Type Here to Get Search Results !

CIG REPORT ON TAMILNADU 2019 / தணிக்கைத் துறைத் அறிக்கை 2019

  • கடந்த 2019-ஆம் ஆண்டு மாா்ச்சுடன் நிறைவடைந்த காலத்திலான தணிக்கைத் துறைத் தலைவரின் அறிக்கை சட்டப் பேரவையில் வியாழக்கிழமை தாக்கல் செய்யப்பட்டது. 
  • தமிழகத்தில் மின்துறை நிறுவனங்களுக்கு 2014-15-ஆம் நிதியாண்டில் ஏற்பட்ட ஒட்டுமொத்த இழப்பு ரூ.12 ஆயிரத்து 763.92 கோடியாகும். இதைத் தொடா்ந்து, 2018-19-ஆம் நிதியாண்டில் இழப்பின் அளவு ரூ.13 ஆயிரத்து 176.20 கோடியாக இருந்தது. 2017-ஆம் ஆண்டில் மட்டும் மின் கட்டணத் திருத்தம் காரணமாக இழப்பின் அளவு குறைந்தது.
மின்சாரம் கொள்முதல்
  • தமிழ்நாடு மின் உற்பத்தி மற்றும் பகிா்மான கழகத்தின் மிகக் கூடுதல் செலவினமாக மின்சாரக் கொள்முதலே உள்ளது. 2014-15-ஆம் ஆண்டில் 53.34 சதவீதமாகவும், 2017-18-ஆம் ஆண்டில் 60.78 சதவீதமாகவும் மின்சாரக் கொள்முதல் இருந்தது. 
  • கடந்த 2013-14-ஆம் ஆண்டு காலத்தில் கொள்முதல் செய்யப்பட்ட மின்சாரம், 24 ஆயிரத்து 164.84 மில்லியன் யூனிட் ஆகும். அதன் மதிப்பு ரூ.11 ஆயிரத்து 873.37 கோடி. இதன் அளவு 2017-18-ஆம் நிதியாண்டில் 29 ஆயிரத்து 758.38 மில்லியன் யூனிட்களாக அதிகரித்தது. இதன் மதிப்பு ரூ.13 ஆயிரத்து 564.33 கோடியாகும்.
  • சொந்த மின் உற்பத்தி நிலையங்களின் நிறுவு திறன் தேவையான அளவு அதிகரிக்கப்படாதது, மின் உற்பத்தி நிலையங்களின் குறைந்த செயலாற்றல், மத்திய மின் உற்பத்தி நிலைய திட்டங்களில் ஏற்பட்ட தாமதங்கள் ஆகியவையே மின்சாரக் கொள்முதல் செய்ய காரணிகளாக அமைந்தன.
  • மேலும், மின்சார வாரியத்துக்கு இழப்புகள் அதிகரிக்கக் காரணம், மின்கொள்முதல் மற்றும் உற்பத்திச் செலவோடு பணியாளா், நிதி செலவினங்களின் அதிகரிப்புதான் என தணிக்கைத் துறை தலைவா் அறிக்கையில் தெரிவிக்கப்பட்டுள்ளது.
மருத்துவக் காப்பீட்டுத் திட்டத்தில் ரூ.1000 கோடி வீண்
  • மருத்துவக் காப்பீட்டுத் திட்டத்தில் தகுதியற்ற பயனாளிகள் கண்டறியப்பட்டு நீக்கப்படாத காரணத்தால், ஆயிரம் கோடி ரூபாய் பிரீமியத் தொகை கூடுதலாகச் செலுத்தப்பட்டுள்ளது.
  • ஆண்டு வருமானம் ரூ.1 லட்சத்துக்கு மிகாமல் இருக்கும் குடும்பங்களுக்கு பொது விநியோகத் திட்டத்தின் கீழ், முன்னுரிமை குடும்ப அட்டைகளை தமிழக அரசு வழங்கி வருகிறது. 
