DOWNLOAD SEPTEMBER 2019 CURRENT AFFAIRS TNPSC SHOUTERS TAMIL PDF

TNPSC SHOUTERS  - SEPTEMBER 2019 CURRENT AFFAIRS
S.NO	DAY & MONTH	DOWNLOAD LINK
1.	1st SEPTEMBER 2019	DOWNLOAD HERE
2.	2nd SEPTEMBER 2019	DOWNLOAD HERE
3.	3rd SEPTEMBER 2019	DOWNLOAD HERE
4.	4th SEPTEMBER 2019	DOWNLOAD HERE
5.	5th SEPTEMBER 2019	DOWNLOAD HERE
6.	6th SEPTEMBER 2019	DOWNLOAD HERE
7.	7th SEPTEMBER 2019	DOWNLOAD HERE
8.	8th SEPTEMBER 2019	DOWNLOAD HERE
9.	9th SEPTEMBER 2019	DOWNLOAD HERE
10.	10th SEPTEMBER 2019	DOWNLOAD HERE
11.	11th SEPTEMBER 2019	DOWNLOAD HERE
12.	12th SEPTEMBER 2019	DOWNLOAD HERE
13.	13th SEPTEMBER 2019	DOWNLOAD HERE
14.	14th SEPTEMBER 2019	DOWNLOAD HERE
15.	15th SEPTEMBER 2019	DOWNLOAD HERE
16.	16th SEPTEMBER 2019	DOWNLOAD HERE
17.	17th SEPTEMBER 2019	DOWNLOAD HERE
18.	18th SEPTEMBER 2019	DOWNLOAD HERE
19.	19th SEPTEMBER 2019	DOWNLOAD HERE
20.	20th SEPTEMBER 2019	DOWNLOAD HERE
21.	21st SEPTEMBER 2019	DOWNLOAD HERE
22.	22nd SEPTEMBER 2019	DOWNLOAD HERE
23.	23rd SEPTEMBER 2019	DOWNLOAD HERE
24.	24th SEPTEMBER 2019	DOWNLOAD HERE
25.	25th SEPTEMBER 2019	DOWNLOAD HERE
26.	26th SEPTEMBER 2019	DOWNLOAD HERE
27.	27th SEPTEMBER 2019	DOWNLOAD HERE
28.	28th SEPTEMBER 2019	DOWNLOAD HERE
29.	29th SEPTEMBER 2019	DOWNLOAD HERE
30.	30th SEPTEMBER 2019	DOWNLOAD HERE

DOWNLOAD SEPTEMBER 2019 CURRENT AFFAIRS TNPSC SHOUTERS TAMIL PDF

24 மணி நேர குடிநீர் திட்டத்துக்காக பாராட்டு! மாநகராட்சிக்கு 'ஸ்காட்ச்' விருது

• அகில இந்திய அளவில், மாநகராட்சியால் செயல்படுத்தும் திட்டங்களில், மக்களுக்கு பயன் தரக்கூடிய அவசியமான சிறந்த திட்டம் என்ற அடிப்படையில், கோவை மாநகராட்சியில், 24 மணி நேர குடிநீர் திட்டத்துக்கு, 'ஸ்காட்ச்' விருது வழங்கப்பட்டுள்ளது.

2500 ஆண்டுகளுக்கு முந்தைய சுடாத மண்குவளை: கீழடி ஆச்சரியம்

• சிவகங்கை மாவட்டம் கீழடியில் கடந்த சில வருடங்களாக அகழாய்வு நடைபெற்று வரும் நிலையில் கடந்த ஞாயிறன்று 2500 ஆண்டுகளுக்கு முந்தைய சுடாத மண் குவளை இருந்தது கண்டுபிடிக்கப்பட்டுள்ளது
• பொதுவாக மண்பாண்டப் பொருள்களை சுட்டால் மட்டுமே, புவியில் மட்காமல் நீண்ட நாள்கள் இருக்கும்! சுடாத மண்பாண்டப் பொருள்கள் சில நூற்றாண்டுகளிலேயே மட்கிவிடும். ஆனால் கீழடியில் கிடைக்கப்பெற்ற ஒரு சுடாத மனுக்களை 2500 ஆண்டுகளாக மக்காமல் உள்ளது. அது மட்டுமின்றி அந்த மண்குவளை பளபளப்பாக இருப்பதாகவும் தொல்லியல் ஆய்வாளர்கள் கூறி வருகின்றனர்

