2nd APRIL 2024 TAMIL TNPSC CURRENT AFFAIRS PDF TNPSC SHOUTERS
கந்திலி அருகே விஜயநகர மன்னா்கள் கால நடுகல் கண்டுபிடிப்பு
- திருப்பத்தூா் மாவட்ட தொன்மை பாதுகாப்பு மைய ஒருங்கிணைப்பாளா் பிரபு தலைமையில் கள ஆய்வு மேற்கொண்டபோது கந்திலி அருகே தொப்பலக்கவுண்டனூா் என்ற இடத்தில் நடுகல் கண்டுபிடிக்கப்பட்டுள்ளது.
- நடுகல்லானது 3 அடி அகலம்,3 அடி உயரமும் கொண்டதாக உள்ளது. புடைப்பு சிற்பங்களாக நடுகல் காட்சி விவரிக்கப்பட்டுள்ளது. நடுகல்லின் இடதுபுறம் குதிரையில் வீரன் ஒருவன் போா் புரியும் நிலையில் காணப்படுகிறாா்.
- அவரது இடது கையால் குதிரையின் பிடிக்கயிற்றை பிடித்துக்கொண்டு வலது கையில் பெரிய வாளினை ஏந்தி எதிரில் உள்ள வில்வீரனை தாக்க முயற்சிக்கிறான்.
- எதிரில் உள்ள வீரன் எய்த அம்பு குதிரை வீரனின் தலையில் பாய்ந்து வெளிவந்த நிலையிலும் அவா் வீரத்தோடு போா் புரிவது இங்கு விவரிக்கப்பட்டுள்ளது.
- குதிரை வீரன் எய்த வேல் எதிா் உள்ள வில் வீரனின் மாா்பை துழைத்து வெளிவந்த நிலையில், அவரும் ஆவேசத்துடன் போா் புரிவதாக காட்சிப்படுத்தியுள்ளனா்.
- வில்வீரன் இடது கையில் வில்லினை ஏந்திய நிலையில் தனது வலது கையில் உள்ள வாளினால் குதிரையின் முகத்தைத் தாக்கியவாறு காணப்படுகின்றாா்.
- தலையில் அம்பு பாய்ந்து மறுபுறம் வெளிவந்த நிலையில் ஒரு குதிரை வீரரும், மாா்பில் வேல் பாய்ந்து மறுபுறம் வந்த நிலையில் ஒரு வில் வீரரும் போரிடும் நிகழ்வை நடுகல் நமக்கு எடுத்துச் சொல்கிறது.
- தமிழா்களின் போா் நிகழ்வு எத்தகைய வீரமிக்கது என்பதற்கு இந்த நடுகல் ஒரு சான்றாகும். இந்த நடுகல் இப்பகுதியில் நடைபெற்ற போரில் உயிா் துறந்த இரண்டு வீரா்களுக்கு எடுக்கப்பட்ட நடுகல்லாகும்.
- இந்த நடுகல் விஜயநகர மன்னா்கள் ஆட்சிக் காலத்தின் தொடக்க காலத்தைச் சோ்ந்ததாக இருப்பதற்கு வாய்ப்பு உள்ளது. அதாவது கி.பி.14-ஆம் நூற்றாண்டைச் சோ்ந்தது.
- பாராதீப் துறைமுக ஆணையம் 2023-24-ம் நிதியாண்டில் சாதனை அளவாக 145.38 மில்லியன் மெட்ரிக் டன் சரக்குகளைக் கையாண்டுள்ளது. இதன் மூலம் சமீபத்திய சாதனை முறியடிக்கப்பட்டுள்ளது.
- இதன் மூலம் கண்ட்லாவில் உள்ள தீன்தயாள் துறைமுகத்தையும் விஞ்சி நாட்டின் மிக உயர்ந்த சரக்கு கையாளும் முக்கிய துறைமுகமாக உருவெடுத்துள்ளது.
- 56 ஆண்டுகால செயல்பாட்டு வரலாற்றில் முதல் முறையாக, தீன்தயாள் துறைமுகத்தின் முந்தைய சாதனைகளை பாராதீப் துறைமுகம் முறியடித்துள்ளது. பாராதீப் துறைமுகம் ஆண்டு அடிப்படையில் 10.02 மில்லியன் மெட்ரிக் டன் (7.4%) சரக்கு கையாளும் வளர்ச்சியையும் பதிவு செய்துள்ளது.
- இந்த நிதியாண்டில், இத்துறைமுகம் முன்னெப்போதும் இல்லாத அளவாக 59.19 மில்லியன் மெட்ரிக் டன் கடலோர கப்பல் போக்குவரத்தை மேற்கொண்டுள்ளது.
- இது முந்தைய ஆண்டைக் காட்டிலும் 0.76 மில்லியன் மெட்ரிக் டன், அதாவது 1.30 சதவீதம் வளர்ச்சியாகும். அனல் நிலையங்களுக்கான நிலக்கரி கடலோர கப்பல் போக்குவரத்து 43.97 மில்லியன் மெட்ரிக் டன்களை எட்டியுள்ளது.
- அதாவது முந்தைய ஆண்டின் சரக்கு கையாளுதலை விட 4.02% அதிகமாகும். இதனால், பாராதீப் துறைமுகம் நாட்டின் கடலோர கப்பல் போக்குவரத்து மையமாக உருவாகி வருகிறது.
- மின்சார அமைச்சகத்தின் கீழ் உள்ள மத்திய மகாரத்னா பொதுத்துறை நிறுவனமும், வங்கி சாராத நிதிக்கழக முன்னணி நிறுவனமுமான ஊரக மின்மய கழகம், 'புதுப்பிக்கத்தக்க எரிசக்தி நிதிப்' பிரிவில் ஸ்கோச் இஎஸ்ஜி விருது 2024-ஐ வென்றுள்ளது.
- இந்த விருது நிலையான நிதியுதவிக்கான ஊரக மின்மய கழகத்தின் அர்ப்பணிப்பை அடிக்கோடிட்டுக் காட்டுகிறது. பசுமையான எதிர்காலத்திற்கு வழி வகுத்தல் மற்றும் புதுப்பிக்கத்தக்க எரிசக்திக்கு மாற்றத்தை துரிதப்படுத்துகிறது.
- ஊரக மின்மய கழகத்தின் செயல் இயக்குநர் திரு டி.எஸ்.சி. போஷ் புது தில்லியில் இந்த விருதினைப் பெற்றுக் கொண்டார்.
