2nd DECEMBER 2023 TAMIL TNPSC CURRENT AFFAIRS PDF TNPSC SHOUTERS
நவம்பர் 2023 மாத ஜிஎஸ்டி வருவாய்
- கடந்த மாத ஜிஎஸ்டி வரி வசூல் தொடர்பாக ஒன்றிய நிதியமைச்சகம் வெளியிட்ட அறிக்கையில், 'நவம்பர் மாத ஜிஎஸ்டி வருவாய் ரூ.1,67,929 கோடியாக உள்ளது.
- இதில் சிஜிஎஸ்டி ரூ.30,420 கோடி, எஸ்ஜிஎஸ்டி ரூ.38,226 கோடி, ஐஜிஎஸ்டி (இறக்குமதி மீதான ரூ.39,198 கோடி சேர்த்து) ரூ.87,009 கோடி மற்றும் செஸ் வரி (இறக்குமதி மீதான ரூ.1,036 கோடி சேர்த்து) ரூ.12,274 கோடி வசூலானது,' என்று தெரிவிக்கப்பட்டுள்ளது.
- கடந்த அக்டோபர் மாத ஜிஎஸ்டி வருவாய் ரூ.1.72 லட்சம் கோடியாக இருந்தது. கடந்த நிதியாண்டின் இதே கால கட்டத்தில் ரூ.1.45 லட்சம் கோடியாக இருந்ததுடன் ஒப்பிடுகையில் 15 சதவீதம் உயர்ந்து ரூ.1.68 கோடியாக வசூலாகி இருப்பது குறிப்பிடத்தக்கது.
- சூரியனின் வெளிப்புறப் பகுதியை ஆராய்வதற்காக ஆதித்யா எல்-1 எனும் அதிநவீன விண்கலத்தை இந்திய விண்வெளி ஆய்வு நிறுவனம் (இஸ்ரோ) பிஎஸ்எல்வி சி-57 ராக்கெட் மூலம் கடந்த செப்டம்பர் மாதம் அனுப்பியது.
- பூமியில் இருந்து சுமார் 15 லட்சம் கி.மீ. தொலைவில் உள்ள 'லாக்ராஞ்சியன் பாயின்ட் ஒன்' எனும் பகுதியில் இந்த விண்கலம் நிலைநிறுத்தப்பட்டுகிறது.
- அங்கு இருந்தபடி சூரியனின் வெளிப்புறப் பகுதியின் வெப்பச் சூழல், கதிர்வீச்சு, காந்தப்புலம் உள்ளிட்ட பல்வேறு அம்சங்கள் குறித்த ஆய்வுகளை 'ஆதித்யா' மேற்கொள்ள வடிவமைக்கப்பட்டுள்ளது.
- இந்நிலையில், ஆதித்யா எல்1 தனது ஆய்வுப் பணிகளைத் தொடங்கியுள்ளதாக இஸ்ரோ அதிகாரபூர்வமாக அறிவித்துள்ளது.
- சூரியக் காற்றில் உள்ள துகள்கள் குறித்த பரிசோத்னையை ஆஸ்பெக்ஸ் பேலோட் தொடங்கியுள்ளது. அது தனது பணியை இயல்பாகச் செய்து கொண்டிருக்கிறது.
- ஆஸ்பெக்ஸில் சூரியக் காற்று அயனிகளை அறியும் ஸ்பெக்ட்ரோமீட்டர் Solar wind Ion Spectrometer (Swis) மற்றும் ஸ்ட்பெஸ் -SupraThermal and Energetic Particle Spectrometer (Steps) என இரண்டு கருவிகள் பொருத்தப்பட்டுள்ளன. ஸ்ட்பெஸ் தனது பணியை செப்டம்பர் 10ல் தொடங்கியது.
- ஸ்விஸ் கருவி நவம்பர் 2ல் தனது வேலையைத் தொடங்கியது. ஸ்விஸ் கருவியானது சூரியக் காற்றில் உள்ள அயானிகளை குறிப்பாக புரோட்டான் மற்றும் ஆல்பா துகள்களை ஆய்வு செய்யத் தொடங்கியுள்ளது. அது அனுப்பிய மாதிரியா ஹிஸ்டோகிராமின்படி H+ புரோட்டான், He2+ ஹீலியம் ஆகியன சூரியக் காற்றில் இருப்பது தெரியவந்துள்ளது.
- ஸ்விஸ் கருவியானது சூரியக் காற்றில் உள்ள ஆல்பா, புரோட்டான் விகிதாச்சார வித்தியாசத்தை அறிந்துள்ளது. இதன்மூலம் சூரியனின் லாக்ராஞ்சியன் புள்ளியான எல்1-ல் கரோனல் மாஸ் எஜெக்ஷன்ஸ் (சிஎம்இ) ஏற்படுவதற்கான மறைமுக தகவலை அளிக்கும் திறன் தன்வசம் இருப்பதை அக்கருவி உறுதி செய்துள்ளது' எனத் தெரிவிக்கப்பட்டுள்ளது.
- இந்தத் தகவல் இஸ்ரோவின் இன்னொரு மைல்கல்லாகப் பார்க்கப்படுகிறது. கரோனா மாஸ் எஜெக்ஷன் பற்றிய தகவல் விண்வெளி ஆராய்ச்சியில் மிக முக்கியமானதாகக் கருதப்படுகிறது.
