Thursday, 31 May 2018

குரூப் 1 தேர்வுக்கான வயது உச்ச வரம்பை உயர்த்தி முதல்வர் பழனிசாமி அறிவிப்பு

Tnpsc Shouters
  • குரூப் 1, 1ஏ, 1பி தேர்வு எழுதுவோருக்கான வயது உச்ச வரம்புகளை உயர்த்துவதாக தமிழக சட்டப்பேரவையில் இன்று முதல்வர் பழனிசாமி அறிவித்தார்.
  • அதன்படி, குரூப் 1 தேர்வு எழுதும் ஒதுக்கீடு பிரிவினரான எஸ்சி, எஸ்டி, எம்பிசி, பிசி, டிஎன்சி பிரிவினருக்கான வயது உச்சவரம்பு 35ல் இருந்து 37 ஆக உயர்த்தப்படுகிறது.
  • இட ஒதுக்கீட்டுப் பிரிவினரைத் தவிர்த்து இதர பிரிவினருக்கான வயது உச்ச வரம்பு 30ல் இருந்து 32 ஆக உயர்த்தப்படுகிறது.
  • தமிழகத்தில் டிஎஸ்பி, துணை ஆட்சியர் உள்ளிட்ட உயர் பதவிகள், டிஎன்பிஎஸ்சி நடத்தும் குரூப் 1 தேர்வு மூலம் நிரப்பப்படுகின்றன.
  • இதற்கான வயது உச்ச வரம்பை உயர்த்த வேண்டும் என்ற அறிவிப்பை ஏற்று முதல்வர் பழனிசாமி இன்று இந்த அறிவிப்பினை வெளியிட்டுள்ளார். இதன் மூலம், கிராமப்புற மாணவர்கள் பலர் பயன்பெற வாய்ப்பு ஏற்பட்டுள்ளது.

DOWNLOAD TNPSCSHOUTERS CURRENT AFFAIRS MAY 2018 TAMIL PDF

Tnpsc Shouters

TNPSC SHOUTERS  - MAY 2018
CURRENT AFFAIRS
S.NO
DAY & MONTH
DOWNLOAD LINK
1.
1st MAY 2018
2.
2nd MAY 2018
DOWNLOAD HERE
3.
3rd MAY 2018
DOWNLOAD HERE
4.
4th MAY 2018
DOWNLOAD HERE
5.
5th MAY 2018
DOWNLOAD HERE
6.
6th MAY 2018
7.
7th MAY 2018
8.
8th MAY 2018
9.
9th MAY 2018
10.
10th MAY 2018
11.
11th MAY 2018
12.
12th MAY 2018
13.
13th MAY 2018
14.
14th MAY 2018
15.
15th MAY 2018
16.
16th MAY 2018
17.
17th MAY 2018
18.
18th MAY 2018
19.
19th MAY 2018
20.
20th MAY 2018
21.
21st MAY 2018
22.
22nd MAY 2018
23.
23rd MAY 2018
24.
24th MAY 2018
25.
25th MAY 2018
26.
26th MAY 2018
27.
27th MAY 2018
28.
28th MAY 2018
29.
29th MAY 2018
30.
30th MAY 2018
31.
31st MAY 2018

