28th NOVEMBER 2025 TAMIL TNPSC CURRENT AFFAIRS PDF TNPSC SHOUTERS
நாட்டின் முதல் தனியார் நிறுவன ராக்கெட் விக்ரம் 1-ஐ அறிமுகம் செய்து வைத்தார் பிரதமர் மோடி
- இஸ்ரோ நிறுவனத்தின் முன்னாள் விஞ்ஞானிகள் மற்றும் ஐஐடி முன்னாள் மாணவர்களால் உருவாக்கப்பட்ட நிறுவனம் ஸ்கைரூட் ஏரோஸ்பேஸ். இது நாட்டின் முதல் தனியார் விண்வெளி நிறுவனம். இந்நிறுவனம் தயாரித்த விக்ரம்-எஸ் என்ற சிறிய ரக ராக்கெட் கடந்த 2022 நவம்பர் மாதம் வெற்றிகரமாக ஏவப்பட்டது.
- இந்நிறுவனம் தற்போது செயற்கைக்கோள்களை புவியின் சுற்றுவட்டபாதையில் நிலை நிறுத்த கூடிய ராக்கெட்டுகளை வர்த்தக ரீதியில் அனுப்ப தயாராகியுள்ளது. இந்நிறுவனம் ஹைதராாபாத்தில் 2 லட்சம் சதுர அடியில் மிகப் பெரிய வளாகத்தை அமைத்துள்ளது.
- இன்ஃபினிட்டி என்ற பெயரில் தொடங்கப்பட்ட இந்த வளாகத்தை காணொளி மூலம் பிரதமர் மோடி தொடங்கி வைத்தார். அதோடு ஸ்கைரூட் ஏரோஸ்பேஸ் நிறுவனம் தயாரித்த விக்ரம் 1 என்ற ராக்கெட்டையும் பிரதமர் மோடி அறிமுகம் செய்தார்.
- இஸ்ரேல் மற்றும் ஆக்கிரமிக்கப்பட்ட பாலஸ்தீனப் பகுதிகளில் சர்வதேச மனிதாபிமானச் சட்டங்கள் மீறப்படுவது குறித்தும், அங்கு நடைபெறும் மனித உரிமை மீறல்கள் குறித்தும் விசாரிப்பதற்காக ஐக்கிய நாடுகள் சபையின் மனித உரிமைகள் ஆணையம் கடந்த 2021ம் ஆண்டு மே மாதம் ஒரு சுதந்திரமான சர்வதேச விசாரணைக் குழுவை அமைத்தது.
- இந்தக் குழுவானது 2021 ஏப்ரல் 1-ம் தேதி முதல் அங்கு நடைபெறும் வன்முறைச் சம்பவங்கள் மற்றும் விதிமீறல்களைத் தொடர்ந்து ஆய்வு செய்து வருகிறது.
- இதுவரை இந்த முக்கியத்துவம் வாய்ந்த குழுவின் தலைவராகத் தென்னாப்பிரிக்காவைச் சேர்ந்த நிபுணரான நவி பிள்ளை செயல்பட்டு வந்தார்.
- அவர் தனது பணிக்காலம் முடிந்து சமீபத்தில் ஐநா பொதுச்சபையில் தனது இறுதி அறிக்கையைச் சமர்ப்பித்து விடைபெற்றார். இந்நிலையில், காலியாக இருந்த அந்தப் பதவிக்கு ஒடிசா உயர்நீதிமன்றத்தின் முன்னாள் தலைமை நீதிபதியும், மூத்த வழக்கறிஞருமான டாக்டர் எஸ்.முரளிதர் புதிய தலைவராக நியமிக்கப்பட்டுள்ளார்.
- இவருடன் ஜாம்பியா நாட்டைச் சேர்ந்த ஃப்ளாரன்ஸ் மும்பா மற்றும் ஆஸ்திரேலியாவைச் சேர்ந்த கிறிஸ் சிடோட்டி ஆகியோரும் இக்குழுவின் உறுப்பினர்களாகச் செயல்படுவார்கள் என்று ஐநா சபை அதிகாரப்பூர்வமாக அறிவித்துள்ளது.
- சர்வதேச முக்கியத்துவம் வாய்ந்த இந்தப் பொறுப்பில் இந்தியர் ஒருவர் நியமிக்கப்பட்டிருப்பது, சர்வதேச சட்ட அரங்கில் இந்தியாவிற்குக் கிடைத்த பெரிய அங்கீகாரமாகப் பார்க்கப்படுகிறது.
- 20-வது ஃபிபா யு-17 உலகக் கோப்பை தொடர் கத்தார் நாட்டில் கடந்த 3-ம் தேதி தொடங்கியது. மொத்தம் 48 அணிகள் இதில் பங்கேற்றன. இதன் இறுதிப் போட்டிக்கு போர்ச்சுகல் மற்றும் ஆஸ்திரியா அணிகள் முன்னேறின.
- இதில் நாக்-அவுட் சுற்றில் பெல்ஜியம், மெக்சிக்கோ, சுவிட்சர்லாந்து மற்றும் பிரேசில் அணியை போர்ச்சுகல் வீழ்த்தி இறுதிக்கு முன்னேறி இருந்தது.
- 2003-க்கு பிறகு போர்ச்சுகல் அணி முதல் முறையாக இந்த தொடருக்கு முன்னேறி இருந்தது. இதே போல ஆஸ்திரியா அணியும் இங்கிலாந்து, ஜப்பான் மற்றும் இத்தாலியை நாக்-அவுட் போட்டிகளில் வீழ்த்தியது.
- இந்நிலையில், இறுதிப் போட்டியில் 1-0 என்ற கோல் கணக்கில் ஆஸ்திரேலியாவை போர்ச்சுகல் அணி வீழ்த்தியது. இந்த ஆட்டத்தின் 32-வது நிமிடத்தில் போர்ச்சுகல் அணியின் அனிசியோ கேப்ரல் கோல் பதிவு செய்தார். இறுதி வரை முயற்சித்தும் ஆஸ்திரியா அணியால் கோல் பதிவு செய்ய முடியவில்லை.
- இந்த தொடரில் சிறந்த ஆட்டத்தை வெளிப்படுத்திய மேட்டியஸ் மிட் தங்க பந்து விருதையும், ஆஸ்திரியா அணியின் ஜோஹன்னஸ் மோசர் தங்க காலணி விருதையும், போர்ச்சுகல் கோல் கீப்பர் ரொமாரியோ குன்யா கோல்டன் கிளவ் விருதையும் வென்றனர்.
- இந்த தொடரின் மூன்றாம் இடத்தில் இத்தாலி பெற்றது. முன்னதாக, யு-17 ஐரோப்பிய சாம்பியன்ஷிப் தொடரிலும் போர்ச்சுகல் அணி பட்டம் வென்றது குறிப்பிடத்தக்கது.
