சிறந்த செய்தி தொலைக்காட்சிக்கான விருதை பெற்றது Zee Hindustan
- உலகின் முதல் நெறியாளர் அற்ற மற்றும் பன்மொழி செய்தி சேனலான Zee Hindustan-க்கு சிறந்த செய்தி தொலைக்காட்சி என்ற பட்டத்தை இந்திய செய்தித்தாள் சங்கமான NAI வழங்கியுள்ளது.
- இந்தி, தமிழ் மற்றும் தெலுங்கில் ஒளிபரப்பாகும் Zee Hindustan என்ற செய்தி தொலைக்காட்சி இன்று தேசத்தின் குரலாக மாறியுள்ளது.
- இந்த சிறப்பு விருதை நாட்டின் தலைநகரான டெல்லியில் டிசம்பர் 15 ஆம் தேதி நடைபெற்ற சிறப்பு கௌரவ விழாவில் ஜீ இந்துஸ்தான் செய்திப்பிரிவுத் தலைவர் ரமேஷ் சந்திரா பெற்றுக்கொண்டார்.
- Zee Hindustan-ன் புரொடியூசர் மாதுரி கலால், நாட்டின் பல்வேறு மாநிலங்களில் இருந்து மக்களின் குரலையும் அவர்களது தேர்தல் சிந்தனையையும் நாட்டு மக்கள் முன் கொண்டு வந்ததற்காக, இந்த நிகழ்வில் சிறந்த ஆங்க்கர்- புரொடியூசர் விருது வழங்கப்பட்டது.
வங்காளதேச சர்வதேச பேட்மிண்டன் - லக்ஷயா சாம்பியன்
- வங்காளதேச சர்வதேச பேட்மிண்டன் போட்டி டாக்காவில் நடந்தது. இதில் நேற்று நடந்த ஒற்றையர் இறுதி போட்டியில் இந்திய வீரர் லக்ஷயா சென் 22-20, 21-18 என்ற நேர் செட் கணக்கில் லியோங் ஜன் ஹாவை (மலேசியா) தோற்கடித்து சாம்பியன் பட்டத்தை தட்டிச் சென்றார். கடைசியாக விளையாடிய 7 தொடர்களில் லக்ஷயா சென் வென்ற 5-வது பட்டம் இதுவாகும்.
உலக பேட்மிண்டனில் பட்டம் வென்ற ஜப்பான் வீரர் கென்டோ மோமோட்டா புதிய சாதனை
- உலக டூர் இறுதி சுற்று பேட்மிண்டன் சாம்பியன்ஷிப் போட்டி சீனாவின் குவாங்ஜோவ் நகரில் நடந்து வந்தது. இதில் ஆண்கள் பிரிவில் 'நம்பர் ஒன்' வீரரும், உலக சாம்பியனுமான கென்டோ மோமோட்டா (ஜப்பான்) 17-21, 21-17, 21-14 என்ற செட் கணக்கில் அந்தோணி சினிசுகாவை (இந்தோனேஷியா) போராடி வீழ்த்தி பட்டத்தை வசப்படுத்தினார்.
- இந்த ஆட்டம் 1 மணி 27 நிமிடங்கள் நடந்தது. 25 வயதான மோமோட்டா இந்த ஆண்டில் கைப்பற்றிய 11-வது பட்டம் இதுவாகும். இதன் மூலம் ஒரு சீசனில் அதிக பட்டங்கள் வென்றவரான மலேசியாவின் லீ சோங் வெய்யின் (2010-ம் ஆண்டில் 10 பட்டம்) சாதனையை முறியடித்தார்.
- மகளிா் ஒற்றையா் பிரிவில் சீனாவின் சென் யு ஃபெய் 12-21, 21-12, 21-17 என்ற கேம் கணக்கில் சீன தைபேயின் டை ஸூ இங்கை வீழ்த்தி சாம்பியன் பட்டம் வென்றாா். இந்த சீசனில் 7-ஆவது பட்டத்தை வெல்லும் சென், உலகின் முதல்நிலை வீராங்கனை அந்தஸ்தையும் பெற்றாா்.