30th JUNE 2024 TAMIL TNPSC CURRENT AFFAIRS PDF TNPSC SHOUTERS
2023-24-ஆம் நிதியாண்டில் நாட்டின் நிலக்கரி இறக்குமதி விகிதம் சரிவு
- 2004-05-ஆம் நிதியாண்டு முதல் 2013-14-ஆம் நிதியாண்டு வரையிலான காலகட்டத்தில் நாட்டின் நிலக்கரி இறக்குமதியின் கூட்டு வருடாந்திர வளா்ச்சி விகிதம் (சிஏஜிஆா்) 21.48 சதவீதமாக இருந்தது. அது, 2014-15-ஆம் நிதியாண்டு முதல் 2023-24-ஆம் நிதியாண்டு வரையிலான காலகட்டத்தில் வெறும் 2.49 சதவீதமாகக் குறைந்துள்ளது.
- அதுமட்டுமின்றி, 2004-05-ஆம் நிதியாண்டு முதல் 2013-14-ஆம் நிதியாண்டு வரையிலான காலகட்டத்தில் நிலக்கரி இறக்குமதியின் சிஏஜிஆா் பங்களிப்பு 13.94 சதவீதமாக இருந்தது. அது, அடுத்த 10 ஆண்டுகளில் சுமாா் -2.29 சதவீதமாகக் குறைந்துள்ளது.
- உள்நாட்டு நிலக்கரி வளங்களை மேம்படுத்துதல், நிலக்கரி பயன்பாட்டில் புதுமையான தொழில்நுட்பங்களைப் புகுத்துதல் ஆகியவற்றில் கவனம் செலுத்துவதன் மூலம் 2014-24 காலகட்டத்தில் நாடு எரிசக்தி பாதுகாப்பில் தன்னிறைவை நோக்கி முன்னேற்றம் கண்டுவருகிறது.
- அதன் வெளிப்பாடாகவே நிலக்கரி இறக்குமதி சிஜிஆா் சரிவைக் கண்டுள்ளது என்று அந்த அறிக்கையில் தெரிவிக்கப்பட்டுள்ளது.
- முன்னதாக, இந்தியாவின் நிலக்கரி இறக்குமதி கடந்த ஏப்ரல் மாதத்தில் 13.2 சதவீதம் அதிகரித்துள்ளதாக நிலக்கரித் துறை அமைச்சகம் தெரிவித்திருந்தது.
- 2023-ஆம் ஆண்டின் ஏப்ரல் மாதத்தில் 2.31 கோடி டன்னாக இருந்த நாட்டின் நிலக்கரி இறக்குமதி கடந்த ஏப்ரலில் 2.61 கோடி டன்னாக அதிகரித்துள்ளதாகத் தெரிவிக்கப்பட்டிருந்தது.
- மதிப்பீட்டு மாத மொத்த இறக்குமதியில், கோக்கிங் அல்லாத நிலக்கரி இறக்குமதி 1.74 கோடி டன்னாக அதிகரித்துள்ளது. இது, முந்தைய 2023 ஏப்ரலில் 1.52 கோடி டன்னாக இருந்தது.கோக்கிங் நிலக்கரி இறக்குமதி 47.7 லட்சம் டன்னிலிருந்து 49.7 லட்சம் டன்னாக அதிகரித்துள்ளது.
- முந்தைய மாா்ச் மாத்தில் நிலக்கரி இறக்குமதி 2.40 கோடி டன்னாக இருந்தது. அதனுடன் ஒப்பிடுகையில், ஏப்ரல் மாத நிலக்கரி இறக்குமதி 8.93 சதவீதம் அதிகரித்துள்ளது என்று அமைச்சகம் கூறியிருந்தது.
- 2023-24-ஆம் நிதியாண்டு முழுமைக்கும் இந்தியாவின் நிலக்கரி இறக்குமதி 7.7 சதவீதம் அதிகரித்து 26.82 கோடி டன்னாக இருந்தது. இது முந்தைய 2022-23-ஆம் நிதியாண்டில் 24.91 கோடி டன்னாக இருந்தது என்று தரவுகள் தெரிவிக்கின்றன.
- ஐசிசி டி20 உலகக் கோப்பையில் நடைபெற்ற இறுதிப் போட்டியில் முதலில் பேட்டிங் செய்த இந்திய அணி 7 விக்கெட் இழப்பிற்கு 176 ரன்கள் எடுத்த நிலையில் விராத் கோஹ்லி அபாரமாக பேட்டிங் செய்து 76 ரன்கள் எடுத்தார்.
- அதன்பின் 177 ரன்கள் என்ற இலக்கை நோக்கி விளையாடிய தென் ஆப்பிரிக்கா அணி எட்டு விக்கெட் இழப்பிற்கு 169 ரன்கள் மட்டுமே எடுத்தது.
- இந்திய அணி தென்னாப்பிரிக்க அணியை 7 ரன்கள் வித்தியாசத்தில் வீழ்த்தி த்ரில் வெற்றி பெற்றது. இதன் மூலம் டி20 உலகக் கோப்பை சாம்பியன் பட்டத்தை இரண்டாவது முறையாக வென்று இந்திய அணி அசத்தியுள்ளது.
- இந்த சந்தோஷ தருணத்தோடு இந்திய நட்சத்திர வீரர்கள் ரோகித் ஷர்மா, விராட் கோலி மற்றும் ரவீந்திர ஜடேஜா ஆகிய மூவருமே சர்வதேச டி20 போட்டிகளில் இருந்து ஓய்வு பெறுவதாக அறிவித்துள்ளனர்.
