17th MAY 2024 TAMIL TNPSC CURRENT AFFAIRS PDF TNPSC SHOUTERS
தமிழ்நாடு தொழில் வளர்ச்சி கழகம் (டிட்கோ) இஸ்ரோவின் இன்ஸ்பேஸ் நிறுவனத்துடன் புரிந்துணர்வு ஒப்பந்தம்
- இந்தியாவில் ஆந்திர மாநிலம் ஸ்ரீஹரிகோட்டாவில் ராக்கெட் ஏவுதளம் உள்ளது. இந்தியாவின் ஒரே ராக்கெட் ஏவுதளம் இதுவாகும். இந்நிலையில் இதைத் தொடர்ந்து தமிழகத்தில் தூத்துக்குடி மாவட்டம் குலசேகரன்பட்டினத்தில் 2-வது ராக்கெட் ஏவுதளம் அமைக்கப்படும் என மத்திய அரசு அறிவித்தது.
- இதற்காக குலசேகரன்பட்டினம் சுற்று வட்டார பகுதியில் கடலோரத்தில் அரைவட்ட வடிவில் 2,376 ஏக்கர் நிலம் கையகப்படுத்தப்பட்டு, ரூ.950 கோடி செலவில் அதற்கான பணிகள் நடைபெற்று வருகிறது. தொடர்ந்து தமிழக அரசு குலசேகரன்பட்டினத்தில் விண்வெளி பூங்கா அமைக்கப்படும் எனத் தெரிவித்தது.
- இந்த நிலையில், தமிழ்நாடு தொழில் வளர்ச்சி கழகம் (டிட்கோ), அமைப்பதற்கு இஸ்ரோவின் இன்ஸ்பேஸ் நிறுவனத்துடன் புரிந்துணர்வு ஒப்பந்தத்தில் கையெழுத்திட்டுள்ளது.
- குலசேகரன்பட்டினத்தில் 1,500 ஏக்கர் பரப்பில் விண்வெளி ஆய்வு மையத்திற்கு அருகில் விண்வெளி தொழிற்சாலை, உந்துசக்தி பூங்கா அமைய உள்ளது. இதற்காக விண்வெளி பூங்கா அமைப்பதற்கான நிலம் கையகப்படுத்தப்பட்டு வருவதாக டிட்கோ தெரிவித்துள்ளது.
- ராக்கெட் உதிரிபாகங்களை தயாரிப்பது, மின்னணு, பொறியியல் கட்டமைப்புகள் மற்றும் ராக்கெட் தொடர்பான பல்வேறு கட்டமைப்புகளை உருவாக்கிட இந்த தொழிற்சாலை மற்றும் மற்றும் உந்துசக்தி பூங்கா பயன்படும் என எதிர்பார்க்கப்படுகிறது.
- சிக்கிமில் மின்சார விநியோகத்தின் தரம் மற்றும் பின்னடைவை நவீனப்படுத்தவும், ஆசிய வளர்ச்சி வங்கி 148.5 மில்லியன் அமெரிக்க டாலர் கடனுக்கு ஒப்புதல் அளித்துள்ளது.
- இந்தத் திட்டம் சிக்கிமின் அனைவருக்கும் மின்சாரம் என்ற முயற்சியை முழுமையாக ஆதரிக்கிறது. அதே வேளையில் வீடுகள், தொழில்கள், வணிகங்கள் மற்றும் பொதுமக்களுக்கு நிலையான மின்சாரத்தை 24 மணி நேரமும் தடையின்றி வழங்க உறுதி செய்கிறது என்று ஆசிய வளர்ச்சி வங்கி தனது அறிக்கையில் தெரிவித்துள்ளது.
- இந்த திட்டத்தில் சிக்கிமின் மின் விநியோக முறையை சுமார் 770 கிலோமீட்டர் வரை நவீனப்படுத்தப்படும். கூடுதலாக, மின் விநியோக நெட்வொர்க் திறனை அதிகரிக்க 580 கிலோமீட்டர் வரையான பழைய மற்றும் குறைந்த திறன் கொண்ட வெற்று கடத்திகளை முற்றிலும் புதியவற்றுடன் மாற்றும் செய்யப்படும் என்று தெரிவிக்கப்பட்டுள்ளது.
- தற்போதுள்ள 26 மின் துணை நிலையங்களை மேம்படுத்தப்படும் வேளையில், அதில் மேற்பார்வைக் கட்டுப்பாடு மற்றும் தரவு கையகப்படுத்தும் அமைப்பை நிறுவுதல், தொலைதூர பகுதிகளில் 15,000 பொது தெரு விளக்குகள் நிறுவுதல் மற்றும் 28 கிராமங்களில் மின்சார பாதுகாப்பு மற்றும் பாதுகாப்பு விழிப்புணர்வு நிகழ்ச்சிகள் நடத்தப்படும்.
- கூடுதலாக 24 ஆரம்ப சுகாதார துணை மையங்களில் சூரிய ஆற்றல் அமைப்புகள் மற்றும் ஆற்றல் திறன் கொண்ட மின் உபகரணங்களை நிறுவி, கிராமப்புற சுகாதார வசதிகளின் திறனை மேம்படுத்தி, குறிப்பாக குளிர்கால மாதங்களில் உள்நோயாளிகளுக்கு இது சிகிச்சையளிக்கும்.
- இந்தத் திட்டமானது, சுயஉதவி குழுக்கள், உற்பத்தியாளர்கள் குழுக்கள் மற்றும் தனிப்பட்ட தொழில்களை உள்ளடக்கிய குறைந்தபட்ச 1,100 பெண்களின் வாழ்வாதாரத்தை மேம்படுத்தும் வகையில் வடிவமைக்கப்பட்ட புதுப்பிக்கத்தக்க எரிசக்தி அமைப்புகளை நிறுவுதல் மற்றும் அவர்களின் தொழில் திறன்களை மேம்படுத்தும் என்று தெரிவிக்கப்பட்டுள்ளது.
- இந்தியா - மங்கோலியா பாதுகாப்பு அமைச்சகங்களுக்கு இடையிலான 12-வது கூட்டுப் பணிக்குழுக் கூட்டம் 2024 மே 16-ம் தேதி தொடங்கியது. இந்தக் கூட்டத்திற்குப் பாதுகாப்பு அமைச்சகத்தின் இணைச் செயலாளர் திரு அமிதாப் பிரசாத், மங்கோலிய பாதுகாப்பு அமைச்சகத்தின் செயலாளர் பிரிகேடியர் ஜெனரல் கன்குயக் தவக்டோர்ஜ் ஆகியோர் கூட்டாகத் தலைமை வகித்தனர். மங்கோலியாவுக்கான இந்திய தூதர் அதுல் மல்ஹாரி கோட்சுர்வே இந்தக் கூட்டத்தில் கலந்து கொண்டார்.
- பல்வேறு இருதரப்புப் பாதுகாப்பு ஒத்துழைப்பு முன்முயற்சிகளின் முன்னேற்றம் குறித்து அவர்கள் ஆய்வு செய்ததுடன், ஒத்துழைப்பை மேலும் மேம்படுத்துவதற்கான வழிமுறைகள் குறித்து விவாதித்தனர்.
- தற்போதைய புவிசார் அரசியல் சூழல்கள் குறித்தும் இரு தரப்பினரும் கருத்துகளைப் பரிமாறிக் கொண்டனர்.
