முதியோர்களின் நலனுக்காக இந்திய வரலாற்றில் முதன்முறையாக உருவாக்கப்பட்ட புதிய திட்டம்
- அனைத்து வகையான நோய் தொற்றிலிருந்தும் பாதுகாத்துகொள்ள , உடல்நலத்துடன் இருக்க இந்தியாவிலேயே முதன்முறையாக முதியோருக்கு தடுப்பூசி போடும் திட்டத்தை தமிழக அரசு அறிமுகம் செய்துள்ளது.
- வயதில் முதியவர்கள் சளி, தொடர் இருமல், காய்ச்சல், உடல்வலி, மூச்சுத்திணறல் போன்றவற்றால் கஷ்டப்பட்டு கொண்டிருந்தால் அது நிமோனியா நோய்க்கான அறிகுறியாக இருக்கலாம். மேலும் இதனால் இருமல் அதிகரிக்கும்போது சிலருக்கு சளியில் ரத்தமும் வரலாம்.
- இந்நிலையில் அத்தகைய நோயிலிருந்து பாதுகாத்துக்கொள்ள, 50 வயதைக் கடந்த முதியவர்களுக்கு இதற்கான தடுப்பூசி அளிக்கப்படவுள்ளது.மேலும் இதனை முதியவர்கள் ஒருமுறை மட்டும் எடுத்துக்கொண்டால் போதும்.
- மேலும் ஒரு சிலர் மட்டும் தேவைப்பட்டால், சில ஆண்டுகள் கழித்து 2-வது தடுப்பூசி போட்டுக்கொள்ளலாம் .
- இந்தியாவில் முதல் முறையாக தமிழகத்தில் மட்டுமே இந்தத் திட்டம் செயல்படுத்தப்படுகிறது. முதியோர்களின் உடல் நலனுக்காக உருவாக்கப்பட்ட இந்த திட்டம் குறித்த உதவிக்காக 1253 மற்றும் 1800-180-1253 (சென்னை தவிர) ஆகிய தொலைபேசி எண்களை தொடர்பு கொள்ளலாம்.
941 நாட்கள் இடைவிடாமல் இயங்கி உலக சாதனை படைத்த கைகா அணுமின் நிலையம்
- கர்நாடக மாநிலம் வட கனரா மாவட்டம் கார்வாரில் உள்ள கைகா அணுமின் நிலையம் கடந்த 2000-ம் ஆண்டு நவம்பர் 16-ம் தேதி செயல்படத் தொடங்கியது.
- ரூ.2800 கோடி செலவில் அமைக்கப்பட்ட இந்த அணுமின் நிலையம் உற்பத்தி செய்யும் மின்சாரம் கர்நாடகா, தமிழகம், கேரளா, புதுச்சேரி, ஆந்திரா ஆகிய 5 மாநிலங்களுக்கு பகிர்ந்து அளிக்கப்படுகிறது.
- இந்த அணு மின் நிலையத்தின் முதல் நிலை கனரக நீர் உலை 895 நாட்கள் இடைவிடாமல் இயங்கி, கடந்த அக்டோபரில் உலக சாதனை படைத்தது. இதற்கு முன் கனடாவின் ஒன்டாரியோ கனரக நீர் உலை 894 நாட்கள் இயங்கி சாதனை படைத்திருந்தது. 895 நாட்கள் இடைவிடாமல் இயங்கி கைகாவின் கனரக நீர் உலை அந்த சாதனையை முறியடித்தது.
- இதைத் தொடர்ந்து கைகாவில் உள்ள முதல் நிலை அணு உலை கடந்த 2016 மே 13-ம் தேதி முதல் 941 நாட்கள் (செவ்வாய்க்கிழமை வரை) இடைவிடாமல் இயங்கி, மற்றொரு உலக சாதனையைப் படைத்துள்ளது. அதாவது ஐரோப்பாவில் உள்ள ஹேஷாம் அணு மின் நிலையத்தின் 2-ம் நிலை அணு உலை 941 நாட்கள் தொடர்ச்சியாக இயங்கியதே, இதுவரை உலக சாதனையாக இருந்தது. அந்த சாதனையை தற்போது கைகாவின் முதல் நிலை அணு உலை 941 நாட்கள் இயங்கி, ஐரோப்பாவின் சாதனையை தகர்த்துள்ளது.
