30th SEPTEMBER 2026 TAMIL TNPSC CURRENT AFFAIRS PDF TNPSC SHOUTERS
2026ஆம் ஆண்டிற்கான 22-வது ஆசிய விளையாட்டுப் போட்டிகள் - 11வது நாள்
- ஜப்பானின் ஐச்சி-நகோயாவில் நடைபெற்று வரும் 2026 ஆசிய விளையாட்டுப் போட்டிகளில், இந்தியா இதுவரை மொத்தம் 60 பதக்கங்களை (10 தங்கம், 21 வெள்ளி, 29 வெண்கலம்) வென்றுள்ளது; தற்போது பதக்கப் பட்டியலில் 8-வது இடத்தில் உள்ளது.
- வில்வித்தை - காம்பவுண்ட் ஆண்கள் அணிகள் பிரிவில் சீனாவை வீழ்த்தி இந்தியா தங்கப் பதக்கம் வென்றது.
- துப்பாக்கி சுடுதல் - 'டிராப்' கலப்பு அணிகள் பிரிவில் இந்தியாவின் நீரு தண்டா மற்றும் கைனன் செனாய் ஆகியோர் தங்கப் பதக்கம் வென்றனர்.
- வில்வித்தை - காம்பவுண்ட் கலப்பு அணிகள் பிரிவில் தென் கொரியாவை வீழ்த்தி இந்தியா தங்கப் பதக்கம் வென்றது.
- வில்வித்தை - காம்பவுண்ட் பெண்கள் அணிகள் பிரிவில் (ஜோதி வென்னம், சிக்தா தனிபார்த்தி, ப்ரிதிகா பிரதீப் அடங்கிய அணி) சீனாவை 238-234 என்ற புள்ளிக் கணக்கில் வீழ்த்தி இந்தியா தங்கப் பதக்கம் வென்றது.
- குத்துச்சண்டை - பெண்கள் 60 கிலோ எடைப்பிரிவு அரையிறுதியில் சீனாவின் யாங் செங்யுவிடம் தோல்வியடைந்த பிரியா, வெண்கலப் பதக்கம் வென்றார்.
- குத்துச்சண்டை - ஆண்கள் 90 கிலோ எடைப்பிரிவு அரையிறுதியில் உஸ்பெகிஸ்தானின் துராபெக் கபிபுல்லேவிடம் தோல்வியடைந்த கபில் பொகாரியா, வெண்கலப் பதக்கம் வென்றார்.
- மல்யுத்தம் - கிரிகோ-ரோமன் 87 கிலோ எடைப்பிரிவு வெண்கலப் பதக்கத்திற்கான போட்டியில் பிலிப்பைன்ஸின் கல்லம் ராபர்ட்ஸை வீழ்த்தி சுனில் குமார் வெண்கலப் பதக்கம் வென்றார்.
- பிரதமர் திரு நரேந்திர மோடி தலைமையிலான பொருளாதார விவகாரங்களுக்கான மத்திய அமைச்சரவைக் குழு, வரிகள் உட்பட ரூ.1,789.52 கோடி மதிப்பீட்டில் தில்லி காவல்துறையால் செயல்படுத்தப்பட உள்ள போக்குவரத்து மேலாண்மைத் திட்டத்திற்கு ஒப்புதல் அளித்துள்ளது.
- தில்லியில் சுமூகமானப் போக்குவரத்தை உறுதி செய்யும் வகையில் அதற்கான கட்டமைப்புகளை மேம்படுத்த ஏதுவாக இத்திட்டத்தின் கீழ், 42 வழித்தடங்கள் அடையாளம் காணப்பட்டுள்ளது.
- இந்தத் திட்டம் 24 மாதங்களில் 3 கட்டங்களாக செயல்படுத்தப்பட உள்ளது. இதைத்தொடர்ந்து 5 ஆண்டுகளுக்கு இதன் செயல்பாடுகளும், பராமரிப்புப் பணிகளும் மேற்கொள்ளப்பட உள்ளன.