ஏப்ரல் மாதம் மட்டும் ரூ.1 லட்சம் கோடி ஜிஎஸ்டி வசூல்: மத்திய நிதியமைச்சகம் தகவல்

  • நடப்பு நிதியாண்டில் ஏப்ரல் மாதம் மட்டும் ரூ.1 லட்சம் கோடிக்கு நாடு முழுவதும் ஜிஎஸ்டி வசூல் நடைபெற்றுள்ளதாக மத்திய நிதியமைச்சகம் செவ்வாய்கிழமை தெரிவித்துள்ளது. இதுதொடர்பாக மத்திய நிதியமைச்சகம் வெளியிட்ட அறிக்கையில் தெரிவிக்கப்பட்டுள்ளதாவது:
  • 2018-ஆம் ஆண்டு ஏப்ரல் மாதம் மட்டும் மொத்தம் ரூ..1,03,458 கோடி ஜிஎஸ்டி வசூலாகியுள்ளது. இதில் (சி) ஜிஎஸ்டி ரூ.18,652 கோடி, (எஸ்) ஜிஎஸ்டி ரூ.25,704 கோடி, ஒருங்கிணைந்த (ஐ) ஜிஎஸ்டி ரூ.50,548 கோடி (இதில், இறக்குமதி மூலம் கிடைத்த ஜிஎஸ்டி ரூ.21,246 கோடி) கூடுதல் வரி (செஸ்) ரூ.8,554 கோடி (இதில், இறக்குமதி மூலம் கிடைத்த ஜிஎஸ்டி ரூ.702 கோடி) வசூலாகியுள்ளது.
  • இதில் மத்திய மற்றம் மாநில அரசுகளுக்கு (சி) ஜிஎஸ்டி ரூ.32,493 கோடி மற்றும் (எஸ்) ஜிஎஸ்டி ரூ.40,257 கோடி வருவாய் ஏற்பட்டுள்ளது. இது பொருளாதார முன்னேற்றத்தை குறிப்பதாக அமைந்துள்ளது. இருப்பினும் நிதியாண்டின் கடைசி மாதம் என்பதால் பலர் தங்களின் வரி பாக்கிகளை செலுத்தும் வாய்ப்பு அதிகம் உள்ளது. எனவே இந்த மாத ஜிஎஸ்டி வசூலை எதிர்கால போக்காக கருத இயலாது என்று தெரிவித்திருந்தது.
  • முன்னதாக, கடந்த ஆண்டு ஜூலை 1-ஆம் தேதி ஜிஎஸ்டி வரி அமலுக்கு வந்தது. இதன்படி அறிமுகப்படுத்தப்பட்ட முதல் நிதியாண்டில் ரூ.7.41 லட்சம் கோடி ஜிஎஸ்டி வசூலாகியுள்ளதாக நிதியமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது. கடந்த 2017 ஜூலை முதல் 2018-ஆம் ஆண்டு பிப்ரவரி வரை சராசரியாக மாதம் ரூ.89,000 கோடி ஜிஎஸ்டி வசூலானது. ஆனால் நிதியாண்டின் கடைசி மாதம் மட்டும் கூடுதலாக ரூ.24,000 கோடி ஜிஎஸ்டி வசூலாகியுள்ளது.
தேசிய கார் பந்தயம்; நடப்புச் சாம்பியனான கெளரவ் கில் மீண்டும் முதலிடம் பிடித்து அசத்தல்

  • தேசிய கார் பந்தயத்தில் நடப்புச் சாம்பியனான கெளரவ் கில் மீண்டும் முதலிடம் பெற்று அசத்தியுள்ளார்.
  • மெட்ராஸ் மோட்டார் விளையாட்டு சங்கம், இந்திய மோட்டார் விளையாட்டு சங்கங்களின் கூட்டமைப்பு சார்பில் 40-வது தேசிய கார் பந்தயம் கடந்த 2 நாள்களாக நடைபெற்றது.
  • சென்னை அடுத்த திருபெரும்புதூரில் எம்எம்ஆர்டி கார் பந்தய மைதானத்தில் நடைப்பெற்ற இந்த கார் பந்தயத்தில் நாடு முழுவதும் இருந்து முன்னணி வீரர்களைக் கொண்ட 31 குழக்கள் பங்கேற்றன.
  • அதன்படி, மஹிந்திரா அணி சார்பில் பங்கேற்ற நடப்புச் சாம்பியன கெளரவ் கில் பந்தய தூரத்தை 44 நிமிடம் 35 நொடிகளில் கடந்தார்.
  • அணிகள் பிரிவில் கில் - மூசா இணை பந்தய தூரத்தை 1 மணி நேரம், 28:43. 1 நிமிடங்களில் கடந்தது.அமித்ரஜித் கோஷ் - அஸ்வின் நாயக் இணை இரண்டாம் இடத்தைப் பிடித்தது.
  • ஐஎன்ஆர்சி 2-இல் கர்ணகடூர், நிகில் வி பாய் இணை முதலிடத்தைப் பெற்றது. ஐஎன்ஆர்சி 3-இல் விக்ரம் ராவ் - சோமையா இணை முதலிடத்தைப் பெற்றது.
  • 40-வது தேசிய கார் பந்தயத்தில் நடப்புச் சாம்பியன் கெளரவ் கில் மீண்டும் முதலிடம் பெற்ற நிகழ்வு இந்த போட்டியில் பெரும் உற்சாகத்தை ரசிகர்களிடையே ஏற்படுத்தியது.
சிம் கார்டு வாங்க ஆதார் கட்டாயமில்லை மத்திய தொலை தொடர்புத் துறை 

