையின்போது இந்தக் கோயில் மூடப்பட்டது.
  • இதனிடையே இந்தக் கோயிலை மீண்டும் திறந்து புனரமைப்பு செய்து பக்தர்களின் பயன்பாட்டிற்கு அனுமதிக்க முடிவுசெய்தார் அந்நாட்டுப் பிரதமர் இம்ரான்கான்.



12 மணிநேரம் 35 கோடி மரங்களை நட்டு சாதனை படைத்த எத்தியோப்பிய மக்கள்
  • கிழக்கு ஆப்ரிக்காவில், மக்கள் தொகை அதிகம் கொண்ட 2வது நாடாக எத்தியோப்பியா திகழ்கிறது. இதன் வனப்பகுதி அண்மைக்காலத்தில் வேகமாக சுருங்கி வரும் நிலையில், மழைக்காலத்துக்கு முன் 400 கோடி மரக்கன்றுகளை நட எத்தியோப்பிய அரசு திட்டமிட்டுள்ளது.
  • அதன்படி நேற்று, எத்தியோப்பிய பிரதமர் அபிய் அகமது தலைமையில் 'பசுமை மரபு' என்ற பெயரில் மரக்கன்று நடும் நிகழ்ச்சி நடைபெற்றது. இதில் ஏராளமானோர் கலந்து கொண்டு 12 மணிநேரத்தில் சுமார் 35 கோடி மரக்கன்றுகளை நட்டு உலக சாதனை படைத்தனர்.
மலேசியாவின் புதிய மன்னராக அல்-சுல்தான் அப்துல்லா முடிசூட்டப்பட்டார்
  • மலேசியாவில் மன்னரின் முடியாட்சியின் கீழ், கூட்டாட்சி முறையிலான அரசியல் சட்டம் அமலில் உள்ளது. இங்கு 5 ஆண்டுகளுக்கு ஒருமுறை மன்னர் தேர்ந்தெடுக்கப்பட்டு அவரது தலைமையில், மக்களால் தேர்ந்தெடுக்கப்பட்ட பிரதிநிதிகள் அரசை நிர்வகித்து வருகின்றனர்.
  • இந்நிலையில், மலேசியாவில் கடந்த 2016ம் ஆண்டு மன்னர் பொறுப்பேற்ற 5வது சுல்தான் அகமது, காரணம் எதுவும் தெரிவிக்காமல் கடந்த ஜனவரி மாதம் பதவியை ராஜினாமா செய்தார்.
  • தொடர்ந்து புதிய மன்னராக, மலேசியாவின் 9 மாநிலங்களை ஆளும் அரச குடும்பத்தினர்களில் ஒருவரான அல் சுல்தான் அப்துல்லா தேர்ந்தெடுக்கப்பட்டதாக அறிவிக்கப்பட்டது.
  • அதன்படி மலேசியாவின் 16வது மன்னராக அவர் முடிசூட்டப்பட்டார். இதற்கென ஏற்பாடு செய்யப்பட்டிருந்த பிரமாண்ட நிகழ்ச்சியில் அரச குடும்பத்தை சேர்ந்தவர்கள் அனைவரும் பங்கேற்றிருந்தனர்.
உலக அளவிலான போர்களில் 12,000 குழந்தைகள் பலி ஐ.நா அதிர்ச்சி ரிப்போர்ட்
  • போர் நடந்து வரும் இந்த நாடுகளில் கடந்த 2018ம் ஆண்டு நடைப்பெற்ற போர் மற்றும் உள்நாட்டு கலவரங்களில் பலியான குழந்தைகள் பற்றி ஐ.நா. ஆய்வு செய்துள்ளது. 
  • இந்த ஆய்வின்படி 'கடந்த 2018 ஆம் ஆண்டு மட்டும் சிரியா, ஏமன், ஆப்கானிஸ்தான், பாலஸ்தீனம் ஆகிய நாடுகளில் பலியான குழந்தைகளின் எண்ணிக்கை 12 ஆயிரத்தை தாண்டியுள்ளது.
  • இது ஒருபுறம் என்றால் குழந்தைகள் வேறு பல்வேறு விதங்களிலும் துன்புறுத்தப் படுகிறார்கள். பாலியல் ரீதியாக துன்புறுத்தல் மற்றும் பள்ளிகள், மருத்துவமனைகள் மீதான தாக்குதல்கள், குழந்தைகளை கடத்தி கிளர்ச்சியாளர்களாக பயன்படுத்துதல் போன்று எண்ணற்ற கொடுமைகளுக்கு குழந்தைகள் ஆளாக்கப்படுகிறார்கள் என்று ஐ.நா தெரிவித்துள்ளது.
ஜெர்மன் கிராண்ட்பிரி கார் பந்தயம் பெல்ஜியம் வீரர் சாம்பியன் ஆனார்
  • நடப்பு சீசனில் 11வது போட்டியாக ஹாக்கென்ஹீமில் நடைபெற்ற இப்பந்தயத்தில் முன்னணி வீரர்கள் போட்டி போட்டுக் கொண்டு கார்களை இயக்கினர். போட்டஸ், ரிக்கியார்டோ உள்ளிட்ட 6 வீரர்களின் கார்கள் பழுது ஏற்பட்டதால் பாதியிலேயே வெளியேறினர்.
  • ரெட்புல் அணியின் வெர்ஸ்டா சிறப்பாக காரை இயக்கி ஒரு மணி 44 நிமிடம் 31 வினாடிகளில் இலக்கை அடைந்து சாம்பியன் பட்டத்தைக் கைப்பற்றினார். நடப்பு சாம்பியனான ஹாமில்டன் கடுமையாகப் போராடியும் 9வது இடத்தைத்தான் பிடிக்க முடிந்தது.

TNPSC GROUP 2A – NOTIFICATION 2019 & DATE ANNOUNCED

TNPSCSHOUTERS

NON INTERVIEW POST


COMBINED CIVIL SERVICES – IIA  GROUP – IIA SERVICES
GENERAL STUDIES PRELIMINARY EXAMINATION
TOPICS FOR OBJECTIVE TYPE

TNPSC PDF
                          

TNPSC Combined Civil Services Examination II (Non Interview Posts) (Group 2A Services) Exam Notification 2019 is published by the Tamilnadu Public Service Commission ...
  • The Exam is scheduled to be conducted on .
  • Last Date to Apply online will be 
  • Last Date for payment of fee through Bank or Post Office  
  • TNPSC Group 2A Non Interview Exam Notification Website 
  • Hall Ticket -  - Download
  • TNPSC Group 2A Non Interview Exam Answer Key --Download
NOTIFICATION DATE - 1st October 2019

NO OF POST - 864
TNPSC குரூப் 2A தேர்வு : தமிழ்நாடு அரசுப் பணியில் காலியிடங்கள்!

தமிழ்நாடு அரசுப் பணியாளர் தேர்வாணையம் நேர்காணல் இல்லாத குரூப் 2A தேர்வுக்கான அறிவிப்பை வெளியிட்டுள்ளது. இத்தேர்வு எழுத விரும்பும் பட்டதாரி விண்ணப்பதாரர்கள் விண்ணப்பிக்க வேண்டிய நேரமிது.

தமிழ்நாடு அரசுப்பணிகளில் நிதித்துறை, சட்டத்துறை, வருவாய்த்துறை, சிறைத்துறை, காவல்துறை, சுகாதாரத்துறை, போக்குவரத்துத் துறை, பதிவுத்துறை உள்ளிட்ட பல்வேறு துறைகளில் உதவியாளர், பெர்சனல் கிளார்க், லோயர் டிவிஷன் கிளார்க் உள்ளிட்ட பல்வேறு பதவிகளில் 1862 காலி இடங்கள் நிரப்பப்பட உள்ளன.இதற்கான குரூப் 2 ஏ தேர்வு குறித்த அறிவிப்பை தமிழ்நாடு அரசுப் பணியாளர் தேர்வாணையம் (டிஎன்பிஎஸ்சி) வெளியிட்டுள்ளது. குரூப் 2 தேர்வில் உள்ளதுபோல் முதல்நிலைத் தேர்வு, மெயின் தேர்வு, நேர்காணல் என்ற மூன்று கட்டத் தேர்வு முறை இதற்கு கிடையாது. ஒரே ஒரு எழுத்துத் தேர்வின் மூலமாக தகுதியுடையவர்கள் தேர்ந்தெடுக்கப்பட இருக்கிறார்கள்.

கல்வித் தகுதி: அங்கீகரிக்கப்பட்ட பல்கலைக்கழகத்தில் ஏதேனும் ஓர் இளநிலை பட்டப்படிப்பு படித்திருக்க வேண்டும். பத்தாம் வகுப்பு, பன்னிரண்டாம் வகுப்பு படித்துவிட்டு, இளநிலை பட்டப் படிப்பை படித்திருப்பவர்கள் மட்டுமே விண்ணப்பிக்கத் தகுதியுடைவர்கள்.விண்ணப்பிப்போர் குறைந்தபட்சம் பத்தாம் வகுப்பில் தமிழை ஒரு பாடமாக எடுத்துப் படித்திருக்க வேண்டியது அவசியம். இந்தப் பணிகளில் 20 சதவீதப் பணியிடங்கள் தமிழ் வழியில் படித்தவர்களுக்காக ஒதுக்கீடு செய்யப்பட்டுள்ளன.

நிதித்துறையில் பெர்சனல் கிளார்க் பணியிடங்களுக்கு அங்கீகரிக்கப்பட்ட பல்கலைக்கழகத்தில் வணிகவியல் அல்லது பொருளாதாரம் அல்லது புள்ளியியலில் இளநிலை பட்டம் பெற்றிருக்க வேண்டும்.மேலும் லோயர், ஹையர் என இரு நிலைகளிலும் தமிழ் மற்றும் ஆங்கில மொழிகளில் தட்டச்சு மற்றும் சுருக்கெழுத்து ஆகியவற்றில் தேர்ச்சி பெற்றிருக்க வேண்டும்.

சட்டம் மற்றும் நிதித்துறை அல்லாத பிற துறைகள், டிஎன்பிஎஸ்சி, தமிழ்நாடு சட்டப்பேரவை போன்றவற்றில் பெர்சனல் கிளார்க் பணியிடங்களுக்கு அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பை படித்தவர்கள் விண்ணப்பிக்கலாம். மேலும் லோயர், ஹையர் என இரு நிலைகளிலும் தமிழ் மற்றும் ஆங்கில மொழிகளில் தட்டச்சு மற்றும் சுருக்கெழுத்து ஆகியவற்றில் தேர்ச்சி பெற்றிருக்க வேண்டும்.

வருவாய்த்துறை ஆணையாளர் அலுவலகத்தில் உதவியாளர் பணியிடங்களுக்கு, அங்கீகரிக்கப்பட்ட பல்கலைக் கழகத்தில் பிஏ, பிஎஸ்சி, பிகாம் படித்தவர்களும், அண்ணாமலை பல்கலைக்கழகத்தில் பிஓஎல், மதுரை காமராசர் பல்கலைக்கழகத்தில் பிபிஏ, சென்னை பல்கலைக்கழகத்தில் பிபிஎம் படித்தவர்களும், சென்னை பல்கலைக்கழகம் மற்றும் பாரதியார் பல்கலைக்கழகத்தில் பி.லிட். படித்தவர்களும் விண்ணப்பிக்கலாம்.

சிறைத்துறை, காவல்துறை, சுகாதாரத்துறை, போக்குவரத்துத் துறை, தொழிலாளர் துறை, நெடுஞ்சாலைத் துறை, வரலாற்று ஆவணத்துறைகளில் உதவியாளர் பணியிடங்களுக்கு அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு படித்தவர்கள் விண்ணப்பிக்கலாம்.

தமிழ்நாடு சட்டப்பேரவையில் லோயர் டிவிஷன் கிளார்க் பணியிடங்களுக்கு அங்கீகரிக்கப்பட்ட பல்கலைக்கழகத்தில் பிஏ, பிஎஸ்சி, பிகாம் படித்தவர்கள் விண்ணப்பிக்கலாம்.

வயது வரம்பு: அனைத்துப்பணிகளுக்கும் குறைந்தபட்சம் 18 வயது பூர்த்தி ஆகி இருக்க வேண்டும்.பொதுப்பிரிவினர் அதிகபட்சமாக 30 வயதுக்குள் இருக்க வேண்டும்.பொதுப்பிரிவினர் அல்லாத பிரிவினருக்கு அதிகபட்ச வயதுவரம்பு ஏதும் இல்லை.

பொதுப்பிரிவைச் சேர்ந்தவர்கள் மாநில அரசு அல்லது மத்திய அரசுப் பணிகளில் சேர்ந்து 5 ஆண்டுகள் நிறைவடைந்திருப்பின், அவர்கள் இந்தப் பணிகளுக்கு விண்ணப்பிக்க முடியாது. வேறு அரசு நிறுவனங்களில் பணி அமர்த்தப்படாத நிலையில் டான்சி நிறுவனத்தில் ஆட்குறைப்பை எதிர்கொள்ளும் ஊழியர்கள் இந்தத் தேர்வை எழுத அனுமதிக்கப்படுவார்கள். 
ஆனால், அவர்களுக்கு குறிப்பிட்ட தகுதிகள் இருக்க வேண்டியது அவசியம்.
தேர்வு எப்படி இருக்கும்?

இதற்கான எழுத்துத்தேர்வு இரண்டு பிரிவுகளைக் கொண்டது. முதல் பிரிவு ஜெனரல் ஸ்டடீஸ் ஆகும். இதில் பட்டப்படிப்புத் தரத்தில், ஜெனரல் ஸ்டடிஸ் பிரிவில் 75 கேள்விகள், எஸ்எஸ்எல்சி தரத்தில் மென்டல் எபிலிட்டி பிரிவில் 25 கேள்விகள் என மொத்தம் 100 கேள்விகள் கேட்கப்படும்.

