கென்யாவை சேர்ந்தவருக்கு கிடைத்தது சர்வதேச சிறந்த ஆசிரியர் விருது
- துபாயின் வார்க்கி குழுமத்தின் சார்பில் 5வது முறையாக வருடாந்திர சர்வதேச அளவில் சிறந்த ஆசிரியருக்கான விருது வழங்கும் விழா துபாயில் நடைபெற்றது.
- இதனை ஹாலிவுட் நடிகர் ஹோக் ஜாக்மேன் தொகுத்து வழங்கினார். சிறந்த ஆசிரியரின் தேர்விற்கு கடின உழைப்பு, மாணவர்களின் திறன் மீது நம்பிக்கை, மற்றும் ஆசிரியர் பணியில் மிகுந்த ஆர்வம் உள்ளிட்டவற்றை காரணிகளாக கொண்டு தேர்ந்தெடுக்கப்படுவது வழக்கம்.
- அவ்வகையில் சிறந்த ஆசிரியருக்கான விருதினை கென்யாவைச் சேர்ந்த பீட்டர் தபசி (36) வென்றார். இவர் கென்யாவின் வானி கிராமத்தில் உள்ள கெரிக்கோ மிக்ஸ்ட் டே பள்ளியில் கணிதம் மற்றும் இயற்பியல் ஆசிரியர் ஆவார்.
ஜெட் ஏர்வேஸ் நிறுவனர் நரேஷ் கோயல் விலகல்
- ஜெட் ஏர்வேஸ் நிறுவனரும் அதன் தலைவருமான நரேஷ் கோயல் மற்றும் அவரது மனைவி அனிதா கோயல் ஆகியோர் இயக்குநர் குழுவிலிருந்து திங்கள்கிழமை விலகினர்.
- ஜெட் ஏர்வேஸில் 25 ஆண்டுகளுக்கும் மேலாக தலைவர் பதவியில் இருந்த நரேஷ் கோயல் தனது பதவியை ராஜிநாமா செய்வார் என செபியிடம் தெரிவிக்கப்பட்டுள்ளது.
16-வது இலகு ரக போர் விமானத்தை தயாரித்து இலக்கை எட்டிய இந்துஸ்தான் ஏரோநேட்டிக்ஸ் நிறுவனம்
- குறிப்பிட்ட காலத்துக்குள் 16-வது இலகுரக போர் விமானத்தை தயாரித்து இந்துஸ்தான் ஏரோநேட்டிக்ஸ் நிறுவனம் சாதனை படைத்துள்ளது.
- இந்நிறுவனம் வெளியிட்டுள்ள செய்திக் குறிப்பில், 16-வது இலகு ரக போர் விமானத்தை மார்ச் இறுதிக்குள் தயாரிப்பதன் மூலம் இலக்கை இந்துஸ்தான் ஏரோநேட்டிக்ஸ் நிறுவனம் எட்டியுள்ளது.
- 40 இலகு ரக போர் விமானங்களுக்கு இந்திய விமானப் படையிடமிருந்து ஆர்டர் வந்துள்ளது.
- ஆண்டுக்கு 8 இலகு ரக போர் விமானங்கள் என்ற அடிப்படையில் தயாரிப்பை 2014-ம் ஆண்டு தொடங்கினோம்.
- 2 இலகு ரக போர் விமானங்கள் மலேசியாவில் நடக்கும் விமான கண்காட்சியில் பறக்கவிடப்படும். இந்த கண்காட்சிக்கு இந்துஸ்தான் ஏரோநேட்டிக்கல்ஸ் நிறுவனம் தொழில்நுட்ப ஒத்துழைப்பை வழங்கியுள்ளது என்று தெரிவிக்கப்பட்டுள்ளது.
மலைகள், சாலைகளில் அரசியல் விளம்பர பேனர்கள் வைக்க தடை - உச்சநீதிமன்றம்
- சுற்றுச் சூழலை பாதிக்கும் வகையில் தேர்தல் விளம்பரங்களை செய்ய தடை கோரி வழக்கறிஞர் யானை ராஜேந்திரன் தொடர்ந்த வழக்கில் உச்சநீதிமன்றம் இந்த தடை உத்தரவை பிறப்பித்துள்ளது.
- யானை ராஜேந்திரன் தொடர்ந்த வழக்கில், "சாலைகளின் ஓரங்களிலும் விளம்ப பதாகைகள் நிறையவே காணமுடியும். மலைகளில் பெயிண்ட் அடித்து அரசியல் கட்சி தலைவர்களின் பெயர்களை எழுதி இருப்பார்கள். அதேபோல், மரங்களில் ஆனி அடித்து விளம்பர அட்டைகள் வைத்திருப்பதை பார்க்க முடியும்.
- நெடுஞ்சாலைகளில் இத்தகைய பேனர்களை வைப்பதன் மூலம் நிறையவே விபத்துக்கள் ஏற்படுகின்றது. மலைகள் மற்றும் காடுகளில் இத்தகைய விளம்பர பேனர்களை வைப்பதால் விலங்குகள் மற்றும் சுற்றுச் சூழல் பாதிக்கப்படுகிறது. மேலும் நிறைய பிரச்னைகள் ஏற்படுகிறது" என்று கூறியிருந்தார்.
- தமிழகத்தில் மலைகள், காடுகள், சாலைகளில் பேனர்கள் மற்றும் விளம்பரத்திற்கு தடை விதித்தனர். அதோடு, உச்சநீதிமன்றத்தின் இந்த உத்தரவை தமிழக அரசு முறையாக செயல்படுத்த வேண்டும் என்றும் நீதிபதிகள் தெரிவித்தனர்.
இந்திய விமானப்படையின் சினூக் கனரக லிப்ட் அறிமுகமானது
- இந்தியா விமானப்படை வாங்கியுள்ள 15 சினூக் கனரக லிப்ட் ஹெலிகாப்டர்களில் முதல் 4 ஹெலிகாப்டர்களை மக்களின் பார்வைக்கு இன்று அறிமுகம் செய்தது.
- சண்டிகரில் இன்று இந்திய விமானப்படை (IAF) அதன் 15 சினூக் கனரக லிப்ட் ஹெலிகாப்டர்களில் முதல் நான்கு ஹெலிகாப்டர்களை மக்களின் பார்வைக்கு இன்று அறிமுகம் செய்தது. பன்முக திறமை கொண்ட இந்த ஹெலிகாப்டர்கள் சீனா மற்றும் பாக்கிஸ்தானுடனான எல்லை பிரச்சனைகளின் போடு இந்திய விமான படைகளின் பலத்தை அதிகரிக்க பயன்படும் என கூறப்படுகிறது.
- சண்டிகரின் விமானப்படை நிலையம் விங் 12 விமான நிலையத்தில் இன்று இந்த முதல் நான்கு ஹெலிகொப்டர்களை விமானப்படைத் தளபதி மார்சல் பி.எஸ். தானோ அறிமுகம் செய்தார்.