  • இனி சிம் கார்டு வாங்க ஆதார் கட்டாயமில்லை என்று மத்திய தொலை தொடர்புத் துறை அதிரடி உத்தரவு பிறப்பித்து உள்ளது.
  • இந்த நிலையில் சில நாட்களுக்கு முன்பு வரை ஆதார் அட்டையை மொபைல் எண்ணுடன் இணைக்க வேண்டும் என்று தொலைத்தொடர்பு நிறுவனங்கள் மக்களை தொல்லை செய்து இருந்தது. ஆனால் அப்படி இணைக்க தேவையில்லை என்று மத்திய தொலைத்தொடர்பு துறை ஆணை பிறப்பித்தது.
  • இந்த நிலையில் தற்போது இனி சிம் கார்டு வாங்க ஆதார் கட்டாயமில்லை என்று மத்திய தொலை தொடர்புத் துறை அதிரடி உத்தரவு பிறப்பித்து உள்ளது. வேறு அடையாள அட்டை வைத்தும் இனி சிம் வாங்கலாம் என்றும் மத்திய தொலை தொடர்புத் துறை கூறியுள்ளது.
இந்திய அணி 'நம்பர்-1'

  • டெஸ்ட் போட்டி, ஆண்டு தரவரிசையில் இந்திய அணி 4 புள்ளிகள் கூடுதலாக பிடித்து, 'நம்பர்-1' இடத்தில் நீடிக்கிறது.டெஸ்ட் போட்டியில் சிறந்து விளங்கும் அணிகளுக்கான ஆண்டு, திருத்தி அமைக்கப்பட்ட தரவரிசைப் பட்டியலை ('ரேங்க்') சர்வதேச கிரிக்கெட் கவுன்சில் (ஐ.சி.சி.,) வெளியிட்டது. 
  • இதன்படி, 2014-15 'சீசனில்' ஆஸ்திரேலியாவிடம் இரண்டு தோல்வி, இங்கிலாந்திடம் 3-1 என டெஸ்ட் தொடரை இழந்தது மற்றும் 2016-17ல் 13 டெஸ்டில் 10 வெற்றி என, இந்திய அணியின் செயல்பாடு கணக்கில் எடுத்துக்கொள்ளப்பட்டன. 
  • இதில், கூடுதலாக 4 புள்ளிகள் பெற்ற இந்திய அணி, 125 புள்ளிகளுடன், 'நம்பர்-1' இடத்தில் நீடிக்கிறது. அதேநேரம், தென் ஆப்ரிக்க அணிக்கு 5 புள்ளிகள் குறைக்கப்பட்டன. இருப்பினும், 112 புள்ளிகளுடன் தென் ஆப்ரிக்கா, 2வது இடத்தை தக்கவைத்தது.இதையடுத்து இந்திய அணிக்கு ரூ. 6.64 கோடி பரிசுத்தொகை கிடைக்கும். தென் ஆப்ரிக்காவுக்கு ரூ. 3.31 கோடி தரப்படும்.ஆஸ்திரேலிய அணி 4 புள்ளிகள் கூடுதலாக பெற்று, நியூசிலாந்தை பின்தள்ளி, மூன்றாவது இடம் பிடித்தது. இங்கிலாந்து 5வது இடத்தில் உள்ளது.



