20th JULY 2023 TAMIL TNPSC CURRENT AFFAIRS PDF TNPSC SHOUTERS
ககன்யான் திட்டத்துக்கான இன்ஜின் சோதனை வெற்றி
- சந்திரயான் - 3'நிலவுக்கு, 'சந்திரயான் -3' விண்கலத்தை இஸ்ரோ சமீபத்தில் வெற்றிகரமாக அனுப்பி உள்ளது. இதைத் தொடர்ந்து, ககன்யான் எனப்படும் விண்வெளிக்கு மனிதர்களை அனுப்பும் திட்டத்தில் முழுமையாக ஈடுபட்டுள்ளது.
- இந்த திட்டத்தின்கீழ், மூன்று பேர் விண்வெளிக்கு அனுப்பப்பட உள்ளனர். பூமியில் இருந்து, 400 கி.மீ., தொலைவில் மூன்று நாட்கள் விண்வெளியில் இவர்கள் ஆய்வு செய்வர். அதன்பின், பத்திரமாக பூமிக்கு அழைத்து வரப்படுவர்.
- இந்த திட்டத்தை செயல்படுத்துவதற்கான சோதனைகளில் இஸ்ரோ ஈடுபட்டுள்ளது. அதன்படி, இந்த திட்டத்தில் பயன்படுத்தப்பட உள்ள பல இன்ஜின்களின் சோதனை, தமிழகத்தின் மகேந்திரகிரியில் உள்ள ஆய்வு மையத்தில் நடந்தது.
- பல்வேறு சீதோஷ்ண நிலைகளில், பல சூழ்நிலைகளுக்கு ஏற்ப இந்த இன்ஜின்கள் செயல்படும் வகையிலான சோதனைகள் நடத்தப்பட்டன. இந்த சோதனைகள் முடிவு, முழு திருப்தி அளிப்பதாக அமைந்துள்ளதாக, இஸ்ரோ வெளியிட்ட செய்தியில் குறிப்பிடப்பட்டுள்ளது.
- வரலாற்றில் முதன் முறையாக மாநிலங்களவைத் தலைவர் ஜக்தீப் தங்கர், துணைத் தலைவர் குழுவுக்கு 4 பெண் நாடாளுமன்ற உறுப்பினர்களை நியமித்துள்ளார்.
- இந்த குழுவில் பரிந்துரைக்கப்பட்ட அனைத்து பெண் உறுப்பினர்களும் முதல் முறையாக நாடாளுமன்ற உறுப்பினர்களாக உள்ளனர் என்பதும், நாகாலாந்தில் இருந்து மாநிலங்களவை உறுப்பினராக தேர்ந்தெடுக்கப்பட்ட முதல் பெண் திருமதி எஸ் பாங்னோன் கொன்யாக் என்பதும் குறிப்பிடத்தக்கது.
- மழைக்கால கூட்டத்தொடருக்கு முன்பு மறுசீரமைக்கப்பட்ட குழுவில் மொத்தம் எட்டு பேர் இடம் பெற்றிருந்தனர். அவர்களில் பாதி பேர் பெண்கள் ஆவார்கள். மாநிலங்களவை வரலாற்றில் துணைத் தலைவர் குழுவில் பெண்களுக்கு சமமான பிரதிநிதித்துவம் வழங்கப்படுவது இதுவே முதல் முறையாகும்.
- மற்றொரு குறிப்பிடத்தக்க வளர்ச்சியில், மாநிலங்களவை இருக்கை முற்றிலும் டிஜிட்டல் மயமாகியுள்ளது. மாநிலங்களவைத் தலைவர் அவையின் அலுவல்கள், அவையில் வருகை, உறுப்பினர்கள் உரையாற்றும் விவரங்கள் மற்றும் பிற தொடர்புடைய தகவல்கள் தொடர்பான விஷயங்களுக்கு மின்னணு பலகைகளைப் பயன்படுத்துவார்கள்.b/li>
- துணைத் தலைவர் குழுவுக்கு பரிந்துரைக்கப்பட்ட பெண் உறுப்பினர்களின் விவரங்கள் பின்வருமாறு.
