Type Here to Get Search Results !

TNPSC 6th AUGUST 2021 CURRENT AFFAIRS TNPSC SHOUTERS TAMIL PDF

 

வங்கி வட்டி விகிதத்தில் மாற்றம் இல்லை; நடப்பு ஆண்டில் ஜிடிபி வளர்ச்சி 9.5% - ரிசர்வ் வங்கி கவர்னர் சக்திகாந்த தாஸ் கணிப்பு

  • நடப்பு நிதி ஆண்டில் நாட்டின் ஒட்டுமொத்த உள்நாட்டு உற்பத்தி (ஜிடிபி) 9.5 சதவீதம் இருக்கும் என்று ரிசர்வ் வங்கி கணித்துள்ளது. வங்கியின் வட்டி விகிதம் 4 சதவீதமாகவும், ரெபோ விகிதம் 3.35 சதவீதமாகவும் எவ்வித மாற்றமும் இன்றி தொடரும் என்று ஆர்பிஐ கவர்னர் சக்திகாந்த தாஸ் அறிவித்துள்ளார்.
  • நுகர்வோர் பொருள் அடிப்படையிலான பண வீக்கம் கடந்த நிதிஆண்டில் (2020-21) 5.7 சதவீதமாக இருந்தது. இது வரும் நிதி ஆண்டின் (2022-23) முதல் காலாண்டில் 5.1 சதவீதமாகக் குறையும் என எதிர்பார்ப்பதாகவும், அவ்விதம் கட்டுகள் வைப்பதற்கான நடவடிக்கைகளை ஆர்பிஐ தொடர்ந்து மேற்கொள்ளும் என்றும் அவர் குறிப்பிட்டார்.
  • ஜூன் மாதத்துடன் முடிந்த மாதத்தில் நுகர்வோர் பொருள் அடிப்படையிலான பணவீக்கம் 6.3 சதவீதமாக உள்ளது. உணவுப் பொருள்களின் விலை கணிசமாக உயர்ந்ததும் இதற்கு முக்கியக் காரணமாகும். 

கீழடி 7ம் கட்ட அகழாய்வில் சுடுமண் உறைகிணறு இரும்பு வாள் கண்டெடுப்பு

  • சிவகங்கை மாவட்டம், திருப்புவனம் அருகே கீழடி, கொந்தகை, மணலூர், அகரம் உள்ளிட்ட இடங்களில் 7ம் கட்ட அகழாய்வு நடந்து வருகிறது. கொந்தகையில் 4 குழிகள் தோண்டப்பட்டு 25 முதுமக்கள் தாழிகள் கண்டறியப்பட்டுள்ளன. 
  • அதில், ஒரே குழியில் ஒரு 30 செமீ உயரமுள்ள 3 முதுமக்கள் தாழிகள் கண்டறியப்பட்டுள்ளன. கடந்த 2 நாட்களுக்கு முன் 46 செ.மீ. நீளமுள்ள இரும்பு வாள் கண்டறியப்பட்டுள்ளது. அகரத்தில் நேற்று உறை கிணறு கண்டறியப்பட்டுள்ளது.

விளையாட்டுத் துறைக்கான ராஜீவ்காந்தி கேல் ரத்னா விருதின் பெயர் மாற்றம் - பிரதமர் அறிவிப்பு

  • இந்தியாவில் விளையாட்டுத்துறையில் சாதனை புரியும் வீரர்களுக்கு முன்னாள் பிரதமர் ராஜிவ் காந்தி நினைவாக ராஜிவ் கேல் ரத்னா என்ற பெயரில் 1991ஆம் ஆண்டு முதல் விருது வழங்கப்பட்டு வருகிறது.
  • இந்நிலையில் சிறந்த வீரர், வீராங்கனைகளுக்கான விருது இனி மேஜர் தயான்சந்த் கேல் ரத்னா என்ற பெயரில் வழங்கப்படும் என பிரதமர் மோடி தெரிவித்துள்ளார். 
  • உத்தரப்பிரதேச மாநிலத்தை சேர்ந்த தயான்சந்த் உலகின் மிகச்சிறந்த ஹாக்கி வீரர்களில் ஒருவராக கருதப்படுகிறார். ஹாக்கி மட்டையையும் பந்தையும் கொண்டு களத்தில் மாயாஜாலம் செய்வதில் தன்னிகரற்றவராக புகழப்படுபவர் தயான்சந்த். 
  • 1928, 1932, 1936 என 3 ஒலிம்பிக்குகளில் தயான்சந்த் பங்கேற்ற இந்திய ஹாக்கி அணி தங்கப்பதக்கம் வென்றது. தயான்சந்தை கவுரவப்படுத்தும் வகையில் அவரது பிறந்த நாளான ஆகஸ்ட் 29 தேசிய விளையாட்டு நாளாக அனுசரிக்கப்படுகிறது.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies

close

Join TNPSC SHOUTERS Telegram Channel

Join TNPSC SHOUTERS

Join Telegram Channel