10th MARCH 2024 TAMIL TNPSC CURRENT AFFAIRS PDF TNPSC SHOUTERS
அசாம்கரில் ரூ.34,000 கோடிக்கும் அதிகமான மதிப்பிலான பல்வேறு வளர்ச்சித் திட்டங்களை பிரதமர் மோடி தொடங்கி வைத்தார்
- பிரதமர் திரு. நரேந்திர மோடி இன்று உத்தரப்பிரதேச மாநிலம் ஆசம்கரில் ரூ.34,000 கோடிக்கும் அதிகமான மதிப்பிலான பல்வேறு வளர்ச்சித் திட்டங்களை தொடங்கி வைத்து, நாட்டுக்கு அர்ப்பணித்து, அடிக்கல் நாட்டினார்.
- சிவில் விமானப் போக்குவரத்துத் துறைக்கு பெரும் ஊக்கமளிக்கும் வகையில், நாடு முழுவதும் ரூ .9800 கோடிக்கும் அதிகமான மதிப்பிலான 15 விமான நிலையத் திட்டங்களை தொடங்கி வைத்த பிரதமர், அடிக்கல் நாட்டினார்.
- புனே, கோலாப்பூர், குவாலியர், ஜபல்பூர், தில்லி, லக்னோ, அலிகார், அசாம்கர், சித்ரகூட், மொராதாபாத், ஷ்ராவஸ்தி மற்றும் ஆதம்பூர் விமான நிலையங்களில் 12 புதிய முனைய கட்டிடங்களை அவர் திறந்து வைக்கிறார்.
- கடப்பா, ஹுப்பள்ளி மற்றும் பெலகாவி விமான நிலையங்களின் மூன்று புதிய முனைய கட்டிடங்களுக்கு பிரதமர் அடிக்கல் நாட்டினார்.
- லக்னோ மற்றும் ராஞ்சியில் கலங்கரை விளக்கத் திட்டத்தை பிரதமர் தொடங்கி வைத்தார். இதன் கீழ் நவீன உள்கட்டமைப்புடன் கூடிய 2,000-க்கும் மேற்பட்ட மலிவு விலை அடுக்குமாடி குடியிருப்புகள் கட்டப்பட்டுள்ளன.
- உத்தரப்பிரதேசத்தில் சுமார் ரூ.11,500 கோடி மதிப்பிலான பல்வேறு சாலை திட்டங்களுக்கு அடிக்கல் நாட்டினார்.
- பிரதமரின் கிராமச் சாலைகள் திட்டத்தின் கீழ் ரூ.3,700 கோடிக்கும் அதிகமான மதிப்பிலான 744 ஊரக சாலைத் திட்டங்களை பிரதமர் நாட்டுக்கு அர்ப்பணித்தார். இந்தத் திட்டங்களின் விளைவாக உத்தரப்பிரதேசத்தில் சுமார் 59 மாவட்டங்களுக்கு மொத்தமாக 5,400 கிலோ மீட்டர் ஊரகச் சாலைகள் அமைக்கப்படும்.
- இஸ்லாமாபாத்தில் உள்ள அதிபர் மாளிகையில் நடைபெற்ற பதவியேற்பு நிகழ்ச்சியில் ஆசிஃப் அலி ஜா்தாரிக்கு தலைமை நீதிபதி குவாசி ஃபேஸ் இசா பதவிப்பிரமாணம் செய்து வைத்தார். இந்நிகழ்ச்சியில் பிரதமர் ஷாபாஸ் ஷெரீஃப், முப்படைத் தலைவர்கள், மூத்த அதிகாரிகள் உள்ளிட்டோர் கலந்து கொண்டனர்.
- பாகிஸ்தானின் அடுத்த அதிபராக, மறைந்த முன்னாள் பிரதமா் பேநசீா் புட்டோவின் கணவரும், முன்னாள் வெளியுறவுத் துறை அமைச்சா் பிலாவல் புட்டோ ஜா்தாரியின் தந்தையுமான ஆசிஃப் அலி ஜா்தாரி சனிக்கிழமை அதிகாரபூா்வமாகத் தோ்ந்தெடுக்கப்பட்டாா்.
- அந்த நாட்டு நாடாளுமன்றத்துக்கு கடந்த மாதம் 8-ஆம் தேதி நடைபெற்ற தோ்தலுக்குப் பிறகு முன்னாள் பிரதமா் நவாஸ் ஷெரீஃபின் பாகிஸ்தான் முஸ்லிம் லீக் - நவாஸ் (பிஎம்எல்-என்) கட்சி ஆட்சியமைக்க பிலாவல் புட்டோ ஜா்தாரியின் பாகிஸ்தான் மக்கள் கட்சி (பிபிபி) ஆதரவு அளித்தது.
