16th OCTOBER 2023 TAMIL TNPSC CURRENT AFFAIRS PDF TNPSC SHOUTERS
சென்னை உயர் நீதிமன்ற கூடுதல் நீதிபதிகளாக என்.செந்தில்குமார், ஜி.அருள் முருகன் பொறுப்பேற்பு
- சென்னை உயர் நீதிமன்றத்தின் புதிய கூடுதல் நீதிபதிகளாக, நீதிபதிகள் என்.செந்தில்குமார் மற்றும் ஜி.அருள் முருகன் ஆகியோர் இன்று பதவியேற்றுக் கொண்டனர். இருவருக்கும் தலைமை நீதிபதி கங்கபூர்வாலா, பதவிப்பிரமானம் செய்துவைத்தார்.
- இரண்டு புதிய நீதிபதிகளுடன் சேர்த்து சென்னை உயர்நீதிமன்ற நீதிபதிகளின் எண்ணிக்கை 65 ஆக உயர்ந்து. காலியிடங்களின் எண்ணிக்கை 10-ஆக குறைந்துள்ளது.
- 2070 ஆம் ஆண்டுக்குள் நிகர பூஜ்ஜிய உமிழ்வு இலக்கை அடைவதற்கான இந்தியாவின் உறுதிப்பாட்டின் பின்னணியில், நிலைத்தன்மையின் உணர்வைத் தூண்டும் நோக்கத்துடன், TiE Delhi-NCR, நிலைத்தன்மை உச்சி மாநாட்டை (சஸ்டெய்னபிலிடி சம்மிட்) நடத்தியது.இந்த மாநாட்டில் ஸ்டார்ட்அப் நிறுவனர்கள், முதலீட்டாளர்கள், கொள்கை வகுப்பாளர்கள் மற்றும் தொடர்புடைய பங்குதாரர்களை ஒன்றிணைத்து, நிலையான எதிர்காலத்தை உருவாக்குவதற்கான கண்டுபிடிப்புகள் மற்றும் தீர்வுகள் குறித்த விவாதங்கள் நடந்தன.
- இந்த உச்சிமாநாடு TiE Delhi-NCR இன் உறுதிப்பாட்டின் ஒரு பகுதியாகும். இது நிலைத்தன்மைத் துறையில் ஒரு பாதிப்பை ஏற்படுத்தும் ஸ்டார்ட்அப்களில் கவனம் செலுத்துகிறது.
- உணவு மற்றும் நீர் கண்டுபிடிப்பு, நிலையான உற்பத்தி மற்றும் சூழல்கள், இயக்க தீர்வுகள் மற்றும் பலவற்றை உள்ளடக்கிய நிலைத்தன்மையின் பல்வேறு அம்சங்களில் ஆழமான விவாதங்கள் நடந்தன.
- வணிக வெற்றி மற்றும் சுற்றுச்சூழல் பொறுப்பை ஒன்றாகக் கொண்டுவருவது, உற்சாகமான சாத்தியக்கூறுகள் மற்றும் வணிக வாய்ப்புகளுக்கான கதவுகளைத் திறப்பது ஆகியவை இந்த உச்சிமாநாட்டின் இலக்காகும்.
- அகில இந்திய மொத்தவிலைக் குறியீட்டெண்ணை அடிப்படையாகக் கொண்ட வருடாந்திர பணவீக்க விகிதம் 2023 செப்டம்பர் மாதத்தில் (-)0.26% (தற்காலிகம்) ஆக இருந்தது.
- ஆகஸ்டு- 2023-ல் இது (-) 0.52% ஆக இருந்தது. 2023 செப்டம்பரில் பண வீக்கம் குறைந்ததற்கு முக்கிய காரணம் ரசாயனம் மற்றும் ரசாயனப் பொருட்கள், கனிம எண்ணெய்கள், ஜவுளி, அடிப்படை உலோகங்கள் மற்றும் உணவுப் பொருட்களின் விலை முந்தைய ஆண்டின் இதே மாதத்துடன் ஒப்பிடும்போது குறைந்துள்ளன.
