26th MAY 2025 TAMIL TNPSC CURRENT AFFAIRS PDF TNPSC SHOUTERS
9000 குதிரைத் திறன் மின்சார ரயில் என்ஜினை பிரதமர் நரேந்திர மோடி நாட்டுக்கு அர்ப்பணித்தார்
- பிரதமர் மோடி குஜராத்துக்கு இரண்டு நாள்கள் அரசுப் பயணமாக வந்துள்ளார். இன்று(மே 26) காலை வதோராவில் சாலைப் பேரணியை நடத்தினார். அப்போது பாஜக தொண்டர்கள், பொதுமக்கள் சாலையின் இரு புறங்களிலும் திரண்டிருந்து பிரதமருக்கு உற்சாக வரவேற்பு அளித்தனர்.
- இதனைத் தொடர்ந்து, குஜராத்தின் தாஹேத்தில் உள்ள இந்திய ரயில்வேயின் மின்சார ரயில் என்ஜின் ஆலையை பிரதமர் மோடி தொடக்கி வைத்து, இந்த ஆலையில் தயாரிக்கப்பட்ட மின்சார ரயில் என்ஜினை பிரதமர் மோடி நாட்டு மக்களுக்கு அர்ப்பணித்தார்.
- இந்த ஆலையில் 9000 குதிரைத்திறன் கொண்ட மின்சார ரயில் என்ஜின்கள் உள்நாட்டு தேவைக்காகவும் ஏற்றுமதிக்காகவும் உற்பத்தி செய்யப்படுகிறது. சரக்கு ரயில் போக்குவரத்துக்கு இந்த என்ஜின்கள் முக்கிய பங்காற்றும்.
- இந்நிகழ்ச்சியில் மத்திய ரயில்வே துறை அமைச்சர் அஸ்வினி வைஷ்ணவ், குஜராத் முதல்வர் பூபேந்திர படேல் ஆகியோர் பங்கேற்றனர்.
- பின்னர், தாஹோத்தில் சுமார் ரூ. 24,000 கோடி மதிப்பிலான பல மேம்பாட்டுத் திட்டங்களுக்கு அவர் அடிக்கல் நாட்டி, நிறைவடைந்த திட்டங்களைத் தொடக்கி வைத்தார்.
- தொடர்ந்து, வேராவல் - அகமதாபாத் இடையே வந்தே பாரத் விரைவு ரயிலையும், வல்சாத் - தாஹோத் நிலையங்களுக்கு இடையே விரைவு ரயிலையும் பிரதமர் தொடக்கி வைத்தார்.
- "நடுத்தர நிறுவனங்களுக்கான கொள்கையை வடிவமைத்தல்" என்ற தலைப்பில் ஒரு அறிக்கையை நித்தி ஆயோக் வெளியிட்டது, இது நடுத்தர நிறுவனங்களை இந்தியாவின் பொருளாதாரத்தின் எதிர்கால வளர்ச்சி இயந்திரங்களாக மாற்றுவதற்கான விரிவான திட்டத்தை வழங்குகிறது.
- நடுத்தர நிறுவனங்கள் வகிக்கும் முக்கியமான, ஆனால் குறைவான செயல்திறன் கொண்ட பங்கை இந்த அறிக்கை எடுத்துக்காட்டுகிறது. இந்த நிறுவனங்களின் முழு திறனையும் வெளிப்படுத்தும் இலக்குகளை எடுத்துக் காட்டுகிறது.
- நித்தி ஆயோக்கின் துணைத் தலைவர் ஸ்ரீ சுமன் பெரி, நித்தி ஆயோக்கின் உறுப்பினர்கள் டாக்டர் வி.கே. சரஸ்வத், டாக்டர் அரவிந்த் விர்மானி ஆகியோர் முன்னிலையில் இந்த அறிக்கையை வெளியிட்டார்.
- இந்தியாவின் மொத்த உள்நாட்டு உற்பத்தியில் தோராயமாக 29% பங்களிப்பும், ஏற்றுமதியில் 40% பங்களிப்பும் 60% க்கும் மேற்பட்ட பணியாளர்களைப் பணியமர்த்தும் சிறு குறு மற்றும் நடுத்தர தொழில்துறையில் உள்ள கட்டமைப்பை அறிக்கை ஆராய்கிறது.
- பதிவுசெய்யப்பட்ட சிறு குறு மற்றும் நடுத்தர தொழில் நிறுவனங்களில் 97% நுண் நிறுவனங்கள், 2.7% சிறிய நிறுவனங்கள், 0.3% மட்டுமே நடுத்தர நிறுவனங்கள் ஆகியவற்றின் முக்கிய பங்கு இருந்தபோதிலும், துறையின் அமைப்பு விகிதாச்சாரமற்ற முறையில் எடைபோடப்படுகிறது:
- இந்த 0.3% நடுத்தர நிறுவனங்கள் சிறுகுறு மற்றும் நடுத்தர தொழில் ஏற்றுமதிகளில் கிட்டத்தட்ட 40% பங்களிக்கின்றன, வளர்ச்சியடைந்த பாரதம் 2047 இன் கீழ் இந்தியாவின் சுயசார்பு மற்றும் உலகளாவிய தொழில்துறை போட்டித்தன்மையை நோக்கிய மாற்றத்தில் நடுத்தர தொழில் நிறுவனங்களை உத்திசார் பங்குதாரர்களாக அறிக்கை அடையாளம் காட்டுகிறது.
