29th JUNE 2026 TAMIL TNPSC CURRENT AFFAIRS PDF TNPSC SHOUTERS
முதலமைச்சர் ஜோசப் விஜய் தலைமையில் ஐ.ஏ.எஸ், ஐ.பி.எஸ், ஐ.எப்.எஸ் அதிகாரிகள் மாநாடு
- தமிழக வெற்றிக்கழக அரசு பொறுப்பேற்ற பின், முதலமைச்சர் ஜோசப் விஜய் தலைமையில் ஐ.ஏ.எஸ், ஐ.பி.எஸ், ஐ.எப்.எஸ் அதிகாரிகளின் உயர்மட்ட 2 நாட்கள் மாநாடு சென்னை தலைமைச் செயலகத்தில் திங்கள் கிழமை காலை 10 மணிக்கு தொடங்கியது.
- இந்த மாநாட்டில் மக்கள் நலத்திட்டங்களின் செயல்பாடுகள் மற்றும் மாநிலத்தின் சட்டம் ஒழுங்கு நிலைமை உள்ளிட்ட பல்வேறு முக்கிய அம்சங்கள் குறித்து விரிவாக ஆலோசனை நடத்தப்பட்டு வருகிறது.
- 2 நாட்கள் நடைபெறும் இந்த மாநாட்டின் ஒரு பகுதியாக, இன்று மதியம் அனைத்து மாவட்ட ஆட்சியர்களையும் முதலமைச்சர் விஜய் தனித்தனியாக நேரில் சந்தித்துப் பேசவிருக்கிறார்.
- இந்த பிரத்யேக சந்திப்பின் போது, தமிழக அரசின் முக்கிய 28 துறைகளின் கீழ் பொதுமக்களுக்காகச் செயல்படுத்த வேண்டிய திட்டங்கள், அதன் தற்போதைய நிலவரங்கள் மற்றும் அவற்றை விரைந்து முடிப்பதற்கான வழிமுறைகள் குறித்து அவர் விரிவான ஆலோசனைகளை மேற்கொள்ள உள்ளார்.
இந்தியாவில் தொழில்துறை பொருட்களின் உற்பத்தி மே மாதத்தில் 5.1 சதவீத வளர்ச்சி
- தொழில்துறை உற்பத்தி குறித்த குறியீடுகளை மத்திய புள்ளியியல், திட்ட அமலாக்க அமைச்சகம் வெளியிட்டுள்ளது. மேலும் தொழில் மற்றும் உள்நாட்டு வர்த்தக ஊக்குவிப்புத் துறை, வர்த்தகம் மற்றும் தொழில்துறை ஆகியவற்றின் உற்பத்தி சார்ந்த குறியீடுகளும் வெளியிடப்பட்டுள்ளன.
- தொழில் உற்பத்தித் துறை சார்ந்த குறியீடுகளை கணக்கிடும் முறையை, மொத்த விற்பனைக் குறியீடு கணக்கிடும் முறையிலிருந்து உற்பத்தி செய்யப்படும் பொருட்களின் விலை அடிப்படையிலான குறியீட்டு முறைக்கு மாற்றுவது குறித்து மத்திய புள்ளியியல் அமைச்சகம் ஆய்வு செய்தது.
- இதனையடுத்து உற்பத்திப் பொருட்களின் விலைகள் அடிப்படையிலான குறியீட்டு முறையை நடைமுறைப்படுத்த அமைச்சகம் முடிவு செய்துள்ளது. இதன்படி, 463 பொருட்களில் 234 பொருட்களுக்கான குறியீடுகள் இந்த புதிய முறைப்படி கணக்கிடப்படுகிறது.
- மே 2025-ஆம் ஆண்டுடன் ஒப்பிடுகையில், மே 2026-ல் தொழில் உற்பத்தி குறியீட்டின் (IIP) வளர்ச்சி விகிதம் 5.1 சதவீதமாக உள்ளது.
