14th NOVEMBER 2024 TAMIL TNPSC CURRENT AFFAIRS PDF TNPSC SHOUTERS
தொழில் நிறுவனங்கள் இரட்டை அனுமதி பெறுவதில் இருந்து விலக்கு அளிக்கும் அறிவிக்கை வெளியீடு
- புதிய தொழிற்சாலைகள் அமைப்பதற்கான சுற்றுச்சூழல் அனுமதி மற்றும் நிறுவுவதற்கான இசைவாணை ஆகிய இரட்டை இணக்கங்களை நீக்க வேண்டும் என்ற தொழில்துறையினரின் நீண்ட நாள் கோரிக்கையை மத்திய அரசு ஏற்றுக்கொண்டுள்ளது.
- இப்போது, மாசுபடுத்தாத வெள்ளை வகைத் தொழில்கள் நிறுவுவதற்கான அனுமதி அல்லது செயல்பட ஒப்புதல் (CTO) எடுக்க வேண்டிய அவசியமில்லை. சுற்றுச்சூழல் அனுமதி பெற்ற தொழிற்சாலைகள் இசைவாணை எடுக்க வேண்டிய அவசியமில்லை.
- இது இணக்கச் சுமையை குறைப்பது மட்டுமல்லாமல், ஒப்புதல்கள் இரட்டிப்பாக்கப்படுவதையும் தடுக்கிறது. காற்று மாசுபாடு சட்டம் மற்றும் நீர் சட்டத்தின் கீழ், இது தொடர்பான அறிவிக்கைகளை மத்திய சுற்றுச்சூழல் அமைச்சகம் வெளியிட்டுள்ளது.
- இந்த அறிவிக்கை இந்த இரண்டு ஒப்புதல்களையும் திறம்பட ஒருங்கிணைப்பதுடன் இசைவாணை செயல்முறையின் போது கருத்தில் கொள்ளப்படும் பிரச்சினைகளை சுற்றுச்சூழல் அனுமதியிலேயே கணக்கில் எடுத்துக்கொள்வதற்கான நடைமுறை தரநிலையும் வெளியிடப்பட்டுள்ளது.
- சுற்றுச்சூழல் அனுமதி நடைமுறையின் போது, மாநில மாசு கட்டுப்பாட்டு வாரியங்கள் கலந்து ஆலோசிக்கப்படும். மேலும், மாநிலங்களுக்கு வருவாய் இழப்பு ஏற்படாத வகையில், இசைவாணைக் கட்டணத்தை தொழில்துறை செலுத்த வேண்டும்
- COVID-19 தொற்றின்போது கடந்த 2021, பிப்ரவரியில் இந்தியா, டொமினிகாவுக்கு 70 ஆயிரம் டோஸ் ஆஸ்ட்ராஜெனிகா தடுப்பூசியை அன்பளிப்பாக வழங்கியது.
- அதோடு, டொமினிகாவின் சுகாதரம், கல்வி, தகவல் தொழில்நுட்பம் ஆகியவற்றின் வளர்ச்சிக்கும் இந்தியா உதவிகளை அளித்தது.
- இதற்கு நன்றி தெரிவிக்கும் விதமாக காமன்வெல்த் ஆஃப் டொமினிகா தனது உயரிய தேசிய விருதான டொமினிகா விருதை பிரதமர் நரேந்திர மோடிக்கு வழங்குவதாக அறிவித்துள்ளது.
- கங்கை நதி தூய்மைக்கான தேசிய இயக்கத்தின் 58-வது செயற்குழு கூட்டம் பல்வேறு முக்கிய திட்டங்களுக்கு ஒப்புதல் அளித்துள்ளது. இந்தக் கூட்டத்திற்கு கங்கை நதி தூய்மைக்கான தேசிய இயக்கத்தின் தலைமை இயக்குநர் திரு. ராஜீவ் குமார் மிட்டல் தலைமை தாங்கினார்.
- இந்தத் திட்டங்கள் கங்கை நதியையும் அதன் நீர்வாழ் உயிரினங்களையும் பாதுகாப்பதில் குறிப்பிடத்தக்க நடவடிக்கைகளை எடுப்பதை நோக்கமாகக் கொண்டுள்ளன.
- சம்பல், சோன், தாமோதர் மற்றும் டான்ஸ் நதிகளின் சுற்றுச்சூழல் பரவலை மதிப்பிடுவதற்கான ஒரு முக்கிய திட்டத்திற்கு நிர்வாகக் குழு ஒப்புதல் அளித்துள்ளது.
- ரூ.11 கோடி நிதி ஒதுக்கீட்டில், இந்த ஆறுகளின் சுற்றுச்சூழல் பரவலை மதிப்பீடு செய்வது மட்டுமல்லாமல், நீரோட்ட அமைப்புகளை அறிவியல் ரீதியாக மதிப்பீடு செய்ய உதவும் நீரியல் மற்றும் நீரியக்கவியல் மாதிரிகளை தயாரிப்பதும் இத்திட்டத்தின் நோக்கமாகும்.
- கங்கை நதி டால்பினைப் பாதுகாக்க ஒரு லட்சிய திட்டத்திற்கு ஒப்புதல் அளிக்கப்பட்டுள்ளது. 'தத்தளித்துக் கொண்டிருக்கும் கங்கை நதி டால்பின்களைப் பாதுகாப்பதற்கான மேம்பட்ட மீட்பு அமைப்பு' என்ற தலைப்பிலான இத்திட்டத்திற்கு ரூ.1 கோடி நிதி ஒதுக்கீடு செய்யப்பட்டுள்ளது.
- ஆபத்தில் இருக்கும் டால்பின்களுக்கு உதவுவதற்காக 'டால்பின் ஆம்புலன்ஸ்' என்ற சிறப்பு மீட்பு வாகனத்தை உருவாக்குவதை இது நோக்கமாகக் கொண்டுள்ளது.
- கூடுதலாக, இந்தத் திட்டம் டால்பின் பாதுகாப்பு மற்றும் பயிற்சி மூலம் சமூகத் திறன் மேம்பாடு குறித்த விழிப்புணர்வை ஏற்படுத்துவதில் கவனம் செலுத்தும்.
- உத்தரப்பிரதேசத்தில் கங்கைப் படுகையில் அழிந்து வரும் ஆமைகளைப் பாதுகாப்பதற்கான புதுமையான மற்றும் மிகவும் முக்கியத்துவம் வாய்ந்த திட்டத்திற்கும் ஒப்புதல் அளிக்கப்பட்டுள்ளது. இத்திட்டத்திற்கு ரூ.78.09 லட்சம் செலவாகும் என மதிப்பிடப்பட்டுள்ளது.