ஜெனரல் ஸ்டடிஸில் பொது அறிவியல், நடப்பு நிகழ்வுகள், புவியியல், இந்திய வரலாறு மற்றும் பண்பாடு, இந்திய அரசியலமைப்பு மற்றும் நிர்வாகம், இந்தியப் பொருளாதாரம், இந்திய தேசிய விடுதலை இயக்கம் ஆகிய பிரிவுகளில் இருந்து கேள்விகள் கேட்கப்படும். டேட்டா கலெக்ஷன், டேட்டா டேபிள்ஸ், கிராப்ஸ், அனலிட்டிக்கல் இட்னர்பிரட்டேஷன் டேட்டா, சிம்ப்ளிபிக்கேஷன், சதவீதம், நேரம், தூரம், ரீச னிங், வரைபடம் உள்பட பல்வேறு மென்டல் எபிலிட்டி பிரிவுகளில் இருந்து கேள்விகள் கேட்கப்படும்.

இரண்டாவது பிரிவு எஸ்எஸ்எல்சி தரத்தில் பொதுத்தமிழ் அல்லது பொது ஆங்கிலம் ஆகும். இதில் 100 கேள்விகள் கேட்கப்படும்.தமிழ்ப் பகுதியில் இலக்கணம், இலக்கியம், தமிழ் அறிஞர்கள், அவர்களின் தமிழ்த் தொண்டு ஆகிய பாடப்பகுதிகளிலிருந்து கேள்விகள் கேட்கப்படும்.

இந்தத் தேர்வு 3 மணி நேரம் நடைபெறும். 200 கேள்விகளுக்கு மொத்தம் 300 மதிப்பெண்கள்.நெகட்டிவ் மதிப்பெண்கள் கிடையாது. கேள்விகள் அனைத்தும் அப்ஜெக்டிவ் முறையில் இருக்கும். இதற்கான பாடத்திட்டங்களை தமிழ்நாடு அரசு பணியாளர் தேர்வு ஆணையம் தனது இணையதளத்தில் வெளியிட்டுள்ளது.

விண்ணப்பிப்பது எப்படி?

இத்தேர்வு எழுத ஆன்லைன் மூலம் மட்டுமே விண்ணப்பிக்க வேண்டும். நிழற்படம், கையெழுத்து ஆகியவற்றை முன்னதாகவே ஸ்கேன் செய்து வைத்திருக்க வேண்டும். இ மெயில் முகவரி, தொடர்பு கொள்ள மொபைல் எண்ணும் அவசியம். இப்பணிகளுக்கான விண்ணப்பம் மற்றும் தேர்வுக் கட்டணம் 125 (அதாவது தேர்வுக் கட்டணம் ரூ.75, விண்ணப்பக் கட்டணம் ரூ.50). ஒரு முறை பதிவு முறையில் ஏற்கனவே, ரூ. 50 செலுத்தி, விண்ணப்பித்து பதிவு எண் பெற்றவர்கள், ஐந்து ஆண்டுகளுக்கு விண்ணப்பக் கட்டணம் செலுத்தத் தேவையில்லை.விண்ணப்பக் கட்டணத்தை ஆன்லைனில் நெட்பேங்கிங், கிரெடிட் கார்டு, டெபிட் கார்டு மூலமாக செலுத்தலாம். 

ஆப்லைன் முறையில் என்றால் இந்தியன் வங்கி அல்லது ஏதேனும் ஒரு தலைமை தபால் நிலையம் மூலமாக கட்டணம் செலுத்தலாம்.
ஆன்லைன் மூலம் விண்ணப்பித்தப் பிறகு, அந்த ஃபைலை ஒரு பிரிண்ட் எடுத்து வைத்துக்கொள்ள வேண்டும். 

பிரிண்ட் அவுட்டையோ, அதன் நகல்களையோ எதையும் தேர்வாணையத்திற்கு அனுப்பி வைக்க வேண்டிய அவசியமில்லை. தேர்வு நடைபெற இருப்பதற்கு, ஒருவாரம் முன்னதாக இணையதளத்தில் தங்களது ஹால் டிக்கெட்டை விண்ணப்பதாரர்கள் பதிவிறக்கம் செய்துகொள்ள வேண்டும். தகுதிகள் விண்ணப்பிக்கும் முறை, கட்டணம் செலுத்தும் முறை குறித்த அனைத்து விவரங்களும் டிஎன்பிஎஸ்சியின் இணையதளத்தில் விரிவாக கொடுக்கப்பட்டுள்ளன.

NOTIFICATION DATE - 1st October 2019
NO OF POST - 864
ஆன்லைன் மூலம் விண்ணப்பிக்க கடைசி தேதி:  SOON   , இரவு -- வரை.
எழுத்துத் தேர்வு நடைபெறும் தேதி: --
விவரங்களுக்கு: www.tnpscexams.netwww.tnpsc.gov.in
தொலைபேசி: 044 2530 0300

Monday, 29 July 2019

28th JULY CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
சத்தியமங்கலம் புலிகள் காப்பகத்துக்கு சிறந்த மேலாண்மைக்கான மத்திய அரசு விருது
  • மத்திய அரசின் சுற்றுச்சூழல், வனம் மற்றும் பருவநிலை மாற்றத் துறை சார்பில் ஆண்டுதோறும் உலக புலிகள் தினம் கடைப்பிடிக்கப்படுகிறது. இதையொட்டி, புலிகள் பாதுகாப்பில் சிறந்து விளங்கும் காப்பகங்களுக்கு பல்வேறு பிரிவின்கீழ் விருதுகள் வழங்கப்படுகின்றன. 
  • அதன்படி, இந்த ஆண்டு புலிகள் பாதுகாப்பில் சிறந்த மேலாண்மைக்கான விருதுக்கு சத்தியமங்கலம் புலிகள் காப்பகம் தேர்ந்தெடுக்கப்பட்டுள்ளது. 
  • ஈரோடு மாவட்டம், சத்தியமங்கலம் வனப் பகுதியில் அமைந்துள்ள இந்த புலிகள் காப்பகம் கடந்த 2008-இல் தொடங்கப்பட்டதாகும். 1,411 சதுர கி.மீ. கொண்ட இந்த காப்பகம் தமிழ்நாட்டின் மிகப் பெரிய புலிகள் காப்பகமாகும்.
பழனி அருகே மலைப்பகுதியில் 30 ஆயிரம் ஆண்டுகளுக்கு முந்தைய நினைவுச் சின்னம்
  • திண்டுக்கல் மாவட்டம் பழனியை அடுத்த ஆயக்குடி பொன்னிமலை சித்தன் மலைப் பகுதியில் சுமார் 30 ஆயிரம் ஆண்டுகளுக்கு முந்தைய நினைவுச் சின்னம் கண்டறியப்பட்டுள்ளது.
  • மலையின் தென்கிழக்கு பகுதியில் பிரம்மாண்ட அளவிலான பெருங்கற்கால கல்திட்டை எனப்படும் நினைவுச் சின்னம் அமைக்கப்பட்டுள்ளதை கண்டுபிடித்துள்ளனர்.பெரிய அளவிலான 3 பாறைகளை ஒன்றன் மீது ஒன்றாக அடுக்கி வைத்துள்ளது போல இது அமைந்துள்ளது. 
  • இறந்தவர்கள் நினைவாக, புதைத்த இடத்திலோ அல்லது வேறு பகுதியிலோ இதுபோன்ற நினைவுச் சின்னங்கள் எழுப்பப்பட்டதாகக் கூறப்படுகிறது.
  • இதே போன்ற வடிவமைப்பு கொண்ட கல் திட்டைகள் ஆஸ்திரேலியாவில் ஊரூ என்ற பழங்குடியின மக்கள் வாழும் பகுதியில் கண்டறியப்பட்டுள்ளது. இப் பழங்குடிகளின் நிறம், உருவ அமைப்பு, பழக்க வழக்கங்கள் தமிழர்களை போன்றே உள்ளது. தமிழர்கள் பயன்படுத்திய வளரி என்ற ஆயுதமும், அவர்கள் பயன்படுத்தும் பூமராங் என்ற ஆயுதமும் ஒரே வடிவமைப்பை கொண்டது. 
  • இவர்கள் நெற்றியில் இடும் குறியீடு பழனியை அடுத்த ரவிமங்கலத்தில் கிடைத்த பண்டைய கால முதுமக்கள் தாழிகளில் அச்சிடப்பட்டுள்ளது. ஆகவே, இங்கு வசிக்கும் பழங்குடிகள் தமிழர்களின் வழித்தோன்றல்களாக இருக்கலாம் எனக் கருதப்படுகிறது. 
  • அண்மையில், அப் பழங்குடியினரிடமும், தமிழகத்தின் கடலோரப் பகுதி தமிழர்களிடமும் மேற்கொள்ளப்பட்ட எம்130 வகையிலான மரபணு பரிசோதனையில் இருவருக்குமிடையே ரத்த மாதிரிகள் ஒன்றாக இருப்பதை ஆஸ்திரேலிய ஆய்வாளர்கள் உறுதி செய்துள்ளனர்.



ஆந்திரா, தெலுங்கானாவில், 'ரேஷன் போர்ட்டபிலிட்டி' முறை அமல்
  • ஆந்திரா மற்றும் தெலுங்கானா மாநில அரசுகள், அம்மாநில குடும்ப அட்டைகளை ஒருங்கிணைக்க முடிவு செய்துள்ளன. ஆக., 1ம் தேதி முதல், 'ரேஷன் போர்ட்டபிலிட்டி' முறை, சோதனை முறையில் துவங்கப்பட உள்ளது.
  • ஆந்திரா மற்றும் தெலுங்கானா மாநில அரசுகள் சார்பில், மக்களுக்கு, குடும்ப அட்டைகள் வழங்கி, வறுமை கோட்டிற்கு கீழ் வாழ்வோருக்கு, மானிய விலையில், அரிசி, கோதுமை, ராகி, சர்க்கரை, சமையல் எண்ணெய் உள்ளிட்டவை வழங்கப்படுகின்றன.
  • இந்நிலையில், ஒரு மாநிலத்தில் வசிப்போர், வாழ்வாதாரத்துக்காக, அருகில் உள்ள வேறு மாநிலத்திற்கு குடியேறும் போது, தங்களின் குடும்ப அட்டையை பயன்படுத்த முடிவதில்லை. இது, மாவட்டங்களுக்கும் பொருந்தும்.
  • மேலும், மூன்று மாதங்களுக்கு, தொடர்ந்து குடும்ப அட்டையை பயன்படுத்தாவிட்டால், அது ரத்து செய்யப்படுவதும் வழக்கத்தில் உள்ளது.இதன் மீது, விசாரணை மேற்கொண்ட ஆந்திர முதல்வர் ஜெகன்மோகன் ரெட்டி, குடியேறும் இடங்களில் பயன்படுத்தும் வகையில், 'ரேஷன் போர்ட்டபிலிட்டி' என்ற திட்டத்தை கொண்டு வர முடிவு செய்தார். 
  • இதுகுறித்து, தெலுங்கானா முதல்வர் சந்திரசேகர ராவிடமும் ஆலோசித்தார்.இதையடுத்து, ஆந்திரா மற்றும் தெலுங்கானா மாநிலங்களுக்கிடையில் உள்ள குடும்ப அட்டைகளை ஒருங்கிணைக்க, இரு மாநில முதல்வர்களும், ஒரு மனதாக முடிவு செய்தனர்.
  • இதுகுறித்து, மத்திய அரசிடம் கலந்துரையாடி, முறையான அனுமதி பெற்றனர். இதற்கான ஒப்பந்தம், இரு மாநில அரசுகளுக்குமிடையே கையெழுத்தானது. எனவே, இதற்கான பணிகள், ஆக., 1ம் தேதி முதல், சோதனை முறையில் துவக்கப்பட உள்ளது.
14 எம்.எல்.ஏ-க்கள் தகுதி நீக்கம்: கர்நாடக அரசியலில் பரபரப்பு
  • கர்நாடக முதல்வர் குமாரசாமியின் ஆட்சி மீது ஏற்பட்ட அதிருப்தியால் ஆட்சி கவிழ்க்கப்பட்டு எடியூரப்பா முதல்வர் ஆகியிருக்கிறார். எடியூரப்பா தனது பெரும்பான்மையை நிரூபிக்க நாளை நம்பிக்கை வாக்கெடுப்பு நடக்க இருக்கிறது.
  • இந்நிலையில் 14 எம்.எல்.ஏ-க்கள் தகுதி நீக்கம் செய்யப்பட்டுள்ளனர். ஏற்கனவே 3 எம்.எல்.ஏ-க்களை சபாநாயகர் ரமேஷ்குமார் தகுதி நீக்கம் செய்திருப்பதால், மொத்தன் 17 எம்.எல்.ஏ-க்கள் தகுதி நீக்கம் செய்யப்பட்டுள்ளனர்.
  • 224 உறுப்பினர்களை கொண்ட கர்நாடக சட்டசபையில் 17 உறுப்பினர்கள் தகுதி நீக்கம் செய்யப்பட்டதால் உறுப்பினர் எண்ணிக்கை 207ஆக குறைந்துள்ளது.பெரும்பான்மையை நிரூபிக்க எடியூரப்பாவுக்கு 106 உறுப்பினர்கள் தயாராக இருக்கின்றனர். இந்த அதிரடி நடவடிக்கையால் எடியூரப்பா ஆட்சியமைப்பது கிட்டதட்ட முடிவாகிவிட்டது.
  • மேலும் தகுதி நீக்கம் செய்யப்பட்டவர்கள் 4 ஆண்டுகளுக்கு தேர்தலில் போட்டியிட முடியாது என்று சபாநாயகர் அறிவித்திருப்பது கர்நாடகாவில் பரபரப்பை ஏற்படுத்தியுள்ளது. 



