Type Here to Get Search Results !

TNPSC 4th MARCH 2022 CURRENT AFFAIRS TNPSC SHOUTERS TAMIL PDF

 

கர்நாடகா நீர்ப்பாசன திட்டங்களுக்கு ரூ. 8,774 கோடி ஒதுக்கீடு

  • மாநிலத்தில் நீர்ப்பாசன பகுதிகளை அதிகரிக்க, 2021 - 22ல், 8,774 கோடி ரூபாய் நீர்ப்பாசன திட்டங்களுக்கு, ஒப்புதல் அளிக்கப்பட்டுள்ளது. விரைந்து திட்டங்கள் முடிவடையும். தண்ணீர் இருப்புக்கு தகுந்தபடி, திட்டங்கள் வகுக்கப்படும்.
  • காளி ஆற்றின் தண்ணீரை பயன்படுத்தி, வட மாவட்டங்களுக்கு குடிநீர் வழங்க, திட்டம் வகுக்கப்பட்டுள்ளது 
  • மேற்கு நோக்கி பாயும் ஆறுகளுக்கு குறுக்கே, கின்டி அணை கட்டி கடலில் சேரும் தண்ணீரை தடுத்து, விவசாயத்துக்கும், குடிநீருக்கும் பயன்படுத்ததும் நோக்கில், 'பக்ஷிம வாகினி' திட்டத்தின் முதற்கட்ட பணிகள், 500 கோடி ரூபாயில் துவங்கும் 
  • மாநில கடலோர பகுதிகளில், ஆறுகளில் வெள்ளப்பெருக்கு ஏற்படும் போதும், கடலில் எழும் அலைகளால் உப்பு நீர் நுழைவதை தடுக்கவும், 1,500 கோடி ரூபாய் செலவிலான திட்டத்துக்கு, அனுமதி அளிக்கப்பட்டது. 
  • தற்போது உத்தரகன்னடாவில் பணிகள் துவங்குகிறது. தட்சிண கன்னடா, உடுப்பி மாவட்டங்களிலும் இத்திட்டம் செயல்படுத்தப்படும்
  • மாநிலத்தின் ஏரிகளை அபிவிருத்தி செய்ய, 500 கோடி ரூபாய் செலவில், விரிவான திட்டம் வகுக்கப்படும். வெள்ளப்பெருக்கால் சேதமடைந்த ஏரிகளை சீரமைத்து, தண்ணீர் சேகரிப்பு திறனை அதிகரிக்க, 200 கோடி ரூபாய் ஒதுக்கப்பட்டுள்ளது.

மத்திய படைகளுக்கு ரூ.1,523 கோடி ஒதுக்கீடு

  • சி.ஏ.பி.எப்., எனப்படும், மத்திய ஆயுத காவல் படையில், எல்லைப் பாதுகாப்புப் படை, மத்திய ரிசர்வ் போலீஸ் படை, மத்திய தொழில் பாதுகாப்புப் படை, இந்தோ - திபெத்திய எல்லை காவல்படை, தேசிய பாதுகாப்புப் படை உள்ளிட்ட பல பிரிவுகள் உள்ளன.
  • இந்தப் படையின் வீரர்கள் தான் ஜம்மு - காஷ்மீரில் பயங்கரவாதிகளுக்கு எதிரான நடவடிக்கைகளிலும், பாகிஸ்தான், வங்கதேசம், சீனா, மியான்மர், நேபாளம், பூட்டான் ஆகிய நம் அண்டை நாடுகளின் எல்லைப் பகுதிகளில், பாதுகாப்பு பணிகளிலும் ஈடுபட்டுள்ளனர். 
  • இந்நிலையில், அடுத்த ஐந்து ஆண்டுகளுக்கு, சி.ஏ.பி.எப்., படைகளின் தகவல் தொழில்நுட்ப உள்கட்டமைப்பை மேம்படுத்தவும், படைப் பிரிவுகளுக்கு தேவையான ஆயுதங்களை கொள்முதல் செய்யவும், 1,523 கோடி ரூபாயை, மத்திய அரசு நேற்று ஒதுக்கியது.