தெலுங்கானா மாநில கவர்னராக தமிழிசை சவுந்திரராஜன் நியமனம்

• தமிழக பா.ஜ., தலைவர் தமிழிசை  சவுந்திரராஜன் தெலுங்கானா மாநில கவர்னரானார்  கவர்னராக நியமிக்கப்பட்டுள்ளார்.
• தெலுங்கானா மாநில கவர்னராக தமிழிசை சவுந்திரராஜன், மஹாராஷ்டிரா கவர்னராக பகத் சிங் கோஷ்யாரி, ஹிமாச்சல் கவர்னராக பண்டாரு தத்தாத்ரேயா, கேரள கவர்னராக ஆரிப் முகமது கான், ஹிமாச்சல் கவர்னராக இருந்த கல்ராஜ் மிஸ்ரா, ராஜஸ்தான் கவர்னராக மாற்றம் செய்யப்பட்டுள்ளனர். 

ஜக்கி வாசுதேவின் 'மிஷன் காவிரி': அதிரடி திட்டம்

• ஈஷா அறக்கட்டளை நிறுவனர் ஜக்கி வாசுதேவ், கடந்த 2 ஆண்டுகளுக்கு முன்பு நதிகளை மீட்பதற்காக மக்களின் ஆதரவு பெற 'மிஸ்டு கால்' கொடுக்க சொன்னார். கோடிக்கணக்கான பேர் அதற்கு ஆதரவு அளித்து மிஸ்டு கால் கொடுத்தனர். அந்த ஆதரவுகளை பிரதமர் நரேந்திர மோடியிடம் சமர்பித்தார்.
• பின்பு நதிகளை மீட்டெடுப்பதற்கான வரைவு திட்டத்தை உருவாக்கினர்.
• இதன் அடுத்த கட்டமாக தற்பொது காவிரி நதியை மீட்டெடுக்கும் முயற்சியாக, ஜக்கு வாசுதேவ் அதிரடி திட்டம் ஒன்றை வகுத்துள்ளார். 
• அதாவது 83 ஆயிரம் சதுர கிலோ மீட்டர் பரப்பளவு கொண்ட காவிரி வடிநில பகுதியில் அடுத்த 12 ஆண்டுகளில் 242 கோடி மரக்கன்றுகள் நடப்பட இருப்பதாகவும், இதன் முதல் கட்டமாக அடுத்த 4 ஆண்டுகளில் 73 கோடி மரக்கன்றுகள் நடப்பட இருப்பதாகவும் கூறியுள்ளார். 

இந்தியாவின் முதல் முதுகெலும்பு அறுவைசிகிச்சை ரோபோ சென்னை ஐஐடி கண்டுபிடிப்பு

• ஐஐடி சென்னையை சேர்ந்த ஆராய்ச்சியாளர்கள், நோயாளிகளுக்கு குறைந்த வலிதரும் மற்றும் மலிவான வகையில் கிடைக்கும் முதுகெலும்பு அறுவைசிகிச்சையை செய்யும் இந்தியாவின் முதல் ரோபோட்-ஐ உருவாக்கியுள்ளனர்.
• இந்த 'முதுகெலும்பு அறுவைசிகிச்சை ரோபோட்' தனது செயல்பாடுகளுக்காக வழக்கமான புகைப்பட வழிகாட்டும் இயந்திர அமைப்பை (Conventional image guided robotic system) பயன்படுத்துகிறது. குறைந்த அளவே ஆக்கிரமிக்கும் அறுவைசிகிச்சையான இதற்கு, ஓபன் சர்ஜரி போல மிகப்பெரிய வெட்டுகள் தேவைப்படாது. 
• மத்திய மனிதவளத்துறை அமைச்சகத்தால் நிதியுதவி வழங்கப்பட்ட இந்த திட்டமானது, உத்சாதர் அவிஷ்கர் யோஜனா திட்டத்தின் கீழ் மேம்படுத்தப்பட்டது. இந்த தொழில்நுட்பமானது டெல்லி ஐஐடியில் நடைபெற்ற டெக்எக்ஸ்(TechEX) நிகழ்வில் உலகின் பார்வைக்கு வைக்கப்பட்டது.

புதுவையில் தேசிய மருத்துவக் காப்பீட்டுத் திட்டம் தொடக்கம்

• புதுவையில் தேசிய மருத்துவக் காப்பீட்டுத் திட்டத்தை முதல்வர் வே.நாராயணசாமி சனிக்கிழமை தொடக்கிவைத்தார்.
• புதுச்சேரி இந்திரா காந்தி அரசுப் பொது மருத்துவமனையில் நடைபெற்ற விழாவுக்கு புதுவை சுகாதாரத் துறை அமைச்சர் மல்லாடி கிருஷ்ணா ராவ் தலைமை வகித்தார். 
• தேசிய மருத்துவக் காப்பீட்டுத் திட்டத்தின் மூலம் புதுவை மாநிலத்தில் ஒரு லட்சத்து 3 ஆயிரம் பேர் பயனடைவர். இதன் மூலம், ரூ. 5 லட்சம் வரை காப்பீடு பெறலாம். இந்தத் திட்டம், முதல்வர் காப்பீட்டுத் திட்டத்துடன் இணைத்துச் செயல்படுத்தப்படும் என்றார் அவர்.

