21st SEPTEMBER 2026 TAMIL TNPSC CURRENT AFFAIRS PDF TNPSC SHOUTERS
சென்னையில் ஸ்டார்பக்ஸ் உலகளாவிய திறன் மையம் அமைக்க முதல்வர் விஜய் முன்னிலையில் புரிந்துணர்வு ஒப்பந்தம்
- அமெரிக்காவைத் தலைமையிடமாகக் கொண்ட பிரபல காபி நிறுவனமான ஸ்டார்பக்ஸ், சென்னையில் தனது முதல் உலகளாவிய திறன் மையத்தை (Global Capability Centre – GCC) அமைக்க தமிழ்நாடு அரசுடன் புரிந்துணர்வு ஒப்பந்தம் மேற்கொண்டுள்ளது.
- இந்த ஒப்பந்தம் முதல்வர் ஜோசப் விஜய் முன்னிலையில் நடைபெற்றது. ஸ்டார்பக்ஸ் நிறுவனம் சென்னையில் அமைக்க உள்ள உலகளாவிய திறன் மையம், இந்தியாவில் அந்நிறுவனம் அமைக்கும் முதல் GCC ஆகும்.
- இந்த மையம் இந்தியாவில் ஸ்டார்பக்ஸின் சில்லறை வணிகத்துக்கான Tata Consumer Products நிறுவனத்துடனான கூட்டு நிறுவனத்திலிருந்து தனித்து இயங்கும் என்றும் தெரிவிக்கப்பட்டுள்ளது.
- சென்னை, தமிழ்நாடு மின்வாரிய தலைமை அலுவலகத்தில் முதலமைச்சர் சி. ஜோசப் விஜய் வழிகாட்டுதலின்படி, வீடுகள் தோறும் பசுமை மின்சாரம் தன்னிறைவு பெற்ற பசுமைத் தமிழ்நாடு ' மார்ச் 2027க்குள் 1 இலட்சம் வீடுகளில் மேற்கூரை சூரியசக்தி மின்இணைப்பு எனும் இலக்கை வென்றிட "தமிழ்நாடு மேற்கூரை சூரியசக்தி மானியத்திட்டத்தை எரிசக்தி மற்றும் சட்டத்துறை அமைச்சர் சி.டி.ஆர். நிர்மல் குமார் தொடங்கி வைத்தார்.
- டி-72, டி-90 பீரங்கி வாகனங்களுக்கான துணை மின் உபகரணங்களை கொள்முதல் செய்வதற்கு ரூ.586 கோடி மதிப்பிலான ஒப்பந்தத்தில் அக்கியூரேட் இன்டஸ்ட்ரியல் கன்ட்ரோல்ஸ் தனியார் நிறுவனத்துடன் பாதுகாப்பு அமைச்சகம் கையெழுத்திட்டுள்ளது.
- புதுதில்லியில் 2026 செப்டம்பர் 21 அன்று நடைபெற்ற இதற்கான நிகழ்ச்சியில் பாதுகாப்புத்துறை செயலாளர் திரு ராஜேஷ் குமார் சிங் முன்னிலையில் ஒப்பந்தம் கையெழுத்தானது.
- துணை மின் உபகரணங்கள் என்பது பீரங்கி வாகனங்களின் பல்வேறு பாகங்களுக்கு மின் உற்பத்தி செய்வதற்கான ஒரு மாற்று முறையாகும். உள்நாட்டிலேயே உருவாக்கப்பட்ட துணை மின் உபகரணங்களை அறிமுகப்படுத்துவது இந்திய ராணுவத்தின் படைப்பிரிவுகளின் செயல்பாட்டு தயார்நிலை, நம்பகத்தன்மை, நிலைத்தன்மை ஆகியவற்றை மேலும் வலுப்படுத்தும்.
- இக்கொள்முதல், பீரங்கி வாகனங்களின் முக்கிய துணை பிரிவுகளை உள்நாட்டிலேயே தயாரிப்பதை நோக்கிய ஒரு சிறப்புமிக்க நடவடிக்கையாகும். அத்துடன், தொழில்துறை தலைமையிலான ஆராய்ச்சி மற்றும் மேம்பாட்டை இது நிரூபிக்கிறது.
- இந்த ஒப்பந்தம் 2047-ம் ஆண்டிற்குள் வளர்ச்சியடைந்த இந்தியா தொலைநோக்கு பார்வையுடன் ஒத்துப்போவதோடு பாதுகாப்புத்துறையில் தற்சார்பை அடைவதற்கும், உலக அளவில் போட்டித்தன்மைமிக்க இந்திய பாதுகாப்புத் தளவாட தொழில்துறையை கட்டமைப்பதற்கும் ஒரு மைல்கல்லாக அமைகிறது.
- 20வது ஆசிய விளையாட்டுப் போட்டி ஜப்பானின் ஐச்சி-நகோயா மாகாணத்தில் நடந்து வருகிறது. வரும் அக்டோபர் 4 வரை நடைபெற உள்ள இந்தத் தொடரில் 45 நாடுகளைச் சேர்ந்த சுமார் 11,000 விளையாட்டு வீரர்களும், ஆசிய ஒலிம்பிக் கவுன்சிலின் அகதிகள் அணியினரும் கலந்துகொண்டுள்ளனர்.
- இந்திய அணியில் 269 வீரர்கள் மற்றும் 234 வீராங்கனைகள் இடம் பெற்றுள்ளனர். இவர்கள் மொத்தம் 36 வகையான விளையாட்டுப் பிரிவுகளில் களம் காண்கின்றனர். இந்தியா இன்று 2 வெள்ளி மற்றும் 2 வெண்கலம் உட்பட நான்கு பதக்கங்களை வென்றது.
- துப்பாக்கி சுடுதல் - ஆடவர் 10 மீட்டர் ஏர் ரைபிள் தனிநபர் இறுதிப் போட்டியில் ஹிமான்ஷு தில்லான் வெள்ளிப் பதக்கத்தையும், ருத்ராங்க்ஷ் பாட்டீல் வெண்கலப் பதக்கத்தையும் வென்றனர்.
- துப்பாக்கி சுடுதல் - ஆடவர் 10 மீட்டர் ஏர் ரைபிள் அணிப் பிரிவில் ருத்ராங்க்ஷ் பாட்டீல், ஹிமான்ஷு தில்லான் மற்றும் பார்த்த் மானே ஆகியோர் வெள்ளிப் பதக்கம் வென்றனர்.
- கலப்பு தற்காப்புக் கலை (Mixed Martial Arts) - பெண்களுக்கான பாரம்பரிய 60 கிலோ எடைப்பிரிவு அரையிறுதியில் சிங்கப்பூரின் டியோ ஹுய் ஹூனிடம் தோல்வியடைந்த சுச்சிகா தரியல் வெண்கலப் பதக்கம் வென்றார்.
