2nd AUGUST 2026 TAMIL TNPSC CURRENT AFFAIRS PDF TNPSC SHOUTERS
23வது காமன்வெல்த் போட்டி 2026 - 10வது நாள்
- 23வது காமன்வெல்த் போட்டி ஸ்காட்லாந்தின் கிளாஸ்கோ நகரில் நடைபெற்று வருகிறது. இதில் 10வது நாளான நேற்று இந்தியா 8 தங்கம் உள்பட 16 பதக்கங்களை அள்ளியது.
- குத்துச்சண்டையில் மகளிர் 54 கிலோ எடை பிரிவில் பிரீத்தி பவார், 57 கிலோ எடை பிரிவில் ஜெய்ஸ்மின் லம்போரியா தங்கம் வென்றனர். மகளிர் 70 கிலோ எடை பிரிவில் அருந்ததி சவுத்ரி, 5-0 என இங்கிலாந்தின் சாண்டெல் ரீட்டை வீழ்த்தி தங்கத்தை முத்தமிட்டார்.
- மற்றொரு வீராங்கனையான பிரியா கங்காஸ் 60 கிலோ எடை பிரிவில் இறுதி போட்டியில் கனடாவின் மேரி பத்தவுல் அல் அஹ்மதியாவை 4-1 என வென்று இந்தியாவுக்கு மேலும் ஒரு தங்கம் பெற்றுக்கொடுத்தார்.
- மகளிர் 51 கிலோ எடை பிரிவில் 23 வயதான இந்தியாவின் சாக்ஷி சவுத்ரி 5-0 என இங்கிலாந்தின் ரூபி ஒயிட்டை சாய்த்து தங்கத்தை கைப்பற்றினார்.
- ஆடவர் 60 கிலோ எடை பிரிவு குத்துச்சண்டை பைனலில் அரியானாவை சேர்ந்த 26 வயதான சச்சின் சிவாக், நமீபியாவின் டிரையாகின் மார்னிங் என்ட்வெலோவை எதிர்கொண்டார். சமபலத்துடன் நடந்த இந்த போட்டியில் 3-2 என சச்சின் சிவாச் வென்று தங்கத்தை தனதாக்கினார்.
- 80 கிலோ எடை பிரிவு பைனலில் அரியானாவைச் சேர்ந்த 20 வயதான அங்குஷ் பங்கால், இங்கிலாந்தின் டிமேஜி ஷிட்டுவை எதிர்கொண்டார். கடுமையானப் போராட்டத்திற்குப் பிறகு நடுவர்களின் பிரித்தறியும் தீர்ப்பின்படி 4-1 என்ற புள்ளிக் கணக்கில் அங்குஷ் பங்கால் வென்று தங்கம் கைப்பற்றினார்.
- இவை தவிர குத்துச்சண்டையில் லவ்லினா போர்கோஹைன், ஜடுமணி சிங், நரேந்தர் பெர்வால் ஆகியோர் வெண்கல பதக்கம் வென்றனர். குத்துச்சண்டையில் மட்டும் இந்தியா நேற்று 7 தங்கம், 3 வெள்ளி பதக்கம் வென்றது.
- மாற்றுத்திறனாளிகள் பிரிவில் ஆடவர் எஃப்57 வட்டு எறிதல் போட்டியில் இந்தியா இரட்டை பதக்கம் வென்றது. சோமன் ரானா தங்கம் வென்று அசத்தினார். மற்றொரு இந்திய வீரர் சுபம் ஜூயல் வெள்ளி வென்றார்.
- மும்முறை தாண்டுதலில் தமிழகத்தைச் சேர்ந்த பிரவீன் சித்ரவேல் இந்தியாவிற்கு வெள்ளி பதக்கம் வென்று கொடுத்தார். மற்றொரு தமிழக வீரர் செல்வா பிரபு திருமாறன் வெண்கலம் வென்றார்.
- இவை தவிர 5ஆயிரம் மீட்டர் ஓட்டத்தில் குல்வீர்சிங் வெண்கலம் வென்றார். அவர் 13 நிமிடங்கள் 24.95 வினாடிகளில் பந்தய தூரத்தை கடந்தார்.
- 10ஆயிரம் மீட்டர் ஓட்டத்தில் குல்வீர்சிங் வெள்ளி வென்றது குறிப்பிடத்தக்கது. 10 நாள் முடிவில் இந்தியா 13 தங்கம், 17 வெள்ளி, 9 வெண்கலம் என மொத்தம் 39 பக்கத்துடன் 4வது இடத்திற்கு முன்னேறியது. ஆஸ்திரேலியா மொத்தம் 153, இங்கிலாந்து 101, கனடா 59 பதக்கங்களுடன் முதல் 3 இடத்தில் உள்ளன.
- சுதந்திரப் போராட்ட வீரர் லோக்மான்ய பால கங்காதர் திலகரின் 106-வது நினைவு தினத்தை முன்னிட்டு, திலகர் அறக்கட்டளை சார்பில் விருது வழங்கும் நிகழ்ச்சி புனேவில் நேற்று நடைபெற்றது. இந்த விருது, நாட்டுக்கு சிறந்த பங்களிப்பை அளித்த தனிநபர்களுக்கு வழங்கப்படுகிறது.
- தேசிய பாதுகாப்பை வலுப்படுத்தியதில் அஜித் தோவலின் பங்களிப்புக்காக இந்த ஆண்டு அவர் தேர்ந்தெடுக்கப்பட்டதாக அறக்கட்டளை தலைவர் ரோஹித் திலக் அறிவித்தார்.
- இந்த விருதை, தேசிய பாதுகாப்பு ஆலோசகர் அஜித் தோவலுக்கு மத்திய உள்துறை அமைச்சர் அமித் ஷா வழங்கினார்.
- தேசிய பாதுகாப்பு ஆலோசகராக மிக நீண்ட காலம் பணியாற்றிய அஜித் தோவல், நாட்டின் பாதுகாப்பு உத்தியை உருவாக்குவதில் முக்கிய பங்கு வகித்துள்ளார்.
- மேலும் ஆபரேஷன் சிந்தூர், பாலகோட் வான்வழித் தாக்குதல் உள்ளிட்ட பல நடவடிக்கைகளில் இவர் முக்கிய பங்காற்றியுள்ளார்.
