செமிகான் இந்தியா 2024-ஐ பிரதமர் திரு நரேந்திர மோடி தொடங்கி வைத்தார்
- உத்தரப்பிரதேச மாநிலம் கிரேட்டர் நொய்டாவில் உள்ள இந்தியா கண்காட்சி அரங்கில் பிரதமர் திரு நரேந்திர மோடி இன்று செமிகான் இந்தியா 2024-ஐ தொடங்கி வைத்தார். இந்த நிகழ்ச்சியில் காட்சிப்படுத்தப்பட்ட கண்காட்சியை திரு மோடி பார்வையிட்டார்.
- செப்டம்பர் 11 முதல் 13 வரை நடைபெறும் இந்த மூன்று நாள் மாநாடு, இந்தியாவை குறைகடத்திகளுக்கான உலகளாவிய மையமாக மாற்றுவதற்கான இந்தியாவின் குறைக்கடத்தி உத்தி மற்றும் கொள்கையை வெளிப்படுத்தும்.
- 2024 செப்டம்பர் 11 முதல் 13 வரை புது டெல்லியில் உள்ள பாரத் மண்டபத்தில் புதிய மற்றும் புதுப்பிக்கத்தக்க எரிசக்தி அமைச்சகம் மற்றும் இந்திய அரசின் முதன்மை அறிவியல் ஆலோசகர் அலுவலகம் பெட்ரோலியம் மற்றும் இயற்கை எரிவாயு அமைச்சகம், அறிவியல் மற்றும் தொழில்துறை ஆராய்ச்சித் துறை, அறிவியல் மற்றும் தொழில்நுட்பத் துறை ஆகியவற்றுடன் இணைந்து பசுமை ஹைட்ரஜன் பற்றிய சர்வதேச மாநாட்டின் இரண்டாவது பதிப்பை ஏற்பாடு செய்துள்ளது.
- பசுமை ஹைட்ரஜன் குறித்த சர்வதேச மாநாட்டில் பிரதமர் திரு. நரேந்திர மோடி காணொலி மூலம் இன்று உரையாற்றினார். 3-நாள் மெகா நிகழ்வில் முழுமையான அமர்வுகள், நிபுணர் குழு விவாதங்கள், தொழில்நுட்ப ஆலோசனைகள் மற்றும் பரந்த கண்காட்சி, பசுமை ஹைட்ரஜன் சுற்றுச்சூழல் அமைப்பை நிறுவுதல் மற்றும் 2030 க்குள் 5 MMT பசுமை ஹைட்ரஜனை உற்பத்தி செய்வதற்கான இந்திய இலக்கை அடைவதற்கான முறையான அணுகுமுறையை ஊக்குவிப்பதில் கவனம் செலுத்துகிறது.
- ஹைட்ரஜன் உற்பத்தி, சேமிப்பு, விநியோகம் மற்றும் கீழ்நிலை பயன்பாடுகள் குறித்த களம் சார்ந்த ஆராய்ச்சி தொடர்புகளில் இருந்து, பசுமை நிதியளிப்பு, மனித வள மேம்பாடு மற்றும் இந்த பகுதியில் உள்ள தொடக்க முயற்சிகள் குறித்தும் மாநாட்டில் விவாதிக்கப்படும். மூன்று நாள் மெகா நிகழ்வில் தொழில்நுட்பம், வர்த்தகம் மற்றும் கண்காட்சி ஆகியவற்றில் கவனம் செலுத்தப்படும்.
- மத்திய சுகாதாரத்துறை செயலாளர் திரு அபூர்வ சந்திரா முன்னிலையில், தேசிய சுகாதார ஆணையம் மற்றும் கான்பூர் ஐஐடி இடையே புரிந்துணர்வு ஒப்பந்தம் கையெழுத்தானது.
- இந்த புரிந்துணர்வு ஒப்பந்தத்தின் கீழ், பல்வேறு இயந்திர கற்றல் மாதிரி குழாய்களில், ஒரு கூட்டாட்சி கற்றல் தளம், தரத்தை பாதுகாக்கும் தரவுத்தளம், செயற்கை நுண்ணறிவு மாதிரிகளை ஒப்பிட்டு மதிப்பிடுவதற்கான திறந்த தரநிர்ணய தளம் மற்றும் ஆயுஷ்மான் பாரத் டிஜிட்டல் இயக்கத்தின் (ABDM) கீழ், ஆராய்ச்சிக்கான ஒப்புதல் மேலாண்மை அமைப்பு ஆகியவை ஐ.ஐ.டி கான்பூரால் உருவாக்கப்படும்.
- இந்த தளம், பின்னர் தேசிய சுகாதார ஆணையத்தால் இயக்கப்பட்டு நிர்வகிக்கப்படும் இதன் மூலம் சுகாதார விளைவுகளை மேம்படுத்துவதற்கான செயற்கை நுண்ணறிவின் மகத்தான திறனைத் திறக்கும்.