ஹரியானாவில் கடன் தள்ளுபடி

• ஹரியானாவில், முதல்வர் மனோகர்லால் கட்டார் தலைமையிலான, பா.ஜ., ஆட்சி நடக்கிறது. இங்கு, விரைவில் சட்டசபை தேர்தல் நடக்கவுள்ளது. 
• இதையடுத்து, விவசாயிகள் மற்றும் பொதுமக்களுக்கு பல்வேறு சலுகைகளை, மாநில அரசு அறிவிக்கிறது. விவசாய கூட்டுறவு சங்கங்களில் பயிர் கடன் வாங்கிய விவசாயிகள், அந்த கடனுக்கான வட்டியை திரும்ப செலுத்த முடியாமல் அவதிப்படுகின்றனர். 
• இதை மனதில் வைத்து, பயிர் கடனுக்கான, 4,750 கோடி ரூபாய் மதிப்புள்ள வட்டி மற்றும் அபராத தொகை தள்ளுபடி செய்யப்படுகிறது. இந்த அறிவிப்பின் மூலம், 10 லட்சம் விவசாயிகள் பயனடைவர்.

முக்கிய எட்டு துறைகள் உற்பத்தி 2.1 சதவீதமாக குறைவு

• உரம், உருக்கு, சிமென்ட், நிலக்கரி, மின்சாரம், கச்சா எண்ணெய், இயற்கை எரிவாயு, சுத்திகரிப்பு பொருள்கள் ஆகிய எட்டு துறைகளின் உற்பத்தி கடந்த ஆண்டு ஜூலையில் 7.3 சதவீதம் வளர்ச்சியைப் பெற்றிருந்தது. 
• இந்த நிலையில், நடப்பாண்டு ஜூலையில் அவற்றின் உற்பத்தி வளர்ச்சி 2.1 சதவீதமாக குறைந்துள்ளது. சுத்திகரிப்பு பொருள்கள், நிலக்கரி, இயற்கை எரிவாயு உற்பத்தி மதிப்பீட்டு மாதத்தில் பின்னடைவை சந்தித்துள்ளது. 
• அதேபோன்று, உருக்கு, சிமென்ட், மின்சாரம் ஆகிய துறைகளின் உற்பத்தி முறையே 6.6 சதவீதம், 7.9 சதவீதம், 4.2 சதவீதம் என்ற அளவில் சரிந்துள்ளது. 
• இருப்பினும், கடந்தாண்டு ஜூலையில் 1.3 சதவீதமாக காணப்பட்ட உரத்துறையின் உற்பத்தி நடப்பாண்டில் 1.5 சதவீதம் என்ற அளவில் சற்று வளர்ச்சி கண்டுள்ளது. நடப்பாண்டு ஏப்ரல் முதல் ஜூலை வரையிலான நான்கு மாதங்களில் எட்டு துறைகளின் வளர்ச்சி விகிதம் 3 சதவீதம் என்ற அளவில் உள்ளது.
• கடந்தாண்டு இதே கால அளவில் காணப்பட்ட வளர்ச்சியான 5.9 சதவீதத்துடன் ஒப்பிடுகையில் இது பாதி அளவு குறைவாகும்.
• எட்டு துறைகளின் உற்பத்தி வளர்ச்சி விகிதம் நடப்பாண்டு ஏப்ரல் மாதத்திலிருந்து சரிவடைந்து வருகிறது. ஏப்ரலில் இதன் வளர்ச்சி விகிதம் 5.8 சதவீதத்திலிருந்து 5.2 சதவீதமாக குறைந்தது. 
• மேலும் இது, மே மாதத்தில் 4.3 சதவீதமாகவும், ஜூன் மாதத்தில் 0.7 சதவீதமாகவும் சரிந்தது என மத்திய அரசு அந்தப் புள்ளிவிவரத்தில் தெரிவித்துள்ளது. தொழில்துறை உற்பத்தி குறியீட்டில் (ஐஐபி), இந்த எட்டு நிறுவனங்களின் பங்களிப்பு 40.27 சதவீத அளவுக்கு உள்ளது.

