திருவண்ணாமலையில் TNPSC குரூப் 4 தேர்வுக்கான இலவசப் பயிற்சி / TNPSC FREE COACHING CLASS FOR GROUP 4

திருவண்ணாமலை மாவட்ட வேலைவாய்ப்பு அலுவலகத்தில் ஜனவரி 3-ஆம் தேதி முதல் குரூப்-4 தேர்வுக்கான இலவசப் பயிற்சி வகுப்பு தொடங்குகிறது. தமிழ்நாடு அரசுப் பணியாளா் தேர்வாணையம் சாா்பில் குரூப்-4 போட்டித் தேர்வு 2024 ஜூன் மாதம் நடைபெறும் என்று அறிவிக்கப்பட்டுள்ளது.

தேர்வுக்கு விண்ணப்பிக்க விரும்புவோா் பத்தாம் வகுப்பு தேர்ச்சி பெற்றவராக இருக்க வேண்டும். குரூப்-4 தொகுதியில் அடங்கிய கிராம நிா்வாக அலுவலா் பணிக்கு விண்ணப்பிக்க விரும்புவோரின் வயது வரம்பு 21 முதல் 42 வரை இருக்கலாம்.

ஆதரவற்ற விதவைகளுக்கான வயது வரம்பு 32. மற்ற பிரிவினருக்கும், இளநிலை உதவியாளா், தட்டச்சா், சுருக்கெழுத்து தட்டச்சா் பதவிகளுக்கான வயது வரம்பு 18 முதல் 37 வரை இருக்கலாம். இந்தத் தேர்வு குறித்த முழு விவரங்களை இணையதளம் மூலம் கொள்ளலாம்.

தேர்வுக்கு விண்ணப்பிக்கும் விண்ணப்பதாரா்கள் நலன் கருதி மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மற்றும் தன்னாா்வப் பயிலும் வட்டம் சாா்பில் 2024 ஜனவரி 3-ஆம் தேதி முதல் இலவசப் பயிற்சி வகுப்புகள் நடத்த உத்தேசிக்கப்பட்டுள்ளது.

தேர்வுக்குத் தயாராகி வரும் விண்ணப்பதாரா்கள் தங்களது புகைப்படம், ஆதாா் அட்டை நகல் ஆகிய விவரங்களுடன் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை நேரில் தொடா்பு கொண்டு இலவசப் பயிற்சி வகுப்பில் சேரலாம்.

மேலும் விவரங்களுக்கு 04175-233381 என்ற எண்ணில் தொடா்பு கொண்டு தங்கள் பெயரைப் பதிவு செய்து கொள்ளலாம் என்று மாவட்ட ஆட்சியா் பா.முருகேஷ் தெரிவித்துள்ளாா்.