16th April 2023 TAMIL TNPSC CURRENT AFFAIRS PDF TNPSC SHOUTERS
மெனார்கா செஸ் தொடர் - 2வது முறையாக சாம்பியன் பட்டம் வென்ற தமிழக வீரர்
- ஸ்பெயினில் நடைபெற்ற மெனார்கா ஓபன் செஸ் சாம்பியன்ஷிப் தொடரில், தொடர்ந்து இரண்டாவது முறையாக சாம்பியன் பட்டம் வென்று, 3000 யூரோக்களை பரிசாக வென்றுள்ளார் தமிழ்நாட்டின் இளம் கிராண்ட் மாஸ்டரான குகேஷ்.
- 9 சுற்றுகள் நடைபெற்ற இந்த செஸ் தொடரில், 8 பேர் பங்கெடுத்தனர். 9 சுற்றுகளில் அனைவருமே 7 புள்ளிகள் பெற்று சமன் செய்திருந்தனர்.
- இருப்பினும் குகேஷ் மற்றும் மற்றொரு இந்திய வீரர் பிரணவ் இடையே டை பிரேக்கர் புள்ளிகள் அடிப்படையில் வெற்றியாளருக்கான பிளிட்ஸ் போட்டி நடைபெற்றது.
- பிளிட்ஸ் டை பிரேக்கரில் பிரணவை 1.5-0.5 என்ற புள்ளிகளில் வீழ்த்தி முதலிடம் பிடித்து, குகேஷ் சாம்பியன் பட்டம் வென்றார். வெற்றி பெற்ற குகேஷுக்கு 3000 யூரோ பரிசாக வழங்கப்பட்டது.
- இந்த சாம்பியன் பட்டத்தை வென்றதன் மூலம், தொடர்ந்து இரண்டாவது முறையாக சாம்பியன் பட்டம் வென்ற இளம் இந்தியர் என்ற பெருமையும் குகேஷ் பெற்றுள்ளார்.
- மத்திய உள்துறை மற்றும் கூட்டுறவுத்துறை அமைச்சர் திரு அமித் ஷா, 2022 ஆம் ஆண்டிற்கான "மகாராஷ்டிர பூஷன்" விருதை டாக்டர் அப்பாசாகேப் தர்மாதிகாரிக்கு மகாராஷ்டிர மாநிலம் ராய்கரில் இன்று வழங்கினார்.
- இந்நிகழ்ச்சியில், மகாராஷ்டிர முதலமைச்சர் ஏக்நாத் ஷிண்டே, துணை முதலமைச்சர் தேவேந்திர ஃபட்னவிஸ் மற்றும் முக்கிய பிரமுகர்கள் பலர் கலந்து கொண்டனர்.
