29th JUNE 2023 TAMIL TNPSC CURRENT AFFAIRS PDF TNPSC SHOUTERS
இலங்கைக்கு ரூ.5 ஆயிரம் கோடி நிதி உலக வங்கி ஒப்புதல்
- அண்டை நாடான இலங்கை கடந்தாண்டு கடும் பொருளாதார நெருக்கடியில் சிக்கி தவித்தது. இதையடுத்து அதிபர் கோத்தபய ராஜபக்சே பதவி விலகக் கோரி நாடு முழுவதும் போராட்டம் தீவிரமடைந்தது. இதையடுத்து பதவி விலகிய கோத்தபய ராஜபக்சே நாட்டை விட்டு தப்பி சென்றார்.
- கடும் நெருக்கடியில் சிக்கிய இலங்கைக்கு இந்தியா கடன் உதவி அளித்துள்ளது. இந்நிலையில், இலங்கையின் ஏழைகள் மற்றும் நலிந்த பிரிவினருக்கு உதவுவதற்காக சுமார் ரூ.5742 கோடி நிதி உதவி அளிப்பதற்கு உலக வங்கி ஒப்புதல் அளித்துள்ளது.
- இதில் ரூ.4100 கோடி பட்ஜெட் உதவிக்காகவும் ரூ.1642 கோடி சமூக பாதுகாப்பு திட்டங்களுக்காகவும் ஒதுக்கப்படும் என உலக வங்கி வெளியிட்டுள்ள அறிக்கையில் தெரிவித்துள்ளது.
- தமிழக டிஜிபியாக பொறுப்பு வகிக்கும் சைலேந்திரபாபு நாளையுடன் பணி ஓய்வு பெற இருக்கும் நிலையில் தற்பொழுது சென்னை காவல் ஆணையராக இருந்த சங்கர் ஜிவால் தமிழக டிஜிபியாக நியமிக்கப்பட்டுள்ளார்.
- 1990-பேட்ச் ஐபிஎஸ் அதிகாரியான திரு. ஜிவால் 30 ஆண்டுகளுக்கும் மேலாக பல்வேறு காவல் பிரிவுகளில் வெவ்வேறு பதவிகளில் பணியாற்றியுள்ளார்.
- அவர் வகித்து வந்த சென்னை காவல் ஆணையர் பொறுப்பு காலியானதை அடுத்து அந்த பதவிக்கு 109 வது ஆணையராக சந்தீப் ராய் ரத்தோர் நியமனம் செய்யப்பட்டுள்ளார்.
- தமிழ்நாடு அரசின் தலைமைச் செயலாளராக 2021ம் ஆண்டு, மே மாதம் முதல் பதவியில் இருந்து வந்த வெ.இறையன்பு, 60 வயது நிறைவடைந்து விட்டதைத் தொடர்ந்து, நாளையுடன் ஓய்வு பெற இருக்கிறார்.
- நகராட்சி துறை கூடுதல் செயலாளராக பொறுப்பில் இருந்த சிவதாஸ் மீனா தமிழகத்தின் 49வது புதிய தலைமை செயலாளராக நியமிக்கப்பட்டுள்ளார்.
- தமிழ்நாட்டின் புதிய தலைமைச் செயலாளராக சிவ்தாஸ் மீனா ஜூலை 1ம் தேதி முதல் பொறுப்பேற்க இருக்கிறார்.
- இந்தியா- தான்ஸானியா கூட்டுப் பாதுகாப்பு ஒத்துழைப்புக் குழுவின் 2-வது கூட்டம், அருஷாவில் 2023 ஜூன் 28 மற்றும் 29ம் தேதிகளில் நடைபெற்றது.
- இக்கூட்டத்தில் இந்தியப் பாதுகாப்புத்துறை இணைச்செயலாளர் திரு. அமிதாப் பிரசாத் தலைமையிலான இந்தியக் குழு கலந்துகொண்டது.
- இந்தியக் குழுவில், பாதுகாப்பு அமைச்சகம் மற்றும் ஆயுதப்படையைச் சேர்ந்த உயர் அதிகாரிகள் இடம்பெற்றிருந்தனர்.
- தான்ஸானியாவிற்கான இந்தியத் தூதர் திரு. பினை எஸ். பிரதானும் இந்தக் கூட்டத்தில் கலந்துகொண்டார்.
- இந்தியப் பெருங்கடல் பகுதியில், பாதுகாப்பை வலுப்படுத்துவதில் இருதரப்பு ஒத்துழைப்பை மேம்படுத்துவது குறித்து இதில் ஆலோசிக்கப்பட்டது.
- இந்தியப் பாதுகாப்புத் துறையின் ராணுவ உபகரண உற்பத்தி முதல் ஏற்றுமதி வரையிலான பல்வேறு அம்சக்ஙள் குறித்து இந்தியக் குழுவினர் எடுத்துரைத்தனர். பாதுகாப்புத் துறையில் ஒத்துழைப்புக்கான 5 ஆண்டு கால செயல்திட்டத்திற்கு இரு தரப்பிலும் ஒப்புதல் அளிக்கப்பட்டது.
- இந்த செயல்திட்டத்தில், இருதரப்பு ராணுவப் பயிற்சி, கடல்சார் பாதுகாப்பை பலப்படுத்துதல், உள்கட்டமைப்பு, பாதுகாப்பு உபகரணங்கள், தொழில்நுட்பம் ஆகியவற்றில் ஒத்துழைப்பை மேம்படுத்துதல் உள்ளிட்டவை இடம்பெற்றுள்ளன.
- இந்தக் கூட்டத்தின் ஒருபகுதியாக, இந்தியப் பாதுகாப்பு பொதுத்துறை நிறுவன பிரதிநிதிகள், தான்ஸானியா தரப்பினருடன் சிறப்பு ஆலோசனை மேற்கொண்டனர்.
- இந்தக் கூட்டுப் பாதுகாப்பு ஒத்துழைப்புக் குழுக் கூட்டத்தில் இந்தியக் குழு பங்கேற்றது, இந்தியா-தான்ஸானியா இடையேயான பாதுகாப்பு நல்லுறவை மேலும் வலுப்படுத்தும் என எதிர்பார்க்கப்படுகிறது.