அப்பாச்சி ரக ஹெலிகாப்டர்கள் விமானப்படையில் சேர்ப்பு

• அமெரிக்காவில் தயாரிக்கப்பட்ட, அப்பாச்சி ரகத்தைச் சேர்ந்த எட்டு ஹெலிகாப்டர்கள், செப்.,3 இந்திய விமானப் படையில் சேர்க்கப்பட உள்ளன.
• அதி நவீன தொழில்நுட்ப வசதியுடன் கூடிய, தாக்குதல் வகையைச் சேர்ந்த, ஏ.எச்., - 64இ என்ற, அப்பாச்சி ரக ஹெலிகாப்டர், அமெரிக்க நிறுவனத்தால் தயாரிக்கப்பட்டது. 
• தற்போது, உலகில் உள்ள, அதி நவீன, தாக்குதல் திறன் உடைய ஹெலிகாப்டர்களில், இது தான், முதலிடத்தில் உள்ளது. அமெரிக்காவிடமிருந்து, 22 ஹெலிகாப்டர்களை வாங்க, மத்திய அரசு, 2015ல் ஒப்பந்தம் செய்தது. 

கார்வி குஜராத் பவனை திறந்து வைத்தார் பிரதமர் மோடி

• கார்வி குஜராத் பவனை பிரதமர் நரேந்திர மோடி திறந்து வைத்தார். இந்த நிகழ்வின்போது, குஜராத் முதல்வர் விஜய் ரூபானி மற்றும் துணை முதல்வர் நிதின் படேல் ஆகியோர் கலந்து கொண்டனர்.

'தூய்மை இந்தியா' திட்டத்திற்காக மோடிக்கு அமெரிக்காவில் விருது

• பிரதமர் மோடி தலைமையிலான மத்திய அரசு கடந்து 2014ஆம் ஆண்டு தூய்மை இந்தியா திட்டத்தை அறிமுகப்படுத்தியது. வீடுகளில் கழிவறைகள் கட்டுவது, பொதுக்கழிப்பறைகள் அமைப்பது, திடக் கழிவு மேலாண்மை உருவாக்குவது உள்ளிட்டவற்றை நோக்கமாக கொண்டு இந்தத் திட்டம் தொடங்கப்பட்டது. 
• இந்தத் திட்டத்தை பாராட்டும் வகையில் அமெரிக்காவின் பில் மற்றும் மெலிந்தா கேட்ஸ் நிறுவனம் விருது ஒன்றை வழங்குகிறது. இந்த மாத இறுதியில் பிரதமர் மோடி அமெரிக்கா செல்லும் போது, இந்த விருது வழங்கப்படவுள்ளது.

ஆகஸ்ட் மாதத்தில் ஜிஎஸ்டி வசூல் மூலம் ரூ.98,202 கோடி வருவாய் கிடைத்துள்ளது: மத்திய அரசு

• ஆகஸ்ட் மாதத்தில் ஜிஎஸ்டி வசூல் மூலம் ரூ.98,202 கோடி வருவாய் கிடைத்துள்ளதாக மத்திய அரசு தெரிவித்துள்ளது. ரூ.98,202 கோடியில் சிஜிஎஸ்டி ரூ.17,733 கோடி, எஸ்ஜிஎஸ்டி ரூ.24,239 கோடி, ஐஜிஎஸ்டி ரூ.48,958 கோடி வசூல் செய்யப்பட்டுள்ளதாக தெரிவிக்கப்பட்டுள்ளது. 

உலக குத்துச்சண்டை போட்டி: எரிஸ்லேன்டி லாரா சாம்பியன்

• உலக குத்துச்சண்டை சம்மேளனம் சார்பில் நடைபெற்ற சூப்பர் வெல்டர்வெயிட் போட்டியில் சாம்பியன் பட்டம் வென்றார் கியூபாவின் எரிஸ்லேன்டி லாரா.

துப்பாக்கிச் சுடுதலில் மேலும் ஒரு தங்கம்

• பிரேசிலில் நடக்கும் உலகக் கோப்பை துப்பாக்கிச் சுடுதல் போட்டியில் 10 மீட்டர் ரைஃபில்பிரிவில் இந்திய வீராங்கனை யாஷ்அஸ்வினி தேஸ்வால் தங்கப் பதக்கம் வென்றுள்ளார். 
• அடுத்த ஆண்டு நடக்க இருக்கும் ஒலிம்பிக் தொடருக்கு இதுவரை அஸ்வினி, சஞ்சீவ் ராஜ்புத், அஞ்சும் மோட்கில், அபூர்வி சண்டிலா, சவுரவ் சவுத்ரி, அபிஷேக் வர்மா, திவ்யான்ஷ் சிங் பன்வார், ரஹி சம்போத், மனு பாகேர் ஆகிய 9 இந்திய வீராங்கனைகள் தகுதி பெற்றுள்ளனர். 

