Tuesday, 23 March 2021

தேசிய திரைப்பட விருதுகள் 2019 / NATIONAL FILM AWARD 2019

 

  • சிறந்த திரைப்படங்களையும், திரைப்பட துறையில் சிறந்து விளங்கும் கலைஞர்களையும் கவுரவிக்கும் வகையில், ஆண்டு தோறும், தேசிய திரைப்பட விருதுகளை, மத்திய அரசு வழங்கி வருகிறது. 
  • கடந்த, 2019ம் ஆண்டிற்கான விருதுகள், கொரோனா வைரஸ் அச்சுறுத்தல் காரணமாக, கடந்த ஆண்டு அறிவிக்கப்படவில்லை. இந்நிலையில், டில்லியில், மத்திய தகவல் மற்றும் ஒளிபரப்பு துறை அமைச்சகம், நேற்று ஏற்பாடு செய்திருந்த நிகழ்ச்சியில், 2019ம் ஆண்டிற்கான, 67வது தேசிய திரைப்பட விருதுகள் அறிவிக்கப்பட்டன.
  • சிறந்த திரைப்படத்திற்கான தேசிய விருதை, நடிகர் மோகன்லால் நடிப்பில், விரைவில் வெளியாக உள்ள மலையாள படமான, மரக்கர்: அரபிக்கடலின்டே சிம்ஹம் திரைப்படம் தட்டிச் சென்றது.
  • சிறந்த தமிழ் திரைப்படத்திற்கான தேசிய விருது, வெற்றிமாறன் இயக்கிய, அசுரன் படத்திற்கு அறிவிக்கப்பட்டது.
  • இதேபோல், சிறந்த ஹிந்தி திரைப்படத்திற்கான விருது, சிச்சோரே படத்திற்கும்; சிறந்த மலையாள படத்திற்கான விருது, கள்ள நோட்டம் படத்திற்கும். 
  • சிறந்த தெலுங்கு படத்திற்கான விருது, ஜெர்சி படத்திற்கும்; சிறந்த கன்னட திரைப்படத்திற்கான விருது, அக்ஷி படத்திற்கும் அறிவிக்கப்பட்டுள்ளன. 
  • பார்த்திபன் இயக்கிய, ஒத்த செருப்பு சைஸ் - 7 திரைப்படம், சிறப்பு ஜூரி விருதையும், சிறந்த ஒலிப்பதிவுக்கான விருதையும் தட்டிச் சென்றது.
  • சிறந்த நடிகருக்கான தேசிய விருது, அசுரன் படத்தின் கதாநாயகன் தனுஷுக்கு அறிவிக்கப்பட்டது. இந்த விருதை, போன்ஸ்லே ஹிந்தி படத்தில் நடித்த மனோஜ் பாஜ்பாயுடன், தனுஷ் பகிர்ந்துள்ளார். 
  • சிறந்த நடிகைக்கான விருது, மணிகர்ணிகா மற்றும் பங்கா ஹிந்தி படங்களில் நடித்த கங்கனா ரணாவத்திற்கு அறிவிக்கப்பட்டுள்ளது. 
  • சிறந்த இயக்குனருக்கான விருது, பகத்தர் ஹூரெய்ன் என்ற ஹிந்தி படத்தை இயக்கிய சஞ்சய் பூரன் சிங் சவுகானுக்கு அறிவிக்கப்பட்டுள்ளது.
  • சிறந்த இசையமைப்பாளருக்கான தேசிய விருது, விஸ்வாசம் படத்திற்காக, இமானுக்கு அறிவிக்கப்பட்டது. 
  • சூப்பர் டீலக்ஸ் படத்தில் நடித்த நடிகர் விஜய் சேதுபதிக்கு, சிறந்த துணை நடிகருக்கான விருதும்; கே.டி., படத்தில் நடித்த நாகா விஷாலுக்கு, சிறந்த குழந்தை நட்சத்திரத்திற்கான விருதும் அறிவிக்கப்பட்டுள்ளன.

TNPSCSHOUTERS

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a comment