30th JUNE 2026 TAMIL TNPSC CURRENT AFFAIRS PDF TNPSC SHOUTERS
மயில்சாமி அண்ணாதுரை தலைமையில் புதிய பாடத் திட்ட வடிவமைப்புக் குழு - தமிழக அரசு உத்தரவு
- பள்ளி பாடத் திட்டத்தை மேம்படுத்தும் வகையில் புதிய பாடத் திட்ட வடிவமைப்புக் குழுவை அரசு அமைத்துள்ளது. இதன் தலைவராக இஸ்ரோ முன்னாள் விஞ்ஞானி மயில்சாமி அண்ணாதுரை செயல்படுவார்.
- விஞ்ஞானி த.வி.வெங்கடேஸ்வரன், சென்னை பல்கலைக்கழக இயற்பியல் துறை பேராசிரியை ரீட்டா ஜான், சென்னை மாநிலக் கல்லூரி முன்னாள் பேராசிரியர் சுதந்திரமுத்து உள்ளிட்ட 14 பேர் உறுப்பினராக இருப்பார்கள்.
- மாநிலக் கல்வி ஆராய்ச்சி, பயிற்சி நிறுவன இயக்குநர் இக்குழுவின் உறுப்பினர் - செயலராக செயல்படுவார். உறுப்பினர்களின் பதவிக் காலம் 3 ஆண்டுகள் ஆகும்.இவ்வாறு அதில் கூறப்பட்டு உள்ளது.
- தற்போது 1 முதல் 3-ம் வகுப்பு வரை புதிய பாடத் திட்டம் அமல்படுத்தப்பட்டுள்ளதால் புதிய குழு, 4-ம் வகுப்பு முதல் புதிய பாடத் திட்டத்தை தயாரித்து அரசிடம் சமர்ப்பிக்கும். குழுவின் பரிந்துரைகள் அடிப்படையில் 4-ம் வகுப்பு முதல் பிளஸ் 2 வரை படிப்படியாக புதிய பாடத்திட்டம் பின்பற்றப்படும்.
- வெளிநாட்டு நன்கொடைகள் முறைப்படுத்தல் சட்டத்திற்கான 2.0 தளம், இ-ஓசிஐ அட்டை ஆகியவற்றை மத்திய உள்துறை, கூட்டுறவுத்துறை அமைச்சர் திரு அமித் ஷா இன்று (30.06.2026) தொடங்கி வைத்தார்.
- வெளிநாட்டுப் பங்களிப்பு (ஒழுங்குமுறை) சட்டத்தின் கீழ் இணக்கத்தை எளிதாக்குவதற்கும், கண்காணிப்பு மற்றும் அமலாக்க வழிமுறையை வலுப்படுத்துவதற்கும் FCRA 2.0 இணையதளம் உருவாக்கப்பட்டுள்ளது.
- விண்ணப்பங்கள், புதுப்பித்தல்கள், ஆண்டு வருமான அறிக்கைகள் மற்றும் பிற சேவைகள் தொடர்பான அனைத்து முக்கிய செயல்முறைகளும் இப்போது முழுமையாக டிஜிட்டல் மயமாக்கப்பட்டுள்ளன (முழுமையான டிஜிட்டல் மயமாக்கல்). தற்போது, நாடு முழுவதும் சுமார் 14,500 FCRA அமைப்புகள் செயல்பட்டு வருகின்றன.
- மின்னணு வெளிநாட்டு இந்தியக் குடிமகன் (e-OCI) அட்டை என்பது, உலகெங்கிலும் உள்ள இந்தியப் புலம்பெயர்ந்தோருக்கான வெளிநாட்டு இந்தியக் குடிமகன் சேவைகளை முழுமையான டிஜிட்டல் அமைப்பு மூலம் மாற்றுவதை நோக்கமாகக் கொண்ட ஒரு முக்கிய குடிமக்கள் சார்ந்த முன்முயற்சியாகும்.
- இந்த அமைப்பின் கீழ், விண்ணப்பதாரர்கள் விண்ணப்பத்தைச் சமர்ப்பிப்பது, துணை ஆவணங்களைப் பதிவேற்றுவது முதல் ஒப்புதலுக்குப் பிறகு டிஜிட்டல் முறையில் உருவாக்கப்பட்ட அட்டையைப் பதிவிறக்குவது வரை முழு வெளிநாட்டு இந்தியக் குடிமகன் செயல்முறையையும் ஆன்லைனில் முடிக்க முடியும்.
