3rd MAY 2025 TAMIL TNPSC CURRENT AFFAIRS PDF TNPSC SHOUTERS

3rd MAY 2025 TAMIL TNPSC CURRENT AFFAIRS PDF TNPSC SHOUTERS

பாகிஸ்தானில் உற்பத்தி செய்யப்படும் அல்லது அந்நாட்டில் இருந்து இந்தியாவிற்கு ஏற்றுமதி செய்யப்படும் அனைத்து பொருட்களையும் இறக்குமதி செய்ய மத்திய அரசு தடை

• பாகிஸ்தானில் இருந்து உற்பத்தியாகும் அல்லது அங்கிருந்து ஏற்றுமதி செய்யப்படும் அனைத்து பொருட்களையும் இந்தியாவில் இறக்குமதி செய்வதைத் தடை செய்யும் அறிவிப்பை வர்த்தகம் - தொழில்துறை அமைச்சகத்தின் வெளிநாட்டு வர்த்தக இயக்குநரகம் (DGFT-டிஜிஎஃப்டி) வெளியிட்டுள்ளது.
• இந்த நடவடிக்கை பாகிஸ்தானில் இருந்து நேரடியாகவோ அல்லது வேறு எந்த வர்த்தக வழியிலோ பொருட்களை இறக்குமதி செய்வதைத் தடை செய்கிறது.
• 2 மே 2025 தேதியிட்ட அறிவிப்பு எண். 06/2025-26 மூலம் வெளியிடப்பட்ட உத்தரவு உடனடியாக அமலுக்கு வந்துள்ளது. வெளிநாட்டு வர்த்தக கொள்கையில் (FTP 2023) ஒரு புதிய பிரிவாக, பத்தி 2.20ஏ என்பது சேர்க்கப்பட்டுள்ளது.

இந்தியாவின் பொருளாதார வளர்ச்சி நடப்பு 2025-26 நிதியாண்டில் 6.3 சதவீதம் - எஸ் அண்ட் பி ரேட்டிங் கணிப்பு 

• டிரம்ப் அமெரிக்க அதிபரான பிறகு, பல்வேறு நாடுகளின் மீது பழிக்குப் பழி நடவடிக்கையாக வரி விதித்துள்ளார். இதன் விளைவாக இந்திய பொருளாதாரமும் பாதிக்கப்படும் என எஸ் அண்ட் பி ரேட்டிங் நிறுவனம் தெரிவித்துள்ளது.
• இது குறித்து அந்த நிறுவனம் வெளியிட்டுள்ள அறிக்கையில், ஆசிய பசிபிக்கில் உள்ள நாடுகளில் சீனாவின் பொருளாதார வளர்ச்சி நடப்பு ஆண்டில் 0.7 சதவீதம் சரிந்து 3.5 சதவீதமாக இருக்கும். 
• அடுத்த ஆண்டில் இது 3 சதவீதமாக இருக்கும். இந்தியாவின் பொருளாதார வளர்ச்சி நடப்பு 2025-26 நிதியாண்டில் 6.3 சதவீதமாக இருக்கும் என தெரிவித்துள்ளது. இந்தியாவின் பொருளாதார வளர்ச்சி 6.5 சதவீதமாக இருக்கும் என இந்த நிறுவனம் முன்பு கணித்திருந்தது குறிப்பிடத்தக்கது.