கபில்தேவ் சாதனையை முறியடித்த இஷாந்த் சர்மா

• விண்டீசுக்கு எதிரான இரண்டாவது டெஸ்டில் ஹாமில்டன் விக்கெட்டை வீழ்த்திய இஷாந்த் சர்மா, கபில் தேவ் சாதனையை முறியடித்தார்.
• கபில், ஆசியாவுக்கு வெளியே 155 விக்கெட் வீழ்த்தியிருந்தார். 156 விக்கெட் வீழ்த்தியதன் மூலம் கபிலின் சாதனையை இஷாந்த் முறியடித்தார். 
• அனில் கும்ப்ளே ஆசியாவுக்கு வெளியே 200 விக்கெட் வீழ்த்தி உள்ளார்.

உலக கோப்பை துப்பாக்கி சுடும் போட்டியில் இந்தியாவுக்கு 1 தங்கம், 1 வெண்கலம்

• பிரேசிலில் நடைபெறும் உலக கோப்பை துப்பாக்கிச் சுடும் போட்டியில் 10 மீட்டர் ஏர் ரைபிள் கலப்பு இரட்டையர் பிரிவில் இந்தியாவுக்கு 1 தங்கம், 1 வெண்கலம் கிடைத்துள்ளது. 
• அபூர்வி சன்டிலா (ராஜஸ்தான்), தீபக் குமார் (டெல்லி) இணை தங்கம் வென்றுள்ளனர். மேலும் அஞ்சும் மவுட்கில் (சண்டிகர்), திவ்யான்ஸ் சிங் (ராஜஸ்தான்) இணை வெண்கலம் வென்றுள்ளனர். 

விண்டீஸ் அணிக்கு எதிரான தொடரைவென்றது இந்தியா

• விண்டீஸ் அணிக்கு எதிரான இரண்டாவது டெஸ்டில் இந்திய அணி, 257 ரன்கள் வித்தியாசத்தில் இமாலய வெற்றி பெற்றது. ஜடேஜா, முகமது ஷமி தலா 3 விக்கெட் சாய்க்க, டெஸ்ட் தொடரை 2-0 என வென்றது இந்தியா.

Read More

30th SEPTEMBER 2019 CURRENT AFFAIRS TNPSC SHOUTERS TAMIL PDF

2016 - 17ம் கல்வி ஆண்டுக்கான தேசிய அளவிலான பள்ளிக்கல்வித் தரவரிசைப் பட்டியலில் தமிழகம் 2வது இடம்

• நாட்டில் உள்ள மாநிலங்களின் கல்வித்தரத்தை ஆய்வு செய்து நிதி ஆயோக் அறிக்கை வெளியிட்டுள்ளது. மாணவர்களின் தேர்ச்சி விகிதம், பள்ளிகளின் வசதிகள், ஆசிரியர் - மாணவர் விகிதம் உள்ளிட்ட 44 காரணிகளை அடிப்படையாக கொண்டு இப்பட்டியல் தயாரிக்கப்பட்டுள்ளது.
• 2016 - 17ம் கல்வி ஆண்டுக்கு வெளியிடப்பட்டுள்ள தரவரிசை பட்டியலில், 76.6% மதிப்பெண் பெற்ற கேரளா முதலிடம் பிடித்துள்ளது. 73.4% மதிப்பெண் பெற்ற தமிழகத்துக்கு 2வது இடம் கிடைத்துள்ளது. 2015 - 16ல் தமிழகம் 63.2% மதிப்பெண் மட்டுமே பெற்றிருந்தது. 
• காஷ்மீருக்கு 16வது இடம் 36.4% மதிப்பெண் பெற்றுள்ள உ.பி., கடைசி இடம் பிடித்துள்ளது. அதற்கு முந்தைய இடங்களை பீகார், ஜார்கண்ட் மாநிலங்கள் பிடித்துள்ளன. 
• 3வது இடத்திலிருந்த மஹாராஷ்டிரா தற்போது 6வது இடத்திற்கும், 5வது இடத்திலிருந்த கர்நாடகா 13வது இடத்திற்கும் தள்ளப்பட்டுள்ளன. 
• ஆந்திரா 11வது இடத்திலும், காஷ்மீர் 16வது இடத்திலும் உள்ளன. மதிப்பீடு செய்ய மறுப்பு தெரிவித்த மேற்கு வங்க மாநிலம் இப்பட்டியலில் சேர்க்கப்படவில்லை.

