2nd DECEMBER 2024 TAMIL TNPSC CURRENT AFFAIRS PDF TNPSC SHOUTERS
2024 நவம்பர் மாத ஜிஎஸ்டி வசூல் ரூ.1.82 லட்சம் கோடி
- பண்டிகை காலத்தால் விற்பனை அதிகரித்ததன் காரணமாக, கடந்த நவம்பர் மாதத்தில் மொத்த ஜிஎஸ்டி வசூல் 8.5 சதவீதம் அதிகரித்து ரூ.1.82 லட்சம் கோடியாக அதிகரித்துள்ளது.
- இதில் ஒன்றிய ஜிஎஸ்டி வசூல் ரூ.34,141 கோடி, மாநில ஜிஎஸ்டி வசூல் ரூ.43,047 கோடி, ஒருங்கிணைந்த ஐஜிஎஸ்டி ரூ.91,828 கோடி மற்றும் செஸ் வரி ரூ.13,253 கோடி கிடைத்துள்ளதாக ஒன்றிய நிதி அமைச்சகம் தெரிவித்துள்ளது.
- கடந்த ஆண்டு இதே மாதத்தில் ரூ.1.68 லட்சம் கோடி வசூலானது. இதற்கு முந்தைய மாதமான கடந்த அக்டோபரில் ரூ.1.87 லட்சம் கோடி வசூலானது.
- இந்தியாவில் அந்நிய நேரடி முதலீடு ஆண்டுக்கு ஆண்டு 45 சதவிகிதம் உயர்ந்து, ஏப்ரல் முதல் செப்டம்பர் வரையான காலாண்டில் 29.79 பில்லியன் டாலராக உயர்ந்தது. இது சேவைகள், கணினி, தொலைத்தொடர்பு மற்றும் பார்மா ஆகிய துறைகளில் உள்ள ஆரோக்கியமான வரவாகும்.
- 2023-24 ஏப்ரல் முதல் செப்டம்பர் வரையான காலாண்டில் அந்நிய நேரடி முதலீடு 20.5 பில்லியன் டாலராக இருந்த நிலையில், ஜூலை முதல் செப்டம்பர் வரையான காலாண்டில், அந்நிய நேரடி முதலீடு சுமார் 43 சதவிகிதம் அதிகரித்து 13.6 பில்லியன் டாலராக இருந்தது.
- அதே வேளையில், ஏப்ரல் முதல் ஜூன் வரையான காலாண்டில் இந்தியாவில் அந்நிய நேரடி முதலீடு 47.8 சதவிகிதம் அதிகரித்து 16.17 பில்லியன் டாலராக இருந்தது.
- 2023-24 ஏப்ரல் முதல் செப்டம்பர் வரையான மாதங்களில் 33.12 பில்லியன் அமெரிக்க டாலராக இருந்த மொத்த அந்நிய நேரடி முதலீடு, இந்த நிதியாண்டின் முதல் பாதியில் 28 சதவிகிதம் அதிகரித்து 42.1 பில்லியன் அமெரிக்க டாலராக உயர்ந்தது.
- நடப்பு நிதியாண்டின் ஏப்ரல் முதல் செப்டம்பர் வரையான காலகட்டத்தில் மொரீஷியஸ் (5.34 பில்லியன் டாலர்), சிங்கப்பூர் (7.53 பில்லியன் டாலர்), அமெரிக்கா (2.57 பில்லியன் டாலர்), நெதர்லாந்து (3.58 பில்லியன் டாலர்), ஐக்கிய அரபு எமிரேட்ஸ் (3.47 பில்லியன் டாலர்), கேமன் தீவுகள் (235 மில்லியன் டாலர்) மற்றும் சைப்ரஸ் (808 மில்லியன் டாலர்) நேரடி அந்நிய முதலீடு வரத்து அதிகரித்தது. இருப்பினும் ஜப்பான் மற்றும் இங்கிலாந்திலிருந்து நேரடி அந்நிய நேரடி முதலீடு குறைந்துள்ளது.
- துறை வாரியாக சேவைகள், கணினி மென்பொருள் மற்றும் வன்பொருள், வர்த்தகம், தொலைத்தொடர்பு, ஆட்டோமொபைல், பார்மா மற்றும் ரசாயனங்கள் ஆகிய துறைகளில் முதலீடு அதிகரித்துள்ளது.
- நடப்பு நிதியாண்டின் முதல் அரையாண்டில் அந்நிய நேரடி முதலீடு 5.69 பில்லியன் டாலராக அதிகரித்துள்ளது. இது கடந்த ஆண்டு இதே காலகட்டத்தில் 3.85 பில்லியன் அமெரிக்க டாலராக இருந்தது.
- மரபுசாரா எரிசக்தித் துறையில் அந்நிய நேரடி முதலீடு 200 கோடி டாலராக உள்ளது. 2024-25 ஏப்ரல் முதல் செப்டம்பர் வரையான காலகட்டத்தில் மகாராஷ்டிராவில் அதிகபட்சமாக 13.55 பில்லியன் அமெரிக்க டாலர் அந்நிய நேரடி முதலீடு வந்துள்ளது.
- இதனை தொடர்ந்து கர்நாடகாவில் 3.54 பில்லியன் டாலர், தெலுங்கானா 1.54 பில்லியன் டாலர் மற்றும் குஜராத்தில் 4 பில்லியன் டாலர் ஆக இருந்தது.
- இந்தியா-மலேசியா கூட்டு ராணுவப் பயிற்சியான ஹரிமாவ் சக்தியின் 4-வது பதிப்பு மலேசியாவின் பகாங் மாவட்டத்தில் உள்ள பென்டாங் முகாமில் இன்று தொடங்கியது. இந்த பயிற்சி 2024 டிசம்பர் 2 முதல் 15 வரை நடத்தத் திட்டமிடப்பட்டுள்ளது.
- 78 வீரர்களைக் கொண்ட இந்தியப் படைப்பிரிவில் மஹர் படைப்பிரிவின் ஒரு பிரிவு பங்கேற்கிறது. மலேசிய அரச படைப்பிரிவைச் சேர்ந்த 123 வீரர்கள் மலேசியக் குழுவைப் பிரதிநிதித்துவப்படுத்துகின்றனர்.
- கூட்டுப் பயிற்சி ஹரிமாவ் சக்தி என்பது இந்தியாவிலும் மலேசியாவிலும் மாறி மாறி ஆண்டுதோறும் நடத்தப்படும் ராணுவப்பயிற்சி நிகழ்வாகும். இதற்கு முந்தைய பயிற்சி நவம்பர் 2023-ல் இந்தியாவின் மேகாலயாவில் உள்ள உம்ரோய் கன்டோன்மென்ட்டில் நடத்தப்பட்டது.