2018- பட்ஜெட் கூட்டத் தொடரில் சிறந்த லோக்சபா எம்.பி. சுப்ரியா சுலே

  • 16-வது பார்லி. லோக்சபா எம்.பி.க்களில் மஹாராஷ்ரா மாநில எம்.பி.க்கள் சிறந்த எம்.பிக்களாக அறிவிக்கப்பட்டுள்ளனர்.ப்ரைம் பாயின்ட் பவுண்டேசன் என்ற அமைப்பு பார்லி. லோக்சபா எம்பி.க்களின் செயல்பாடுகள், விவாதம் நடத்துதல், கேள்வி கேட்டல் ஆகியவற்றின் அடிப்படையில் சிறந்த எம்.பி.க்களை தேர்வு செய்து விருது வழங்கி வருகிறது.
  • 16-வது பார்லி. லோக்சபாவின் 2018 பட்ஜெட் கூட்டத்தொடர் வரையில் எம்.பி.க்களின் செயல்பாடுகளை ஆய்வு செய்ததில் முதல் மூன்று எம்.பி.க்கள் சிறந்த எம்.பி.க்களாக தேர்வு செய்யப்பட்டுள்ளது.
  • அவர்களில் தேசியவாத காங். எம்.பி. சுப்ரியா சுலே ( 74 முறை விவாதம் , 16 தனிநபர் மசோதா கொண்டு வந்தது, 983 கேள்விகள்) என 1,073 புள்ளிகள் பெற்று முதலிடத்திலும் சிவசேவனா கட்சியின் சிராங்க் அப்பா பார்னே 102 முறை விவாதம், 16 தனிபர் மசோதா, 932 கேள்விகள் ) என 1,050 புள்ளிகள் பெற்று இரண்டாவது இடத்திலும், காங். எம்.பி.யான ராஜிவ் ஷங்கரராவ் (97 விவாதம், 15 தனிநபர் மசோதா, 919 கேள்விகள்) என 1,031 புள்ளி பெற்று மூன்றாம் இடத்தில் உள்ளனர். 
டெல்லியில் இன்று அனைத்து மாநில முதல்வர்கள் மாநாடு மோடி துவங்கி வைக்கிறார்

  • டெல்லியில் இன்று அனைத்து மாநில முதல்வர்கள் மாநாடு நடக்கிறது இதற்காக எல்லா மாநில முதல்வர்களும் டெல்லி சென்று இருக்கிறார்கள்.
  • பிரதமர் மோடி தலைமை தாங்கி இந்த மாநாட்டை தொடங்கி வைக்கிறார். 2019-ம் ஆண்டு மகாத்மா காந்தியின் 150-வது பிறந்த நாள் நாடு முழுவதும் கொண்டாடப்பட இருக்கிறது. அந்த கொண்டாட்ட விழாவிற்கு முன் இந்தியா முழுக்க நிறைய நலத்திட்டங்களை உடனடியாக நடந்த மத்திய அரசு முடிவெடுத்து இருக்கிறது.
  • இந்த நலத்திட்டங்கள் குறித்து விவாதிக்க முதல்வர்கள் மாநாடு நடக்கிறது. இன்று நாள் முழுக்க இந்த மாநாடு நடக்கும். மாநில வளம், மின்சாரம், வறுமை, கல்வி, தூய்மை இந்தியா திட்டம் , விவசாய பிரச்சனை உள்ளிட்ட விஷயங்கள் குறித்து இந்த மாநாட்டில் விவாதிக்கப்பட உள்ளது.
வக்பு வாரிய தலைவரானார் அன்வர்ராஜா

  • தமிழ்நாடு வக்பு வாரிய தலைவராக, அ.தி.மு.க., - எம்.பி., அன்வர்ராஜா போட்டியின்றி தேர்வு செய்யப்பட்டார். பின், அன்வர்ராஜா, முதல்வர் பழனிசாமியை சந்தித்து வாழ்த்து பெற்றார்.
விமானத்தில் மொபைல் போன் பயன்படுத்த அனுமதி


  • விமான பயணத்தின் போது மொபைல் போனில் இணைய சேவையை பயன்படுத்தவும், பேசவும் பயன்படுத்தி கொள்ள மத்திய அரசு அனுமதி வழங்கியுள்ளது. இந்த திட்டத்திற்கு ஏற்கனவே டிராய் அனுமதி வழங்கியுள்ள நிலையில், மத்திய அரசு அமைத்த உயர்மட்ட குழுவும் இதற்கு அனுமதி வழங்கியுள்ளது. 
  • விமானம் கிளம்பி, 3, 000 மீட்டர் உயரத்தில் பயணம் செய்யும் போது ஸ்மார்ட் போன்களை பயன்படுத்தி கொள்ளலாம். தொலைதொடர்பு நிறுவனங்கள், விமான நிறுவனங்கள் மற்ற சில நிறுவனங்கள் இதற்கான ஏற்பாடுகளை செய்ய அவகாசம் தேவைப்படுவதால், இந்த திட்டம் அடுத்த 3 அல்லது 4 மாதங்களுக்கு பிறகு தான் அமல்படுத்தப்படும்.