உலகின் அதிநவீன ஆயுதங்கள் கொண்ட அப்பாச்சி ஹெலிகாப்டர் இந்திய விமானப்படையில் சேர்ப்பு
  • உலகிலேயே அதிநவீன ஆயுதங்களை சுமந்து செல்லக் கூடிய திறன் படைத்த ஹெலிகாப்டரான அப்பாச்சி ஹெலிகாப்டர்களை அமெரிக்க அரசு இந்திய விமானப்படையிடம் ஒப்படைத்தது.
  • இந்தியா தனது விமானப்படையை மேலும் வலுவாக்க அமெரிக்க தயாரிப்பான போயிங் ஏஹெச் -64 இ அப்பாச்சி ஹெலிகாப்டர்களை வாங்க உத்தேசித்திருந்தது. இதற்காக அமெரிக்க ராணுவத்துடன் இந்தியா ஒப்பந்தம் மேற்கொண்டிருந்தது.
  • 22 ஹெலிகாப்டர்களை வழங்க கேட்டு நான்கு ஆண்டுகளுக்கு முன்னர் செய்யப்பட்டிருந்த இந்த ஒப்பந்தப்படி அமெரிக்கா முதல் நான்கு ஹெலிகாப்டர்களை இந்திய விமானப்படையிடம் ஒப்படைத்தது. புது டெல்லிக்கு அருகிலுள்ள ஹிண்டன் நிலையத்தில் இந்த ஹெலிகாப்டர்களை அமெரிக்க ஏரோஸ்பேஸ் நிறுவனமான போயிங் ஒப்படைத்துள்ளது.
  • ஒரு ஹெலிகாப்டரின் விலை ரூ. 4,168 கோடி என்ற அளவில் இந்த ஹெலிகாப்டர்களை இந்தியா வாங்கியுள்ளது. முதல் நான்கு ஹெலிகாப்டர்கள் இப்போது இந்திய விமானப்படைக்கு வந்து சேர்ந்துள்ளது, அடுத்த வாரம் மேலும் 4 ஹெலிகாப்டர்கள் வரவுள்ளது. 2022க்குள் 22 ஹெலிகாப்டர்களும் ஒப்படைக்கப்படும் என்று தயாரிப்பு நிறுவனமான போயிங் தெரிவித்துள்ளது.
  • இந்த ஹெலிகாப்டர்கள் லேசர் மற்றும் இன்ஃப்ரா ரெட் தொழில்நுட்பத்தில் இயங்கக் கூடியது. அதோடு இரவு பகல் என எந்த நேரத்திலும் வலிமையுடன் செயல்படும் விதத்தில் இந்த ஹெலிகாப்டர்கள் வடிவமைக்கப்பட்டுள்ளன. இதுவரை இந்திய விமானப்படையில் MI 35 என்ற ரஷ்ய தயாரிப்பு விமானங்கள் பல ஆண்டுகளாக செயல்பட்டு வந்தன.
  • இப்போது அமெரிக்காவின் ஏஹெச் -64 இ அப்பாச் ஹெலிகாப்டர்கள் வந்துள்ளதால் ரஷ்ய தயாரிப்பு விமானங்கள் இந்திய விமானப்படையிலிருந்து அப்புறப்படுத்தப் படுகின்றன. இதனால் இந்திய விமானப்படையின் புதிய அங்கமாக உலகின் அதிநவீன ஆயதங்கள் கொண்ட அப்பாச்சி ஹெலிகாப்டர்கள் பறக்கப் போகின்றன.
உலக நீச்சல் போட்டியில் 'இரும்பு பெண்மணி' கதின்கா ஹோஸ்ஜூ சாதனை
  • உலக நீச்சல் சாம்பியன்ஷிப் போட்டி தென்கொரியாவின் குவாங்ஜூ நகரில் நடந்து வந்தது. கடைசி நாளான நேற்று பெண்களுக்கான 400 மீட்டர் தனிநபர் மெட்லே பிரிவில் ஹங்கேரி வீராங்கனை கதின்கா ஹோஸ்ஜூ 4 நிமிடம் 30.39 வினாடிகளில் இலக்கை கடந்து தங்கப்பதக்கத்தை சொந்தமாக்கினார். 
  • 'இரும்பு பெண்மணி' என்று செல்லமாக அழைக்கப்படும் 30 வயதான கதின்கா ஹோஸ்ஜூ உலக நீச்சலில் குறிப்பிட்ட பிரிவில் 5 தங்கப்பதக்கம் வென்ற முதல் வீராங்கனை என்ற அரிய சாதனையை அவர் படைத்தார்.
பிரசிடென்ட் கோப்பை: தங்கம் வென்றார் மேரி கோம்
  • இந்தோனேஷியாவில் நடந்த பிரசிடென்ட் கோப்பை குத்துச்சண்டை தொடரில், இந்திய வீராங்கனை மேரி கோம் (51 கி.கி.,) தங்கப் பதக்கம் வென்றார். இந்தோனேஷியாவில், 23வது பிரசிடென்ட் கோப்பை குத்துச்சண்டை தொடர் நடந்தது. 
  • இதன் பெண்களுக்கான 51 கி.கி., எடைப்பிரிவு பைனலில், இந்தியாவின் மேரி கோம், ஆஸ்திரேலியாவின் பிராங்க்ஸ் ஏப்ரல் மோதினர். இதில் துவக்கத்தில் இருந்து ஆதிக்கம் செலுத்திய மேரி கோம், 5-0 என்ற கணக்கில் வெற்றி பெற்று தங்கப் பதக்கத்தை கைப்பற்றினார். 
  • மற்ற எடைப்பிரிவு பைனலில் அசத்திய இந்தியாவின் நீரஜ் சுவாமி (49 கி.கி.,), ஆனந்தா பிரல்ஹத் (52 கி.கி.,), அங்குஷ் தஹியா (64 கி.கி.,), ஜமுனா போரோ (பெண்கள் 54 கி.கி.,), சிம்ரன்ஜித் கவுர் (பெண்கள் 60 கி.கி.,), மோனிகா (பெண்கள் 48 கி.கி.,) ஆகியோர் தலா ஒரு தங்கம் வென்றனர். 
  • பைனலில் தோல்வி கண்ட இந்தியாவின் கவுரவ் பிதுரி (56 கி.கி.,), தினேஷ் தாகர் (69 கி.கி.,) தலா ஒரு வெள்ளிப் பதக்கம் கைப்பற்றினர்.

Sunday, 28 July 2019

27th JULY CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
மின்சார வாகனங்களுக்கு வரி குறைப்பு

  • ஜி.எஸ்.டி., கவுன்சிலின், 36வது கூட்டம், 25ம் தேதியன்று நடைபெறுவதாக இருந்த நிலையில், அக்கூட்டம் தள்ளி வைக்கப்பட்டது. கூட்டம் ரத்து அன்றைய தினம், பார்லிமென்ட் கூட்டத்தில்,நிதியமைச்சர், நிர்மலா சீதாராமன் பங்கேற்கஇருந்ததால், கூட்டம் ரத்து செய்யப்பட்டது.
  • இதன் பின், இக்கூட்டம் நேற்று, காணொலி காட்சி மூலமாக நடைபெற்றது. இக்கூட்டத்தில், மின்சார வாகனங்களுக்கான, ஜி.எஸ்.டி., வரியை, 12 சதவீதத்திலிருந்து, 5 சதவீதமாக குறைப்பதாக முடிவெடுக்கப்பட்டது. 
  • இந்த வரி குறைப்பு, ஆகஸ்ட், 1ம் தேதி முதல், அமலுக்கு வர உள்ளது. மின்சார வாகனங்களுக்கு மட்டுமின்றி, மின்சார வாகனங்களுக்கான, 'சார்ஜர்'கள் மீதான, வரியையும், தற்போது உள்ள, 18 சதவீதத்திலிருந்து, 5 சதவீதமாக குறைத்து அறிவிக்கப்பட்டுள்ளது.
ஆந்திர விக்ஞான் பல்கலைக்கழகம் சார்பில் இளையராஜாவுக்கு கவுரவ டாக்டர் பட்டம்

  • ஆந்திர விக்ஞான் பல்கலைக்கழகம் சார்பில் இசைஞானி இளையராஜாவுக்கு கவுரவ டாக்டர் பட்டம் வழங்கப்பட்டது.ஆந்திர மாநிலம், குண்டூர் மாவட்டம், வொட்லமுடி கிராமத்தில் உள்ள விக்ஞான் பல்கலைக்கழகத்தில் நேற்று 7வது பட்டமளிப்பு விழா நடைபெற்றது. 
  • விழாவில் ஐதராபாத் மத்திய பல்கலைக்கழக முன்னாள் துணைவேந்தர் ஹரி நாராயணா 1500 மாணவ, மாணவிகளுக்கு பட்டம் வழங்கினார். மேலும் இசைஞானி இளையராஜா, அப்போலோ மருத்துவமனையின் இருதய அறுவை சிகிச்சை நிபுணர் கோபால கிருஷ்ண கோகலே, தனியார் நிறுவன அமைப்பின் மூத்த துணை தலைவர் ராஜண்ணா ஆகியோருக்கு கவுரவ டாக்டர் பட்டம் வழங்கப்பட்டது.



இந்தியாவுக்கு வந்த அபாச்சே ஹெலிகாப்டர்கள் - அமெரிக்காவில் தயாரானவை

  • இந்திய ராணுவத்தை பலப்படுத்த இந்திய அரசு பல்வேறு மேம்பாட்டு திட்டங்களை செய்து வருகிறது. ரஷ்யாவிடமிருந்து ஆயுத கப்பல், பிரான்ஸிடமிருந்து ரஃபேல் விமானம் என பல நாடுகளிலுருந்தும் ராணுவ தளவாடங்களை வாங்கி வருகிறது இந்தியா. 
  • அந்த வகையில் அமெரிக்காவின் போயிங் நிறுவனத்துடன் அதிநவீன ஹெலிகாப்டர்கள் வாங்குவதற்காக 2015ம் ஆண்டு ஒப்பந்தம் போடப்பட்டது. அதன்படி போயிங் நிறுவனத்திடம் அபாச்சே ஏ64 ரக விமானங்கள் 22 வாங்க இந்தியா ஒப்பந்தம் செய்துள்ளது.
  • அமெரிக்காவில் போயிங் தொழிற்சாலையில் தயாரிக்கப்பட்டு முதல் தவணையாக 4 ஹெலிகாப்டர்கள் இந்தியாவிற்கு வந்து சேர்ந்துள்ளன. அடுத்த வாரத்தில் இன்னும் 4 ஹெலிகாப்டர்கள் வந்து சேரும். மீதமுள்ள ஹெலிகாப்டர்கள் 2020ம் ஆண்டில் தவணை முறையில் டெலிவரி செய்யப்படும்.
  • உலகின் அதிவேக ராணுவ ஹெலிகாப்டர்களில் ஒன்றான அபாச்சே மணிக்கு 290 கிலோ மீட்டர் வேகத்தில் பயணிக்க கூடியது. வானிலிருந்து பூமிக்கு ஏவப்படும் ஏவுகணைகள், சரமாரியாக குண்டுமழை பொழியும் 30எம்.எம் மெஷின் கன், டாங்கிகளை சுட்டு வீழ்த்தக்கூடிய ஹெல்ஃபயர் ராக்கெட்டுகள் ஆகியவை இதன் சிறப்பம்சங்கள். 
  • அபாச்சே ரக ஹெலிகாப்டர்களில் மூன்று வகை உள்ளது. அதில் முதல்வகைதான் இந்த ஏ64. இதன் தயாரிப்பு விலை 20 மில்லியன் டாலர்கள். 
5ஆண்டுகளில் 1கோடிக்கும் மேலான மரங்கள் அழிப்பு: பாராளுமன்றத்தில் மத்தியஅரசு தகவல்

  • சாலை விரிவாக்கம் போன்ற பணிகளுக்காக மரங்கள் வெட்டப்படுவது குறித்து உறுப்பினரின் கேள்விக்கு பாராளுமன்றத்தில் மத்திய வனத்துறை அமைச்சகம் பதில் தெரிவித்து உள்ளது.
  • சுற்றுச்சூழலை பாதுக்காக்க மரங்களை வெட்டக்கூடாது என்று சமூக ஆர்வலரகள் கூக்குரலிட்டு வரும் வேளையில், மற்றொரு புறம் சாலை விரிவாக்கம் போன்ற பணிகளுக்காக மரங்கள், வனங்களை மத்திய, மாநில அரசுகள் அழித்து வருகின்றன.
  • அதன்படி, அரசின் அனுமதிப்பெற்று வெட்டப்பட்டுள்ள மரங்கள் குறித்த விவரங்கள் வெளியிடப்பட்டு உள்ளன. அதில், கடந்த 2014-15ம் ஆண்டு, 2334319 மரங்களும், 2015-16ம் ஆண்டு 1696917 மரங்களும், 2016-17ம் ஆண்டில் 1701416 மரங்களும், 2017-18ம் ஆண்டில் 2552164 மரங்களும், 2018-19ம் ஆண்டில் 2691028 மரங்களும் வெட்டப்பட்டு உள்ளதாக தெரிவிக்கப்பட்டு உள்ளது.
  • கடந்த 5 ஆண்டுகளில் மட்டும் சுமார் 1,09,75,844 (1கோடியே, 9 லட்சத்து 75ஆயிரத்த 844 மரங்கள் அனுமதிப் பெற்று வெட்டப்பட்டுள்ளது என்று தெரிவிக்கப்பட்டு உள்ளது.
தென்கொரியாவில் நடந்த உலக நீச்சல் சாம்பியன்ஷிப் போட்டியில் புதிய உலக சாதனை

  • உலக நீச்சல் சாம்பியன்ஷிப் போட்டி தென்கொரியாவில் நடந்து வருகிறது. இதில் நேற்று நடந்த கலப்பு 4 x 100 மீட்டர் பிரிஸ்டைல் தொடர் நீச்சலில் காலெப் டிரஸ்செல், ஜாச் ஆப்பிள், மலோரி கமர்போர்ட், சிமோன் மானுல் ஆகியோர் அடங்கிய அமெரிக்க குழுவினர் 3 நிமிடம் 19.40 வினாடிகளில் இலக்கை கடந்து தங்கப்பதக்கத்தை வென்றதுடன் புதிய உலக சாதனையும் படைத்தனர். 
  • 2 ஆண்டுக்கு முன்பு அமெரிக்கா 3 நிமிடம் 19.60 வினாடிகளில் இலக்கை எட்டியதே முந்தைய சாதனையாக இருந்தது.