நாட்டின் பொருளாதார வளர்ச்சி 'குளோபல் டேட்டா' கணிப்பு

  • இந்தியாவின் நடப்பு ஆண்டுக்கான பொருளாதார வளர்ச்சி 7.8 சதவீதமாக இருக்கும் என, லண்டனை சேர்ந்த ஆலோசனை நிறுவனமான 'குளோபல் டேட்டா' தெரிவித்துள்ளது.
  • உக்ரைன் தாக்குதல் காரணமாக, வளர்ச்சி குறித்த இதற்கு முந்தைய கணிப்பை விட, தற்போது குறைத்து அறிவித்துள்ளது.
  • நாட்டின் இறக்குமதியை பொறுத்தவரை, உக்ரைன் மற்றும் ரஷ்யாவின் பங்கு, மொத்த இறக்குமதியில் 2.2 சதவீதமாகும். இது, கடந்த 2020ம் ஆண்டு நிலையாகும்.
  • உக்ரைன் போர் காரணமாக, நாட்டின் பணவீக்க விகிதம், நடப்பு ஆண்டில் 5.5 சதவீதமாக இருக்கும் என்று இந்நிறுவனம் தெரிவித்துள்ளது. இது, கடந்த 2021ல் 5.1 சதவீதமாக இருந்தது குறிப்பிடத்தக்கது.

Human Space Flight Centre-க்கு புதிய இயக்குநராக உமாமகேஸ்வரன்

  • HSFC-ன் தற்போதைய முந்தைய இயக்குநராக இருந்த உன்னிகிருஷ்ணன் நாயர், விக்ரம் சாராபாய் ஸ்பேஸ் சென்டரின் இயக்குநராக நியமிக்கப்பட்டுள்ளார். 
  • தற்போது HSFC-யின் இயக்குநராக நியமிக்கப்பட்டிருக்கும் உமாமகேஸ்வரன், 1987-ல் விக்ரம் சாராபாய் ஸ்பேஸ் சென்டரில் பணியில் இணைந்தார். 
  • இஸ்ரோவின் செயற்கைக்கோள் ஏவுதல் வாகனங்களான PSLV, GSLV மற்றும் GSLV-Mk III ஆகியவற்றின் உருவாக்கத்தில் இவருடைய பங்கும் இருந்திருக்கிறது.