TNPSC SHOUTERS - CURRENT AFFAIRS MAY 2018 TAMIL PDF - 31st MAY 2018

Tnpsc Shouters



கோவை புதிய தொழிற்பேட்டையில் ராணுவ தளவாட அபிவிருத்தி மையம்
  • கோவை கொடிசியா சார்பில் துவங்கப்பட உள்ள புதிய தொழிற்பேட்டைகள் அடுத்த இரண்டு மாதத்தில் துவங்கப்பட உள்ளன. இதில் ராணுவ தளவாட புதிய இன்ஜினியரிங் கருவிகள் அபிவிருத்தி மையம் அமைய உள்ளது. 
  • கோவை மாவட்ட சிறு தொழில்கள் சங்கம் (கொடிசியா) சார்பில் கோவை அருகே செட்டிபாளையம் அடுத்த கள்ளப்பாளையத்தில் 140 ஏக்கரில் 125 தொழிற்சாலைகளும், கருமத்தம்பட்டி அருகே மோப்பிரிபாளையத்தில் 260 ஏக்கரில் 175 தொழிற்சாலைகளும் அமையும் வகையில் புதிதாக 2 தொழிற்பேட்டை அமைக்கப்பட்டு வருகிறது. 
  • இவை இரண்டும் அரசின் இறுதி கட்ட அனுமதிக்காக காத்திருக்கிறது. இந்த இரண்டு தொழிற்பேட்டைகளில் ரூ.3,200 கோடி மூலதனத்தில் டெக்ஸ்டைல் மெஷினரி, பவுண்டரி, பம்ப், லேத், ஆட்டோமொபைல், கிரைண்டர் உள்ளிட்ட அனைத்து இன்ஜினியரிங் தொழிற்சாலைகளும் இடம்பெற உள்ளது.
  •  இந்நிலையில், இதில் கூடுதலாக கொடிசியா சார்பில் ராணுவ தளவாட கண்டுபிடிப்பு மையமும், புதிய இன்ஜினியரிங் பொருள் அபிவிருத்தி மையமும் அமைய உள்ளது. 
இந்தியாவிலேயே முதன்முறையாக கலெக்டராக கண்பார்வை இழந்த பெண்! கேரளாவில் பொறுப்பேற்பு
  • தனது 2 வயதில் பார்வையை இழந்த பிரஞ்ஜாலின் பட்டில் மனஉறுதி குலையாமல் கடுமையாக போராடி ஐ.ஏ.எஸ் தேர்வில் வென்ற கேரள மாநிலம் எர்ணாகுளத்தில் பயிற்சி கலெக்டராக பொறுப்பேற்றுள்ளார்.
  • நேரடி கலெக்டர் தேர்வில் இந்தியாவிலேயே கண்பார்வை இழந்த மாற்றுத்திறனாளி பெண் ஒருவர் கலெக்டராக பொறுப்பேற்பது இதுவே முதல்முறை என்று கூறப்படுகிறது.



