10th DECEMBER 2025 TAMIL TNPSC CURRENT AFFAIRS PDF TNPSC SHOUTERS
ரூ. 4,000 கோடி முதலீடு - தமிழ்நாடு அரசுடன் ஜியோ ஹாட்ஸ்டார் ஒப்பந்தம்
- தென்னிந்திய ஊடகம் மற்றும் பொழுதுபோக்கு துறையின் வளர்ச்சியைக் குறிக்கோளாகக் கொண்டு, ஜியோ ஹாட்ஸ்டார் (JioHotstar) அடுத்த ஐந்து ஆண்டுகளில் ரூ.4,000 கோடி முதலீடு செய்யவுள்ளதாக அறிவித்துள்ளது.
- இதனை முன்னிட்டு தமிழ்நாடு அரசுடன் புரிந்துணர்வு கடிதத்தில் கையெழுத்திடப்பட்டது. சென்னையில் நடத்தப்பட்ட இந்த பிரம்மாண்ட நிகழ்வில் துணை முதலமைச்சர் உதயநிதி ஸ்டாலின், நாடாளுமன்ற உறுப்பினர் நடிகர் கமல் ஹாசன், தமிழ்நாடு செய்தித்துறை அமைச்சர் மு. பெ. சாமிநாதன், நடிகர்கள் மோகன்லால், நாகார்ஜுனா, விஜய் சேதுபதி, மற்றும் தென்னிந்திய திரை உலக பிரபலங்கள் பலரும் பங்கேற்றனர்.
- JiohotStar-ன் SVOD மற்றும் தலைமை மார்கெட்டிங் அதிகாரி சுஷாந்த் ஸ்ரீராம் மற்றும் JiohotStar தெற்கு பொழுதுபோக்கு கிளஸ்டர் தலைவர் கிருஷ்ணன் குட்டி உள்ளிட்ட அதிகாரிகள் தலைமையில் இந்த ஒப்பந்தம் கையெழுத்தானது.
- இந்த கூட்டாண்மை தமிழ்நாட்டின் படைப்பு, தயாரிப்பு சூழலமைப்பை விரிவுப்படுத்தி, தென்னிந்திய படைப்பாளிகளை உலக அரங்கிற்கு கொண்டு செல்லும் ஒரு முக்கிய முயற்சியாக கருதப்படுகிறது.
- யுனெஸ்கோவின் கலாச்சார பாரம்பரியத்தைப் பாதுகாப்பதற்கான குழுவின் (ICH) 20ஆவது அமர்வானது இந்தியாவில் நடைபெற்று வருகிறது. புது தில்லியில் உள்ள செங்கோட்டையில் கடந்த டிசம்பர் 8 ஆம் தேதி முதல் தொடங்கிய இந்த அமர்வு டிசம்பர் 13 வரை நடைபெறுகிறது.
- இந்த அமர்வுக்கு யுனெஸ்கோவிற்கான இந்திய தூதர் விஷால் வி. சர்மா தலைமை தாங்குகிறார். இந்த நிலையில் இந்தியாவில் முக்கியப் பண்டிகைகளில் ஒன்றான தீபாவளியானது யுனெஸ்கோவின் கலாச்சார பாரம்பரிய பட்டியலில் சேர்க்கப்பட்டுள்ளது.
- முன்னதாக கொல்கத்தாவின் துர்கா பூஜை, ராம்லீலா நிகழ்ச்சி, கும்பமேளா உள்ளிட்ட 15 இந்திய மரபுகள் இந்த பட்டியலில் இருந்து வந்த நிலையில் தற்போது 16ஆவதாக தீபாவளி இப்பட்டியலில் இணைக்கப்பட்டுள்ளது.
- எஃப்ஐஎச் ஜூனியா் ஆடவர் ஹாக்கி உலகக்கோப்பை போட்டியின் வெண்கலப் பதக்கத்தை வெல்லும் போட்டியில் இந்தியாவும் ஆா்ஜென்டீனாவும் சென்னையில் மோதின.
- இந்தப் போட்டியில் 3, 44-ஆவது நிமிஷத்தில் ஆர்ஜென்டீனா 2-0 என முன்னிலை வகித்தது. இரண்டாம் பாதியில் மீண்டெழுந்த இந்திய அணி 49, 52, 57, 58-ஆவது நிமிஷங்களில் கோல் அடித்து அசத்தல் வெற்றி பெற்றது.
- முன்னாள் சாம்பியனான ஆர்ஜென்டீனாவை இந்திய அணி 4-2 என்ற கோல்கள் வித்தியாசத்தில் வென்றது. ஜூனியர் உலகக் கோப்பையில் ஆர்ஜென்டீனாவை வீழ்த்தி இந்திய அணி வெண்கலம் வென்றது.