- திருமதி பி.டி.உஷா - இவர் பத்மஸ்ரீ விருது பெற்றவர் மற்றும் புகழ்பெற்ற தடகள வீரர் ஆவார். இவர் ஜூலை 2022 இல் மாநிலங்களவைக்கு நியமிக்கப்பட்டார்.இவர் பாதுகாப்புக் குழு, இளைஞர் விவகாரங்கள் மற்றும் விளையாட்டு அமைச்சகத்தின் ஆலோசனைக் குழு மற்றும் நெறிமுறைகள் குழு ஆகியவற்றில் உறுப்பினராக உள்ளார்.
- திருமதி எஸ்.பாங்னோன் கொன்யாக் - இவர் பாரதிய ஜனதா கட்சியைச் சேர்ந்தவர். ஏப்ரல், 2022 இல் நாகாலாந்தில் இருந்து மாநிலங்களவை உறுப்பினராக தேர்ந்தெடுக்கப்பட்ட முதல் பெண் மற்றும் மாநிலத்தில் இருந்து நாடாளுமன்றம் அல்லது மாநில சட்டமன்றத்திற்கு தேர்ந்தெடுக்கப்பட்ட இரண்டாவது பெண் ஆவார். இவர் போக்குவரத்து, சுற்றுலா மற்றும் கலாச்சாரக் குழு, வடகிழக்கு பிராந்திய மேம்பாட்டு அமைச்சகத்திற்கான ஆலோசனைக் குழு,பெண்கள் அதிகாரமளித்தல் குழு, அவைக் குழு மற்றும் ஷில்லாங்கின் வடகிழக்கு இந்திரா காந்தி பிராந்திய சுகாதார மற்றும் மருத்துவ அறிவியல் நிறுவனத்தின் நிர்வாகக் குழு உறுப்பினராக உள்ளார்.
- டாக்டர் ஃபௌசியா கான் - இவர் தேசியவாத காங்கிரஸ் கட்சியைச் சேர்ந்தவர். 2020 ஏப்ரலில் மாநிலங்களவைக்கு தேர்ந்தெடுக்கப்பட்டார். பெண்கள் அதிகாரமளித்தல் குழு, நுகர்வோர் விவகாரங்கள், உணவு மற்றும் பொது விநியோகக் குழு, சட்டம் மற்றும் நீதி அமைச்சகத்தின் ஆலோசனைக் குழு ஆகியவற்றில் உறுப்பினராக உள்ளார்.
- திருமதி சுலதா தியோ - இவர் பிஜு ஜனதா தளத்தைச் சேர்ந்தவர். இவர் ஜூலை 2022 இல் மாநிலங்களவைக்கு தேர்ந்தெடுக்கப்பட்டார். தொழில்துறை குழு, பெண்கள் அதிகாரமளித்தல் குழு, இலாப அலுவலகத்திற்கான கூட்டுக் குழு, நாடாளுமன்ற உறுப்பினர்களின் உள்ளூர் பகுதி மேம்பாட்டுத் திட்டம் (எம்.பி.எல்.ஏ.டி.எஸ்) மற்றும் பெண்கள் மற்றும் குழந்தைகள் மேம்பாட்டு அமைச்சகத்தின் ஆலோசனைக் குழு ஆகியவற்றில் உறுப்பினராக உள்ளார்.
- மேற்குறிப்பிட்ட பெண் உறுப்பினர்களைத் தவிர, திரு வி விஜயசாய் ரெட்டி, திரு கன்ஷியாம் திவாரி, டாக்டர் எல் ஹனுமந்தய்யா மற்றும் திரு சுகேந்து சேகர் ரே ஆகியோரும் துணைத் தலைவர்களின் குழுவுக்கு நியமிக்கப்பட்டுள்ளனர்.
- திருமதி சுலதா தியோ, திருமதி எஸ் பாங்னோன் கொன்யாக், திருமதி பி.டி.உஷா, டாக்டர் ஃபௌசியா கான் ஆகியோர் இவர்களில் அடங்குவர்.
