உலகின் மதிப்புமிக்க டாப் 100 இன்ஷூரன்ஸ் நிறுவனங்களின் பட்டியல் / List of Top 100 Most Valuable Insurance Companies in the World
TNPSCSHOUTERSMay 01, 2021
0
லண்டனை தலைமையிடமாகக் கொண்ட 'பிராண்டு ஃபைனான்ஸ்' என்கிற கன்சல்டன்சி நிறுவனம், 2021-ம் ஆண்டுக்கான உலகின் மதிப்புமிக்க டாப் 100 இன்ஷூரன்ஸ் நிறுவனங்களின் பட்டியலை வெளியிட்டிருக்கிறது.
இந்த பட்டியலில் இந்தியாவைச் சேர்ந்த எல்.ஐ.சி நிறுவனம் 8,655 மில்லியன் டாலர் மதிப்புடன் 10-வது இடத்தைப் பிடித்திருக்கிறது.
அதே போல ஜெர்மனி நாட்டிலிருந்து ஒரு நிறுவனமும், பிரான்ஸ் நாட்டிலிருந்து ஒரு நிறுவனமும் இடம்பிடித்திருக்கிறது. சீனாவைச் சேர்ந்த 5 இன்ஷூரன்ஸ் நிறுவனங்கள் இந்தப் பட்டியலில் இடம்பிடித்திருக்கின்றன. அமெரிக்காவைச் சேர்ந்த 2 நிறுவனங்கள் இந்தப் பட்டியலில் இடம்பிடித்திருக்கின்றன.
சீனாவைச் சேர்ந்த `Ping An' என்கிற இன்ஷூரன்ஸ் நிறுவனம் 44,789 மில்லியன் டாலர் மதிப்புடன் முதல் இடத்தை பிடித்திருக்கிறது.
இதன் மதிப்பு 26% சரிந்திருக்கிறது. சீனாவின் `சீனா லைஃப் இன்ஷூரன்ஸ் நிறுவனம் 22,578 மில்லியன் டாலர் மதிப்புடன் இரண்டாவது இடத்தைப் பிடித்திருக்கிறது. இதன் மதிப்பு 4.3% சரிந்திருக்கிறது.
மூன்றாவது இடத்தில் 20,204 மில்லியன் டாலர் மதிப்புடன் ஜெர்மனியைச் சேர்ந்த அலையன்ஸ் இன்ஷூரன்ஸ் நிறுவனம் இருக்கிறது. 4-வது மற்றும் 5-வது இடங்களில் முறையே ஏ.எக்ஸ்.ஏ (பிரான்ஸ்) மற்றும் சீனா பசுஃபிக் இன்ஷூரன்ஸ் கம்பெனி ஆகிய நிறுவனங்கள் இடம்பிடித்திருக்கின்றன. இவற்றின் மதிப்பு முறையே 17,377 மில்லியன் டாலர் மற்றும் 15,385 மில்லியன் டாலர் ஆகும்.
இந்த நிறுவனங்களைத் தொடர்ந்து சீனாவின் ஏ.ஐ.ஏ, அமெரிக்காவின் ஜி.இ.ஐ.சி, அமெரிக்காவின் புராக்ரசிவ் கார்ப்பரேஷன், சீனாவின் பீப்பிள்ஸ் இன்ஷூரன்ஸ் கம்பெனி ஆஃப் சீனா ஆகிய நிறுவனங்கள் 6, 7, 8 மற்றும் 9-வது இடத்தைப் பிடித்திருக்கின்றன. இதன் மதிப்புகள் முறையே 14,130 மில்லியன் டாலர், 11,118 மில்லியன் டாலர், 8,966 மில்லியன் டாலர், 8,803 மில்லியன் டாலர் ஆகும்.