- பிரதமர் திரு நரேந்திர மோடி தலைமையில் பொருளாதார விவகாரங்களுக்கான மத்திய அமைச்சரவைக் குழு 2027-28 சந்தைப்படுத்துதல் பருவத்தில் ரபி பயிர்களுக்கு குறைந்தபட்ச ஆதரவு விலையை அதிகரிக்க ஒப்புதல் அளித்துள்ளது.
- விவசாயிகள், தங்களது விளைப் பொருட்களுக்கு உரிய விலையை உறுதி செய்யும் வகையில், 2027-28 சந்தைப்படுத்துதல் பருவத்தில் ரபி பயிர்களின் குறைந்தபட்ச ஆதரவு விலையை மத்திய அரசு உயர்த்தியுள்ளது.
- அதிகபட்சமாகக் குங்குமப்பூ பயிர், குவிண்டால் ஒன்றுக்கு குறைந்தபட்ச ஆதரவு விலை ரூ.675 என அறிவிக்கப்பட்டுள்ளது. ரேப்சீட், கடுகு பயிர்களுக்கு குறைந்தபட்ச ஆதரவு விலை குவிண்டால் ஒன்றுக்கு ரூ.413 என அறிவிக்கப்பட்டுள்ளது.
- மசூர் பருப்பு, பார்லி, கொண்டைக்கடலை, கோதுமை ஆகியவற்றுக்கான குறைந்தபட்ச ஆதரவு விலை, முறையே, குவிண்டால் ஒன்றுக்கு ரூ.390, ரூ.136, ரூ.83, ரூ.25 என்ற அளவில் உயர்த்தி வழங்கப்படும் என அறிவிக்கப்பட்டுள்ளது.
- பிரதமர் திரு நரேந்திர மோடி தலைமையிலான மத்திய அமைச்சரவைக் குழு பசுமை மின் விநியோக வழித்தடம் அமைப்பதற்கான 3-வது கட்ட திட்டத்திற்கு ஒப்புதல் வழங்கியுள்ளது.
- இந்த வரலாற்றுச் சிறப்புமிக்க நடவடிக்கை, மாநிலங்கள், யூனியன் பிரதேசங்களுக்கு இடையே 135 ஜிகாவாட் வரையிலான புதுப்பிக்கத்தக்க மின் விநியோக கட்டமைப்புகளை வலுப்படுத்த உதவிடும்.
- புதுப்பிக்கத்தக்க எரிசக்தி உற்பத்தியாளர்கள் அல்லது மின் கட்டமைப்பு நெகிழ்வுத் தன்மைக்கு ஏற்ப முக்கியத்துவம் வாய்ந்த பிற இடங்களில் 1 மணி நேரத்திற்கு 50 ஜிகாவாட் திறன் கொண்ட மின்கல ஆற்றல் சேமிப்பு அமைப்புகளை நிறுவுவதற்கும் இந்தத் திட்டம் வகை செய்கிறது.
- 2032-33-ம் நிதியாண்டிற்குள் இத்திட்டத்தை செயல்படுத்த இலக்கு நிர்ணயிக்கப்பட்டுள்ளது. இந்தத் திட்டத்தின் மொத்த மதிப்பீடு ரூ. 1,86,405 கோடியாகும்.
- இதில் மாநிலங்களுக்கு இடையேயான மின் விநியோகக் கட்டமைப்பை மேம்படுத்துவதற்கு ரூ. 1,36,378 கோடியும், 50 கிகாவாட் திறன் கொண்ட மின்கல ஆற்றல் சேமிப்பு அமைப்புகளை நிறுவ ரூ.50,000 கோடியும் செலவிடப்பட்டுள்ளது. இத்திட்டத்திற்காக ரூ.54,082 கோடியை மத்திய அரசு வழங்குகிறது.