தேசிய மகளிர் செஸ் சாம்பியன் போட்டி: பட்டத்தை தக்க வைத்தார் பக்தி குல்கர்னி

  • காரைக்குடியில் 46-ஆவது மகளிர் தேசிய செஸ் சாம்பியன் போட்டி நடைபெற்று வருகிறது. இறுதிச் சுற்றில் நடப்பு சாம்பியனான ஏர் இந்தியாவின் பக்தி குல்கர்னி, ஆந்திரத்தைச் சேர்ந்த சர்வதேச மாஸ்டர் பிரதியுஷா போத்தாவும் மோதினர். இந்த ஆட்டம் டிராவில் முடிந்தது.
  • பக்தி குல்கர்னி, பிரதியுஷா இருவரும் தங்களுக்கு கிடைத்த பொன்னான வாய்ப்புகளை தவற விட்டனர்.
  • 62 நகர்த்தல்களுக்கு பின் இருவரும் ஆட்டத்தை முடித்துக் கொள்ள ஒப்புக் கொண்டனர். இறுதியில் 11 சுற்றுகளில் 10 புள்ளிகளைப் பெற்ற பக்தி இரண்டாவது முறையாக சாம்பியன் பட்டத்தை தக்க வைத்து
  • க் கொண்டார். அவருக்கு ரூ.4 லட்சம் ரொக்கப் பரிசு வழங்கப்பட்டது.8.5 புள்ளிகளுடன் தில்லியின் வந்திகா அகர்வால் இரண்டாம் இடத்தைப் பெற்றார். அவருக்கு ரூ.3 லட்சம் ரொக்கப் பரிசு தரப்பட்டது.
  • திவ்யா தேஷ்முக் 8.5 புள்ளிகள், பிரதியுஷா போத்தா,மிருதுள் தினகர், ஸ்ரீஜா சேஷாத்திரி, நிஷா 8 புள்ளிகளைப் பெற்றனர்.
தாய்லாந்து ஓபன் குத்துச்சண்டை: தங்கம் வென்றார் ஆஷிஷ் குமார்

  • பாங்காக்கில் நடைபெற்று வரும் இப்போட்டியின் இறுதிச் சுற்று ஆட்டங்கள் சனிக்கிழமை நடைபெற்றன. 37 நாடுகளைச் சேர்ந்த உலகின் தலைசிறந்த குத்துச்சண்டை வீரர்கள் இதில் கலந்து கொண்டதால் இது முக்கியத்துவம் பெற்றது. 
  • ஆடவர் 75 கிலோ பிரிவில் இந்தியாவின் ஆஷிஷ் குமார் 5-0 என்ற புள்ளிக் கணக்கில் கொரியாவின் கிம் ஜின்ஜேவை வீழ்த்தி தங்கம் வென்றார். 2 மாதங்களுக்கு முன்பு தான் இந்திய ஓபனில் வெள்ளி வென்றிருந்தார் ஆஷிஷ்.
  • மகளிர் 51 கிலோ பிரிவில் நிஹாத் சரீன் 0-5 என்ற புள்ளிக்கணக்கில் சீனாவின் ஆசிய சாம்பியன் சேங் யுவானிடம் தோல்வியுற்று வெள்ளி வென்றார். 56 கிலோ பிரிவில் முகமது ஹஸிமுதீன், 49 கிலோ பிரிவில் தீபக், 81 கிலோ பிரிவில் பிரிஜேஷ் யாதவ் ஆகியோர் வெள்ளி வென்றனர்.
  • மகளிர் 48 கிலோ பிரிவில் மஞ்சு ராணி, 75 கிலோ பிரிவில் பாக்யபதி கச்சாரி. ஆடவர் 69 கிலோ பிரிவில் ஆஷிஷ் ஆகியோர் வெண்கலம் வென்றனர்.
  • தாய்லாந்து ஓபன் குத்துச்சண்டை போட்டியில் இந்திய வீரர் ஆஷிஷ் குமார் தங்கம் வென்றார். இப்போட்டியில் 4 வெள்ளி, 3 வெண்கலத்தையும் வென்றது இந்தியா.
மாநில ஹாக்கி: சென்னை ஐசிஎப் சாம்பியன்

  • மதுரை ரிசர்வ் லைன் ஸ்போர்ட்ஸ் கிளப் சார்பில், மாநில அளவிலான ஹாக்கி போட்டி கடந்த 21-ஆம் தேதி தொடங்கியது. இப் போட்டியில், 24 அணிகள் பங்கேற்றன. 
  • சனிக்கிழமை நடைபெற்ற இறுதி ஆட்டத்தில், பலமிக்க சென்னை ஐசிஎப் அணியும், இந்தியன் வங்கி அணியும் மோதின. எனவே, 3-0 என்ற கோல் கணக்கில் சென்னை ஐசிஎப் அணி வென்றது.
  • ஒட்டுமொத்த ஆட்டங்களிலும் சிறந்த வீரராக ஐசிஎப் அணியைச் சேர்ந்த பழனியப்பன், கோல் கீப்பராக ஐசிஎப் அணி வீரர் குர்மீத் சிங், தடுப்பு ஆட்டக்காரராக சென்னை மாநிலக் கணக்காயர் அலுவலக மனமகிழ் மன்ற அணி வீரர் நம்பி கணேஷ், சிறந்த மைய கள வீரராக இந்தியன் வங்கியின் புனித், முன்கள வீரராக கோவில்பட்டி விளையாட்டு விடுதி அணி வீரர் செல்வராஜ், சிறந்த இளம் வீரராக முகமது யாசீன் ஆகியோர் தேர்வு செய்யப்பட்டனர்.

Saturday, 27 July 2019

'என்.ஐ.ஏ சட்டத்திருத்தம்' / NIA LAW 2019

TNPSCSHOUTERS
என்.ஐ.ஏ(தேசியப் புலனாய்வு முகமை)
  • 2008 -ம் ஆண்டில் நடைபெற்ற மும்பைத் தீவிரவாதத் தாக்குதலை அடுத்து, இந்தியாவின் இறையாண்மைக்கும் ஒருமைப்பாட்டுக்கும் தீங்கு விளைவிக்கும் வகையில் நடைபெறும் தீவிரவாத தாக்குதல்களை எதிர்கொள்ள போதுமான புலனாய்வு அமைப்பு இல்லை என்று அரசு கருதியதை அடுத்து, 2009-ம் ஆண்டு, தீவிரவாதச் செயல்களுக்கு எதிரான நடவடிக்கை எடுக்க சிறப்பு அதிகாரம் கொண்ட தேசியப் புலனாய்வு முகமை (National Investigation Agency, NIA) சட்டத்தை நிறைவேற்றியது. 
  • நாடு முழுவதும் நடைபெறும் தீவிரவாதம் தொடர்புடைய குற்றங்களை மாநில அரசுகளின் அனுமதி இன்றியேகூட விசாரணைகள் மேற்கொள்ள இவ்வமைப்புக்கு உரிமையுள்ளது. இதன் முதல் தலைமை இயக்குநரான ஆர்.வி. ராஜூ பணி ஓய்வுபெற்றதை அடுத்து எஸ்.சி.சின்ஹா தலைமை இயக்குநராகப் பணியாற்றி வந்தார். 
  • தற்போதைய தலைமை இயக்குநராகவுள்ள ஒய்.சி.மோடி 18.09.2017 முதல் பணியாற்றிவருகிறார்.
  • தேசியப் புலனாய்வு அமைப்பிற்குக் கூடுதல் அதிகாரம் வழங்கும் சட்டத்திருத்த மசோதா, மக்களவையில் நிறைவேற்றப்பட்டது. நடத்தப்பட்ட வாக்கெடுப்பில், மசோதாவுக்கு ஆதரவாக 278 உறுப்பினர்களும் மசோதாவுக்கு எதிராக 66 உறுப்பினர்களும் வாக்களித்தனர். 
  • பெரும்பான்மை உறுப்பினர்களின் ஆதரவு காரணமாக, என்.ஐ.ஏ-வுக்குக் கூடுதல் அதிகாரம் அளிக்கும் வகையிலான சட்டத்திருத்த மசோதாவை மக்களவையில் நிறைவேற்றியுள்ளது, மத்தியில் ஆளும் மோடி அரசு.
  • இச்சட்டம் கடந்த 10 ஆண்டுகளாக அமலில் இருப்பதோடு, இச்சட்டத்தின்கீழ் நிறுவப்பட்ட புலனாய்வு அமைப்பு புலனாய்வு செய்து பல வழக்குகளில் குற்றப்பத்திரிக்கை தாக்கல் செய்துள்ளது. அவ்வழக்குகளும் நீதிமன்றத்தில் நடைபெற்று வருகின்றன. தற்போது அமலிலுள்ள இந்தச் சட்டத்தில் தேசியப் புலனாய்வு அமைப்பிற்குக் கூடுதல் அதிகாரம் வழங்கும் சட்டத் திருத்த மசோதா, மக்களவையில் நிறைவேற்றப்பட்டது. 
  • நடத்தப்பட்ட வாக்கெடுப்பில், மசோதாவுக்கு ஆதரவாக 278 உறுப்பினர்களும், மசோதாவுக்கு எதிராக 66 உறுப்பினர்களும் வாக்களித்தனர். பெரும்பான்மை உறுப்பினர்களின் ஆதரவு காரணமாக, என்.ஐ.ஏ.வுக்கு கூடுதல் அதிகாரம் அளிக்கும் வகையிலான சட்டத் திருத்த மசோதா மக்களவையில் நிறைவேற்றப்பட்டுள்ளது. 
  • இந்தச் சட்டத்தின் பிரிவுகளின் கீழ் வரக்கூடிய வழக்குகளில், முக்கியமாக நாட்டின் பாதுகாப்பு மற்றும் ஒற்றுமைக்குப் பிரச்னை தொடர்பான வழக்குகளில் மட்டுமே தேசியப் புலனாய்வு முகமை விசாரிக்க முடியும்.
  • ன்.ஐ.ஏ சட்டத்தின்படி ஒருவர் மீது சந்தேகம் இருந்தாலே, அவரைக் கைது செய்து விசாரணைக் கைதியாகச் சிறையில் அடைக்கலாம். மேலும், அந்த நபர் ஏன் கைதுசெய்யப்பட்டார், எதன் அடிப்படையில் கைதுசெய்யப்பட்டார் என்ற விவரங்களை FIR-ல் கூறவேண்டிய அவசியம் இல்லை.
  • ரயில்வேதுறையில் வடவர்களுக்கே அனைத்து வேலைகளையும் கொடுத்து பெரும்போராட்டத்தை சந்தித்தனர். பின்னர் ரயில்வேயில் ஹிந்தி மற்றும் ஆங்கிலத்தில தான் தகவல் பரிமாற்றம் செய்யவேண்டும் என்று சுற்றறிக்கை, அதனை பெரும் கண்டணத்துக்குப் பின்னர் திரும்பப் பெற்றனர்.
  • மும்மொழிக்கொள்கை என்ற பெயரில் இந்தியைத் திணிக்கும் முயற்சி மீண்டும் தொடங்கியது; தகித்தது தமிழகம். இந்தி கட்டாயம் எனச் சொல்லவில்லை; விருப்பமான மொழி என்று வேறு வார்த்தையை பிரயோகித்தார்கள். 
  • தபால் துறைத் தேர்வில் தமிழைத் தவிர்த்தார்கள்; கொதித்தது தமிழகம். தேர்வை ரத்து செய்துவிட்டார்கள். அடுத்தடுத்து தமிழகத்தின் மீது மத்திய அரசு கற்களை எறிவதன் காரணமென்ன என்று ஆராய்ந்தால் பதுங்கியிருந்து பாய்கிறது என்.ஐ.ஏ சட்டத்திருத்தம்.
  • குட்டியைவிட்டு ஆழம் பார்ப்பதைப்போல சின்னச் சின்ன தாக்குதல்களை முதலில் கொடுத்து அதற்கான எதிர்ப்புகளைச் சோதித்துப் பார்த்த மத்திய அரசு, யாருமே எதிர்பாராதவகையில் அதிரடியாக இந்தச் சட்டத்திருத்தத்தைக் கொண்டு வந்திருக்கிறது. 
  • இந்தச் சட்டத்தால் மாநில அரசுகளின் அதிகாரம் மறைமுகமாகப் பறிக்கப்படுமோ என்ற பொதுவான கேள்வியைத் தவிர்த்து, இந்தச் சட்டம் தமிழகத்தை ஒடுக்குவதற்காகவே தனியாகத் தயாரிக்கப்பட்டதோ என்ற அச்சத்தையும் தோற்றுவித்துள்ளது.
  • தேசியப் புலனாய்வு அமைப்பு தொடர்பான சட்டத்தைத் திருத்தம் செய்து புதிய சட்டத்திருத்த மசோதாவை நாடாளுமன்றத்தில் நிறைவேற்றியிருக்கிறது, மத்திய அரசு. 
  • என்.ஐ.ஏ என்னும் தேசியப் பாதுகாப்பு அமைப்பைத் தொடங்கியபோது, 'நாட்டின் பாதுகாப்பிற்கான முகமை இது' என்று அப்போது விளக்கம் சொன்னது. கடந்த பத்தாண்டுகளில் அந்த அமைப்பின்மீது பல்வேறு விமர்சனங்கள் எழுந்துள்ள நிலையில், இந்தச் சட்டத்திருத்தம் பல்வேறு விவாதங்களைக் கிளப்பிவிட்டுள்ளது.



