- இதுகுறித்து, அவர் திங்கள்கிழமை வெளியிட்ட அறிவிப்பு:
- குரூப் 2 முதல்நிலைத் தேர்வு கடந்த மாதம் 11-ஆம் தேதியன்று நடைபெற்றது. இந்தத் தேர்வினை 4 லட்சத்து 62 ஆயிரத்து 697 பேர் எழுதினர்.
- தேர்வாணையத்தால் நடத்தப்படும் தேர்வுகள் அனைத்துக்கும் முடிவுகளை விரைந்து வெளியிட தேர்வாணையம் முடிவு செய்துள்ளது. அதன்படி, தற்போது குரூப் 2-க்கான முதனிலைத் தேர்வின் முடிவினை 36 நாட்களில் வெளியிட்டுள்ளது.
- ஏற்கெனவே அறிவிக்கப்பட்ட 2 மாத கால அவகாசத்துக்கும் கூடுதலான கால அவகாசத்துடன் அதாவது 69 நாட்கள் இடைவெளியில் முதன்மைத் தேர்வு நடத்தப்பட உள்ளன. இந்தத் தேர்வு அடுத்த ஆண்டு பிப்ரவரி 23-இல் நடத்தப்படுகிறது.
- பதிவேற்றம் செய்ய வேண்டும்: முதன்மைத் தேர்வுக்கு தெரிவு செய்யப்பட்ட 15 ஆயிரத்து 194 விண்ணப்பதாரர்கள், தங்களது சான்றிதழ்களைத் தேர்வாணைய இணையதளத்தில் (www.tnpscexams.net) அரசு கேபிள் தொலைக்காட்சி நிறுவனம் நடத்தும் அரசு இணைய சேவை மையங்கள் மூலமாக வரும் 24 முதல் ஜனவரி 10-ஆம் தேதி வரை பதிவேற்றம் செய்ய வேண்டும்.
- மேலும், தேர்வுக்கட்டணம் செலுத்த வேண்டிய விண்ணப்பதாரர்கள் முதன்மை எழுத்துத் தேர்வுக்கான கட்டணத்தையும் ஜனவரி 10-ஆம் தேதிக்குள்ளாக தேர்வாணைய இணையதளம் வழியே மட்டும் செலுத்த வேண்டும்.
- சான்றிதழ் பதிவேற்றம் செய்யாத, விண்ணப்பக் கட்டணம் செலுத்தாத விண்ணப்பதாரர்களின் விண்ணப்பம் நிராகரிக்கப்படும். அவர்கள் முதன்மை எழுத்துத் தேர்வுக்கு அனுமதிக்கப்பட மாட்டார்கள் என்று தேர்வுக் கட்டுப்பாட்டு அலுவலர் சுதன் தெரிவித்துள்ளார். நூலகர் தேர்வு தள்ளிவைப்பு: குரூப் 2 முதன்மைத் தேர்வு வரும் பிப்ரவரி 23-இல் நடைபெறவுள்ளது.
- இந்தத் தேதியில் பல்வேறு துறைகளில் நிரப்பப்பட வேண்டிய நூலகர் பணியிடங்களுக்கான எழுத்துத் தேர்வு நடைபெறுவதாக ஏற்கெனவே அறிவிக்கப்பட்டிருந்தது. இந்தத் தேர்வுக்கான தேதி வேறொரு நாளில் அறிவிக்கப்படும் எனவும் தேர்வுக் கட்டுப்பாட்டு அலுவலர் சுதன் தெரிவித்தார்.
Name of Post
|
Date of
Written
Exam
|
Written
Exam Results
|
POSTS INCLUDED IN COMBINED CIVIL SERVICES EXAMINATION-II
(GROUP II SERVICES)
|
11.11.2018
FN |
17.12.2018
(MWE) |