ரஷ்ய தங்கம் இறக்குமதி
  • ரஷ்யாவில் இருந்து தங்கம் இறக்குமதி செய்து, மதிப்பு கூட்டப்பட்ட ஆபரணங்களாக ஏற்றுமதி செய்ய அனுமதிப்பது குறித்து, மத்திய அரசு பரிசீலித்து வருகிறது.
காப்பீட்டு தரகு சேவையில் 100 சதவீத எப்.டி.ஐ.,; அனுமதி அளிக்க மத்திய அரசு திட்டம்
  • காப்பீட்டு தரகு சேவையில், எப்.டி.ஐ., எனப்படும், அன்னிய நேரடி முதலீட்டு வரம்பை, ஒரு சில நிபந்தனைகளுடன், 100 சதவீதமாக உயர்த்துவது குறித்து, மத்திய அரசு பரிசீலித்து வருகிறது.காப்பீட்டு நிறுவனத்திற்கும், காப்பீடுதாரருக்கும் இடையே பாலமாக, காப்பீட்டு தரகு நிறுவனங்கள் செயல்படுகின்றன.
  • இந்நிறுவனங்கள், காப்பீட்டு திட்டங்களை விற்பனை செய்வதற்கு, தரகு கட்டணம் பெறுகின்றன. தற்போது, காப்பீட்டு தரகு துறையில், 49 சதவீதம் வரை, அன்னிய நேரடி முதலீட்டிற்கு அனுமதி வழங்கப்பட்டுள்ளது.இந்நிலையில், காப்பீட்டு தரகு துறையில், 100 சதவீத அன்னிய நேரடி முதலீட்டிற்கு அனுமதி அளிக்க வேண்டும் என, அத்துறை சார்ந்த நிறுவனங்கள் கோரிக்கை விடுத்துள்ளன.
இந்தியப் பொருளாதாரம் 7.7% வளர்ச்சி
  • தயாரிப்பு துறை, கட்டுமானம், சேவைகள் துறை, வேளாண் உற்பத்தி ஆகியவை சிறப்பான அளவில் இருந்ததையடுத்தது ஜனவரி முதல் மார்ச் வரையிலான நான்காவது காலாண்டில் நாட்டின் பொருளாதாரம் 7.7 சதவீதம் என்ற அளவில் வளர்ச்சியைக் கண்டுள்ளது. இதே கால அளவில் சீனாவில் காணப்பட்ட பொருளாதார வளர்ச்சியான 6.8 சதவீதத்துடன் ஒப்பிடுகையில் இது அதிகம் என்பது குறிப்பிடத்தக்கது.
  • ஏழு காலாண்டுகளுக்குப் பிறகு முதல் முறையாக நாட்டின் பொருளாதரம் உச்ச அளவை எட்டியிருந்தாலும், நான்கு ஆண்டுகளுக்குப் பிறகு கடந்த 2017-18-இல் தான் பொருளாதார வளர்ச்சி 6.7 சதவீதமாக மிகவும் குறைந்து போயுள்ளது. 
  • இது இதற்கு முந்தைய நிதி ஆண்டில் 7.1 சதவீதமாக இருந்தது. இதற்கு முன் 2013-14-இல் தான் பொருளாதார வளர்ச்சி மிகவும் குறைவாக 6.4 சதவீதம் என்ற அளவில் காணப்பட்டது என மத்திய அரசு தெரிவித்துள்ளது.

Wednesday, 30 May 2018

TNPSC SHOUTERS - CURRENT AFFAIRS MAY 2018 TAMIL PDF - 30th MAY 2018

Tnpsc Shouters



டெல்லியில் விமானப்படை தளபதிகள் மாநாடு நிர்மலா சீதாராமன் தொடங்கி வைப்பு
  • பாதுகாப்புத்துறை அமைச்சர் நிர்மலா சீதாராமன் டெல்லியில் உள்ள வையு சேனா பவனில் இரண்டு நாள் விமானப்படை தளபதிகள் மாநாட்டை தொடங்கி வைத்தார்.
மலேசியா சென்றுள்ள மோடி, அந்நாட்டு பிரதமர் மஹாதிருடன் சந்திப்பு
  • மலேசியா சென்றுள்ள பிரதமர் மோடி, அந்நாட்டு பிரதமர் மஹாதிரை சந்தித்தார். மீண்டும் மலேசிய பிரதமராகி உள்ள மஹாதிருக்கு மோடி வாழ்த்து கூறினார். இருநாடுகள் இடையேயான வர்த்தகம், தொழில் ஒத்துழைப்பு பற்றி போச்சுவார்த்தை நடத்தினர். 
அரசுப் பள்ளி ஆசிரியர்களுக்கு பயோ-மெட்ரிக் வருகைப் பதிவேடு
  • ஆசிரியர்கள் பள்ளிகளுக்கு வரும் நேரத்தை உறுதி செய்திட பள்ளிகளில் பயோ-மெட்ரிக் கருவி பொருத்தப்படும் என்று பள்ளிக் கல்வித் துறை அமைச்சர் கே.ஏ.செங்கோட்டையன் அறிவித்தார்.
  • அரசுப் பள்ளிகளில் பணிபுரியும் ஆசிரியர்களின் வருகைப் பதிவுக்கு பயோ-மெட்ரிக் கருவி நடைமுறைப்படுத்தப்படும். தமிழக மாணவர்களின் வாசித்தல் திறனை மேம்படுத்த அரசுப் பள்ளிகளில் நூலகங்கள் அமைக்கப்படும். 
  • மாணவர்கள் தங்களுடைய பாடத் திட்டத்தோடு திறன் சார்ந்த கல்வியைப் பெறும் வகையில் தொழிற்கல்வித் திட்டமானது 67 அரசு மேல்நிலைப் பள்ளிகளில் செயல்படுத்தப்படும். மாவட்ட ஆட்சியர் கல்வி மற்றும் பயிற்சி நிறுவனங்கள் சிறந்த முறையில் பயிற்சி வழங்கிட ஏதுவாக அவற்றின் உட்கட்டமைப்பு வசதிகள் மேம்படுத்தப்பட உள்ளன. முதல் கட்டமாக நிகழ் கல்வியாண்டில் 12 மாவட்ட ஆசிரியர் கல்வி மற்றும் பயிற்சி நிறுவனங்களில் கணினி உபகரணங்கள் மற்றும் இதர வசதிகள் ஏற்படுத்தித் தரப்படும். 