தூத்துக்குடி வ.உ.சிதம்பரனார் துறைமுகத்தில் கனரக சரக்கு கப்பல் சேவை தொடக்கம்
- தூத்துக்குடி வ.உ.சிதம்பரனார் துறைமுகத்தில் கனரக சரக்கு கப்பல் சேவை தொடங்கப்பட்டுள்ளது.
- தூத்துக்குடி வ.உ.சித்தமபரானார் துறைமுகத்தில் முதன்முதலாக சீனா, மலேசியாவுக்கு கனரக கப்பல் சேவை தொடங்கப்பட்டுள்ளது. இதனை மத்திய அமைச்சர் நிதின் கட்கரி, முதலமைச்சர் பழனிசாமி, மத்திய இணையமைச்சர் பொன் ராதாகிருஷ்ணன் ஆகியோர் காணொலி காட்சி மூலம் சேவையை துவக்கி வைத்தனர்.
பிரெக்சிட் மசோதா: நம்பிக்கை வாக்கெடுப்பில் தெரசா மே வெற்றி
- ஐரோப்பிய யூனியன் கூட்டமைப்பில் இருந்து, பிரிட்டன் வெளியேறுவதற்கான, 'பிரெக்சிட்' மசோதா அந்நாட்டு பார்லிமென்ட்டில் நிறைவேற்றப்பட்டுள்ளது. இந்நிலையில் ஐரோப்பிய யூனியனில் இருந்து வெளியேற பிரிட்டன் திட்டமிட்டது.
- இதையடுத்து நாட்டு மக்களிடம் நடத்தப்பட்ட கருத்து கேட்கும் ஓட்டெடுப்பிலும், வெளியேறுவதற்கு ஆதரவு தெரிவிக்கப்பட்டது.அதைத் தொடர்ந்து, ஐரோப்பிய யூனியனில் இருந்து வெளியேறுவதற்கான நடவடிக்கைகளை, பிரிட்டன் பிரதமர் தெரசா மே, மேற்கொண்டார்.
- அதன் முதல்கட்டமாக, இதற்காக பார்லிமென்ட்டின் ஒப்புதல் பெறுவதற்கான மசோதா தாக்கல் செய்யப்பட்டது.இந்நிலையில் பிரெக்சிட் மசோதா மீதான நம்பிக்கை ஓட்டெடுப்பு நடந்தது. இதில் கன்சர்வேட்டிவ் கட்சி 200 எம்.பி.க்கள் தெரசா மேவுக்கு ஆதரவாகவும், 117 பேர் எதிராகவும் ஒட்டளித்தனர்.
ஜிஎஸ்எல்வி-எப் 11 ராக்கெட் 19ம் தேதி விண்ணில் பாய்கிறது
- ஜி.எஸ்.எல்.வி-எப் 11 ராக்கெட் உதவியுடன் 2 ஆயிரத்து 250 கிலோ எடைகொண்ட தகவல் தொடர்பு செயற்கைகோளான ஜிசாட்-7ஏ செயற்கைகோளை வரும் 19ம் தேதி ஆந்திர மாநிலம் ஸ்ரீஹரிகோட்டாவில் உள்ள சதீஸ் தவான் விண்வெளி ஆய்வு மையத்தில் உள்ள இரண்டாவது ஏவுதளத்தில் இருந்து இந்திய விண்வெளி ஆராய்ச்சி மையமான இஸ்ரோ விண்ணில் செலுத்த உள்ளது.
- ஜிசாட் 7ஏ செயற்கைகோளானது இந்தியாவின் 35வது தகவல் தொடர்பு செயற்கைகோளாகும். மேலும், இது இந்திய விமானப்படைக்கு உதவும் வகையில் ரேடார் நிலையங்கள், விமான தளங்களுடன் இணைப்பை ஏற்படுத்தும். இந்த செயற்கைகோளை சுமந்துசெல்ல உள்ள ஜி.எஸ்.எல்.வி எப் 11 ராக்கெட்டானது ஜி.எஸ்.எல்.வி ராக்கெட் வரிசையில் 13வது ராக்கெட் என்பது குறிப்பிடத்தக்கது.
