Tuesday, 8 September 2020

தமிழ்நாடு மின்னணுவியல் வன்பொருள் உற்பத்தி கொள்கை / TAMILNADU ELECTRONICS HARDWARE MANUFACTURING POLICY 2020

  • தமிழ்நாடு மின்னணுவியல் வன்பொருள் உற்பத்தி கொள்கை -- 2020 ஐ, சென்னை, தலைமை செயலகத்தில், முதல்வர் இ.பி.எஸ்., வெளியிட்டார். தொழில் துறை அமைச்சர் சம்பத் பெற்றுக் கொண்டார்.
கொள்கையின் நோக்கங்கள் 
  • வரும், 2025க்குள், தமிழகத்தின் மின்னணுவியல் துறை உற்பத்தி உயர்த்தப்படும். 
  • இந்தியாவின் மொத்த மின்னணு ஏற்றுமதியில், தமிழகத்தின் பங்களிப்பை, 25 சதவீதமாக உயர்த்துவோம்.
  • 2024க்குள், மின்னணு வன்பொருள் உற்பத்தி துறையின், மனிதவள தேவையை பூர்த்தி செய்ய, ஒரு லட்சம் பேருக்கு, பயிற்சி அளிக்கப்படும்
  • மொபைல் போன்கள், எல்.இ.டி., தயாரிப்புகள், 'பேப்லெஸ் சிப்' வடிவமைப்புகள், மருத்துவம் மற்றும் மோட்டார் வாகன மின்னணுவியல் போன்ற துறைகளில், தமிழகத்தில் செய்யப்படும், மதிப்பு கூட்ட அளவு கணிசமாக அதிகரிக்கப்படும்
  • ஆராய்ச்சி மற்றும் புத்தாக்க சூழலை மேம்படுத்துதல் மற்றும் தொழிலகங்களுக்கு உகந்த சூழலை வளர்த்தெடுப்போம்.
முக்கிய அம்சங்கள்
  • மின்னணு அமைப்பு, வடிவமைப்பு மற்றும் உற்பத்தி துறையில், முதலீடு செய்ய முனைவோருக்கு, முதலீட்டு தொகையில், 30 சதவீதம் வரை மூலதன மானியம் வழங்கப்படும்
  • தொழில் ரீதியாக, பின்தங்கிய மாவட்டங்களில், தொழில் திட்டங்களை செயல்படுத்துவோருக்கு, சில நிபந்தனைகளுக்கு உட்பட்டு, நிலம் வாங்கும் செலவில், 50 சதவீத மானியம் தரப்படும் 
  • நிதி நிறுவனங்களில் இருந்து பெறப்படும் காலக் கடன்களுக்கு, அதிகபட்சமாக, ௫ சதவீதம் வரை வட்டி மானியம் வழங்கப்படும்
  • மின்னணு அமைப்பு, வடிவமைப்பு மற்றும் உற்பத்தி தொழிலகங்கள் வாங்கும் நிலங்களுக்கு, 50 சதவீதம் முதல், 100 சதவீதம் வரை, முத்திரை தீர்வுகளுக்கு விலக்களிப்பு உண்டு
  • முதன் முறையாக பணியமர்த்தப்படும் பணியாளர்களுக்கு, ஆறு மாதங்களுக்கு, மாதம் ஒன்றுக்கு, 4,000 ரூபாய் வீதம் பயிற்சி மானியம்; பெண் ஊழியர்களுக்கு, ஆறு மாத காலத்திற்கு, மாதம் ஒன்றுக்கு, 6,000 ரூபாய் வீதம் பயிற்சி மானியம் வழங்கப்படும்
  • ஐந்து ஆண்டுகளுக்கு, மின்சார வரிவிலக்கு தரப்படும். அறிவுசார் மூலதனம் மற்றும் மேம்படுத்தப்பட்ட சான்றளிப்பு மானியம், காப்புரிமை விண்ணப்பங்களுக்கு, 50 லட்சம் ரூபாய் வரை, 50 சதவீத மானியம் தரப்படும். 
  • சான்றிதழ்களுக்கு, ஒரு நிறுவனத்திற்கு, 1 கோடி ரூபாய் வரை, 50 சதவீதம் மானியம் தரப்படும்
  • சுற்றுச்சூழல் பாதுகாப்பு உள்கட்டமைப்பு மானியம் மற்றும் நடைமுறையில் உள்ள தொழில் கொள்கை 2014ன்படி இதர சலுகைகள் உண்டு
  • பெரிய முதலீடுகள் அல்லது சிறந்த தொழில் சூழலை உருவாக்குவதற்கான சாத்தியக் கூறுகளைக் கொண்ட முதலீடுகளுக்கு, சிறப்பு தொகுப்பு சலுகை வழங்கப்படும்.
பிற சலுகைகள்
  • மின்னணு வடிவமைப்பு மற்றும் உற்பத்தி மையங்கள் அருகில், தொழிலகங்களில் பணிபுரிவோருக்கு, குடியிருப்பு திட்டங்கள் உருவாக்கப்படும்
  • தொழில் முனைவோர் மேம்பாட்டு நிறுவனம் வழியாக, புத்தாக்க மானியங்கள், புத்தொழில் மானியங்கள், விதை மூலதனம் போன்ற சலுகைகள் வழியாக, புத்தொழில் நிறுவனங்களுக்கு ஆதரவளிக்கப்படும்.

TNPSCSHOUTERS

Author & Editor

TNPSC Shouters is the premier online site for anyone who are preparing Government Exams.TNPSC Shouters was started in april 2015 as a Educational blog.We offers state-of- the art support to all the aspirants of TNPSC /Bank /Government exams.

0 comments:

Post a comment