சட்டத்திருத்தத்தில் இருப்பதென்ன?
  • இச்சட்டத்தின் பிரிவுகள் இந்தியாவிற்கு வெளியிலிருந்து இந்தியாவின் நலனுக்கும் இந்தியர்களுக்கும் எதிராகக் குற்றச்செயலில் ஈடுபடும் எவருக்கும் பொருந்தும்.
  • இச்சட்டத்தின்கீழ் இயங்கும் காவல் அலுவலர்களுக்கு, இந்தியாவிற்கு வெளியிலும் சென்று குற்றம்சம்பந்தமாக விசாரிக்கும் உரிமைகள், கடமைகள், பொறுப்புகள், சிறப்புரிமைகள் ஆகியவற்றைத் தருகிறது, இந்தச் சட்டத்திருத்தம்.
  • இச்சட்டத்தின்கீழ் குறிப்பிடப்பட்டுள்ள குற்றமொன்றை வெளிநாட்டில் நிகழ்த்தினாலும், அதை இந்தியாவில் நடைபெற்ற குற்றமாகவே கருதி வழக்குப்பதிவு செய்யமுடியும்.
  • இக்குற்றங்களை விசாரிக்கச் சிறப்பு நீதிமன்றங்கள் ஏற்படுத்தப்படும்.
  • முதலாவது அம்சத்தைப் பொறுத்தவரையில், உள்நாட்டுப் பாதுகாப்பு தொடர்பான விவகாரங்களை மட்டுமே கையாண்டு வந்த என்.ஐ.ஏ, தற்போது இந்தச் சட்டத் திருத்தத்தின் மூலமாக வெளிநாட்டுவாழ் இந்தியர்களின் பாதுகாப்புக்கும் பொறுப்பேற்கவுள்ளது. 
  • உதாரணமாக, வெளிநாடுவாழ் இந்தியர்களின் உயிருக்கோ, உடைமைக்கோ பாதிப்பு ஏற்பட்டால் நேரடியாக என்.ஐ.ஏ. அமைப்பால் களமிறங்க முடியும். இது, அந்தக் குறிப்பிட்ட நாட்டுடன் இந்தியாவிற்கு உள்ள ராஜாங்க ரீதியிலான ஒத்துழைப்பைப் பொறுத்தது என்று கூறப்படுகிறது.
  • இரண்டாவது அம்சத்தைப் பொறுத்தவரையில், குறிப்பான வழக்குகளில் பல்வேறு தரப்பில் அனுமதிபெற்றுச் சிறப்பு நீதிமன்றங்களை ஏற்படுத்துவதற்கு, குறைந்தபட்சம் ஆறு முதல் 9 மாதங்கள்வரை ஆவதால், மத்திய அரசின் அனுமதியை மட்டும் பெற்றுக்கொண்டு விசாரணை நடக்கும் செசன்ஸ் நீதிமன்றத்தையே சிறப்பு நீதிமன்றமாகச் செயல்படச் செய்யும் வகையில் இந்தச் சட்டத் திருத்தத்தைக் கொண்டுவந்திருக்கிறது.
  • மூன்றாவதாக, என்.ஐ.ஏ-வால் விசாரிக்கத்தகுந்த குற்றங்களின் பட்டியலில் புதிதாகப் பல்வேறு பிரிவுகள் சேர்க்கப்பட்டுள்ளன. ஆள்கடத்தல், கள்ள நோட்டு அச்சடித்தல், (இந்திய தண்டனைச் சட்டம் 370, 370A (1860)) ; தடை செய்யப்பட்ட ஆயுதங்கள் தயாரித்தல் அல்லது விற்பனை செய்தல் (ஆயுதச்சட்டம் (1959) பிரிவு 25 [1AA] ; இணையக் குற்றங்கள் (தகவல் தொழில்நுட்பச் சட்டம் (2000) பிரிவு 66F) ; வெடிபொருட்கள் தடுப்புச் சட்டம் (2000) ஆகிய பிரிவுகளை என்.ஐ.ஏ. விசாரிக்கும் குற்றப்பட்டியல்களில் சேர்த்துள்ளது.
  • இதுதொடர்பான குற்றங்களை விரைந்து விசாரிக்கும் வகையில் சிறப்பு நீதிமன்றங்களை அமைக்கவும் இந்தச் சட்டத் திருத்தம் வழிவகை செய்கிறது. 1908-ம் ஆண்டு வெடிபொருள்கள் தடைச் சட்டத்தில் தெரிவிக்கப்பட்டுள்ள குற்றங்கள் ஆகியவை குறித்து விசாரணை நடத்தும் அதிகாரமும் என்.ஐ.ஏ அமைப்புக்கு வழங்க வகை செய்யப்பட்டுள்ளது.
  • இந்தியாவில் உள்ள தேசியப் புலனாய்வு முகமை போன்று, உலகில் உள்ள பல்வேறு நாடுகளில் சிறப்பு அந்தஸ்துகளைக் கொண்ட புலனாய்வு அமைப்புகள் உள்ளன. உதாரணத்திற்கு, அமெரிக்காவில் உள்ள சென்ட்ரல் இன்டெலிஜென்ஸ் ஏஜென்சி (CIA) மற்றும் பெடரல் பீரோ ஆஃப் இன்வெஸ்டிகேஷன் (FBI). UK-வில் Joint Intelligence Organisation (JIO) / National Crime Agency (NCA). 
  • சீனாவில் National Security Bureau, ரஷ்யாவில் Federal Security Service (FSB). பாகிஸ்தானில் Inter-Services Intelligence (ISI). கனடாவில் Canadian Security Intelligence Service (CSIS). பிரேசிலில் Brazilian Intelligence Agency (ABIN) மற்றும் அர்ஜென்டினாவில் Federal Intelligence Agency (AFI) எனப் பலவகையான அதிகாரமிக்க புலனாய்வு அமைப்புகள் உள்ளன.



தற்போது கொண்டுவந்த சட்டத்திருத்தத்தின் மூலம் இந்த அமைப்பு என்னவெல்லாம் செய்ய முடியும்?
  • புதிய குற்றப் பிரிவுகளைச் சேர்த்ததன் மூலமாகப் பல்வேறு வழக்குகளில் மாநில அரசின் அதிகாரத்தை, தேசியப் புலனாய்வு முகமையின் கையில் ஒப்படைத்திருக்கிறது மத்திய அரசு.
  • இந்தச் சட்டத்தின் அடிப்படையில் உருவாக்கப்பட்ட தேசியப் புலனாய்வு முகமைக்கு சி.பி.ஐ-யைவிட அதிகமான அதிகாரங்கள் கொடுக்கப்பட்டுள்ளன. இச்சட்டத்தின்படி, எந்த மாநிலத்திற்குள் நுழைவதற்கும், யார்மீதும் நடவடிக்கை எடுப்பதற்கும் தேசியப் புலனாய்வு முகமைக்கு முழு அதிகாரம் உண்டு. 
  • இதற்குக் குறிப்பான மாநில அரசிடமோ, நீதிமன்றத்திடமோ அனுமதி கேட்க வேண்டிய அவசியமில்லை. இவர்களுக்குத் தேவையான போலீஸ் பாதுகாப்பை வழங்க வேண்டியது மாநில அரசின் கடமை என்று வரையறுக்கப்பட்டுள்ளது.
  • இணையக் குற்றப்பிரிவு (66F) என்.ஐ.ஏ.-வின்கீழ் கொண்டு வரப்பட்டுள்ளது. தகவல் தொழில்நுட்பச் சட்டத்தின் இந்தப் பிரிவு பின்வருமாறுதான் ஆரம்பிக்கிறது. " with intent to threaten the unity, integrity, security or sovereignty of India or to strike terror in the people or any section of the people by". 
  • அதாவது, இந்தியாவின் ஒற்றுமை, ஒருமைப்பாடு, பாதுகாப்பு அல்லது இறையாண்மையை அச்சுறுத்தும் நோக்கிலோ, மக்கள் அல்லது மக்களில் ஒருபிரிவினர் மீது பயங்கரவாதமான தாக்குதலை நிகழ்த்தும் நோக்கத்துடன் ஒருவர் செயல்படுவார் எனில், அவரை NIA கைது செய்து விசாரிக்கலாம். 
  • அரசுக்கு எதிராக யார் போராடினாலும், அரசை எதிர்த்து நின்றாலும் அவர்களை இந்தச் சட்டத் திருத்தத்தின் மூலம் கைதுசெய்து ஆண்டுக்கணக்கில் சிறையில் தள்ள வாய்ப்புள்ளது.
  • இந்தச் சட்டத்தின்படி ஒருவர் மீது சந்தேகம் இருந்தாலே, அவரைக் கைதுசெய்து விசாரணைக் கைதியாகச் சிறையில் அடைக்கலாம். மேலும் அந்த நபர் ஏன் கைதுசெய்யப்பட்டார், எதன் அடிப்படையில் கைதுசெய்யப்பட்டார் என்ற விவரங்களை FIR-ல் கூறவேண்டிய அவசியம் இல்லை. ஒருவர் இந்தியாவிற்கு எதிரான முழக்கம்கொண்ட ஒரு சிறிய காகிதத்தை வைத்திருந்தால்கூட அவரைக் கைதுசெய்ய இயலும்.
  • NIA பட்டியலில் உள்ள குற்றத்தைச் செய்பவர், இந்தியாவிற்கு அப்பால் இருந்து குற்றத்தைச் செய்திருந்தாலும். அந்தக் குற்றத்தின்பால் இந்தியாவையோ அல்லது இந்தியர்களையோ பாதிக்கும்பட்சத்தில் இந்தச் சட்டம் பயன்படுத்தப்படும். 
  • குற்றவாளி இன்னொரு நாட்டிலிருந்தாலும் அதை விசாரிக்கும் சட்டம் நம்மிடம் இருந்தால் மட்டும் போதுமா? அதற்கு அந்த நாடுகள் தகுந்த அனுமதியை அளிக்குமா? நம்முடன் நட்புறவில் இல்லாத நாடுகளில் இது எப்படிச் சாத்தியம்? இப்படியெல்லாம் அச்சங்களும் கேள்விகளும் எழுகின்றன. அதற்கு அரசு தரும் விளக்கம் அவ்வளவு நம்பிக்கை தருவதாக இல்லை...
  • என்.ஐ.ஏ. எவ்வகையிலும் தவறாகப் பயன்படுத்தப்படாது. என்.ஐ.ஏ. இதுவரை 272 வழக்குகளைக் கையில் எடுத்துள்ளது. இவற்றில் 199 வழக்குகளில் குற்றப்பத்திரிகை தாக்கல் செய்யப்பட்டுள்ளது. 
  • குற்றச்சாட்டு நிரூபணம் 90 சதவிகிதம் ஆகும். ஆள் கடத்தல், கள்ள நோட்டு, ஆயுத தயாரிப்பு, விற்பனை, இணையவழி பயங்கரவாதம் ஆகிய குற்றங்களையும் என்.ஐ.ஏ. விசாரிக்கும். "இந்த மண்ணிலிருந்து பயங்கரவாதத்தை வேரோடு அகற்றுவோம். 'பொடா' சட்டம், பயனுடையது. 
  • ஆனால், வாக்கு வங்கி அரசியலுக்காக அதை ஐக்கிய முற்போக்குக் கூட்டணி அரசு ரத்து செய்துவிட்டது. ஆனால் நாங்கள் பயங்கரவாதச் செயல்களைச் செய்தவர்கள் யார், எந்த மதம், இனத்தைச் சேர்ந்தவர்கள் என்று பார்க்காமல் உறுதியான நடவடிக்கை எடுப்போம்" என்று மத்திய அமைச்சர் அமித் ஷா கூறியுள்ளார்.
  • ஆனால், இந்த அரசு அப்படியே நடந்துகொள்ளுமா என்பதுதான் அச்சத்தை உச்சமாக்குகிறது. இந்தியா முழுவதும் ஒரே தேர்தல், ஒரே ரேஷன் கார்டு, ஒரே கல்வி, தகவல் அறியும் உரிமைச் சட்டத்தில் திருத்தம் என்கிற வரிசையில் இப்போது தேசியப் புலனாய்வு முகமை (NIA) சட்டத் திருத்தத்தின் மூலமாக ஒரே சித்தாந்தம் என்பதை புகுத்தப் பார்ப்பதாகப் பல தரப்பிலும் சந்தேகம் கிளம்பியிருக்கிறது. 
  • இந்தச் சட்டத் திருத்தம் மாநில உரிமைகளைப் பறிப்பது மட்டுமல்லாமல், இருக்கும் அனைத்து ஜனநாயக உரிமைகளையும் பறிப்பதாகச் சொல்கிறார்கள் பலதரப்பினரும்.
சட்டதிருத்தத்தின் பாதிப்புகள்
  • ஒரு சாதாரண மனிதர் அரசாங்கத்தை எதிர்த்தால், அவரை இந்த சட்டத் திருத்தம் மூலம் `தேசத் துரோகி, தீவிரவாதி' என முத்திரை குத்தமுடியும். ஒவ்வொரு முறையும் இந்த அரசாங்கத்தைக் கேள்வி கேட்கும்போது நாம் ஏன் (எதிர்க்கட்சி) தேச விரோதி என்று அழைக்கப்படும் அபாயத்தில் இருக்கிறோம்? அரசாங்கத்துடன் உடன்படாத எதிர்க்கட்சிகளை, எதிர்க்கட்சியினரை, ஆளும் கட்சியின் ட்ரோல் (troll ) படையினர் `தேச விரோதி' என அழைக்கிறார்கள். அவர்கள் மத்தியில் இந்தச் சட்டம் நிறைவேற்றப்பட்டால் இன்னும் மோசமான பல விளைவுகளைச் சந்திக்க நேரிடும்"
  • ஒருபுறத்தில் அச்சமும், மறுபுறத்தில் ஆறுதலும் விதைக்கப்பட்டாலும் இந்தச் சட்டத்திருத்தம் நடைமுறைக்கு வரும்போதுதான் எது உண்மை என்பது தெரியவரும். 
  • ஆனால் மக்களின் உணர்வுகளைக் கட்டுப்படுத்தும் எந்தச் சட்டமும் நிலைத்ததாகச் சரித்திரம் இல்லை. தேசம் என்பது வெறும் கடலும் நிலமும் கொண்ட பரப்பளவு மட்டுமல்ல. அது அங்குள்ள மக்களின் ஆன்மாவையும் உணர்வுகளையும் உள்ளடக்கியது. 
  • தேசத்தைப் பாதுகாக்கிறோம் என்ற பெயரில் தேசத்திற்குள் உள்ள மக்களின் கருத்துச் சுதந்திரத்தையும், அடிப்படையான போராட்ட உரிமைகளையும் பறிக்க நினைத்தால் தடா, பொடா போலவே இந்தச் சட்டமும் மக்களால் முறியடிக்கப்படும் என்பதே காலம் உணர்த்தியுள்ள பாடம். அதுவே இந்திய சட்ட வரலாறு.

