29th OCTOBER 2024 TAMIL TNPSC CURRENT AFFAIRS PDF TNPSC SHOUTERS
அகில இந்திய ஆயுர்வேத நிறுவனத்தில் சுமார் ரூ.12,850 கோடி மதிப்புள்ள சுகாதாரத் துறை தொடர்பான பல்வேறு திட்டங்களை பிரதமர் நரேந்திர மோடி தொடங்கி வைத்தார்
- தன்வந்தரி ஜெயந்தி மற்றும் 9-வது ஆயுர்வேத தினத்தை முன்னிட்டு புதுடெல்லியில் உள்ள அகில இந்திய ஆயுர்வேத நிறுவனத்தில் சுமார் ரூ.12,850 கோடி மதிப்புள்ள சுகாதாரத் துறை தொடர்பான பல்வேறு திட்டங்களை பிரதமர் நரேந்திர மோடி தொடங்கி வைத்தார்.
- நாட்டில் பொருளாதார ரீதியாக பின் தங்கி இருப்பவர்களின் சுகாதார நலனை கருத்தில் கொண்டு அவர்களுக்கு ரூ.5 லட்சம் வரை இலவச மருத்துவக் காப்பீடு வழங்கும் திட்டம் ஆயுஷ்மான் பாரத் திட்டத்தை செயல்படுத்தி வரும் மத்திய அரசு, வருமான உச்சவரம்பு இன்றி 70 வயது மற்றும் அதற்கு மேற்பட்ட மூத்த குடிமக்கள் அனைவருக்கும் சுகாதாரப் பாதுகாப்பை விரிவுபடுத்தும் நோக்கில் இத்திட்டத்தை தொடங்கி வைத்தார்.
- பிரான்ஸ் நாட்டின் பாரிஸில் நடைபெற்ற விருது வழங்கும் விழாவில் நடப்பு ஆண்டுக்கான Ballon d'Or விருதை விருதை ஸ்பெயின் நாட்டை சேர்ந்த மிட்-ஃபில்டர் ரோட்ரி வென்றார்.
- 28 வயதான அவர், மான்செஸ்டர் சிட்டி சார்பில் சிறப்புமிக்க இந்த விருதை பெறுகின்ற முதல் வீரர் என்ற சாதனையை படைத்துள்ளார். கடந்த 16 ஆண்டுகளில் மெஸ்ஸி மற்றும் ரொனால்டோ நீங்கலாக இந்த விருதை வென்ற மூன்றாவது வீரர் ஆகியுள்ளார் ரோட்ரி. கடந்த 2018-ல் லூகா மோட்ரிச் இந்த விருதை வென்றிருந்தார். அதன் பின்னர் இந்த விருதை வெல்லும் மிட்-ஃபில்டராக ரோட்ரி அறியப்படுகிறார்.
- மகளிர் பிரிவில் 'Ballon d'Or 2024' விருதை ஸ்பெயினின் அடனா பொன்மதி வென்றார். சிறந்த இளம் வீரருக்கான விருதை ஸ்பெயினின் யமால் வென்றார்.
- அமெரிக்காவின் வாஷிங்டனில் நடைபெற்ற சர்வதேச நாணய நிதியம் (ஐஎம்எஃப்) மற்றும் உலக வங்கியின் வருடாந்திர கூட்டத்தில் 31-வது ஆண்டுக்கான சிறந்த வங்கிக்கான விருது வழங்கும் விழாவில் இந்த விருது எஸ்பிஐ வங்கிக்கு வழங்கப்பட்டுள்ளது.
- இந்த விருதை எஸ்பிஐ தலைவர் சிஎஸ் செட்டி பெற்றுக் கொண்டார். பல ஆண்டுகளாக குளோபல் ஃபைனான்ஸ் வழங்கும் சிறந்த வங்கிக்கான விருதுகள் உலக நிதி நிறுவனங்களை மதிப்பிடுவதற்கான நம்பகமான தரத்தை கொண்டுள்ளது குறிப்பிடத்தக்கது.
