UGC NET RESULT 2023: வெளியானது UGC - NET தேர்வு முடிவுகள் | செக் செய்வது எப்படி?

• UGC NET RESULT 2023: 2022 வருட டிசம்பர் மாதத்துக்கான உதவிப் பேராசிரியர் மற்றும் இளநிலை ஆராய்ச்சி (UGC- NET Exam For Assistant Professor' as well as 'Junior Research Fellowship and Assistant Professor) தேர்வு முடிவுகளை தேசிய தேர்வு முகமை வெளியிட்டுள்ளது.
• .ugcnet.nta.nic.in மற்றும் www.nta.ac.in ஆகிய இணையதளங்களில் தேர்வு முடிவுகளை பதிவிறக்கம் செய்து கொள்ளலாம்.
• நெட் தேர்வு இரண்டு தாள்களைக் கொண்டது. தாள் 1-ல் 50 கேள்விகள் கேட்கப்படும். இது, விண்ணப்பதாரரின் ஆராய்ச்சி மனப்பான்மையை சோதிக்கும் வகையில் இருக்கும். இரண்டாவது தாளில் 100 கேள்விகள் கேட்கப்படும். இதில், விண்ணப்பதாரர் தேர்ந்தெடுத்த பாடப்பிரிவுகளில் இருந்து கேள்விகள் கேட்கப்பட்டது.
• உதவிப் பேராசிரியர் பணிக்கு, குறைந்தபட்ச மதிப்பெண்களைப் பெற்ற தேர்வாளர்களில், இரண்டு தாள்களின் மொத்த மதிப்பெண்களைப் பயன்படுத்தி ஒரு தகுதி பட்டியல் பாடவாரியாகவும் இனவகை வாரியாகவும் தயாரிக்கப்படும் என்று தெரிவிக்கப்பட்டுள்ளது
• இந்தியாவில் உள்ள கல்லூரி மற்றும் பல்கலைக்கழகங்களில் உதவிப் பேராசிரியர் பணிக்கான தகுதியையும், இளையர் இளநிலை ஆராய்ச்சியாளர் உதவித்தொகை (Junior Research Fellowship- JRF) பெறவும் நெட் தேர்வு எனப்படும் தேசியத் தகுதித் தேர்வு நடத்தப்படுகிறது. இதில் தேர்ச்சி பெற்றால் மட்டுமே உதவிப் பேராசிரியர் ஆக முடியும். இதற்கு வயது வரம்பு எதுவுமில்லை. எனினும் 30 வயது வரை மட்டுமே ஜேஆர்எஃப் உதவித்தொகைக்கு விண்ணப்பிக்க முடியும். 
• நெட் தேர்வு என்.டி.ஏ. எனப்படும் தேசியத் தேர்வுகள் முகமையால் (NTA) நடத்தப்படுகிறது. மொத்தம் 83 பாடங்களுக்கு நடைபெறும் இத்தேர்வு, ஆண்டுதோறும் 2 முறை நடத்தப்படுகிறது. வழக்கமாக ஜூன் மற்றும் டிசம்பர் மாதங்களில் இந்தத் தேர்வு நடத்தப்படும்.

கொரோனா தொற்றால் தள்ளிப்போன சுழற்சி

• UGC NET RESULT 2023: கொரோனா தொற்று காரணமாக தள்ளிப்போன 2021 டிசம்பர், 2022 ஜூன் மாதங்களுக்கான தேசியத் தகுதித் தேர்வு (நெட் தேர்வு) ஒரேகட்டமாக (December 2021 and June 2022 (Merged Cycles)) நடத்தப்பட்டது. 
• 2021 டிசம்பர் தேர்வுகள் ஜூலை மாதம் நடைபெற்றன. இதற்கிடையே 2022 ஜூன் தேர்வுகள் அக்டோபர் மாதத்தி நடத்தப்பட்டன. இந்தத் தேர்வு முடிவுகள் கடந்த நவம்பர் மாதம் வெளியாகின. 
• இந்த நிலையில் கொரோனா தொற்றால் தள்ளிப்போன ஜூன், டிசம்பர் மாத சுழற்சியைச் சரிசெய்வதற்காக, 2022 டிசம்பர் மாத அமர்வுக்கான தேர்வு பிப்ரவரி - மார்ச் மாதங்களில் நடைபெற்றது. 
• குறிப்பாக பிப்ரவரி 21 முதல் மார்ச் 16ஆம் தேதி வரை 5 கட்டங்களாக நாடு முழுவதும் தேர்வு நடைபெற்றது. 83 பாடங்களுடன், இந்திய அறிவுசார் அமைப்பு (Indian Knowledge Systems) என்னும் பாடம் புதிதாக இருந்த முறை சேர்க்கப்ப்பட்டது. 
• 32 ஷிஃப்டுகளில் நடத்தப்பட்ட தேர்வை 8,34,537 தேர்வர்கள் எழுதினர். நாடு முழுவதும் 186 நகரங்களில் 663 தேர்வு மையங்களில் யுஜிசி நெட் தேர்வு நடத்தப்பட்டது. 
• இதையடுத்து யு.ஜி.சி. நெட் தேர்வின் தற்காலிக விடைக் குறிப்பு, ஆட்சேபனை, இறுதி விடைக் குறிப்பு ஆகியவற்றை மார்ச் மாதத்தில் யுஜிசி வெளியிட்டது.
• இந்த நிலையில், யுஜிசி நெட் தேர்வின் (University Grants commission- National Eligibility Test -(ugc net)) 2022 டிசம்பர் மாத அமர்வுக்கான தேர்வு முடிவுகள் தற்போது வெளியாக உள்ளன. 

பார்ப்பது எப்படி?

• UGC NET RESULT 2023: தேர்வர்கள் https://ugcnet.nta.nic.in/ என்ற இணைய தளத்துக்குச் செல்ல வேண்டும்.
• அதில் UGC NET December 2022 தேர்வு முடிவுகள் என்னும் பக்கத்தை க்ளிக் செய்ய வேண்டும்.
• அதில், தங்களின் விண்ணப்ப எண் மற்றும் பிறந்த தேதி ஆகியவற்றைப் பதிவிட்டு, நெட் தேர்வு முடிவுகளைக் காணலாம். 
• கூடுதல் விவரங்களுக்கு: www.nta.ac.in, ugcnet@nta.ac.inஎன்ற இணையதள முகவரியைத் தொடர்பு கொள்ளலாம்.
• அதேபோல தேர்வர்கள் 011 40759000 என்ற எண்ணைத் தொடர்பு கொண்டும் தங்களின் சந்தேகங்களைத் தீர்த்துக் கொள்ளலாம். 
• தேர்வர்கள் தொடர்புகொள்ள வேண்டிய இ-மெயில் முகவரி: ugcnet@nta.ac.in