3rd JUNE 2026 TAMIL TNPSC CURRENT AFFAIRS PDF TNPSC SHOUTERS
கர்நாடகாவின் புதிய முதல் அமைச்சராக டிகே சிவக்குமார் பதவியேற்பு
- கர்நாடகாவின் புதிய முதல் அமைச்சராக இன்று டிகே சிவக்குமார் பதவியேற்றார். கர்நாடகா ஆளுநர் மாளிகையில் நடந்த விழாவில் டிகே சிவக்குமாருக்கு கர்நாடகா ஆளுநர் தாவர் சந்த் கெலாட் பதவி பிரமாணம் மற்றும் ரகசிய காப்பு பிரமாணம் செய்து வைத்தார்.
- டிகே சிவக்குமாருடன் மொத்தம் 13 பேர் பதவியேற்று கொண்டனர். இதில் ஒருவர் துணை முதல்வராகி உள்ளார். மற்ற 12 பேர் அமைச்சர்களாக செயல்பட உள்ளனர். அமைச்சர்களுக்கு இன்னும் இலாகாக்கள் ஒதுக்கீடு செய்யப்படவில்லை.
- இதையடுத்து அமைச்சர்களாக கேஎச் முனியப்பா, கேஜே ஜார்ஜ், எம்பி பாட்டீல், ராமலிங்க ரெட்டி, சதீஷ் ஜார்கிகோளி, கிருஷ்ணபைரே கவுடா , பிரியங்க் கார்கே (காங்கிரஸ் தேசிய தலைவர் மல்லிகார்ஜுன கார்கேவின் மகன்), யுடி காதர், ஈஸ்வர் காண்ட்ரே, யதீந்திரா சித்தராமையா (முன்னாள் முதல்வர் சித்தராமையாவின் மகன்), பைரதி சுரேஷ், ஷரண் பிரகாஷ் பாட்டீல் உள்ளிட்டோர் பதவியேற்று கொண்டனர்
- ஐக்கிய நாடுகள் சபையின் 81 வது அவையின் தலைவருக்கான தேர்தல் நேற்று (02-06-26) நடைபெற்றது. இந்த தேர்தலில் தலைவர் பதவிக்கு வங்கதேச வெளியுறவுத்துறை அமைச்சர் கலிலூர் ரக்மான் மற்றும் சிப்ரஸ் நாட்டின் சிறப்புப் பிரதிநிதி ஆண்ட்ரியாஸ் கக்கூரிஸ் ஆகியோர் போட்டியிட்டனர்.
- 193 நாடுகளை உறுப்பினர்களாகக் கொண்ட இந்த அவைக்கு, தலைமை வகிப்பதற்கு நடத்தப்பட்ட இந்த தேர்தலில் 190 நாடுகளின் பிரதிநிதிகள் வாக்களித்தனர். இந்த தேர்தலில், வங்கதேசத்தின் கலிலூர் ரக்மான் 99 வாக்குகளைப் பெற்றுப் பெற்றுள்ளார்.
- இவரை எதிர்த்துப் போட்டியிட்ட சப்ரஸ் நாட்டின் ஆண்ட்ரியாஸ் கக்கூரிஸ் 91 வாக்குகளைப் பெற்றுத் தோல்வியடைந்தார். இந்த தேர்தலில் பெரும்பான்மைக்கு 96 வாக்குகள் பெற வேண்டியது அவசியம் என்பது குறிப்பிடத்தக்கது.
- இந்நிலையில், வரும் செப்டம்பர் மாதம் முதல் தொடங்கும் ஐக்கிய நாடுகள் சபையின் 81 வது அவைக்கு கலிலூர் ரக்மான் தலைவராகத் தேர்வு செய்யப்பட்டுள்ளார் என்பது குறிப்பிடத்தக்கது.