அழகப்பா பல்கலை. துணைவேந்தர் என்.ராஜேந்திரன்
  • காரைக்குடி அழகப்பா பல்கலைக்கழக துணைவேந்தராக பேராசிரியர் என்.ராஜேந்திரன் நியமிக்கப்பட்டுள்ளார். இதற்கான உத்தரவை பல்கலைக்கழக வேந்தரும், தமிழக ஆளுநருமான பன்வாரிலால் புரோஹித் புதன்கிழமை பிறப்பித்தார். இவர் மூன்று ஆண்டுகளுக்கு இந்தப் பதவியில் வகிப்பார்.
  • திருச்சி பாரதிதாசன் பல்கலைக்கழக பேராசிரியராகப் பணியாற்றிய இவர், 27 ஆண்டுகள் ஆசிரியர் மற்றும் நிர்வாகப் பணி அனுபவம் பெற்றவர். பாரதிதாசன் மேலாண்மை பள்ளியின் நிறுவனர் இயக்குநராகவும் இருந்தவர். 
  • இந்திய வரலாற்றியல் ஆராய்ச்சி கவுன்சிலில் 2008 முதல் 2015-ஆம் ஆண்டு வரை உறுப்பினராகவும் இருந்தார். இறுதியாக அழகப்பா பல்கலைக்கழக வரலாற்றுத் துறை வருகைப் பேராசிரியராகவும் பணியாற்றிக் கொண்டிருந்தவர் என்பது குறிப்பிடத்தக்கது. 
இந்தியா - இந்தோனேசியா இடையே 15 ஒப்பந்தங்கள் கையெழுத்து இரு நாட்டு உறவை மேம்படுத்த தலைவர்கள் திட்டம்
  • அரசு முறைப் பயணமாக இந்தோனேசியா சென்றுள்ள, பிரதமர் நரேந்திர மோடி, அந்நாட்டு அதிபர், ஜோகோ விடோடோவை சந்தித்து பேசினார். அதைத் தொடர்ந்து, இரு நாடுகளிடையே, ராணுவ ஒத்துழைப்பு உட்பட, 15 முக்கிய ஒப்பந்தங்கள் கையெழுத்தாகின. 
  • கடல் பாதுகாப்பில் அதிக கவனம் செலுத்து வதன் மூலம், பொருளாதாரத்தை மேம்படுத்த முடியும். நல்ல நண்பர்களாக விளங்கும் இரு நாடுகளும், அதன் உறவை பலப்படுத்துவன் மூலம், இரு நாட்டின் வளர்ச்சியும் அதிகரிக்கும். 
  • இந்தோனேசியாவில், சர்ச்சுகளில் சமீபத்தில் நடத்தப்பட்ட பயங்கரவாத தாக்குதல்கள் கண்டிக்கத்தக்கவை.இரு நாடுகளி டையிலான, கடல், வான் வழி போக்குவரத்து, தொழில், வர்த்தகம் உள்ளிட்ட வற்றை மேம்படுத்த உரிய நடவடிக்கைகள் மேற்கொள்ளப்படும். 
  • வர்த்தகத்தை அதிகரிக்க, இருநாடுகளும், தற்போது இருப்பதை விட இரு மடங்கு முயற்சி மேற்கொள்ளும்.இந்திய மக்களின் சார்பில், இந்தோனேசியாவில் வசிக்கும் முஸ்லிம்களுக்கு, ரம்ஜான் வாழ்த்து களை தெரிவித்துக் கொள்கிறேன்.
  • ராணுவத்திற்கு தேவையான ஆயுதங்கள் தயாரிப்பு, அதற்கான தொழில்நுட்பம் உள்ளிட்டவற்றை பகிர்ந்து கொள்ள முடிவு செய்யப்பட்டுள்ளது. இரு நாட்டு உளவுப் பிரிவு, நட்புடன் செயல்பட திட்ட மிட்டுள்ளோம். இரு நாடுகளுக்கும் தேவையான தகவல்களைபரிமாறிக் கொள்ளவும் முடிவு செய்து உள்ளோம்.இவ்வாறு அந்த அறிக்கையில் கூறப்பட்டு உள்ளது. 