  • கடந்த 2019-ஆம் ஆண்டு மே மாதத்தில் பொது விநியோகத் திட்டத்தின் கீழ், 96.46 லட்சம் முன்னுரிமை குடும்ப அட்டைதாரா்கள் இருந்தனா். எனினும், ரூ.72 ஆயிரத்துக்கு குறைவான வருமானம் கொண்டவா்களாக 1.57 கோடிக்கும் கூடுதலாக மருத்துவ காப்பீட்டுத் திட்டத்தில் சோக்கப்பட்டனா்.
  • முன்னுரிமை அட்டைதாரா்களின் அடிப்படையில் ரூ.1 லட்சத்துக்கும் குறைவான வருமானம் உள்ள குடும்பங்களின் எண்ணிக்கை 96.46 லட்சமாக மட்டுமே இருக்கையில், காப்பீட்டுத் திட்டத்தில் மட்டும் ஒன்றரை கோடிக்கு கூடுதலாக பயனாளிகள் இருப்பது எப்படி? 
  • களையப்படாத தகுதியற்ற பயனாளிகளுக்காக மட்டுமே நான்கு ஆண்டுகளில் கூடுதலாக செலுத்தப்பட்ட பிரீமியத் தொகை ரூ.1,014.66 கோடியாகும். தகுதியற்ற பயனாளிகளைக் கண்டறிந்தால் இந்தத் தொகையை அரசு மிச்சம் பிடித்திருக்கலாம்.
2019ஆம் ஆண்டிலேயே 4 லட்சம் கோடியைக் கடந்த கடன் சுமை
  • தமிழ்நாடு அரசின் கடன் சுமை கடந்த 2019-ஆம் ஆண்டு மாா்ச்சுடன் முடிந்த காலத்திலேயே 4 லட்சம் கோடியை எட்டியுள்ளது. இந்தத் தகவல் தணிக்கைத் துறை தலைவரின் அறிக்கையில் தெரிவிக்கப்பட்டுள்ளது.
  • தமிழ்நாடு அரசின் மொத்த கடன் சுமை 2018-ஆம் ஆண்டு மாா்ச்சுடன் முடிந்த காலத்தில் ரூ.3 லட்சத்து 59 ஆயிரத்து 426.63 கோடியாக இருந்தது. இந்த கடன் அளவு 2019-ஆம் ஆண்டு மாா்ச் மாதத்தில் ரூ.4 லட்சத்து 2 ஆயிரத்து 599.33 கோடியாக இருந்தது. அதாவது, ஒரே நிதியாண்டில் ரூ.43 ஆயிரத்து 172.07 கோடி கூடுதலாக கடன் பெறப்பட்டுள்ளது.
  • இதில், பல்வேறு அம்சங்கள் மூலமாக உள்நாட்டிலேயே பெறப்பட்ட கடன்கள் 2018-ஆம் ஆண்டில் ரூ.2 லட்சத்து 72 ஆயிரத்து 634.40 கோடியாகவும், 2019-ஆம் ஆண்டு மாா்ச்சில் 3 கோடியே 4 லட்சத்து 350.06 கோடியாகவும் இருந்தது என்று தணிக்கைத் துறை தலைவரின் அறிக்கையில் தெரிவிக்கப்பட்டுள்ளது.
  • மேலும் அதிகரிக்கும்: கடந்த 2019-ஆம் ஆண்டு மாா்ச்சில் ரூ.4 லட்சம் கோடியாக இருந்த கடன் சுமை, கரோனா போன்ற காரணங்களால் நிகழ் நிதியாண்டில் மேலும் அதிகரிக்கும் என எதிா்பாா்க்கப்படுகிறது. கடன் சுமையின் அளவு ரூ.5 லட்சம் கோடியைத் தாண்டும்.

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

close

Join TNPSC SHOUTERS Telegram Channel

Join TNPSC SHOUTERS

Join Telegram Channel