- கச்சா பெட்ரோலியம் மற்றும் இயற்கை எரிவாயு (10.31%) மற்றும் உணவு அல்லாத பொருட்களின் விலை (0.86%) ஆகஸ்ட் 2023- உடன் ஒப்பிடும்போது 2023 செப்டம்பரில் அதிகரித்தன. கனிமங்கள் (-4.92%) மற்றும் உணவுப் பொருட்களின் விலை (-6.46%) ஆகஸ்ட் 2023-உடன் ஒப்பிடும்போது 2023 செப்டம்பரில் குறைந்துள்ளன.
- கனிம எண்ணெய்கள் (3.67%), மின்சாரம் (0.51%) ஆகியவற்றின் விலை ஆகஸ்ட் 2023 உடன் ஒப்பிடும்போது 2023 செப்டம்பரில் அதிகரித்தன. ஆகஸ்ட் 2023 உடன் ஒப்பிடும்போது 2023 செப்டம்பரில் நிலக்கரி விலை (-0.65%) குறைந்துள்ளது.
- மாதந்தோறும் விலை உயர்வுக்கு அடிப்படை உலோகங்கள் முக்கிய காரணமாகின்றன. பிற போக்குவரத்து உபகரணங்கள், உலோகப் பொருட்கள், இயந்திரங்கள் மற்றும் உபகரணங்கள், ரப்பர் மற்றும் பிளாஸ்டிக் பொருட்கள் போன்றவற்றின் விலை அதிகரித்தது.
- உணவுப் பொருட்கள், மோட்டார் வாகனங்கள், டிரெய்லர்கள் மற்றும் செமி டிரெய்லர்கள், மின் உபகரணங்கள், தோல் மற்றும் தொடர்புடைய தயாரிப்புகள், ரசாயனம் மற்றும் ரசாயனப் பொருட்கள் போன்றவை ஆகஸ்ட், 2023 உடன் ஒப்பிடும்போது 2023 செப்டம்பரில் விலை குறைந்தது.
- டபிள்யூபிஐ உணவு குறியீட்டை அடிப்படையாகக் கொண்ட வருடாந்திர பணவீக்க விகிதம் ஆகஸ்ட், 2023-ல் 5.62 சதவீதத்திலிருந்து 2023 செப்டம்பரில் 1.54 சதவீதமாக குறைந்தது.
- இந்தியக் கடற்படைக் கப்பல் பியாஸின் இடைக்கால மேம்பாடு மற்றும் மறுசக்தி ஆக்கத்திற்காக கொச்சி கப்பல் கட்டும் நிறுவனத்துடன் பாதுகாப்பு அமைச்சகம் ரூ.313.42 கோடி செலவுபிடிக்கும் ஒப்பந்தத்தில் 2023, அக்டோபர் 16 அன்று கையெழுத்திட்டது.
- ஐ.என்.எஸ் பியாஸ், பிரம்மபுத்திரா வகை போர்க்கப்பலில் நீராவியிலிருந்து டீசல் உந்துவிசையால் இயக்கப்படும் முதல் போர்க்கப்பல் ஆகும். 2026ஆம் ஆண்டில் இடைக்கால மேம்படுத்தல் மற்றும் மறு-சக்தி பணிகள் நிறைவடைந்ததும் ஐ.என்.எஸ் பியாஸ் நவீன ஆயுதத் தொகுப்பு மற்றும் மேம்படுத்தப்பட்ட போர்த் திறனுடன் இந்தியக் கடற்படையில் இணையும்.
- இந்தியக் கடற்படையின் பராமரிப்பு முறையில் மாற்றக்கூடிய முதலாவது மறுசக்தி ஆக்கத் திட்டம் சிறப்பான முன்னேற்றத்தைக் குறிக்கிறது. இந்தத் திட்டத்தில் 50-க்கும் மேற்பட்ட குறு, சிறு மற்றும் நடுத்தர நிறுவனங்கள் ஈடுபடுத்தப்படும்; 3500க்கும் மேற்பட்ட பணியாளர்களுக்கு வேலைவாய்ப்பை உருவாக்க வழிவகுக்கும்.
- இந்தத் திட்டம் மத்திய அரசின் மேக் இன் இந்தியா திட்டத்தின் முன்முயற்சியில் தற்சார்பு இந்தியாவின் பெருமைமிகு அம்சமாக இருக்கும்.