டெஸ்ட் கிரிக்கெட்டில் புதிய சாதனையை நிகழ்த்திய விராட் கோலி

  • டெஸ்ட் கிரிக்கெட்டில் 8,000 ரன்களைக் கடந்த 6-வது இந்திய வீரர் என்கிற பெருமையை விராட் கோலி அடைந்துள்ளார். இந்நிலையில் இன்று 38 ரன்களை எடுத்தபோது டெஸ்ட் கிரிக்கெட்டில் 8,000 ரன்களைப் பூர்த்தி செய்தார் விராட் கோலி. 
  • இந்த இலக்கை எட்டிய 6-வது இந்திய வீரர் என்கிற பெருமையைப் பெற்றார்.
  • குறைந்த இன்னிங்ஸில் 8000 டெஸ்ட் ரன்கள் எடுத்த இந்திய வீரர்கள்
  • 154 - சச்சின் டெண்டுல்கர்
  • 158 - ராகுல் டிராவிட்
  • 160 - சேவாக்
  • 166 - கவாஸ்கர்
  • 169 - கோலி
‘நீடித்த வளர்ச்சிக்கான எரிசக்தி’ என்பது குறித்த இணையவழிக் கருத்தரங்கில் பிரதமர் திரு நரேந்திர மோடி உரையாற்றினார் 
  • பிரதமர் உரையாற்றும் பட்ஜெட்டுக்கு பிந்தைய தொடர் இணைய வழிக் கருத்தரங்கில் இது ஒன்பதாவது ஆகும். நீடித்த வளர்ச்சிக்கான எரிசக்தி இந்திய பாரம்பரியத்தை எதிரொலிப்பதுடன், வருங்காலத் தேவைகள் மற்றும் விருப்பங்களை எட்டுவதற்கு ஒரு வழியாகவும் உள்ளது என பிரதமர் கூறினார்.  
  • நீடித்த எரிசக்தி வளங்கள் மூலம் மட்டுமே நீடித்த வளர்ச்சியை அடைய முடியும் என அவர் தெரிவித்தார்.  2070 ஆம் ஆண்டுக்குள் ஜீரோ உமிழ்வை அடைய கிளாஸ்கோ மாநாட்டில் உறுதி  பூண்டதை பிரதமர் குறிப்பிட்டார்.  
  • சுற்றுச்சூழல் ரீதியில் நீடித்த வாழ்க்கை முறை என்ற தமது தொலைநோக்கையும் அவர் குறிப்பிட்டார்.  சர்வதேச சூரியசக்தி கூட்டணி போன்ற உலக ஒத்துழைப்புகளில் இந்தியா தலைமை நிலையை வழங்கி வருகிறது.  
  • 2030 ஆம் ஆண்டுக்குள் புதை படிமம் அற்ற எரிசக்தி மூலம் 50 சதவீத எரிசக்தி நிறுவுத் திறனை அடையவும், 500 ஜிகாவாட் படிமம் அற்ற எரிசக்தித் திறனை எட்டவும் இலக்கு நிர்ணயிக்கப்பட்டு இருப்பதை அவர் குறிப்பிட்டார்.
புவி கண்காணிப்பு செயற்கைகோளில் (இஓஎஸ் 04) பயன்படுத்தப்பட்ட மோனோலித்திக் மைக்ரோவேவ் ஒருங்கிணைந்த சுற்றுகளை (MMICs) உருவாக்கியுள்ளது டிஆர்டிஓ
  • மோனோலித்திக் மைக்ரோவேவ் ஒருங்கிணைந்த சுற்றுகளை (MMICs), ராணுவ ஆராய்ச்சி மேம்பாட்டு மையம் (டிஆர்டிஓ) உருவாக்கியுள்ளது.  
  • இது இஸ்ரோ கடந்த பிப்ரவரி 14ம் தேதி விண்ணில் ஏவிய புவி கண்காணிப்பு செயற்கை கோள் இஓஎஸ் 04-ல் உள்ள ரேடாரில் பயன்படுத்தப்பட்டவை என்பது குறிப்பிடத்தக்கது.  
  • பல மோனோலித்திக் மைக்ரோவேவ் ஒருங்கிணைந்த சுற்றுகள் (MMIC), டிஆர்டிஓ-வின் திடநிலை இயற்பியல் ஆய்வகத்திலும், கலிலியம் ஆர்சனேட் தொழில்நுட்ப மையத்திலும் (கேடெக்) வடிவமைத்து தயாரிக்கப்பட்டுள்ளன.
  • இந்த எம்எம்ஐசி சுற்றுகளை பயன்படுத்திதான், செயற்கைகோளில் உள்ள படம்பிடிக்கும் ரேடாரில் பயன்படுத்தப்படும் டிஆர்-தொகுதிகள் உருவாக்கப்படுகின்றன. 
  • பல்வேறு விண்வெளி திட்டங்களுக்காக கேடெக் மையத்தில் 30,000க்கும் மேற்பட்ட டிஆர்- தொகுதிகள் உருவாக்கப்பட்டுள்ளன. 
  • மத்திய அரசின் இரண்டு முன்னணி தொழில்நுட்ப துறைகள், பல்வேறு தொழில்துறை நிறுவனங்களுடன் இணைந்து மேற்கொண்ட கூட்டு சாதனைக்கு இது உதாரணமாக உள்ளது. 
  • உள்நாட்டில் உருவாக்கப்பட்ட எம்எம்ஐசிக்கள், தற்சார்பு இந்தியா நடவடிக்கையில் முக்கியமான முன்னேற்றமாக கருதப்படுகிறது.
ராஜஸ்தான் உயர்நீதிமன்றத் தலைமை நீதிபதி நியமனம்
  • ராஜஸ்தான் உயர்நீதிமன்றத் தலைமை நீதிபதியாக திரு மணீந்திர மோகன் ஸ்ரீவஸ்தவா  நியமிக்கப்பட்டுள்ளார். இந்திய அரசியல் சட்டத்தின் 223-வது பிரிவு அளித்துள்ள அதிகாரத்தின்படி குடியரசுத் தலைவர் இந்த நியமன அறிவிப்பை 04.03.2022-ல் வெளியிட்டுள்ளார். இந்த அறிவிப்பு 07.03.2022-ல் இருந்து அமலுக்கு வரும்.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies

close

Join TNPSC SHOUTERS Telegram Channel

Join TNPSC SHOUTERS

Join Telegram Channel