இருமொழி கல்விக் கொள்கையே தொடரும்: முதல்வா் பழனிசாமி உறுதி
- தமிழகத்தில் இருமொழி கல்விக் கொள்கையே தொடா்ந்து பின்பற்றப்படும் என்று முதல்வா் எடப்பாடி கே. பழனிசாமி உறுதிபடத் தெரிவித்துள்ளாா். மும்மொழிக் கொள்கையை தமிழக அரசு எப்போதும் அனுமதிக்காது எனவும் அவா் தெளிவுபடுத்தியுள்ளாா்
பிரிட்டிஷ் கிராண்ட் பிரீ 7வது முறையாக ஹாமில்டன் சாம்பியன்
- பிரிட்டிஷ் கிராண்ட் பிரீ பார்முலா 1 கார் பந்தயத்தில் மெர்சிடிஸ் அணி வீரர் லூயிஸ் ஹாமில்டன் (இங்கிலாந்து) 7வது முறையாக சாம்பியன் பட்டம் வென்று சாதனை படைத்தார்.
- சில்வர்ஸ்டோன் பந்தயக் களத்தில் நடந்த இப்போட்டியில் அபாரமாக செயல்பட்ட ஹாமில்டன், பந்தய தூரத்தை (52 லேப்) 1 மணி, 28 நிமிடம், 01.283 விநாடிகளில் கடந்து முதலிடம் பிடித்தார்.
- கடைசி சுற்றின்போது அவரது காரின் டயர் பங்ச்சர் ஆனதால் பெரும் பரபரப்பு ஏற்பட்டது. எனினும், சாமர்த்தியமாக காரை இயக்கிய ஹாமில்டன் 7வது முறையாக பிரிட்டிஷ் கிராண்ட் பிரீ கோப்பையை 7வது முறையாக முத்தமிட்டார்.
- ரெட் புல் ரேசிங் ஹோண்டா வீரர் மேக்ஸ் வெர்ஸ்டாப்பன் (+5.856 வி.) 2வது இடமும், பெராரி வீரர் சார்லஸ் லெக்ளர்க் (+18.474 வி.) 3வது இடமும் பிடித்தனர். நடப்பு சீசனில் இதுவரை 4 பந்தயங்கள் நடைபெற்றுள்ள நிலையில், மெர்சிடிஸ் வீரர்கள் ஹாமில்டன் (88 புள்ளி), வால்டெரி போட்டாஸ் (58 புள்ளி) முதல் 2 இடங்களில் உள்ளனர்.
- ரெட் புல் வீரர் வெர்ஸ்டாப்பன் (52 புள்ளி), மெக்லாரன் ரெனால்ட் வீரர் லேண்டோ நோரிஸ் (36 புள்ளி), பெராரியின் லெக்ளர்க் (33 புள்ளி) அடுத்த இடங்களை பிடித்துள்ளனர்.
ஆந்திரத்தில் இ-ரக்ஷாபந்தன் திட்டம் அறிமுகம் மாநில முதல்வர் ஜெகன்மோகன் தொடங்கி வைத்தார்
- ஆந்திரத்தில் இணையக் குற்றங்கள் குறித்து விழிப்புணர்வு ஏற்படுத்தும் விதமாக இ-ரக்ஷாபந்தன் திட்டத்தை மாநில முதல்வர் ஜெகன்மோகன் திங்கள்கிழமை துவக்கி வைத்தார்.
- ஆந்திர மாநில சிஐடி மற்றும் காவல்துறையின் சார்பில் சைபர் இணையக் குற்ற விழிப்புணர்வு ஏற்படுத்தும் வகையில் இந்தத் திட்டம் அறிமுகப்படுத்தப்பட்டுள்ளது. இணையவெளியில் பெண்கள் மற்றும் குழந்தைகளின் பாதுகாப்பை உறுதி செய்வதற்காக இந்த திட்டம் ஏற்பாடு செய்யப்பட்டுள்ளது.
- பொதுமக்கள், குறிப்பாக பெண்கள் மற்றும் குழந்தைகள் ஆகியோருக்கு விழிப்புணர்வை ஏற்படுத்துவதற்காக பிரத்யேகமாக செயல்படுத்தப்படும் ஒரு மாத கால திட்டமாக இது வடிவமைக்கப்பட்டுள்ளது.
- இ-ரக்ஷாபந்தனின் ஒரு பகுதியாக இணையவழி கருத்தரங்குகள் நடத்தப்படும் எனத் தெரிவிக்கப்பட்டுள்ளது. இந்தக் கருத்தரங்கில் இணைய வல்லுநர்கள் பல்வேறு வகையான இணைய குற்றங்கள் குறித்து பேசுவதோடு பொதுமக்களிடையே விழிப்புணர்வை ஏற்படுத்துவார்கள்.
- இ-ரக்ஷாபந்தன் திட்டத்தையொட்டி வானொலி நிகழ்ச்சி மற்றும் மாணவர்களுக்கான போட்டிகள் ஏற்பாடு செய்யப்பட்டுள்ளன. ஆந்திரக் காவல்துறை மற்றும் மாநில சிஐடி பிரிவு ஆகஸ்ட் மாதத்தை சுதந்திரம் மற்றும் மின் பாதுகாப்பு மாதமாக மாற்றுவோம் எனத் தெரிவித்துள்ளது.