26th JULY CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
உயிர் தியாகம் செய்த இந்திய வீரருக்கு விருது
  • ஐ.நா., அமைதிப் படையில் பணியாற்றி, உயிர் தியாகம் செய்த இந்திய வீரருக்கு விருது வழங்கி, ஐக்கிய நாடுகள் சபைகவுரவித்துள்ளது.ஐக்கிய நாடுகள் சபை சார்பில், ஐ.நா., அமைதிப் படை, 70 ஆண்டுகளுக்கு முன் உருவாக்கப்பட்டது.
  • இந்த படைக்கு, அதிகப்படியான வீரர்களை அனுப்பி வைத்திருக்கும் நாடுகளில், இந்தியா, மூன்றாம் இடத்தில் இருக்கிறது.இந்திய வீரர்கள், 6,693 பேர், அபேய், சிப்ரஸ், காங்கோ, ஹைதி, லெபனான், தெற்கு சூடான், மேற்கு சஹாரா ஆகிய நாடுகளில் பணியாற்றி வருகின்றனர்.
  • தற்போது, 96 ஆயிரம் வீரர்கள், ஐ.நா., அமைதிப் படையில் உள்ளனர். 15 ஆயிரம் அதிகாரிகளும், 1,600 தன்னார்வலர்களும் சேவையாற்றுகின்றனர்.இந்நிலையில், மத்திய கிழக்கு நாடான லெபனானில், ஐ.,நா., அமைதிப் படையில் பணியாற்றி வந்த இந்திய வீரர், ரமேஷ் சிங், சமீபத்தில் இறந்தார்.
  • ஐ.நா., அமைதிப் படையில் சிறப்பாக பணியாற்றியதற்காக, ரமேஷ் சிங் குடும்பத்துக்கு, ஐ.நா., அமைதிப் படையின் உயரிய விருது வழங்கப்பட்டுள்ளது.இந்த விருதை, லெபனானுக்கான, ஐ.நா., அமைதிப் படையின் கமாண்டர், ஸ்டீப்போன டெல் கோல், அவரது குடும்பத்தினரிடம் வழங்கினார்.
  • இந்திய ராணுவம், காவல் துறை மற்றும் பிற அதிகாரிகளைச் சேர்த்து, இதுவரை, 163 பேர், ஐ.நா., அமைதிப் படையில் பணியாற்றி, வீர மரணம் அடைந்துள்ளனர்.
மொசாம்பிக் செல்கிறார் ராஜ்நாத்
  • மூன்று நாள் அரசு முறைப் பயணமாக மத்திய ராணுவ அமைச்சர் ராஜ்நாத்சிங், நாளை (ஜூலை 28) ஆப்ரிக்க நாடான மொசாம்பிக் நாட்டிற்கு பயணம் மேற்கொள்கிறார்.
  • இந்த பயணத்தின் போது அந்நாட்டு அதிபர், வெளியுறவு அமைச்சர் உள்ளிட்ட தலைவர்களை சந்தித்து ராணுவ ஒத்துழைப்பு உள்ளிட்ட மூன்று ஒப்பந்தங்களை மேற்கொள்கிறார். ராஜ்நாத்துடன் ராணுவ அமைச்சக செயலர் சஞ்சய் மித்ரா உள்ளிட்ட அதிகாரிகள் உடன் செல்கின்றனர்.



4 ஆவது முறை: கர்நாடக முதலமைச்சராக பதவியேற்றார் எடியூரப்பா
  • கர்நாடகா முதலமைச்சர் எடியூரப்பா பதவி ஏற்றார். அவருக்கு ஆளுநர் வஜூபாய் வாலா பதவி பிரமாணம் செய்து வைத்தார்.
  • எடியூரப்பா 4வது முறையாக கர்நாடக முதலமைச்சராக இன்று மாலை பதவியேற்றுள்ளார். அவர் இந்த மாதம் 31ந்தேதிக்குள் பெரும்பான்மை நிரூபிக்க வேண்டும் என்று கவர்னர் உத்தரவிட்டு உள்ளார்.
  • இன்று மாலை 6 மணி அளவில் கவர்னர் மாளிகையில் எளிய முறையில் முதல்வராக எடியூரப்பா கடவுளின் மீது சத்தியம் செய்து பதவியேற்றார்.
பள்ளி வாகனங்களில் சிசிடிவி, கேமரா, ஜிபிஎஸ் கருவி பொறுத்த தமிழக பள்ளிக்கல்வித் துறை சுற்றறிக்கை
  • தனியார் பள்ளி வாகனங்களில் சிசிடிவி, கேமரா, ஜிபிஎஸ் கருவி பொறுத்த தமிழக பள்ளிக்கல்வித் துறை சுற்றறிக்கை வெளியிட்டு உத்தரவிட்டுள்ளது. உயர்நீதிமன்ற உத்தரவை பின்பற்றி தமிழக பள்ளிக்கல்வித்துறை சுற்றறிக்கை வெளியிட்டு உள்ளது. 
முதல் முறை: இங்கிலாந்தின் உள்துறை அமைச்சராக இந்திய வம்சாவளிப் பெண் ப்ரீத்தி படேல் நியமனம்
  • இங்கிலாந்தின் புதிய பிரதமராக பதவியேற்றுக்கொண்ட போரிஸ் ஜான்ஸன் அமைச்சரவையில் முதல் முறையாக இந்திய வம்சாவளிப்பெண் ப்ரீத்தி படேல் உள்துறை அமைச்சராக நியமிக்கப்பட்டுள்ளார்.
  • ப்ரீத்தி படேல் இந்தியாவில் பிறக்கவில்லை என்றபோதிலும் இவரின் தாய்,தந்தை இருவரும் இந்தியாவின் குஜராத் மாநிலத்தில் பிறந்து, வளர்ந்து இங்கிலாந்தில் குடியேறியவர்கள்.
  • ப்ரீத்தி படேல் தவிர நிதியமைச்சராக பாகிஸ்தானைப் பூர்வீகமாகக் கொண்ட சாஜித் ஜாவித், சர்வதேச மேம்பாட்டு அமைச்சராக அலோக் சர்மா, நிதி அமைச்சகத்தின் முதன்மைச் செயலாளர் அல்லது இணையமைச்சராக ரிஷிசுனக் ஆகியோர் நியமிக்கப்பட்டுள்ளனர். இவர்கள் அனைவரும் தெற்காசியப் பின்புலத்தைச் சேர்ந்தவர்கள் என்பது குறிப்பிடத்தக்கது.
  • உள்துறை அமைச்சராக நியமிக்கப்பட்டுள்ள 47 வயது ப்ரீத்தி படேல் தீவிரமான பிரெக்ஸிட் ஆதரவாளர். பிரெக்ஸிட் கோரிக்கைக்கு ஆதரவாக குரல் எழுப்பி வந்த கன்சர்வேட்டிவ் (பழமைவாதக் கட்சி) கட்சியின் தலைவரும் பிரதமருமான போரிஸ் ஜான்ஸனுக்கு பக்கபலாக ப்ரீத்தி படேல் செயல்பட்டார்.
  • கடந்த 2010-ம் ஆண்டு எசெக்ஸ் மாநிலத்தில் உள்ள விதாம் பகுதியில் இருந்து எம்.பி.யாக ப்ரீத்தி படேல் தேர்வு செய்யப்பட்டார். டேவிட் கேமரூன் தலைமையிலான அரசில் இளநிலை அமைச்சராக ப்ரீத்தி படேல் நியமிக்கப்பட்டு இருந்தார்.
  • 2014-ம் ஆண்டில் நிதி அமைச்சகத்தில் அமைச்சராக இருந்தார். அதன்பின் 2015-ம் ஆண்டு தேர்தலில் மீண்டும் ப்ரீத்தி படேல் வென்றபின், அவரை வெளியுறவுத்துறைக்கு உயர்த்தினார் முன்னாள் பிரதமர் தெரஸா மே. ஆனால், பிரதமர் தெரஸா மேயுடன் ஏற்பட்ட கருத்து மோதலால், கடந்த 2017-ம் ஆண்டு அமைச்சர் பதவியை ப்ரீத்தி படேல் ராஜினாமா செய்தார்.



புதிய பயிற்சியாளரை தேர்ந்தெடுக்க கபில்தேவ் தலைமையில் குழு
  • இந்திய கிரிக்கெட் அணியின் தலைமை பயிற்சியாளராக இருக்கும் ரவி சாஸ்திரி, பந்துவீச்சு பயிற்சியாளராக பரத் அருண், பேட்டிங் பயிற்சியாளர் சஞ்சய் பாங்கர், பீல்டிங் பயிற்சியாளர் ஸ்ரீதர் ஆகியோரின் பதவி காலமும் உலகக் கோப்பை தொடருடன் முடிவடைந்தது. 
  • இதனையடுத்து இந்திய அணியின் புதிய பயிற்சியாளர் உள்ளிட்ட பதவிகளுக்கு விண்ணப்பங்கள் வரவேற்கப்பட்டுள்ளன. இந்தப் பதவிகளுக்கு விண்ணப்பிக்க வரும் 30ஆம் தேதி வரை கால அவகாசம் உள்ளது.
  • இந்நிலையில் இந்தப் பதவிக்கு தகுதியான நபரை தேர்ந்தெடுக்க இந்திய கிரிக்கெட் அணியின் முன்னாள் வீரர்கள் அடங்கிய குழு அமைக்கப்பட்டுள்ளது. இந்தக் குழுவில் கபில்தேவ், அன்ஷுமன் கெயிவாட் (Anshuman Gaekwad), சாந்தா ரங்கசாமி உள்ளிட்டவர்கள் இடம்பெற்றுள்ளனர். 
  • இவர்கள் இந்திய கிரிக்கெட் அணியின் பயிற்சியாளர் பதவிக்கு விண்ணப்பித்தவர்களை வரும் ஆகஸ்ட் மாதம் 13 அல்லது 14ஆம் தேதி நேர்காணல் நடத்தவுள்ளனர்.
அதிக விக்கெட் எடுத்த 9வது வீரர் என்ற சாதனை படைத்த லசீத் மலிங்கா
  • கிரிக்கெட் உலகில் யார்கர் மன்னன் என்று அழைக்கப்படுபவர் இலங்கை அணியின் நட்சத்திர வீரர் லசித் மலிங்கா. இங்கிலாந்தில் நடைபெற்ற உலக கோப்பை போட்டியில் மலிங்கா சிறப்பாக பந்து வீசி 13 விக்கெட்டுகளை வீழ்த்தினார். 
  • உலகக்கோப்பையுடன் ஓய்வு பெறுவார் என்று எதிர்பார்க்கபட்ட நிலையில் இவர் பங்களாதேஷ் மேற்கொள்ளும் சுற்றுபயண தொடரின் முதல் போட்டிற்கு பிறகு ஓய்வு பெறுவதாக அறிவித்திருந்தார்.
  • இந்நிலையில் இன்று நடைபெற்ற பங்களாதேஷ் எதிராக முதல் தொடரில் லசித் மலிங்கா 3 விக்கெட்களை பெற்று அதிக விக்கெட் எடுத்த 9வது வீரர் என்ற சாதனையை படைத்துள்ளார். முதல் இடத்தில் இலங்கை அணியின் நடச்த்திர பந்துவீச்சாளாரான முத்தையா முரளிதரன் 534 ரன்கள் குவித்து முதல் இடத்தில் உள்ளார்.
பாகிஸ்தான் கிரிக்கெட் அணியின் வேகப்பந்து வீச்சாளர் முகமது அமீர் டெஸ்ட் போட்டிகளில் இருந்து ஓய்வு
  • பாகிஸ்தான் கிரிக்கெட் அணியின் வேகப்பந்து வீச்சாளர் முகமது அமீர் டெஸ்ட் போட்டிகளில் இருந்து ஓய்வு பெறுவதாக அறிவித்தார். 
  • டெஸ்ட் போட்டியில் இருந்து விலகினாலும் ஒருநாள் மற்றும் டி.20 போட்டிகளில் தொடர்ந்து விளையாடுவதாக அமீர் அறிவித்துள்ளார்.

