3rd NOVEMBER 2024 TAMIL TNPSC CURRENT AFFAIRS PDF TNPSC SHOUTERS
2024 அக்டோபரில் ரூ. 23.5 லட்சம் கோடி யுபிஐ பணப்பரிவர்த்தனை
- நாட்டில் டிஜிட்டல் பண பரிவர்த்தனைகள் தற்போது பெருமளவில் அதிகரித்துள்ளன. ஒரு டீ கடை முதல் பெரிய வணிக வளாகங்கள் வரை அனைத்து இடங்களிலும் யுபிஐ பணபரிவர்த்தனை இருக்கிறது.
- இந்நிலையில், 2024 அக்டோபர் மாதம் இதுவரை இல்லாத அளவுக்கு ரூ. 23.5 லட்சம் கோடிக்கு யுபிஐ மூலமாக பணப்பரிவர்த்தனை நடைபெற்றுள்ளது.
- கடந்த 2016 ஏப்ரல் முதலான காலகட்டத்தில் இந்த தொகையே அதிகமாகும்.
- நேஷனல் பேமெண்ட்ஸ் கார்ப்பரேஷன் ஆஃப் இந்தியா வெளியிட்டுள்ள தகவலில், செப்டம்பர் மாதத்தை ஒப்பிடுகையில், அக்டோபரில் பணப்பரிவர்த்தனை எண்ணிக்கை 10 சதவீதம் அதிகரித்துள்ளதாகவும் பணப்பரிவர்த்தனை தொகை 14 சதவீதம் அதிகரித்துள்ளதாகவும் தெரிவிக்கப்பட்டுள்ளது.
- அக்டோபரில் தினசரி பணப்பரிவர்த்தனை ரூ. 75,801 கோடி என்றும் செப்டம்பரில் இதன் மதிப்பு ரூ. 68,800 கோடி என்றும் கூறப்பட்டுள்ளது.
- ஐஎம்பிஎஸ் பணப்பரிவர்த்தனை ரூ. 6.29 லட்சம் கோடிக்கு நடந்துள்ளது.
- பாஸ்ட்டேக் பணப்பரிவர்த்தனையும் 8% அதிகரித்து ரூ. 6,115 கோடிக்கு நடைபெற்றுள்ளது.
- இந்தியர்கள் யுபிஐ மூலமாக அதிகம் செலவளிப்பதாக சமீபத்திய ஆய்வு ஒன்றில் தெரிவிக்கப்பட்டுள்ளது. கடந்த 2021 மார்ச் மாதத்தை ஒப்பிடுகையில் 2024 மார்ச் மாதம் டிஜிட்டல் பணப்பரிவர்த்தனை இரு மடங்காகியுள்ளது.