காஞ்சி சங்கர மடம் சார்பில் கட்டப்பட்ட பல்நோக்கு மருத்துவமனையை திறந்து வைத்தார் ஆளுநர் பன்வாரிலால் புரோகித்

• காஞ்சிபுரம் அருகேயுள்ள கோனேரிக்குப்பம் கிராமத்தில், காஞ்சி சங்கர மடம் சார்பில் 15 கோடி ரூபாய் மதிப்பில் கட்டப்பட்ட பல்நோக்கு மருத்துவமனையை தமிழக ஆளுநர் பன்வாரிலால் புரோகித் திறந்து வைத்தார். 

கொடுங்கையூரில் ரூ.348 கோடியில் கழிவுநீா் சுத்திகரிப்பு நிலையம்: முதல்வா் இன்று தொடங்கி வைக்கிறாா்

• சென்னை கொடுங்கையூரில் ரூ.348 கோடியில் அமைக்கப்பட்டுள்ள கழிவுநீா் சுத்திகரிப்பு நிலையத்தை முதல்வா் எடப்பாடி கே.பழனிசாமி தொடங்கி வைக்கவுள்ளாா்.
• வடசென்னையில் மணலி, மீஞ்சூா் மற்றும் எண்ணூா் பகுதிகளில் உள்ள தொழிற்சாலைகள் மற்றும் மின்சார வாரிய மின் உற்பத்தி நிலையங்களுக்கு மூன்றாம் நிலை சுத்திகரிக்கப்பட்ட நீரை வழங்க, கொடுங்கையூரில் நாள் ஒன்றுக்கு 4.50 கோடி லிட்டா் உற்பத்தித்திறன் கொண்ட எதிா் சவ்வூடு பரவுதல் முறையிலான மூன்றாம்நிலை கழிவுநீா் சுத்திகரிப்பு நிலையம் ரூ.348 கோடி ரூபாய் மதிப்பீட்டில் அமைக்க திட்டமிடப்பட்டது.
• இதற்காக உலக வங்கியின் உதவியோடு ரூ.230 கோடி நிதியும், மத்திய அரசின் அம்ருத் திட்டத்தின் கீழ் ரூ. 118 கோடி நிதியும் ஒதுக்கப்பட்டது. இந்தப் பணிக்கான ஒப்பந்தப்புள்ளிகள் கோரப்பட்டு, பணி ஆணை 'பி.ஜி.ஆா். எனா்ஜி சிஸ்டம்ஸ்' நிறுவனத்தாருக்கு ரூ.290 கோடி மதிப்பில் கட்டுமானப் பணிக்காகவும், ரூ.205 கோடி மதிப்பில் 15 ஆண்டுகளுக்கு இயக்கம் மற்றும் பராமரிப்பு பணிக்காகவும் வழங்கப்பட்டது.

திருச்சி என்ஐடி பேராசிரியருக்கு தேசிய விருது

• திருச்சி தேசிய தொழில்நுட்பக் கழகத்தில் (என்.ஐ.டி) மின்னணு துறையில் பேராசிரியராக பணியாற்றி ஓய்வுபெற்றவர் எஸ்.ராகவன். அவரது சாதனைகளைக் கருத்தில்கொண்டு, தில்லியில் உள்ள மின்னியல் மற்றும் தொலைத் தொடர்பியல் கழகத்தால் (ஐஇடிஇ) தேசிய விருதுக்குத் தேர்வு செய்யப்பட்டுள்ளார்.
• தில்லி, அயோத்தியாவில் உள்ள ராம் மனோகர் லோகியா ஆவத் பல்கலைக்கழகத்தில் செப். 28, 29 ஆகிய இரு நாள்கள் நடைபெற்ற நிகழ்வில், 2019-ஆவது ஆண்டுக்கான ரஞ்சனா பால் நினைவு விருது மற்றும் சான்றிதழ் ஆகியவற்றை இஸ்ரோ விஞ்ஞானி ஓய்.எஸ். ராஜன் வழங்கினார்.

