21st MAY 2024 TAMIL TNPSC CURRENT AFFAIRS PDF TNPSC SHOUTERS
5ஆம் கட்டத் தேர்தலில் 57.65% வாக்குப்பதிவு
- மக்களவைக்கான ஐந்தாம் கட்ட வாக்குப்பதிவு, 8 மாநிலங்கள் மற்றும் யூனியன் பிரதேசத்தில் இன்று நடைபெற்றது. உத்தர பிரதேசத்தில் 14, மகாராஷ்டிரத்தில் 13, மேற்கு வங்கத்தில் 7, பிகாா், ஒடிஸாவில் தலா 5, ஜாா்க்கண்டில் 3, ஜம்மு-காஷ்மீா் மற்றும் லடாக் யூனியன் பிரதேசங்களில் தலா ஒரு தொகுதிக்கு வாக்குப்பதிவு நடைபெற்றது.
- அதன்படி மாலை 5 மணி நிலவரப்படி நாடு முழுவதும் 56.68 சதவிகிதம் வாக்குகள் பதிவாகியுள்ளன. இந்நிலையில், 5ஆம் கட்டத் தேர்தலில் 57.65 சதவிகித (தோராய கணக்கீடு) வாக்குகள் பதிவானதாக தேர்தல் ஆணையம் அறிவித்துள்ளது.
- பிகார் - 53.07%
- ஜம்மு - காஷ்மீர் - 55.49
- ஜார்க்கண்ட் - 63.06%
- லடாக் - 67.15%
- மகாராஷ்டிரம் - 49.33%
- ஒடிஸா - 61.24%
- உத்தரப் பிரதேசம் - 57.79%
- மேற்கு வங்கம் - 73.06%
- 5ஆம் கட்டத் தேர்தலில் அதிகபட்சமாக மேற்குவங்கத்திலும், குறைந்தபட்சமாக மகாராஷ்டிரத்திலும் வாக்குப்பதிவு நடைபெற்றுள்ளது.
- 46-வது அண்டார்டிக் ஒப்பந்த ஆலோசனைக் கூட்டம் மற்றும் சுற்றுச்சூழல் பாதுகாப்புக் குழுவின் 26-வது கூட்டத்தில் அண்டார்டிகாவில் சுற்றுலாவை ஒழுங்குபடுத்துவதில் கவனம் செலுத்துவது தொடர்பான விவாதங்களை நடத்துவதில் இந்தியா முக்கியப் பங்கு வகிக்க உள்ளது.
- புவி அறிவியல் அமைச்சகத்தின் கீழ் உள்ள கோவாவின் துருவ மற்றும் பெருங்கடல் ஆராய்ச்சிக்கான தேசிய மையம், அண்டார்டிக் ஒப்பந்த செயலகம் ஆகியவை இந்தக் கூட்டங்களை கேரளாவின் கொச்சியில் 2024, மே 20 முதல் 30, வரை நடத்த உள்ளது.
- இன்று நடைபெற்ற நிகழ்ச்சியில் மத்திய புவி அறிவியல் துறை அமைச்சர் திரு கிரண் ரிஜிஜு கலந்து கொண்டார். இந்தக் கூட்டத்தில் சுமார் 40 நாடுகளைச் சேர்ந்த 350-க்கும் அதிகமான பிரதிநிதிகள் பங்கேற்றனர்.
- அண்டார்டிக் ஒப்பந்த ஆலோசனைக் கூட்டம், சுற்றுச்சூழல் பாதுகாப்புக் குழு ஆகியவை 1959-ல் 56 நாடுகள் கையெழுத்திட்ட ஒப்பந்தத்தின்படி நடத்தப்படும் உயர்மட்ட உலகளாவிய வருடாந்தர கூட்டங்கள் ஆகும்.
- இந்தக் கூட்டங்களின் போது, அண்டார்டிகா ஒப்பந்தத்தின் உறுப்பு நாடுகள் அண்டார்டிகாவின் அறிவியல், கொள்கை, நிர்வாகம், மேலாண்மை, பாதுகாப்பு தொடர்பான பிரச்சினைகள் குறித்து விவாதிக்கின்றன.
- சுற்றுச்சூழல் பாதுகாப்புக் குழு 1991-ம் ஆண்டில் அண்டார்டிக் ஒப்பந்தத்திற்கான சுற்றுச்சூழல் பாதுகாப்பு நெறிமுறையின் கீழ் நிறுவப்பட்டது. சுற்றுச்சூழல் பாதுகாப்புக் குழு அண்டார்டிகாவில் சுற்றுச்சூழல் பாதுகாப்பு குறித்து அண்டார்டிக் ஒப்பந்தக் கூட்டத்திற்கு ஆலோசனை வழங்குகிறது.
- 1983-ம் ஆண்டு முதல் அண்டார்டிக் ஒப்பந்தத்தில் இந்தியா ஆலோசனை வழங்கும் நாடாக இருந்து வருகிறது. மற்ற 28 ஆலோசனை நாடுகளுடன், அண்டார்டிகாவின் அறிவியல் ஆய்வு மற்றும் சுற்றுச்சூழல் பாதுகாப்பை நிர்வகிப்பதில் இந்தியா முக்கியப் பங்கு வகிக்கிறது.
- நிர்வாகம், அறிவியல் ஆராய்ச்சி, சுற்றுச்சூழல் பாதுகாப்பு, சரக்குப் போக்குவரத்து ஒத்துழைப்பு போன்ற விஷயங்களில் அண்டார்டிகா ஒப்பந்த ஆலோசனைக் கூட்டத்தின் போது எடுக்கப்பட்ட முடிவுகள் மற்றும் தீர்மானங்களை முன்மொழிந்து வாக்களிக்க இந்தியாவுக்கு உரிமை உண்டு.