முத்ரா திட்டத்தில் 12 கோடி பேர் பயன்
  • முத்ரா திட்டத்தில் 12 கோடி பேர் பயன் பெற்றுள்ளனர் என்று தெரிய வந்துள்ளது.முத்ரா திட்டத்தின் கீழ் தொழில் முனைவோருக்கு 6 லட்சம் கோடி ரூபாய் கடன் வழங்கப்பட்டுள்ளது. இதனால் 12 கோடி பேர் பயன்பெற்றுள்ளனர். இவர்களில் 28 சதவீதம் பேர் முதல் முறை தொழில்முனைவோர்.
  • இந்த திட்டத்தில் பயன்பெற்றவர்கள் 74 சதவீதம் பேர் பெண்கள் (9 கோடி பேர்). தொழில் துவங்கவும், தொழிலை விரிவுபடுத்தவும் விரும்பும் இளைஞர்கள் மற்றும் பெண்களுக்கு முத்ரா திட்டம் புதிய வாய்ப்புகளை திறந்துவிட்டுள்ளது. வேலைவாய்ப்புகளை பெருக்கும் வகையில் அமைந்துள்ளது. எஸ்சி எஸ்டி மற்றும் இதர பிற்படுத்தப்பட்ட பிரிவை சேர்ந்த 55 சதவீதம் பேர் முத்ரா திட்டத்தில் பயன்பெற்றுள்ளனர். 
முதல் முறையாக சர்வதேச போட்டியில் களம் காண உள்ளது இந்திய ரக்பி மகளிரணி
  • இந்திய ரக்பி மகளிரணி முதல் முறையாக சர்வதேச போட்டியில் களம் காண உள்ளது.
  • சர்வதேச ரக்பி சாம்பியன்ஷிப் போட்டியில் 'ஆசியா டிவிஷன் 1' புதிதாக சேர்க்கப்பட்டுள்ளது. இதில், இணைந்துள்ள இந்திய மகளிரணி முதல் முறையாக சர்வதேச போட்டியில் களம் காண உள்ளது.
  • ரக்பி விளையாட்டில் இந்திய மகளிரணி ஏற்கெனவே '7 வீராங்கனைகள்' முறையில் கலந்துகொண்டது. இந்த நிலையில், தற்போது ரக்பி விளையாட்டின் பாரம்பரியமான '15 வீராங்கனைகள்' முறையில் கலந்து கொள்கிறது.
  • இந்த மூன்று நாடுகள் பங்கேற்கும் போட்டிகள் வரும் ஜூன் 2 முதல் 8 வரையில் சிங்கப்பூரில் நடைபெறவுள்ளதாக இந்திய ரக்பி பயிற்சியாளர் நாசர் ஹுசைன் தெரிவித்தார். இந்த மூன்று நாடுகளையும் சேர்த்து ஆசியாவில் பாரம்பரிய ரக்பி போட்டியை விளையாடும் அணிகளின் எண்ணிக்கை 6-ஆக உயர்ந்துள்ளது.