15th NOVEMBER 2023 TAMIL TNPSC CURRENT AFFAIRS PDF TNPSC SHOUTERS
இந்தோ-பசிபிக் பொருளாதாரக் கட்டமைப்பின் 3 வது அமைச்சர்கள் நிலையிலான கூட்டம்
- மத்திய வர்த்தகம், தொழில்துறை, நுகர்வோர் விவகாரங்கள், உணவு, பொது விநியோகம் மற்றும் ஜவுளித் துறை அமைச்சர் திரு பியூஷ் கோயல், 2023 நவம்பர் 14 அன்று மூன்றாவது இந்தோ பசிபிக் பொருளாதாரக் கட்டமைப்பின் அமைச்சர்கள் நிலையிலான கூட்டத்தில் பங்கேற்றார்.
- பின்னர் மேற்கு அமெரிக்காவில் உள்ள இந்திய தொழில் முனைவோருடன் அவர் கலந்துரையாடினார். சான்பிரான்சிஸ்கோவில் உள்ள இந்திய துணைத் தூதரகம், ஐஐடி முன்னாள் மாணவர்கள் சங்கம், டிஐஇ குளோபல் ஆகியவற்றுடன் இணைந்து இந்தக் கலந்துரையாடலை ஏற்பாடு செய்திருந்தது.
- இந்தியா-அமெரிக்க வர்த்தக உரையாடல் கட்டமைப்பின் கீழ் "புதுமைக் கண்டுபிடிப்பு ஒத்துழைப்பின் மூலம் கண்டுபிடிப்பு சூழல் அமைப்புகளை மேம்படுத்துதல்" தொடர்பான புரிந்துணர்வு ஒப்பந்தம் 2023 நவம்பர் 14 அன்று சான் பிரான்சிஸ்கோவில் இரு நாடுகளுக்கும் இடையில் கையெழுத்தானது.
- ஜூன் 2023 -ல் பிரதமரின் அமெரிக்க பயணத்தின்போது இரு நாட்டுத் தலைவர்களின் கூட்டு அறிக்கையில் "புதுமைக் கண்டுபிடிப்பு ஒத்துழைப்பு" தொடர்பான கட்டமைப்பு நிறுவப்படுவது குறித்து அறிவிக்கப்பட்டது.
- சான்பிரான்சிஸ்கோவில் நடைபெற்ற "புதுமைக் கண்டுபிடிப்பு ஒத்துழைப்பு வகைப்படுத்துதல் அமெரிக்கா - இந்தியா தொழில்முனைவோர் கூட்டு செயல்பாடு" என்ற தலைப்பிலான தொழில் வட்டமேஜை மாநாட்டில் இந்தப் புரிந்துணர்வு ஒப்பந்தம் கையெழுத்தானது.
- அமெரிக்க-இந்திய வர்த்தக கவுன்சில் (யுஎஸ்ஐபிசி) மற்றும் இந்திய தொழில் கூட்டமைப்பு (சிஐஐ) ஆகியவை இணைந்து இந்த நிகழ்ச்சியை நடத்தின.
- இதில் மென்பொருள் மற்றும் சேவை நிறுவனங்களின் தேசிய சங்கமான நாஸ்காம் மற்றும் ஸ்டார்ட்அப் இந்தியா ஆதரவுடன், முக்கிய தகவல் தொழில்நுட்ப நிறுவனங்களின் தலைமைச் செயல் அதிகாரிகள், முக்கிய மூலதன நிறுவனங்களின் நிர்வாகிகள் உள்ளிட்டோர் பங்கேற்று அமெரிக்க-இந்தியா தொழில்நுட்ப ஒத்துழைப்பை எவ்வாறு மேம்படுத்துவது என்பது குறித்து விவாதித்தனர்.
- இந்தப் புரிந்துணர்வு ஒப்பந்தம், தொழில்நுட்பத் துறைகளில் புத்தொழில் சூழல் அமைப்பை வலுப்படுத்தவும், முக்கியமான மற்றும் வளர்ந்து வரும் தொழில்நுட்பங்களில் ஒத்துழைப்பை மேம்படுத்தவு, கூட்டு உறுதிப்பாட்டை வலுப்படுத்தும். இது பொருளாதார நடவடிக்கைகளை மேம்படுத்துவதுடன், முதலீட்டை ஈர்த்து வேலைவாய்ப்புகளை அதிகரிக்கும்.
- வர்த்தக பேச்சுவார்த்தை என்பது, வணிகப் பிரிவினருக்கு இடையிலான உறவுகளை ஆழப்படுத்துவதற்கான வழக்கமான கலந்துரையாடலை எளிதாக்குவதற்காகவும், வர்த்தகத்தை எளிதாக்குவதற்கும், முதலீட்டு வாய்ப்புகளை அதிகரிப்பதற்குமான அமைச்சகங்கள் நிலையிலான ஒரு கட்டமைப்பாகும்.
- 5-வது இந்தியா-அமெரிக்கா வர்த்தகப் பேச்சுவார்த்தை, 2023 மார்ச் 8 முதல் 10 வரை அமெரிக்க வர்த்தக அமைச்சர் ஜினா ரைமண்டோவின் இந்தியப் பயணத்தின் போது நடைபெற்றது.
- அந்தக் கூட்டத்தில், விநியோகச் சங்கிலி, பருவநிலை மற்றும் பசுமைத் தொழில்நுட்ப ஒத்துழைப்பு, டிஜிட்டல் பொருளாதாரத்தை மேம்படுத்துதல் உள்ளிட்டவை தொடர்பாக விவாதிக்கப்பட்டது.