- அமைச்சகம், வெளியுறவு அமைச்சகம் மற்றும் ஆசியான் இந்திய தூதரகத்துடன் இணைந்து பாரம்பரிய மருந்துகள் குறித்த இந்தியா மற்றும் தென்கிழக்கு ஆசிய நாடுகளின் கூட்டமைப்பு (ஆசியான்) ஆகியவற்றின் மாநாட்டை புதுதில்லியில் இன்று ஏற்பாடு செய்தது.
- நிலையான வளர்ச்சி இலக்குகள் மற்றும் உலகளாவிய சுகாதார பாதுகாப்பை அடைய நிலையான மற்றும் நெகிழ்வான சுகாதார அமைப்புகளை ஒருங்கிணைப்பதாக உறுதியளித்தது.
- இந்த மாநாட்டில் மத்திய ஆயுஷ் மற்றும் துறைமுகங்கள், கப்பல் மற்றும் நீர்வழித் துறை அமைச்சர் திரு சர்பானந்தா சோனோவால் மற்றும் ஆயுஷ் மற்றும் மகளிர் மற்றும் குழந்தைகள் மேம்பாட்டுத் துறை இணை அமைச்சர் டாக்டர் முஞ்பாரா மகேந்திரபாய் கலுபாய் ஆகியோர் சிறப்பு விருந்தினராக கலந்து கொண்டனர். ஆயுஷ் செயலாளர் திரு வைத்யா ராஜேஷ் கோடேச்சா, பிற பிரமுகர்கள் மற்றும் ஆசியான் நாடுகளின் பிரதிநிதிகள் இந்த நிகழ்வில் கலந்து கொண்டனர்.
- இந்தியா மற்றும் ஆசியான் நாடுகளைச் சேர்ந்த இரண்டு ஆசியான் நாடுகள் உட்பட மொத்தம் 75 பிரதிநிதிகள் மெய்நிகர் முறையில் பங்கேற்ற இந்த மதிப்புமிக்க மாநாட்டின் ஒரு பகுதியாக இருந்தனர்.
- இந்திய வானிலை ஆய்வு மையம் சமீபத்தில் சோதனை அடிப்படையில் வெப்ப குறியீட்டை அறிமுகப்படுத்தியுள்ளதாக மத்திய புவி அறிவியல் துறை அமைச்சர் கிரண் ரிஜிஜு இன்று மாநிலங்களவையில் எழுத்துப்பூர்வமாக அளித்த பதிலில் தெரிவித்தார்.
- வெளிப்படையான வெப்பநிலை / உணரும் வெப்பநிலை (வெப்பநிலையுடன் ஈரப்பதத்தின் தாக்கத்தை கருத்தில் கொண்டு) மக்களுக்கு இடர்பாடுகளை ஏற்படுத்தும் பிராந்தியங்களுக்கு பொதுவான வழிகாட்டலை வழங்குவதற்காக சோதனை வெப்ப குறியீட்டை இந்திய வானிலை ஆய்வு மையம் தொடங்கியுள்ளது என்று அவர் கூறினார்.
- தற்போது, அமெரிக்காவின் தேசிய வானிலை சேவை, தேசிய பெருங்கடல் மற்றும் வளிமண்டல நிர்வாகம் பயன்படுத்துவதைப் போன்ற வெப்ப குறியீட்டு சமன்பாட்டைப் பயன்படுத்தி வெப்பக் குறியீட்டெண் பெறப்படுகிறது.
- சோதனை வெப்பக் குறியீட்டிற்குப் பயன்படுத்தப்படும் வண்ணக் குறியீடுகள் பின்வருமாறு:
- பச்சை:- சோதனை வெப்ப குறியீட்டெண் 35 டிகிரி செல்சியஸுக்கும் குறைவாக உள்ளது
- மஞ்சள்:- சோதனை வெப்பக் குறியீடு 36-45 டிகிரி செல்சியஸ் வரம்பில்
- ஆரஞ்சு:- சோதனை வெப்ப குறியீட்டெண் 46-55 டிகிரி செல்சியஸ் வரம்பில்
- சிவப்பு:- சோதனை வெப்ப குறியீட்டெண் 55 டிகிரி செல்சியஸை விட அதிகமாக உள்ளது.
- இந்தியாவின் ஜி20 தலைமைத்துவத்தின் கீழ், 4வது எரிசக்தி மாற்றங்களுக்கான பணிக்குழு (இடிடபிள்யுஜி) கூட்டம் நேற்று கோவாவில் தொடங்கியது.
