36வது தேசிய விளையாட்டுப் போட்டிகள் - 5வது நாள்
- 36வது தேசிய விளையாட்டுப் போட்டிகள் குஜராத்தில் உள்ள அகமதாபாத், காந்திநகர், சூரத், வதோதரா, ராஜ்கோட் மற்றும் பாவ்நகர் உள்ளிட்ட ஆறு நகரங்களில் நடைபெற்று வருகிறது.
- இந்தப் போட்டியில் 28 இந்திய மாநிலங்கள் மற்றும் எட்டு யூனியன் பிரதேசங்கள் மற்றும் சேவைகள் (இந்திய ஆயுதப் படைகளின் அணிகள்) ஆகியவற்றிலிருந்து சுமார் 7,000 விளையாட்டு வீரர்கள் 36 வெவ்வேறு விளையாட்டுகளில் பதக்கங்களுக்காக போட்டியிடுகின்றனர்.
- பாரம்பரிய ஒலிம்பிக் விளையாட்டுகள் மற்றும் இந்தியாவின் உள்நாட்டு விளையாட்டுகளான மல்லகம்பா, கோ-கோ மற்றும் கபடி ஆகியவையும் இதில் அடங்கும்.
- பெண்களுக்கான நெட்பால் போட்டியின் இறுதிப் போட்டியில், ஹரியானா மற்றும் பஞ்சாப் அணிகளுக்கு இடையே கடும் போட்டி நடைபெற்றது. அரியானா 53-49 என்ற புள்ளிக்கணக்கில் பஞ்சாப் அணியை வீழ்த்தி தங்கப் பதக்கம் வென்றது.
- இதேபோல், ஹரியானா மற்றும் தெலுங்கானா அணிகளுக்கு இடையே நடைபெற்ற ஆண்களுக்கான போட்டியின் நெட்பால் இறுதிப் போட்டியில், ஹரியானா வீரர்கள் 75-73 என்ற புள்ளிக்கணக்கில் தெலுங்கானாவை வீழ்த்தி தங்கம் வென்றனர்.
- வில்வித்தையில் இன்று தனிநபர் சுற்று சுற்றில் ஹரியானாவி வீரர் ரிஷப் யாதவ் மேலும் ஒரு தங்கம் வென்றார்.
- பெண் ஹாக்கி அணி பூல் ஏ போட்டிகளில் தொடர்ந்து வெற்றி பெற்று வருகிறது. ஏ பிரிவில் நடந்த முதல் ஆட்டத்தில் ஹரியானா 30-1 என்ற கோல் கணக்கில் குஜராத்தை வீழ்த்தி அபார வெற்றி பெற்றது.
- இதேபோல், ஒடிசாவுக்கு எதிரான மற்றொரு ஆட்டத்தில் ஹரியானா 4-0 என்ற கோல் கணக்கில் ஒடிசாவை வீழ்த்தியது. தவிர, உத்தரப் பிரதேசத்துக்கு எதிரான இன்றைய ஆட்டத்தில் ஹரியானா பெண்கள் ஹாக்கி அணி 5-1 என்ற கோல் கணக்கில் உத்தரப் பிரதேசத்தை வீழ்த்தி வெற்றிப் பயணத்தைத் தொடர்ந்துள்ளது.
- தேசிய விளையாட்டுப் போட்டியில் பதக்கங்களை அள்ளிக் குவித்து வரும் இந்திய ஆயுதப் படைகளின் அணிகள் 40 தங்கம், 25 வெள்ளி, 24 வெண்கலம் என மொத்தம் 89 பதக்கங்களை வென்று பதக்க பட்டியலில் முதலிடத்தில் உள்ளது. 25 தங்கம், 22 வெள்ளி, 19 வெண்கலம் என மொத்தம் 66 பதக்கங்களை வென்று குவித்துள்ள ஹரியானா அணி 2ம் இடத்தில் உள்ளது.
- தமிழக அணியைப் பொறுத்தவரை 18 தங்கம், 17 வெள்ளி, 18 வெண்கலம் என மொத்தம் 53 பதக்கங்களை வென்று பதக்க பட்டியலில் 4ம் இடத்தில் உள்ளது.
- காலநிலை மாற்றத்துக்கு தீர்வு காணும் வகையில் எகிப்து நாட்டில் வரும் நவம்பர் 6-ம் தேதி முதல் 18-ம் தேதி வரை காலநிலை மாற்ற மாநாடு (COP27) நடைபெற உள்ளது. இந்த மாநாட்டில் பல உலக நாடுகளில் இருந்து பிரதிநிதிகள் கலந்துகொள்ள உள்ளனர்.
- இந்த மாநாட்டை நடத்துவதற்கு ஐ.நா கோகோகோலா நிறுவனத்துடன் ஒப்பந்தம் செய்துள்ளது. உலகில் அதிக அளவில் பிளாஸ்டிக் பாட்டில்களை உற்பத்தி செய்து மாசுபடுத்துதலில் முதல் இடத்தை பிடித்துள்ள கோகோகோலாவுடன் காலநிலை மாற்ற மாநாட்டிற்கு ஒப்பந்தம் செய்தது பல்வேறு சர்ச்சைகளை வெடிக்க செய்துள்ளது.
- கோகோகோலா நிறுவனம் ஒரு ஆண்டில் 120 பில்லியன் பிளாஸ்டிக் பாட்டில்களை உற்பத்தி செய்கிறது என்பது குறிப்பிடத்தக்கது. இந்த சர்ச்சைகளுக்கு பதிலளித்துள்ள கோகோகோலா நிறுவனம், கடலில் இருந்து பிளாஸ்டிக் கழிவுகளை அகற்ற ஐநாவுடன் இணைந்து செயல்பட தயாராக உள்ளதாகவும், மேலும் 2030-ம் ஆண்டிற்குள் தங்கள் நிறுவனத்தின் பிளாஸ்டிக் பாட்டில்களை மறுசுழற்சி செய்யும் முயற்சியில் ஈடுபட உள்ளதாகவும், 2050-ம் ஆண்டுக்குள் 100 சதவிகித கார்பன் வெளியீட்டை தடுக்க நடவடிக்கை எடுக்க உள்ளதாகவும் கூறியுள்ளது.
