Type Here to Get Search Results !

19th April 2023 TAMIL TNPSC CURRENT AFFAIRS PDF TNPSC SHOUTERS


19th April 2023 TAMIL TNPSC CURRENT AFFAIRS PDF TNPSC SHOUTERS

ஒளிப்பதிவு திருத்த மசோதாவுக்கு அமைச்சரவை குழு ஒப்புதல்
  • திரைப்படங்களுக்கான தணிக்கை, 'யு, யு/ஏ, ஏ' என்ற மூன்று வகையாக தற்போது வழங்கப்படுகிறது.
  •  'யு' சான்று அனைத்து வயதினரும் பார்க்க அனுமதிக்கிறது. 'யு/ஏ' சான்று, 12 வயதுக்கு குறைவானவர்கள் பெற்றோர் கண்காணிப்புடன் பார்க்க அனுமதிக்கிறது. 'ஏ' சான்று, பெரியவர்களுக்கு மட்டுமானதாக உள்ளது.
  • இதை ஒளிப்பதிவு திருத்த மசோதாவில், 'யு, யு/ஏ 7 பிளஸ், யு/ஏ 13 பிளஸ், யு/ஏ 16 பிளஸ் மற்றும் ஏ' என, ஐந்து வகையாக பிரிக்க முடிவு செய்யப்பட்டுள்ளதாக கூறப்படுகிறது. 
  • மேலும், இணைய தளத்தில் திரைப்படங்களை வெளியிடும் நபர்களுக்கு மூன்று மாதங்கள் முதல் மூன்று ஆண்டுகள் வரை சிறை தண்டனையும், 3 லட்சம் ரூபாய் முதல், தயாரிப்பு செலவில் 5 சதவீத தொகை வரை அபராதம் விதிக்கவும் இந்த புதிய திருத்த மசோதா வழி செய்கிறது.
  • இந்த ஒளிப்பதிவு சட்ட திருத்த மசோதாவுக்கு, பிரதமர் நரேந்திர மோடி தலைமையிலான அமைச்சரவை குழு கூட்டத்தில் ஒப்புதல் அளிக்கப்பட்டது. அடுத்த பார்லிமென்ட் கூட்டத்தில் இந்த மசோதா தாக்கல் செய்யப்பட உள்ளதாக தகவல் வெளியாகி உள்ளது.
குவாண்டம் தொழில்நுட்பங்களுக்கான அறிவியல் மற்றும் தொழில்துறை ஆராய்ச்சி, மேம்பாட்டை அதிகப்படுத்த தேசிய குவாண்டம் இயக்கத்திற்கு அமைச்சரவை ஒப்புதல் அளித்துள்ளது
  • குவாண்டம் தொழில்நுட்பத்தில் துடிப்புமிக்க, புதிய சூழலை உருவாக்குவதையும், அறிவியல் மற்றும் தொழில்துறை ஆராய்ச்சி, மேம்பாட்டை அதிகப்படுத்துவதையும் நோக்கமாகக் கொண்டு 2023-24-ல் இருந்து 2030-31 வரை ரூ.6003.65 கோடி செலவில் தேசிய குவாண்டம் இயக்கத்திற்கு பிரதமர் திரு நரேந்திர மோடி தலைமையில் நடைபெற்ற அமைச்சரவைக் கூட்டம் ஒப்புதல் அளித்துள்ளது. 
  • இது குவாண்டம் தொழில்நுட்பத்தால் ஏற்படும் பொருளாதார வளர்ச்சியை துரிதப்படுத்தும், குவாண்டம் தொழில்நுட்பங்கள் மற்றும் பயன்பாட்டில் முன்னிலை வகிக்கும் நாடுகளில் ஒன்றாக இந்தியாவை உருவாக்கும்.
  • சூப்பர்கண்டக்டிங், போட்டோனிக் தொழில்நுட்பம் போன்ற பல்வேறு தளங்களில் 8 ஆண்டுகளில் 50-1000 பிசிக்கல் க்யூபிட்ஸ் உடன் குவாண்டம் கம்ப்யூட்டர்களை உருவாக்குவதை இந்த இயக்கம் இலக்காக கொண்டுள்ளது. 
  • இந்தியாவுக்குள் 2000 கி.மீ. தூரத்தில் உள்ள தரை நிலையங்களுக்கிடையே செயற்கைக்கோள் அடிப்படையிலான குவாண்டம் தகவல் தொடர்புகளை கிடைக்கச்செய்யும். 
  • இதர நாடுகளுடன் தொலைதூர குவாண்டம் தகவல் தொடர்புகளையும் 2000 கி.மீ. தூரம் வரை நகரங்களுக்கிடையேயான குவாண்டம் தகவல் பரிமாற்றத்தையும் இது கொண்டிருக்கும்.
  • அணுசக்தி நடைமுறைகளில் உயர்நிலை உணர்திறன் கொண்ட மேக்னோ மீட்டர்களை உருவாக்கவும், துல்லியமான நேரத்திற்கான அணுசக்தி கடிகாரங்களை உருவாக்கவும் இந்த இயக்கம் உதவிசெய்யும். சூப்பர்கண்டக்டர், நவீன செமி கண்டக்டர் வடிவங்கள் போன்ற குவாண்டம் பொருட்களை வடிவமைக்கவும் இது உதவியாக இருக்கும்.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Hollywood Movies

close

Join TNPSC SHOUTERS Telegram Channel

Join TNPSC SHOUTERS

Join Telegram Channel