- இந்த முக்கிய கூட்டத்திற்கு இடையே, 14வது தூய்மை எரிசக்தி அமைச்சகம் மற்றும் 8வது புத்தாக்க இயக்கத்தின் கூட்டமும் மிகுந்த உற்சாகத்துடன் தொடங்கியது. 34 க்கும் மேற்பட்ட உறுப்பு நாடுகளில் இருந்து பிரதிநிதிகள் கலந்துகொண்டனர்.
- தூய்மை எரிசக்தி கூட்டத்தின் முதல் நாளில், ஒருங்கிணைப்பாளர்கள், சர்வதேச முகமைகள், ஆராய்ச்சியாளர்கள், கொள்கை வல்லுநர்கள், தொழில் வல்லுநர்கள் உட்பட 800க்கும் மேற்பட்டவர்கள் கலந்து கொண்டனர்.
- கூடுதலாக, இந்த நிகழ்வில் 50 க்கும் மேற்பட்ட பங்குதாரர்களால் ஏற்பாடு செய்யப்பட்ட சுமார் 30 பக்க நிகழ்வுகள் இடம்பெற்றன. இந்த பக்க நிகழ்வுகள் ஆற்றல் திறன், சுத்தமான எரிபொருள், சுத்தமான எரிசக்தி, கரி அமில உமிழ்வு போன்ற பல்வேறு கருப்பொருள்களில் கவனம் செலுத்துகின்றன.
- இந்தியா மற்றும் உலகெங்கிலும் உள்ள தூய்மையான எரிசக்தியில் அதிநவீன முன்னேற்றங்களை வெளிப்படுத்தும் தொழில்நுட்பம் குறித்து இக்கூட்டத்தில் விவாதிக்கப்படுகிறது.
- ஜூலை 19 முதல் வரை கோவாவில் உள்ள ஷ்யாமா பிரசாத் முகர்ஜி உள்விளையாட்டு அரங்கில் நடைபெறும் தொழில்நுட்பம் மற்றும் கலாச்சார கண்காட்சியை கோவா முதல்வர் டாக்டர் பிரமோத் சாவந்த், மின்துறை அமைச்சர் திரு சுதின் தவாலிகர் முன்னிலையில் திறந்து வைத்தார்.
- மத்திய மின்துறை செயலாளர் திரு பங்கஜ் அகர்வால், கூடுதல் செயலாளர் திரு அஜய் திவாரி உள்ளிட்டோர் கலந்து கொண்டனர். கண்காட்சியில், மின்சார வாகனங்கள், ஹைட்ரஜன் போன்ற புதிய மற்றும் வளர்ந்து வரும் தொழில்நுட்பங்கள், உலகம் முழுவதிலும் உள்ள மற்ற தொழில்நுட்பங்கள் இடம்பெறும்.
- வணிக வங்கிகள், பலதரப்பு வளர்ச்சி வங்கிகள், அரசுகள் மற்றும் தொழில்துறை பிரதிநிதிகளை ஒன்றிணைப்பதை நோக்கமாகக் கொண்ட 'கார்பன் வசப்படுத்துதல், பயன்பாடு மற்றும் சேமிப்பு நிதி' என்ற தலைப்பில் விவாதிக்க ஒரு அமர்வுக்கு ஏற்பாடு செய்யப்பட்டது.
- இந்த நிகழ்வின் முக்கிய கவனம், கார்பன் மேலாண்மை திட்டங்களுக்கு நிதியளிப்பதை எவ்வாறு பயனுள்ளதாக மாற்றுவது என்பது குறித்த உத்திகள் மற்றும் யோசனைகளை ஆராய்வதாகும்.
- ஜூலை 21 ஆம் தேதி அமைச்சர்கள் பங்கேற்கும் முழு அளவிலான கூட்டங்களுக்கு திட்டமிடப்பட்டுள்ளன, அதே நேரத்தில் ஜி20 எரிசக்தி மாற்றத்திற்கான அமைச்சர்கள் கூட்டம் ஜூலை 22 ஆம் தேதி நடைபெறும்.