உலக பிரச்னைகளுக்கு இந்தியா தீர்வு காண வேண்டும் - சென்னை விழாவில் பிரதமர் நரேந்திர மோடி பேச்சு

• ''உலக பிரச்னைகளுக்கும், இந்தியா தீர்வு காண வேண்டும் என்பது, நம் குறிக்கோளாக இருக்க வேண்டும்,'' என, பிரதமர் நரேந்திர மோடி பேசினார்.
• சுற்றுச்சூழல் கல்வி, மருத்துவம் ஆகிய துறைகளில், முக்கிய பிரச்னைகளுக்கு தீர்வு காண்பது தொடர்பான போட்டி, 'சிங்கப்பூர் - இந்தியா ஹேக்கத்தான் - 2019' என்ற தலைப்பில் நடத்தப்பட்டது. 
• சிங்கப்பூர் - இந்திய அரசுகள் இணைந்து, இப்போட்டியை நடத்தின. இப்போட்டியில், 20 குழுக்கள் பங்கேற்றன. ஒரு குழுவில், மூன்று இந்திய மாணவர்கள், மூன்று சிங்கப்பூர் மாணவர்கள் இடம் பெற்றனர். 
• 60 ஆண்டில் முதல் மாணவி சென்னை, ஐ.ஐ.டி.,யில், முதல் முறையாக, மாணவி ஒருவர், ஜனாதிபதி விருது பெற்றுள்ளார். சென்னை, ஐ.ஐ.டி.,யின், 56வது பட்டமளிப்பு விழா நடந்தது. இதில், 2,140 பேருக்கு, 2,585 பட்டங்கள் வழங்கப்பட்டன.
• 10க்கும் மேற்பட்டவர்கள், தங்கப் பதக்கம் பெற்றனர். இதில், கவிதா கோபால் என்ற, பி.டெக்., மாணவி, ஜனாதிபதி விருது, விஸ்வேஸ்வரய்யா விருது ஆகியவற்றை பெற்றார். 

ஆந்திர மாநிலத்தில் இன்று முதல் அரசே மது விற்பனையை தொடங்குகிறது

• ஆந்திர மாநிலத்தில் இன்று முதல் அரசே மது விற்பனையை தொடங்க உள்ளது. ரூ.10 முதல் ரூ.250 வரை மது பாட்டில்கள் மீது கூடுதல் வரி விதித்த ஆந்திர அரசு, 4,380 மதுக்கடைகளை 3,500 கடைகளாக குறைத்து மது விற்பனையை தொடங்குகிறது. 
• அரசு மதுக்கடைகள் காலை 11 மணி முதல் இரவு 8 மணி வரை மட்டுமே திறந்திருக்கும் என்றும் அறிவிக்கப்பட்டுள்ளது.

ஆஸ்திரேலியாவில், எஸ்.பி.ஐ., கிளை

• ஆசியாவின் விக்டோரியா மாகாணத்தில், எஸ்.பி.ஐ., எனப்படும், பாரத ஸ்டேட் வங்கியின் கிளை திறக்கப்பட்டுள்ளது. 
• ஆஸ்திரேலியாவில் கிளை திறக்கும் முதல் இந்திய வங்கியாக, எஸ்.பி.ஐ., விளங்குகிறது.

மூன்றரை ஆண்டுகளில் இல்லாத அளவு குறைந்த 8 முக்கிய துறைகளின் வளர்ச்சி

• இந்திய பொருளாதாரத்தில் தற்போது மந்தநிலை ஏற்பட்டுள்ளது. இதனையடுத்து நாட்டின் பொருளாதார வளர்ச்சி சதவிகிதம் குறைந்துள்ளது.
• எனவே பொருளாதாரத்தை சீரமைப்பதற்கான நடவடிக்கைகளில் மத்திய அரசு ஈடுபட்டு வருகிறது. அத்துடன் இந்த நிதியாண்டின் முதல் காலாண்டில் நாட்டின் உள்நாட்டு உற்பத்தியின் வளர்ச்சி 5 சதவிகிதமாக குறைந்தது என்று மத்திய அரசு தரவுகள் தெரிவித்தன.
• இந்நிலையில் கடந்த ஆகஸ்ட் மாதத்தில் நாட்டின் முக்கியமான 8 துறைகளின் வளர்ச்சி 0.5 சதவிகிதமாக குறைந்துள்ளதாக மத்திய வர்த்தகம் மற்றும் தொழில்துறை அமைச்சக்கத்தின் தரவுகள் தெரிவித்துள்ளன. 
• இது கடந்த மூன்றரை ஆண்டு காலத்தில் இல்லாத அளவிற்கு மிகவும் குறைந்ததாகும். கடந்த 2018-ஆம் ஆண்டு ஆகஸ்ட் மாதத்தில் இந்தத் துறைகளின் வளர்ச்சி 4.7 சதவிகிதமாக இருந்தது. 
• ஆனால் இந்த ஆகஸ்ட் மாதத்தில் நிலக்கரி(-8.6%), கச்சா எண்ணெய்(-5.4%), இயற்கை எரிவாயு(-3.9%), சிமெண்ட்(-4.9%), மின்சாரம்(-2.9%) உள்ளிட்ட துறைகள் குறைந்த வளர்ச்சியை பதிவு செய்துள்ளன.
• எனினும் உரங்கள் துறை(2.9%), எஃகு உற்பத்தி(5%) வளர்ச்சி கண்டுள்ளது. இந்தாண்டு ஏப்ரல் முதல் ஆகஸ்ட் மாதம் வரை 8முக்கிய துறைகளின் வளர்ச்சி 2.4 சதவிகிதமாக இருந்தது. ஆனால் கடந்த ஆண்டு இதே காலளவில் 8 முக்கிய துறைகளின் வளர்ச்சி 5.7 சதவிகிதமாக இருந்தது குறிப்பிடத்தக்கது.