Friday, 26 July 2019

பழைய எலெக்ட்ரானிக் பொருள்களிலிருந்து தயாராகும் ஒலிம்பிக் பதக்கங்கள் / OLYMPIC MEDAL JAPAN 2020 CREATED FROM WASTE ELECTRONICS ITEMS

TNPSCSHOUTERS
  • 2020 டோக்கியோ ஒலிம்பிக் போட்டிகளுக்கான 365 நாள் கவுன்ட்டவுன் தொடங்கிவிட்டது. அடுத்த ஆண்டு ஜூலை 24-ம் தேதி தொடங்கும் ஒலிம்பிக் போட்டிகள், ஆகஸ்டு 9-ம் தேதி வரை நடைபெற உள்ளன. 
  • இதையொட்டி, ஜப்பான் தலைநகர் டோக்கியோவில் நடந்த கொண்டாட்ட நிகழ்ச்சியில், வெற்றியாளர்களுக்கு வழங்கப்படும் தங்கம், வெள்ளி, வெண்கலப்பதக்கங்கள் அறிமுகம் செய்யப்பட்டன.
  • வழக்கமான ஒலிம்பிக் பதக்கங்கள் தயாரிப்பில் இருந்து ஜப்பான் முற்றிலுமாக வேறுபட்டுள்ளது. எலெக்ட்ரானிக் பொருள்களுக்கு பெயர்போன ஜப்பானில், மறுசுழற்சி செய்யப்பட்ட பழைய எலெக்ட்ரானிக் பொருள்களில் இருந்தே ஒலிம்பிக் பதக்கங்கள் தயாரிக்கப்பட்டுள்ளன.
  • இதற்காக, 2017-ம் ஆண்டு பயன்பாட்டில் இல்லாத பழைய எலெக்ட்ரானிக் பொருள்களை நன்கொடை அளிக்குமாறு ஜப்பான் பொதுமக்களுக்கு டோக்கியோ ஒலிம்பிக் அமைப்பு கோரிக்கை விடுத்திருந்தது. 
  • அதைத் தொடர்ந்து, கிட்டத்தட்ட 6 மில்லியன் செல்போன்கள் உட்பட, 79,000 டன் பழைய எலெக்ட்ரானிக் பொருள்கள் சேகரிக்கப்பட்டன. அதில், 32 கிலோ தங்கம், 3500 கிலோ வெள்ளி, 2200 கிலோ காப்பர் பெறப்பட்டுள்ளன.2020 ஒலிம்பிக் பதக்கம்
  • 2020 டோக்கியோ ஒலிம்பிக் போட்டிகளுக்கு, கிட்டத்தட்ட 5,000 பதக்கங்கள் தயாரிக்கப்பட்டுள்ளன. ஒலிம்பிக் பதக்கத்தின் வடிவமைப்புக்காக 400-க்கும் மேற்பட்டோர் டிசைன்களை சமர்ப்பித்திருந்தனர். 
  • அதிலிருந்து, ஜூனிஷி கவானிஷி என்பவரின் டிசைன் தேர்வுசெய்யப்பட்டுள்ளது. 1964 ஒலிம்பிக்கை அடுத்து, 56 ஆண்டுகளுக்குப் பிறகு டோக்கியோவில் ஒலிம்பிக் தொடர் நடைபெறுவதால், தயாரிப்பு, ஏற்பாடு விஷயங்களில் மும்முரமாகக் களமிறங்கியுள்ளது ஜப்பான்.

25th JULY CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
கர்நாடக அதிருப்தி MLA-கள் 3 பேர் தகுதி நீக்கம் சபாநயகர் அதிரடி
  • கர்நாடகாவில் காங்கிரஸ், மதச்சார்பற்ற கூட்டணியைச் சேர்ந்த 15 எம்எல்ஏக்கள் தங்கள் பதவியை ராஜினாமா செய்ததால் குமாரசாமி தலைமையிலான ஆட்சி பெரும்பான்மையை நிரூபிக்க முடியாமல் கவிழ்ந்தது. 
  • இந்நிலையில் ஆட்சிக் கவிழ்ப்புக்கு காரணமான ரானெ பென்னூர் தொகுதி எம்எல்ஏ சங்கர், கோகக் மற்றும் அதானி தொகுதியின் காங்கிரஸ் சட்டமன்ற உறுப்பினர்கள் ரமேஷ் ஜார்கிகோலி மற்றும் மகேஷ் குமுதஹாலி ஆகியோரை தகுதி நீக்கம் செய்து சபாநாயகர் கே.ஆர். ரமேஷ் குமார் உத்தரவிட்டுள்ளார். 
  • 15-வது சட்டசபை கர்நாடகத்தில் கலைக்கப்படும் வரை, அவர்கள் மூவரும் தேர்தலில் போட்டியிட முடியாது என்று அவர் குறிப்பிட்டார்.
  • கர்நாடக சட்டசபையில் பெரும்பான்மைக்கு 112 உறுப்பினர்களின் பலம் தேவை என்ற நிலையில், பாஜகவிடம் 105 எம்எல்ஏக்கள் மட்டுமே உள்ளனர் என்பது குறிப்பிடத்தக்கது.
'போக்சோ' நீதிமன்றம்; சுப்ரீம் கோர்ட் அதிரடி உத்தரவு
  • பாலியல் கொடுமைகளில் இருந்து, குழந்தைகளை பாதுகாக்கும், 'போக்சோ' சட்டத்தின் கீழ், மத்திய அரசின் நிதி உதவியுடன், அனைத்து மாவட்டங்களிலும், பிரத்யேக நீதிமன்றங்களை அமைக்கும்படி, உச்ச நீதிமன்றம் உத்தரவிட்டுள்ளது.
  • குழந்தைகளுக்கு எதிரான பாலியல் வன்கொடுமை வழக்கு ஒன்றை விசாரித்த, உச்ச நீதிமன்ற தலைமை நீதிபதி தலைமையிலான அமர்வு, நேற்று(ஜூலை 25) பிறப்பித்த உத்தரவு: குழந்தைகளுக்கு எதிரான, பாலியல் வன்கொடுமைகள் அதிகரிப்பது கவலை அளிக்கிறது. 
  • இந்த குற்றங்கள் தொடர்பான விசாரணைகளை விரைந்து முடித்து, குற்றவாளிகளுக்கு தண்டனை வழங்க வேண்டும். இதற்காக, ஒவ்வொரு மாவட்டத்திலும், 'போக்சோ' பிரத்யேக நீதிமன்றங்கள் அமைக்கப்பட வேண்டும்.
  • குழந்தைகளுக்கு எதிரான பாலியல் கொடுமை தொடர்பாக, ஒரு ஆண்டுக்கு, 100 அல்லது அதற்கு மேற்பட்ட வழக்குகள் எந்தெந்த மாவட்டங்களில் பதிவாகின்றனவோ, அந்த மாவட்டங்களில் எல்லாம், இந்த பிரத்யேக நீதிமன்றங்களை, மத்திய அரசின் நிதியின் கீழ் அமைக்க வேண்டும். 
  • இந்த நீதிமன்றங்களை, 60 நாட்களுக்குள் அமைக்க வேண்டும். வழக்குகளில் ஆஜராவதற்கு, சிறப்பு பயிற்சி பெற்ற வக்கீல்களை நியமிக்க வேண்டும்.இத்தகைய வழக்குகளில், தடயவியல் அறிக்கைகளை, குறிப்பிட்ட காலத்துக்குள், நீதிமன்றத்தில் தாக்கல் செய்ய, அனைத்து மாநில தலைமைச் செயலர்களும் நடவடிக்கை எடுக்க வேண்டும். இவ்வாறு, நீதிபதிகள் உத்தரவிட்டனர்.
கடும் எதிர்ப்புகளுக்கு இடையே நிறைவேறியது முத்தலாக் தடுப்பு மசோதா
  • கடும் எதிர்ப்புகளுக்கு இடையே மக்களவையில் முத்தலாக் தடுப்பு மசோதா நிறைவேறியது. முத்தலாக் மசோதா மக்களவையில் வாக்கெடுப்பு மூலம் சற்றுமுன் நிறைவேற்றப்பட்டது. 
  • இந்த மசோதாவிற்கு ஆதரவாக 303 வாக்குகளும், எதிராக 82 வாக்குகள் பதிவு ஆனதால் முத்தலாக் மசோதா வெற்றிகரமாக மக்களவையில் நிறைவேற்றப்பட்டது. 
  • இந்த மசோதாவின்படி முத்தலாக் மூலம் மனைவியை விவாகரத்து செய்பவர்கள் மூன்று ஆண்டுகள் சிறைதண்டனை விதிக்க இந்த மசோதாவில் வழிவகை செய்யப்பட்டுள்ளது 
தகவல் அறியும் உரிமை சட்டத்திருத்தம் மாநிலங்களவையில் நிறைவேற்றம்
  • தகவல் அறியும் உரிமை சட்டத்திருத்தம் மாநிலங்களவையில் நிறைவேற்றப்பட்டுள்ளது. தலைமை தகவல் ஆணையரின் ஊதியம் மற்றும் பதிவிக்காலத்தை நிர்ணயிக்க புதிய திருத்த சட்டத்தை வகை செய்யப்பட்டுள்ளது. ஏற்கனவே தகவல் அறியும் உரிமை சட்டத் திருத்தத்துக்கு மக்களவை ஒப்புதல் அளித்துள்ளது குறிப்பிடத்தக்கது. 



வாடிக்கையாளர் சேவையில் 'டி.வி.எஸ்., மோட்டார்' முதலிடம்
  • இருசக்கர வாகனப் பிரிவில், விற்பனைக்குப் பிறகான சேவையில், வாடிக்கையாளர்களுடைய திருப்தியை, அதிகம் பெற்றுள்ள நிறுவனங்களில், முதலிடத்தை, 'டி.வி.எஸ்., மோட்டார்' பிடித்துள்ளது. சந்தை ஆராய்ச்சி மற்றும் ஆலோசனை நிறுவனமான, 'ஜெ.டி., பவர்' நிறுவனத்தின் அறிக்கையில், இப்படி தெரிவிக்கப்பட்டுள்ளது. 
  • வாடிக்கையாளர் திருப்தியில், 45 நகரங்களில் எடுக்கப்பட்ட ஆய்வில், முதலிடத்தில், டி.வி.எஸ்., மோட்டார் நிறுவனமும், இரண்டாவது இடத்தில், 'ஹோண்டா மோட்டார் சைக்கிள் அண்டு ஸ்கூட்டர் இந்தியா' நிறுவனமும் உள்ளன. 
  • மூன்றாவது இடத்தை, 'யமஹா' பிடித்துள்ளது. 'ஹீரோ மோட்டோகார்ப்' நான்காவது இடத்தையும், 'சுசூகி மோட்டார் சைக்கிள்' ஐந்தாவது இடத்தையும், 'பஜாஜ் ஆட்டோ, ராயல் என்பீல்டு' ஆகியவை, முறையே, ஆறு மற்றும் ஏழாவது இடங்களையும் பிடித்துள்ளன.
புத்தாக்க பொருளாதார நாடுகள்; 52வது இடத்தில் இந்தியா
  • உலகின், முதல் புத்தாக்க பொருளாதார நாடுகள் பட்டியலில், இந்தியா, 52வது இடத்தில் உள்ளது.ஐக்கிய நாடுகள் சபையின், தனிநபர் அறிவுசார் சொத்து அமைப்பு, 2019ம் ஆண்டிற்கான, உலகளாவிய புத்தாக்க பொருளாதார நாடுகள் பட்டியலை வெளியிட்டுள்ளது. அதில், முதலிடத்தை, சுவிட்சர்லாந்து நாடு பிடித்துள்ளது. 
  • 2011ல் இருந்து, அந்த நாடு, முதலிடத்தில் உள்ளது. இரண்டாவதாக ஸ்வீடன்; மூன்றாவதாக அமெரிக்கா; நான்காவதாக நெதர்லாந்து; ஐந்தாவதாக பிரிட்டனிலும் உள்ளன. மேலும், இஸ்ரேல், 10வது இடத்திலும், தென் கொரியா, 11வது இடத்திலும் உள்ளன.
  • இந்தியா, 52வது இடத்தில் உள்ளது. தெற்கு மற்றும் மத்திய ஆசியாவில் உள்ள நாடுகளில், புதுமையான பொருளாதார வழிமுறைகளை பின்பற்றுவதில், இந்தியா முன்னோடியாக விளங்குகிறது என, அந்த அறிக்கை தெரிவிக்கிறது.
இந்திய கிரிக்கெட் அணி சீருடையின் புதிய விளம்பரதாரர் 
  • சீனாவின் புகழ்பெற்ற மொபைல் நிறுவனமான ஒப்போ கடந்த 2017 முதல் இந்திய கிரிக்கெட் அணி சீருடையின் விளம்பரதாரராக இருந்து வருகிறது. 
  • இந்த நிறுவனம் அணியின் விளம்பரதாரராகவும் ஐந்து வருடம் ஒப்பந்தத்தில் உள்ளது. இதற்காக ஒப்போ நிறுவனம் போட்ட 768 கோடி ரூபாய் ஒப்பந்தம் முடிவடைவதற்கு முன்பே ஒப்போ நிறுவனம் ஒப்பந்தத்தை முடித்துக் கொள்ள முடிவு செய்துள்ளது.
  • இதனால் வரும் மேற்கு இந்திய தீவுகள் சுற்றுப்பயணம் வரை இந்திய கிரிக்கெட் அணி ஒப்போவின் சீருடையை அணிந்து விளையாட உள்ளது. இந்திய அணி சீருடைக்கு புதிய விளம்பரதாரராகக் கல்விச் செயலி நிறுவனமான பைஜுஸ் நிறுவனம் ஒப்பந்தம் செய்யப்பட்டுள்ளதாக கூறப்படுகிறது இந்த நிறுவனம் பைஜு ரவிச்சந்திரன் என்பவரால் தொடங்கப்பட்டதாகும்.
  • ஒப்போ நிறுவனம் தனது ஒப்பந்தத்தை பைஜு நிறுவனத்துக்கு விட்டுக் கொடுத்துள்ளதாக அதிகாரபூர்வமற்ற செய்திகள் வெளியாகி உள்ளன. ஒப்போ அளிக்கும் அதே விளம்பரக் கட்டணத்தை பைஜு அளிக்கும் என்பதால் இதன் மூலம் இந்திய கிரிக்கெட் கட்டுப்பாட்டு வாரியத்துக்கு எவ்வித இழப்பும் இருக்காது என கூறப்படுகிறது.

