
30th OCTOBER 2026 TAMIL TNPSC CURRENT AFFAIRS PDF TNPSC SHOUTERS
குஜராத்தில் ரூ.14,000 கோடி மதிப்பிலான வளர்ச்சி திட்டங்களை தொடங்கி வைத்தார் பிரதமர் மோடி
- குஜராத்தில் ரூ.14,000 கோடி மதிப்பிலான வளர்ச்சி திட்டங்களை பிரதமர் மோடி தொடங்கி வைத்தார்.
- பிரதமரின் விவசாயிகள் வருவாய் ஆதரவு திட்டத்தின் கீழ் ரூ.19,000 கோடியை விடுவித்தார். அகமதாபாத் மெட்ரோவின் 2ம் கட்டத்தின் ‘ஏ’ மற்றும் ‘பி’ பகுதிகளுக்கு அடிக்கல் நாட்டினார்.
- மத்திய அரசின் கணக்குகள் அனைத்தும் ஒருங்கிணைக்கப்பட்டு மாதந்தோறும் அது தொடர்பான ஆய்வறிக்கையை நிதி அமைச்சகம் வெளியிட்டு வருகிறது.
- இதன்படி, 2026 செப்டம்பர் மாதத்திற்கான ஆய்வறிக்கை வெளியிடப்பட்டுள்ளது. இந்தக் காலகட்டத்தில் மத்திய அரசு மொத்த வருவாய் ரூ.18,35,422 கோடியாக உள்ளது. இது நடப்பு நிதியாண்டிற்கான வரவு தொடர்பான மதிப்பீட்டில் 50.3 சதவீதமாகும்.
- இதில், மத்திய அரசுக்கு கிடைத்த நிகர வரி வருவாய் ரூ.12,76,088 கோடியாகவும், வரி அல்லாத பிற இனங்கள் மூலம் கிடைத்த வருவாய் ரூ.4,80,732 கோடியாகவும், கடன் அல்லாத மூலதன வரவாக ரூ.78,602 கோடியாகவும் உள்ளது.
- இதே காலகட்டத்தில் மத்திய அரசு மாநில அரசுகளுக்கு வரி பகிர்வாக ரூ.6,99,409 கோடியை விடிவித்துள்ளது. இது முந்தைய ஆண்டைக் காட்டிலும் ரூ.67,658 கோடி கூடுதலாகும்.
- மத்திய அரசின் மொத்த செலவினத் தொகை ரூ.25,49,835 கோடியாக உள்ளது. இது நடப்பு நிதியாண்டிற்கான வரவு மதிப்பீட்டில் 47.7 சதவிதமாகும். இதில் வருவாய் இன செலவினமாக ரூ.18,95,288 கோடியும், மூலதன செலவாக ரூ.6,54,547 கோடியும் செலவிடப்பட்டுள்ளன.
- மொத்த வருவாய் செலவினத்தில் கடனுக்கான வட்டியாக ரூ.6,46,010 கோடி செலவிடப்பட்டுள்ளதாக நிதி அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது.