தரையில் உள்ள இலக்கை தாக்கி அழிக்கும் பிரம்மோஸ் ஏவுகணை வெற்றிகரமாக சோதனை

• ஒடிசா கடலோரத்தில் நடத்தப்பட்ட தரையில் உள்ள இலக்கை தாக்கி அழிக்கும் பிரம்மோஸ் ஏவுகணை சோதனை வெற்றிகரமாக நடந்ததாக டி.ஆர்.டி.ஓ. தகவல் தெரிவித்துள்ளனர்.

'5G தொழில்நுட்பம், பேப்பர் லெஸ் செக் இன்'. சீனாவில் திறக்கப்பட்ட அதிநவீன விமானநிலையம்

• பெய்ஜிங்கில் டாக்ஸிங் சர்வதேச விமான நிலையத்தை, சீன அதிபர் ஜி ஜின்பிங் திறந்துவைத்தார். இதுவே, உலகின் மிகப்பெரிய சிங்கிள் டெர்மினல் விமான நிலையமாகும்.
• 11 மில்லியன் சதுர அடியில், நட்சத்திர வடிவிலான இந்த விமான நிலையத்தை இராக்-பிரிட்டிஷ் கட்டடக் கலைஞர் ஜஹா ஹதீத் வடிவமைத்துள்ளார். 
• ஆண்டு ஒன்றுக்கு 72 மில்லியன் பயணிகளைக் கையாளும் விதமாய் உருவாக்கப்பட்டுள்ளது இந்த விமான நிலையம். இது, சுமார் 17 பில்லியன் அமெரிக்க டாலர் செலவில் ஐந்து ஆண்டுகளுக்குள் கட்டி முடிக்கப்பட்டிருக்கிறது.
• வாவே நிறுவனமும் 5 ஜி ஸ்மார்ட் டிராவல் சிஸ்டத்தை இந்த விமான நிலையத்தில் அறிமுகப்படுத்தியிருக்கிறது. இதிலிருக்கும் facial recognition மூலமாகப் பயணிகள் எளிதாக பேப்பர் லெஸ் செக் இன் செய்துகொள்ள முடியும்.

வரலாறு படைத்தார் அன்னு ராணி: ஈட்டி எறிதலில் பைனலுக்கு தகுதி

• கத்தார் தலைநகர் தோகாவில், 17வது உலக தடகள சாம்பியன்ஷிப் தொடர் நடக்கிறது. பெண்களுக்கான ஈட்டி எறிதல் தகுதிச் சுற்றில் இந்தியா சார்பில் அன்னு ராணி பங்கேற்றார். 
• 'ஏ' பிரிவில் இடம் பிடித்திருந்த அன்னு ராணி, தனது முதல் வாய்ப்பில் 57.05 மீ., துாரம் எறிந்தார். இரண்டாவது வாய்ப்பில் 62.43 மீ., துாரம் எறிந்த இவர், புதிய தேசிய சாதனை படைத்தார். 
• இதற்கு முன், கடந்த மார்ச் மாதம் பாட்யாலாவில் நடந்த பெடரேஷன் கோப்பை தடகளப் போட்டியில் இவர், 62.34 மீ., துாரம் எறிந்திருந்தது தேசிய சாதனையாக இருந்தது. 
• மூன்றாவது வாய்ப்பில் ஏமாற்றிய இவர், 60.50 மீ., துாரம் மட்டுமே எறிந்தார்.அதிகபட்சமாக 62.43 மீ., துாரம் எறிந்த அன்னு ராணி, 'ஏ' பிரிவில் 3வது இடம் பிடித்தார். 
• ஒட்டுமொத்தமாக 5வது இடம் பிடித்த இவர், பைனலுக்கு தகுதி பெற்றார். இதன்மூலம் உலக தடகள சாம்பியன்ஷிப் வரலாற்றில் பைனலுக்கு முன்னேறிய முதல் இந்திய ஈட்டி எறிதல் நட்சத்திரம் என்ற புதிய சாதனை படைத்தார்.

Read More