14th JUNE 2023 TAMIL TNPSC CURRENT AFFAIRS PDF TNPSC SHOUTERS
தமிழ்நாடு அரசின் டெல்லி சிறப்பு பிரதிநிதியாக ஏ.கே.எஸ்.விஜயன் மீண்டும் நியமனம்
- தமிழ்நாட்டின் முதலமைச்சராக மு.க.ஸ்டாலின் கடந்த 2021 மே மாதம் பதவியேற்ற நிலையில், திமுக முன்னாள் எம்பி ஏ.கே.எஸ்.விஜயன் தமிழ்நாடு அரசின் டெல்லி சிறப்பு பிரதிநிதியாக கடந்த 2021 ஜூன் 14ம் தேதி நியமிக்கப்பட்டார்.
- ஏ.கே.எஸ்.விஜயனின் பதவிக்காலம் ஓராண்டாக இருந்தது. இதையடுத்து, கடந்த ஆண்டு ஜூன் மாதம் மீண்டும் ஏ.கே.எஸ்.விஜயன், தமிழ்நாடு அரசின் டெல்லி சிறப்பு பிரதிநிதியாக நியமிக்கப்பட்டார்.
- இந்நிலையில், தமிழக அரசின் டெல்லி சிறப்பு பிரதிநிதியாக ஏ.கே.எஸ்.விஜயனை மீண்டும் நியமனம் செய்து தமிழக அரசு நேற்று உத்தரவிட்டுள்ளது.
- இதற்கான உத்தரவை தலைமை செயலாளர் இறையன்பு பிறப்பித்துள்ளார். அவர், மூன்றாவது முறையாக மீண்டும் தமிழ்நாடு அரசின் டெல்லி சிறப்பு பிரதிநிதியாக நியமிக்கப்பட்டுள்ளார்.
- 'மத்திய புலனாய்வு குழு (சிபிஐ) விசாரணை நடத்துவதாக இருந்தால் அதற்கு அந்தந்த மாநில அரசுகளின் முன் அனுமதி பெற வேண்டும் என 1946 டெல்லி சிறப்பு காவல் அமைப்பு சட்டம் பிரிவு 6-ல் குறிப்பிடப்பட்டு உள்ளது.
- கடந்த 1989 மற்றும் 1992ஆம் ஆண்டில் இந்தச் சட்டப்பிரிவின் கீழ் சில வகை வழக்குகளுக்கு என வழங்கப்பட்டு இருந்த பொதுவான அனுமதியை தமிழக அரசு திரும்ப பெற ஆணையிடப்பட்டு உள்ளது.
- இனி புலனாய்வு அமைப்பு தமிழ்நாட்டில் விசாரணை மேற்கொள்வதற்கு முன்பாக தமிழ்நாடு அரசின் முன் அனுமதியை பெற வேண்டும்' எனத் தெரிவிக்கப்பட்டு உள்ளது.
- இது போன்ற ஆணையை ஏற்கனவே மேற்கு வங்கம், ராஜஸ்தான், கேரளா, மிசோரம், பஞ்சாப், தெலங்கானா உள்ளிட்ட மாநிலங்கள் பிறப்பித்துள்ளன.
- அகில இந்திய மொத்த விலை குறியீட்டு எண்ணின் அடிப்படையிலான வருடாந்திர பணவீக்கம், முந்தைய ஆண்டுடன் ஒப்பிடுகையில், 2023 மே மாதத்தில் -3.48% (தற்காலிகமானது) ஆக வீழ்ச்சியடைந்துள்ளது. 2023 ஏப்ரல் மாதத்தில் இது -0.92% ஆக இருந்தது.
- கனிம எண்ணெய்கள், அடிப்படை உலோகங்கள், உணவு உற்பத்திப் பொருட்கள், ஜவுளி, உணவு அல்லாத பொருட்கள், கச்சா பெட்ரோலியம் மற்றும் இயற்கை வாயு, ரசாயனப் பொருட்கள் ஆகியவற்றின் விலைகளில் ஏற்பட்ட வீழ்ச்சி பணவீக்க விகிதம் சரிந்ததற்கு காரணமாகும்.