- மே 2026-ல் சுரங்கம் மற்றும் கல் குவாரித் தொழில், உற்பத்தித் துறை, மின்சாரம் மற்றும் எரிவாயு விநியோகம், மற்றும் நீர் விநியோகம் - கழிவுநீர் அகற்றுதல் - கழிவு மேலாண்மை ஆகிய நான்கு துறைகளின் வளர்ச்சி விகிதங்கள் முறையே (-)1.6 சதவீதம், 5.5 சதவீதம், 9.9 சதவீதம் மற்றும் 5.5 சதவீதம் ஆகும்.
- IIP-ன் விரைவு மதிப்பீடு (Quick Estimate) 122.7-ஆக உள்ளது; இது மே 2025-ல் 116.7-ஆக இருந்தது. மே 2026-ல் சுரங்கம் மற்றும் கல் குவாரித் தொழில், உற்பத்தித் துறை, மின்சாரம் மற்றும் எரிவாயு விநியோகம், மற்றும் நீர் விநியோகம் - கழிவுநீர் அகற்றுதல் - கழிவு மேலாண்மை ஆகியவற்றிற்கான தொழில் உற்பத்தி குறியீடுகள் முறையே 112.9, 122.6, 129.6 மற்றும் 145.1-ஆக உள்ளன.
- உற்பத்தித் துறைக்குள், NIC-ன் 2-இலக்க வகைப்பாட்டின் கீழ் உள்ள 23 தொழில் குழுக்களில் 16 குழுக்கள், மே 2025-ஐ விட மே 2026-ல் நேர்மறையான வளர்ச்சியைக் பதிவு செய்துள்ளன.
- மே 2026-ல் நேர்மறையான பங்களிப்பை வழங்கிய முதல் மூன்று துறைகள்: "மோட்டார் வாகனங்கள், டிரெய்லர்கள் மற்றும் செமி-டிரெய்லர்கள் தயாரிப்பு" (14.5%), "மின் சாதனங்கள் தயாரிப்பு" (20.8%) மற்றும் "அடிப்படை உலோகங்கள் தயாரிப்பு" (4.6%) ஆகியவை ஆகும்.
- பயன்பாடு சார்ந்த வகைப்பாட்டின்படி, மே 2026 மாதத்திற்கான குறியீட்டு மதிப்புகள் பின்வருமாறு உள்ளன: முதன்மைப் பொருட்கள் (Primary Goods) 119.6, மூலதனப் பொருட்கள் (Capital Goods) 135.3, இடைநிலைச் சரக்குகள் (Intermediate Goods) 123.1 மற்றும் உள்கட்டமைப்பு/கட்டுமானப் பொருட்கள் 130.8. மேலும், நீண்ட காலம் உழைக்கக்கூடிய நுகர்வுப் பொருட்கள் (Consumer durables) மற்றும் நீண்ட காலம் உழைக்காத நுகர்வுப் பொருட்கள் (Consumer non-durables) ஆகியவற்றிற்கான குறியீடுகள் முறையே 120.4 மற்றும் 118.4 ஆக உள்ளன.
- மே 2025-உடன் ஒப்பிடுகையில் மே 2026-ல், பயன்பாடு சார்ந்த வகைப்பாட்டின் கீழ் IIP-யின் வளர்ச்சி விகிதங்கள் பின்வருமாறு: முதன்மைப் பொருட்கள் 2.6 சதவீதம், மூலதனப் பொருட்கள் 12.9 சதவீதம், இடைநிலைச் சரக்குகள் 5.8 சதவீதம், உள்கட்டமைப்பு/கட்டுமானப் பொருட்கள் 5.9 சதவீதம், நீண்ட காலம் உழைக்கக்கூடிய நுகர்வுப் பொருட்கள் 7.2 சதவீதம் மற்றும் நீண்ட காலம் உழைக்காத நுகர்வுப் பொருட்கள் 3.6 சதவீதம்.