Thursday, 25 July 2019

24th JULY CURRENT AFFAIRS 2019 TNPSC SHOUTERS TAMIL PDF

TNPSCSHOUTERS
ஹூண்டாய் நிறுவனத்தின் எலெக்ட்ரிக் கார்: முதல்வர் எடப்பாடி பழனிசாமி தொடங்கி வைத்தார்
  • தொழில் துறை சார்பில் நடைபெற்ற உலக முதலீட்டாளர்கள் மாநாடு 2019-ல் ஹூண்டாய் மோட்டார் இந்தியா நிறுவனம், காஞ்சிபுரம் மாவட்டம், இருங்காட்டுக்கோட்டை, ஸ்ரீபெரும்புதூர் சிப்காட் வளாகத்தில் தனது நான்காவது விரிவாக்கத் திட்டத்திற்காக 7000 கோடி ரூபாய் முதலீட்டில் 500 நபர்களுக்கு வேலைவாய்ப்பு அளிக்கும் வகையில், கூடுதலாக ஒரு லட்சம் கார்கள் உற்பத்தி செய்யவும், சுற்றுச்சூழலுக்கு மாசு விளைவிக்காத மின்சாரத்தில் இயங்கும் வாகனங்களை உற்பத்தி செய்யவும் தமிழ்நாடு முதல்வர் எடப்பாடி கே. பழனிசாமி முன்னிலையில் ஹூண்டாய் மோட்டார் இந்தியா நிறுவனத்திற்கும் தமிழ்நாடு அரசிற்கும் இடையே புரிந்துணர்வு ஒப்பந்தம் கையெழுத்தானது.
  • அதன் அடிப்படையில், ஹூண்டாய் மோட்டார் இந்தியா நிறுவனத்தால் தயாரிக்கப்பட்ட சுற்றுச்சூழலுக்கு மாசு விளைவிக்காத மின்சாரத்தில் இயங்கும் கோனா காரை முதல்வர் எடப்பாடி பழனிசாமி இன்று கொடியசைத்து துவக்கி வைத்து, அவ்வாகனத்தில் பயணம் செய்தார். 
  • துணை முதலமைச்சர் ஓ.பன்னீர்செல்வமும் காரில் பயணம் செய்தார். இந்த கோனா கார் உயர் தொழில்நுட்பத்துடன் சுற்றுச்சூழலுக்கு உகந்ததாகவும், 57 நிமிடங்களில் 80 விழுக்காடு மின்னேற்றம் செய்யும் வசதி கொண்ட மின்கலன் பொருத்தப்பட்டு, ஒருமுறை முழுமையாக மின்னேற்றம் செய்வதன் மூலம் 452 கிலோ மீட்டர் தூரம் செல்லும் வகையிலும் வடிவமைக்கப்பட்டுள்ளது.
முன்னாள் பிரதமர்களுக்காக பிரமாண்ட அருங்காட்சியகம் மோடி
  • முன்னாள் பிரதமர் சந்திர சேகர் பற்றி முன்னாள் துணை சபாநாயகர் ஹரிவன்ஷ் மற்றும் எழுத்தாளர் ரவிதத் பாஜ்பாய் ஆகியோரால் எழுதப்பட்ட Chandra Shekhar - The last icon of Ideological politics என்ற புத்தகத்தின் வெளியீட்டு விழா நடைபெற்றது. இவ்விழாவில் பிரதமர் மோடி, குடியரசு துணைத் தலைவர் வெங்கய்யா நாயுடு ஆகியோர் கலந்து கொண்டனர்.
  • இந்திய நாட்டின் வளர்ச்சிக்காக உழைத்த முன்னாள் பிரதமர்களை கட்சி வேறுபாடுகளைக் கடந்து கவுரவிக்கும் விதமாகவும், அவர்களது உழைப்பை நாட்டு மக்களுக்கு தெரியப்படுத்தும் விதமாகவும் டெல்லியில் மிகப்பெரிய அருங்காட்சியகம் அமைக்கப்படும் என்று பிரதமர் மோடி தெரிவித்தார்.
அரசு மானியங்களுக்கு ஆதாரை ஆவணமாக பயன்படுத்தலாம்: அரசு ஒப்புதல்
  • இந்தியக் குடிமக்கள் ஒவ்வொருவருக்கும் 12 இலக்கங்களைக் கொண்ட ஆதார் அடையாள அட்டை வழங்கப்பட்டு உள்ளது. அது வங்கி கணக்குகள், பரஸ்பர நிதி முதலீடுகள், பான் அட்டை, ஓய்வூதியம், சமூக நல திட்டங்கள், செல்போன் சேவை, தொழிலாளர் வருங்கால வைப்பு நிதி, ஓட்டுனர் உரிமம், வாகனங்கள் பதிவு, சமையல் கியாஸ் மானியம் ஆகியவற்றுக்கு ஆதார் எண் என்னை நாம் பயன்படுத்தி வருகிறோம்.
  • மாநில அரசு மானியம் வழங்கவும் நலத்திட்ட உதவிகள் வழங்கவும் பயனாளிகளை ஆதார் மூலமாக தேர்ந்தெடுக்க இச்சட்டம் வகை செய்கிறது. பயோமெட்ரிக் அடையாளம் பொருந்திய ஆதார் அட்டைகளால் முறைகேடுகளுக்கு வாய்ப்பு இல்லை என்பதுடன் அரசின் நலத்திட்ட உதவிகள் நேரடியாக மக்களை சென்றடைய இது வழிவகுக்கும்.
  • உச்சநீதிமன்ற உத்தரவின்படி பயனாளிகள் தாங்களாகவே ஆதாரை பயன்படுத்திகொள்ள அனுமதிக்கலாம் என்று விளக்கம் அளித்த மத்திய அமைச்சர் பிரகாஷ் ஜவடேகர், இப்போது மத்திய அரசின் மானியத் தொகை ஆதார் மூலமாக பயனாளிகளுக்கு வழங்கப்படுவதைப் போல், மாநில அரசும் பயனாளிகளுக்கு மானியம் வழங்க இனி ஆதாரைப் பயன்படுத்திக் கொள்ளமுடியும் என்று விளக்கம் அளித்தார்.
  • சிம்கார்டுகள். வங்கிக்கணக்குகள் போன்றவற்றுக்காக ஆதார் அட்டையின் 12 எண் குறியீட்டை பயன்படுத்திக் கொள்ளலாம் என்று சட்டத்தை திருத்தியமைத்து மத்திய அமைச்சரவை ஒப்புதல் அளித்துள்ளது.



பயங்கரவாத தடுப்பு மசோதா நிறைவேறியது
  • லோக்சபாவில் பயங்கரவாத தடுப்பு மசோதா நிறைவேற்றப்பட்டது. சட்டவிரோத நடவடிக்கைகள் தடுப்பு மசோதா தொடர்பான விவாதத்தில் பேசிய உள்துறை அமைச்சர் அமித்ஷா, பயங்கரவாதத்தை தடுக்க கடுமையான சட்டங்கள் அவசியம் என்றார்.
  • ''பயங்கரவாதிகளுக்கு உதவுபவர்கள், நிதி அளிப்பவர்களும் பயங்கரவாதிகளாகவே கருதவேண்டும். பயங்கரவாதத்தை வேரறுக்க வேண்டும் என்பதே இந்த சட்டத்தின் நோக்கம். அதேநேரத்தில் இந்த சட்டம் தவறாகப் பயன்படுத்தப்படாது,'' என்றும் அவர் உறுதி அளித்தார்.
  • இந்த சட்டத்தை, காங்கிரஸ், திமுக, பகுஜன் சமாஜ், திரிணாமுல் உள்ளிட்ட முக்கிய எதிர்க்கட்சிகளும் ஆதரித்தது குறிப்பிடத்தக்கது.
போக்சோ திருத்தச்சட்ட மசோதாவுக்கு மாநிலங்களவையில் ஒப்புதல்
  • போக்சோ திருத்தச்சட்ட மசோதாவுக்கு மாநிலங்களவையில் ஒப்புதல் வழங்கப்பட்டுள்ளது. 
  • 18 வயதுக்கு உட்பட்டவர்கள் மீதான பாலியல் குற்றங்களில் ஈடுபட்டவர்களுக்கு எதிரான சட்டத்தை வலுப்படுத்த திருத்தம் செய்யப்பட்டுள்ளது. 
மக்களவையில் மோட்டார் வாகன சட்டத் திருத்த மசோதா நிறைவேறியது
  • கடந்த 1938 முதல் மோட்டார் வாகனச் சட்டம் அமுலில் உள்ளது. இந்த சட்டத்தில் அவ்வப்போது திருத்தங்கள் செய்யப்பட்டுள்ளன. கடந்த 2017 ஆம் ஆண்டு இந்த சட்டத்தில் மேலும் திருத்தங்கள் செய்து அந்த மசோதா மக்களவையில் தாக்கல் செய்யப்பட்டது. 
  • இந்த மசோதாவில் போக்குவரத்து விதிகளை மீறுவோருக்கு கடும் அபராதம் விதிப்பது, சாலை பாதுகாப்பு அதிகரிப்பு, உள்ளிட்ட பல அம்சங்கள் உள்ளன. 
மூலிகை தாய்க்கு 'வைத்ய பூஷன் விருது' ஜெர்மன் பல்கலை வழங்கிய கவுரவம்
  • ஈரோடு மாவட்டம், கணபதிபாளையத்தைச் சேர்ந்தவர் சாமியாத்தாள், 66. இவர், 16 ஆண்டுகளுக்கும் மேலாக, மூலிகை செடிகள் சேகரிப்பில், ஈடுபட்டு வருகிறார். ஐந்தாம் வகுப்பு வரையே படித்துள்ளார். 2004ல் இவரது கணவர் இறந்தார். 
  • இரண்டு மகன்களுக்கும் திருமணமாகி விட்டது. இவர், சாவடிபாளையம் கிராமத்தில், தனியாக வசித்து வருகிறார்.சாமியாத்தாளுக்கு மூலிகைகளை தேடி, சித்த மருத்துவர்களுக்கு வழங்குவது தான் வாழ்க்கையாக அமைந்துள்ளது. 
  • இவரது மூலிகை சேகரிப்பு மற்றும் விழிப்புணர்வை பாராட்டி, 2012ல், ஜனாதிபதியாக இருந்த அப்துல் கலாம், 'மூலிகை தாய்' என்ற பட்டத்தை வழங்கினார். 
  • இயற்கை மருத்துவம் சார்ந்த மாநாடு, கால்நடை மருத்துவ முகாம், கட்சி விழாக்களில், குடில்கள் அமைத்து, மூலிகை செடிகளை வழங்கி வருவதுடன், பல நோய்களுக்கும் தீர்வு கண்டு வருகிறார்.பழநி சித்த மருத்துவ சங்கம் சார்பில், சாமியாத்தாளுக்கு பாராட்டு விழா நடத்தினர். 
  • இதில், ஜெர்மனி நாட்டை சேர்ந்த, சர்வதேச அமைதி பல்கலை நிர்வாகிகள் மற்றும் சித்த வைத்திய மருத்துவர்கள், சாமியாத்தாளுக்கு, 'வைத்ய பூஷன் விருது' வழங்கி, கவுரவித்தனர்.



சிறந்த புதிய கண்டுபிடிப்பு நாடுகளின் பட்டியலில் இந்தியா 5 இடங்கள் முன்னேற்றம்
  • அரசியல் சூழல், கல்வி, உள்கட்டமைப்பு மற்றும் தொழில் நுட்பம் உட்பட 80 துறைகளில் குறிப்பிடத்தக்க புதிய கண்டுபிடிப்புகளை உருவாக்குவதன் அடிப்படையில் இந்தப் பட்டியலில் உலக நாடுகள் இடம் பெறுகின்றன.
  • இந்நிலையில் உலக அறிவுசார் சொத்துரிமை அமைப்பு சிறந்த புதிய கண்டுபிடிப்பு நாடுகளின் பட்டியலை வெளியிட்டது. இந்தப்பட்டியலில் இந்தியா 52-வது இடத்தை பிடித்துள்ளது. 
  • 2017-ஆம் ஆண்டு 60-வது இடத்திலும் கடந்த ஆண்டு 57-வது இடத்திலும் இருந்த இந்தியா தற்போது 52-வது இடத்துக்கு முன்னேறியுள்ளது. இந்தப்பட்டியலில் 25-வது இடத்துக்கு முன்னேறுவதே இலக்கு என்றும் தெரிவிக்கப்பட்டுள்ளது.
விமான நிலையங்கள் ஆணைய இயக்குனராக ஜி.சேகர் நியமனம்
  • இந்திய விமான நிலையங்கள் ஆணையத்தின் இயக்குனராக, ஆடிட்டர், ஜி.சேகர் நியமிக்கப்பட்டு உள்ளார்.மத்திய விமான போக்குவரத்து துறையின் கீழ் செயல்படும், 'ஏர்போர்ட் ஆத்தாரிட்டி ஆப் இந்தியா' எனப்படும், இந்திய விமான நிலையங்கள் ஆணையம், நம் நாட்டில், 77 விமான நிலையங்களையும்; வெளிநாடுகளில், 34 விமான நிலையங்களையும் நிர்வாகம் செய்கிறது. 
  • இந்த ஆணையத்தின், இயக்குனர்கள் குழுவில், 13 பேர் உள்ளனர்.தற்போது, விமான நிலையங்களின் ஆணைய இயக்குனராக, சென்னையை சேர்ந்த, ஆடிட்டர், ஜி.சேகர் நியமிக்கப்பட்டு உள்ளார். 
  • இதையடுத்து, கடந்த, 10 ஆண்டுகளில், முதல் முறையாக, ஆடிட்டர் ஒருவர், அந்த ஆணையத்தின் இயக்குனராக நியமிக்கப்பட்டு உள்ளார்.சேகர், மூன்று ஆண்டுகள், அந்த பதவியை வகிப்பார். இவர் தற்போது, ஆடிட்டர் கவுன்சிலின், மத்திய குழு உறுப்பினராகவும், 'ஆடிட் போர்டு' தலைவராகவும் உள்ளார்.
மத்திய எரிசக்தித்துறை செயலாளர் அஜய்குமார் பல்லா உள்துறை சிறப்பு அலுவலராக நியமனம்
  • மத்திய எரிசக்தித்துறை செயலாளர் அஜய்குமார் பல்லா உள்துறை சிறப்பு அலுவலராக நியமிக்கப்பட்டுள்ளார். பொருளாதார விவகாரத்துறை, நிதித்துறை செயலாளராக இருந்த சுபாஷ் சந்திர கார்க் எரிசக்தித்துறைக்கு மாற்றம் செய்யப்பட்டுள்ளார். 
  • மேலும் முதலீடு, பொதுச்சொத்து மேலாண்மைத்துறை செயலாளர் அதானு சக்கரவர்த்தி நிதித்துறை செயலாளராக நியமனம் செய்யப்பட்டுள்ளார்.