23rd OCTOBER 2025 TAMIL TNPSC CURRENT AFFAIRS PDF TNPSC SHOUTERS
2025 செப்டம்பர் மாதத்திற்கான எட்டு முக்கிய தொழில்களின் குறியீடு
- எட்டு முக்கிய தொழில்களின் ஒருங்கிணைந்த குறியீடு, செப்டம்பர் 2024-ல் இருந்த குறியீட்டுடன் ஒப்பிடுகையில் , செப்டம்பர் 2025-ல் 3.0 சதவீதம் (தற்காலிகமாக) அதிகரித்துள்ளது. எஃகு, சிமென்ட், மின்சாரம், உரம் ஆகியவற்றின் உற்பத்தி செப்டம்பர் 2025-ல் நேர்மறையான வளர்ச்சியைப் பதிவு செய்தது.
- இந்தக் குறியீடு, நிலக்கரி, கச்சா எண்ணெய், இயற்கை எரிவாயு, சுத்திகரிக்கப்பட்ட பொருட்கள், உரங்கள், எஃகு, சிமென்ட், மின்சாரம் ஆகிய எட்டு முக்கிய தொழில்களில் உற்பத்தியின் ஒருங்கிணைந்த மற்றும் தனிப்பட்ட செயல்திறனை அளவிடுகிறது. தொழில்துறை உற்பத்தி குறியீட்டில் சேர்க்கப்பட்டுள்ள பொருட்களின் எடையில் எட்டு முக்கிய தொழில்கள் 40.27 சதவீதத்தைக் கொண்டுள்ளன.
- ஆகஸ்ட் 2025-க்கான எட்டு முக்கிய தொழில்களின் குறியீட்டின் இறுதி வளர்ச்சி விகிதம் 6.5 சதவீதமாகக் காணப்பட்டது. 2025-26 ஏப்ரல் முதல் செப்டம்பர் வரையிலான எட்டு முக்கிய தொழில்களின் குறியீட்டின் ஒட்டுமொத்த வளர்ச்சி விகிதம் கடந்த ஆண்டின் இதே காலகட்டத்துடன் ஒப்பிடும்போது 2.9 சதவீதமாக (தற்காலிகம்) உள்ளது.
- நிலக்கரி உற்பத்தி (அடிப்படை: 10.33 சதவீதம்) 2024 செப்டம்பரை விட 1.2 சதவீதம் குறைந்துள்ளது. அதன் ஒட்டுமொத்த குறியீடு 2025-26 ஏப்ரல் முதல் செப்டம்பர் வரை முந்தைய ஆண்டின் இதே காலகட்டத்தை விட 0.7 சதவீதம் குறைந்துள்ளது.
- கச்சா எண்ணெய் உற்பத்தி (அடிப்படை: 8.98 சதவீதம்) 2024 செப்டம்பரை விட 1.3 சதவீதம் குறைந்துள்ளது. அதன் ஒட்டுமொத்த குறியீடு 2025-26 ஏப்ரல் முதல் செப்டம்பர் வரை முந்தைய ஆண்டின் இதே காலகட்டத்தை விட 1.1 சதவீதம் குறைந்துள்ளது.
- இயற்கை எரிவாயு உற்பத்தி (அடிப்படை: 6.88 சதவீதம்) 2024 செப்டம்பரை விட 3.8 சதவீதம் குறைந்துள்ளது. அதன் ஒட்டுமொத்த குறியீடு 2025-26 ஏப்ரல் முதல் செப்டம்பர் வரை முந்தைய ஆண்டின் இதே காலகட்டத்தை விட 2.9 சதவீதம் குறைந்துள்ளது.
- பெட்ரோலிய சுத்திகரிப்புப் பொருட்கள் உற்பத்தி (அடிப்படை: 28.04 சதவீதம்) 2024 செப்டம்பர் மாதத்தை விட 2025 செப்டம்பர் மாதத்தில் 3.7 சதவீதம் குறைந்துள்ளது. அதன் ஒட்டுமொத்த குறியீடு 2025-26 ஏப்ரல் முதல் செப்டம்பர் வரை முந்தைய ஆண்டின் இதே காலத்தை விட 0.3 சதவீதம் குறைந்துள்ளது.
- உரங்கள் உற்பத்தி (அடிப்படை: 2.63 சதவீதம்) 2024 செப்டம்பர் மாதத்தை விட 1.6 சதவீதம் அதிகரித்துள்ளது. ஏப்ரல் முதல் செப்டம்பர் 2025-26 வரையிலான காலத்தில் அதன் ஒட்டுமொத்த குறியீடு முந்தைய ஆண்டின் இதே காலத்தை விட 0.4 சதவீதம் குறைந்துள்ளது.
- எஃகு உற்பத்தி (அடிப்படை: 17.92 சதவீதம்) 2024 செப்டம்பர் மாதத்தை விட 14.1 சதவீதம் அதிகரித்துள்ளது. ஏப்ரல் முதல் செப்டம்பர் 2025-26 வரையிலான காலத்தில் அதன் ஒட்டுமொத்த குறியீடு முந்தைய ஆண்டின் இதே காலத்தை விட 11.0 சதவீதம் அதிகரித்துள்ளது.
- சிமென்ட் உற்பத்தி (அடிப்படை: 5.37 சதவீதம்) 2024 செப்டம்பர் மாதத்தை விட 5.3 சதவீதம் அதிகரித்துள்ளது. ஏப்ரல் முதல் செப்டம்பர் 2025-26 வரையிலான காலத்தில் அதன் ஒட்டுமொத்த குறியீடு முந்தைய ஆண்டின் இதே காலத்தை விட 7.7 சதவீதம் அதிகரித்துள்ளது.
- மின்சார உற்பத்தி (அடிப்படை: 19.85 சதவீதம்) 2024 செப்டம்பர் மாதத்தை விட 2025 செப்டம்பர் மாதத்தில் 2.1 சதவீதம் அதிகரித்துள்ளது. அதன் ஒட்டுமொத்த குறியீடு 2025-26 ஏப்ரல் முதல் செப்டம்பர் வரை முந்தைய ஆண்டின் இதே காலத்தை விட 0.9 சதவீதம் அதிகரித்துள்ளது.
- நாட்டின் புத்தொழில் மற்றும் புதுமைகண்டுபிடிப்புகள் சூழலை வலுப்படுத்துவதற்காக மத்திய வர்த்தகம் மற்றும் தொழில்துறை அமைச்சகத்தின் தொழில் மற்றும் உள்நாட்டு வர்த்தக மேம்பாட்டுத்துறை, பிரைமஸ் பார்ட்னர்ஸ் தனியார் நிறுவனத்துடன் புரிந்துணர்வு ஒப்பந்தத்தில் கையெழுத்திட்டுள்ளது.
- திறன் மேம்பாடு செயல்பாடுகள், நிபுணர் வழிகாட்டுதல், சந்தை அணுகல் முன்முயற்சிகள், கொள்கை விழிப்புணர்வு நடவடிக்கைகள், தொழில்நுட்ப ஒருங்கிணைப்பு வசதிகள் மூலம் தயாரிப்புகளின் தொடக்க நிலை மற்றும் வளர்ந்து வரும் நிலைகளுக்கான ஆதரவை மேம்படுத்துவதற்கு இக்கூட்டாண்மை வழிவகுக்கிறது.