- இந்தப் பணவீக்க விகிதம் தொடர்ந்து இறங்கு முகத்தில் இருந்து வருவது குறிப்பிடத்தக்கது. 2023 ஏப்ரல் மாதத்தை விட, மே மாதத்தில் மொத்த விலை குறியீடு -0.86% ஆக குறைந்தது.
- ‘ஜி20 டிஜிட்டல் பொருளாதாரப் பணிக்குழுவின்’ மூன்றாவது கூட்டம் 2023 ஜூன் 14 அன்று புனேவில் நிறைவடைந்தது. உலகளாவிய பொதுவான டிஜிட்டல் கட்டமைப்பு உச்சிமாநாடு, உலகளாவிய பொதுவான டிஜிட்டல் கட்டமைப்புக் கண்காட்சி ஆகியவை இந்த 3 நாள் கூட்டத்தில் முக்கிய அம்சங்களாக இருந்தன. ஜி-20 நாடுகளின் பிரதிநிதிகள், விருந்தினர் நாடுகள் மற்றும் சர்வதேச அமைப்புகளின் பிரதிநிதிகள் சந்திப்பு நடைபெற்றது.
- ஜூன் 12, 13 தேதிகளில் நடைபெற்ற உலகளாவிய பொதுவான டிஜிட்டல் கட்டமைப்பு உச்சிமாநாட்டில் 250-க்கும் அதிகமான பிரதிநிதிகள் நேரடியாக கலந்து கொண்டனர். இவர்களில் 50 நாடுகளைச் சேர்ந்த 150 பிரதிநிதிகளும் அடங்குவர்.
- 200-க்கும் அதிகமானோர் காணொலிக் காட்சி மூலம் கலந்துகொண்டனர். இந்தப் பணிக் குழுக் கூட்டத்தின் போது வெற்றிகரமான டிஜிட்டல் தேர்வுகள் அமலாக்கத்தைப் பகிர்ந்து கொள்வது தொடர்பாக அமெரிக்கா, சியரா லியோன், சுரிநாம், ஆன்ட்டிகுவா, பர்புடா ஆகிய நாடுகளுடன் இந்தியா புரிந்துணர்வு ஒப்பந்தத்தில் கையெழுத்திட்டது.
- இந்த பொதுவான டிஜிட்டல் கட்டமைப்பு உச்சிமாநாட்டில் உலகளாவிய 60 நிபுணர்கள் பங்கேற்று 10 முக்கியமான அமர்வுகளில் கருத்துப் பரிமாற்றம் செய்தனர். இந்த அமர்வுகளில் பதிவு செய்யப்பட்டவற்றை https://www.indiastack.global/global-dpi-summit/ என்ற இணையதளத்தில் காணலாம்.
- ஜூன் 12 முதல் 14 வரை உலகளாவிய பொதுவான டிஜிட்டல் கட்டமைப்புக் கண்காட்சி நடைபெற்றது. டிஜிட்டல் அடையாளம், விரைவு பணப்பரிவர்த்தனை, டிஜிலாக்கர், மண்வள அட்டை, தேசிய இ-வேளாண் சந்தை, டிஜிட்டல் முறையில் மொழிமாற்றம் போன்ற 14 அனுபவத் தளங்களில் டிஜிட்டல் கட்டமைப்பின் வெற்றிகரமான அமலாக்கம் இந்தக் கண்காட்சியில் இடம் பெற்றிருந்தன. புனே நகரைச் சேர்ந்த தொழில்முறையாளர்கள், இளைஞர்கள், மூத்த குடிமக்கள், உள்பட ஏராளமானோர் இந்தக் கண்காட்சியைப் பார்வையிட்டனர்.
- டிஜிட்டல் பொருளாதாரப் பணிக்குழுவின் நான்காவது கூட்டம் மற்றும் டிஜிட்டல் பொருளாதார அமைச்சர்களின் கூட்டத்தை 2023 ஆகஸ்ட் மாதத்தில் பெங்களூருவில் நடத்த திட்டமிடப்பட்டுள்ளது.
