ஜி7 (G7) உச்சி மாநாடு 2026
- உக்ரைன் விவகாரம், அமெரிக்கா-ஈரான் இடையிலான வரலாற்றுச் சிறப்புமிக்க ஒப்பந்தம் உள்ளிட்ட முக்கிய உலகளாவிய சவால்கள் குறித்து விவாதிக்க G7 அமைப்பு நாட்டின் தலைவர்கள் பிரான்சில் கூடியுள்ளனர்.
- இந்த அமைப்பில் கனடா, பிரான்ஸ், ஜெர்மனி, இத்தாலி, ஜப்பான், இங்கிலாந்து, அமெரிக்கா மற்றும் ஐரோப்பிய ஒன்றியம் ஆகிய நாடுகள் இடம்பெற்றுள்ளன.
- இவர்களுடன், பிரான்ஸ் அதிபர் இம்மானுவேல் மேக்ரான் விடுத்த சிறப்பழைப்பை ஏற்று, G7 அல்லாத நாடுகளின் தலைவர்களான இந்தியப் பிரதமர் நரேந்திர மோடி, எகிப்து அதிபர் அப்தெல் ஃபத்தா அல்-சிசி, பிரேசில் அதிபர் லூயிஸ் இனாசியோ லுலா டா சில்வா, தென்கொரிய அதிபர் லீ ஜே-மியுங் மற்றும் கென்ய அதிபர் வில்லியம் ருட்டோ ஆகியோரும் இந்த மாநாட்டில் கலந்து கொண்டிருக்கின்றனர்.
- ஏவியான்-லெ-பெய்ன்ஸ் நகரில் நடந்த 52ஆவது G7 மாநாட்டு அரங்குக்கு வருகை தந்த பிரதமர் நரேந்திர மோடியை, பிரான்ஸ் நாட்டு அதிபர் இம்மானுவல் மேக்ரான் கைகுலுக்கி ஆரத்தழுவி வரவேற்றார்.
- மாநாட்டு அரங்கிற்குள் பிரதமர் மோடியும் அமெரிக்க அதிபர் டொனால்ட் டிரம்ப்பும் சந்தித்தனர். அப்போது இருவரும் கைகுலுக்கிக் கொண்டதோடு, அதிபர் டிரம்ப் பிரதமர் மோடியின் தோளைத் தட்டி தனது நட்பை வெளிப்படுத்தினார்.
- பின்னர், புதிய கூட்டாண்மைகளை உருவாக்குதல் மற்றும் சர்வதேச ஒற்றுமையை மீண்டும் கட்டியெழுப்புதல் என்ற தலைப்பிலான அமர்வில் பிரதமர் மோடி பங்கேற்றார்.
- அதைத் தொடர்ந்து ஜி7 உச்சி மாநாட்டின் இரண்டாம் நாளையொட்டி உலகத் தலைவர்கள் பாரம்பரிய முறைப்படி குழுப் புகைப்படம் எடுத்துக்கொண்டனர்.
- அதிபர் டிரம்ப், பிரான்ஸ் அதிபர் மேக்ரான் உள்ளிட்டோருடன் முதல் வரிசையில் பிரதமர் மோடி இடம்பிடித்திருந்தார். ஜி7 மாநாட்டில் பிரதமர் மோடி பங்கேற்பது இது 13-வது முறையாகும்.
- மேலும், அவர் தொடர்ந்து 7-வது முறையாக இந்த மாநாட்டில் கலந்து கொண்டுள்ளார் என்பது குறிப்பிடத்தக்கது.
